Ranganatha Mahima Suladi – Vijayadasaru

ರಾಗ: ಕಾಂಬೋಧಿ
ಧ್ರುವತಾಳ
ಇಂದ್ರಾದಿಗಳು ತಮ್ಮ ಸಂದಣಿಯಾ ಸಮೇತ |
ಒಂದಾರು ಪ್ರಾಕಾರ ಒಂದಾರು ಬೀದಿಯೊಳು |
ನಿಂದು ನಿರ್ಮಳರಾಗಿ ಒಂದೊಂದು ಪರಿ ರಂಗ |
ಮಂದಿರದಲ್ಲಿದ್ದ ಇಂದಿರೇಶನ ಪಾದ |
ದ್ವಂದ್ವವ ಎಣಿಸಿ ಒಂದೊಂದು ಗುಣಗಳ |
ನಂದವ ನೆನೆವುತ್ತ ಮುಂದುಗಾಣದ ಸುಖ – |
ಸಿಂಧುವಿನೊಳಿಪ್ಪರು ಕಂಧರವನ್ನು ತೂಗಿ |
ಗಂಧರ್ವ ತುಂಬುರ ನಾರಂದನು ಮಹತಿ – |
ಯಿಂದ ನುಡಿಸಿ ತಾರಾ ಮಂದರದಿಂದಲಿ |
ಕಂದೆರದೂ ಮುಚ್ಚಿ ಕಂದನ ನುಡಿಯಂತೆ |
ಒಂದೊಂದು ಕೀರ್ತಿಸಿ ವಂದನೆ ಮಾಡಲು |
ಬಂದ ಶರೀರ ಸಾಲದೆಂದೆಂಬೊ ಗಾದೆಯಾಗೆ |
ಮಂದರಧರ ಗೋವಿಂದ ವಿಜಯವಿಠ್ಠಲ |
ಸುಂದರವಿಗ್ರಹ ಒಂದೆ ದೈವವೆ ರಂಗ || ೧ ||

ಮಟ್ಟತಾಳ

ರಂಗ ರಂಗ ರಂಗಾಧಾಮಾ
ರಂಗ ಕಸ್ತೂರಿರಂಗ ಕಾವೇರಿ – |
ರಂಗ ವೈಭೋಗರಂಗ ಜಗದಂತ –
ರಂಗ ರಂಗ ರಂಗನಾಥ |
ರಂಗ ಶಾರಂಗ ದುರಿತಸಂಘ ದೂರ
ರಂಗ ದನುಜಭಂಗ , ಶೌರಿ
ರಂಗರಾಮ ವಿಜಯವಿಠ್ಠಲ |
ರಂಗೇಶ ರಂಗ ಮಂದಿರವಾಸ || ೨ ||

ತ್ರಿವಿಡಿತಾಳ

ಸಪುತ ಪ್ರಾಕಾರವೆ ಸಪುತಾವಾರಿಧಿ ಎನ್ನಿ |
ಸಪುತ ಬೀದಿಗಳು ಸಪ್ತದ್ವೀಪ ಎನ್ನಿ |
ತಪುತ ಕಾಂಚನಮಯ ಸುಮೇರು ಪರ್ವತ |
ಗುಪುತ ಮಹಿಮಾನಿಪ್ಪ ಸ್ಥಾನವೆನ್ನೀ |
ಸಪುತಾಶ್ವ ಚಂದ್ರಮಾ ಬಿಡದೆ ತಿರುಗುವರೆನ್ನಿ |
ಸಪುತಾ‌ಋಷಿಗಳಲ್ಲಿ ವಾಸಾವೆನ್ನಿ |
ಸಪುತೆರಡು ಲೋಕದಲಿ ಇದು ವೆಗ್ಗಳವೆನ್ನಿ |
ಶಪುತ ಮಾಡುವರೊಡಿಯಾ ವಿಜಯವಿಠ್ಠಲ ರೇಯಾ |
ಕುಪಿತರ ಸಂಹಾರಾ ಭಕುತರ ಉದ್ಧಾರಾ || ೩ ||

ಅಟ್ಟತಾಳ

ಆವನಾದರು ಬಂದು ಭಾವ ಶುದ್ಧದಲ್ಲಿ |
ರಾವಣಾಂತಕನಿದ್ದ ವೈಕುಂಠದ |
ಸೇವೆಯ ಮಾಡಲು ಸಾವಿರ ಬಗೆಯಿಂದ |
ಶ್ರೀ ವಾಸುದೇವನು ತಾವೊದಗಿ ಬಂದು |
ಕೋವಿದರನ ಮಾಡಿ ಪಾವನರೊಳಿಡುವ |
ಕಾವೇರಿನಿವಾಸಾ ವಿಜಯವಿಠ್ಠಲ ರಂಗ |
ದೇವನ ಕ್ಷೇತ್ರವ ಆವ ಬಣ್ಣಿಪನು || ೪ ||

ಆದಿತಾಳ

ಬಯಸಾದಿರು ಮೇಲು ಲೋಕ ಬಯಸಾದಿರು ನಾಗಲೋಕ |
ಬಯಸದಿರು ಸ್ವರ್ಗ ಸಕಲ ದಿಕ್ಪಾಲಕರ ಸುಖಗಳ |
ಬಯಸು ಮನುಜಾ ರಂಗಕ್ಷೇತ್ರದಲ್ಲಿ ಒಂದು ದಿವಸಾವಿದ್ದು |
ದಯಪಯೋನಿಧಿಯ ಪಾದ ಭಯಭಕುತಿಯಿಂದ ನೋಡೆ |
ಬಯಲಾಗುವುದು ಪಾಪಾತ್ರಯಕಾಲದಲ್ಲಿ ಒಲಿದು |
ಜಯಾ ಮೂರ್ತಿರಂಗಾ ವಿಜಯವಿಠ್ಠಲ ಸಿರಿ ರಮಣಾ |
ಈಯಬಲ್ಲ ಈ ಪರಿಗಾಯನ ಮಾಡಲು ವೇಗ || ೫ ||

ಜತೆ

ವಿಧು ಪುಷ್ಕರಣಿಯಾ ನಿವಾಸ ಶೇಷಶಾಯಿ |
ಮಧುವೈರಿ ವಿಜಯವಿಠ್ಠಲ ರಂಗಧಾಮಾ ||

---

rAga: kAMbOdhi
dhruvatALa
iMdrAdigaLu tamma saMdaNiyA samEta |
oMdAru prAkAra oMdAru bIdiyoLu |
niMdu nirmaLarAgi oMdoMdu pari raMga |
maMdiradallidda iMdirESana pAda |
dvaMdvava eNisi oMdoMdu guNagaLa |
naMdava nenevutta muMdugANada suKa – |
siMdhuvinoLipparu kaMdharavannu tUgi |
gaMdharva tuMbura nAraMdanu mahati – |
yiMda nuDisi tArA maMdaradiMdali |
kaMderadU mucci kaMdana nuDiyaMte |
oMdoMdu kIrtisi vaMdane mADalu |
baMda SarIra sAladeMdeMbo gAdeyAge |
maMdaradhara gOviMda vijayaviThThala |
suMdaravigraha oMde daivave raMga || 1 ||

maTTatALa

raMga raMga raMgAdhAmA
raMga kastUriraMga kAvEri – |
raMga vaiBOgaraMga jagadaMta –
raMga raMga raMganAtha |
raMga SAraMga duritasaMGa dUra
raMga danujaBaMga , Sauri
raMgarAma vijayaviThThala |
raMgESa raMga maMdiravAsa || 2 ||

triviDitALa

saputa prAkArave saputAvAridhi enni |
saputa bIdigaLu saptadvIpa enni |
taputa kAMcanamaya sumEru parvata |
guputa mahimAnippa sthAnavennI |
saputASva caMdramA biDade tiruguvarenni |
saputA^^RuShigaLalli vAsAvenni |
saputeraDu lOkadali idu veggaLavenni |
Saputa mADuvaroDiyA vijayaviThThala rEyA |
kupitara saMhArA Bakutara uddhArA || 3 ||

aTTatALa

AvanAdaru baMdu BAva Suddhadalli |
rAvaNAMtakanidda vaikuMThada |
sEveya mADalu sAvira bageyiMda |
SrI vAsudEvanu tAvodagi baMdu |
kOvidarana mADi pAvanaroLiDuva |
kAvErinivAsA vijayaviThThala raMga |
dEvana kShEtrava Ava baNNipanu || 4 ||

AditALa

bayasAdiru mElu lOka bayasAdiru nAgalOka |
bayasadiru svarga sakala dikpAlakara suKagaLa |
bayasu manujA raMgakShEtradalli oMdu divasAviddu |
dayapayOnidhiya pAda BayaBakutiyiMda nODe |
bayalAguvudu pApAtrayakAladalli olidu |
jayA mUrtiraMgA vijayaviThThala siri ramaNA |
Iyaballa I parigAyana mADalu vEga || 5 ||

jate

vidhu puShkaraNiyA nivAsa SEShaSAyi |
madhuvairi vijayaviThThala raMgadhAmA ||