Haridasarodanadu Suladi – Vijayadasaru

ಶ್ರೀ ವಿಜಯದಾಸರ ಕೃತಿ ಸುಳಾದಿ
ರಾಗ : ಚಂದ್ರಕೌನ್ಸ್
ಧ್ರುವತಾಳ
ಹರಿದಾಸರೊಡನಾಡು ಹರಿಯಂಘ್ರಿಯುಗ್ಮ ನೋಡು
ಹರಿಯೆಂದು ಕೊಂಡಾಡು ಹರಿನಾಮ ಹಾಡಿ ಪಾಡು
ಹರಿ ಪ್ರಸಾದವೆ ಬೇಡು ಹರಿಸೇವಿಯನ್ನು ಮಾಡು
ಹರಿಗೆ ಕರವನೀಡು ಹರಿಯ ಬಿಡದೆ ಕಾಡು
ಹರಿಯ ಪೊಗಳಿ ಪಾಡು ಹರಿಗೆ ಮನಸು ಕೊಡು
ಹರಿಗೊಪ್ಪಿಸು ಈ ಬೀಡು ಹರಿದ್ವೇಷಿಗಳ ಬಿಡು
ಹರಿ ಧ್ಯಾನದಲ್ಲಿ ಕೂಡು ಹರಿಕರುಣದ ಜೋಡು
ಹರಿಯದಂತೆ ತೊಡು ಹರಿ ನಗರಿಗೆ ಓಡು
ಹರಿಯಲ್ಲಿ ರತಿ ಇಡು ಹರಿಗೆ ಇಲ್ಲವೋ ಈಡು
ಹರಿ ವಿಜಯವಿಠ್ಠಲನ್ನ ಹರಿ ಎಂದರೆ ಈ ನಾಡು
ಹರುಷಬಡುವುದು ನೋಡು ಹರಿದು ಪೋಗದೆ ಕೇಡು ||೧||

ಮಟ್ಟತಾಳ
ಹರಿಯ ಭಕುತಿ ಹರಿ ಬಲ್ಲವನೆಲ್ಲಿ
ಹರಿ ತಾ ಹತ್ತರೊಳಗೆ ಹರಿ ಹರಿದಾಡುವ
ಹರಿವಂತನು ಕಾಣೊ ಹರಿದಿಕ್ಕುವ ಭವದ
ಹರಿಯೊಳಗಿಂದಲಿ ಹರಿದೆದ್ದು ಬಪ್ಪ
ಹರಿಗಂಡವನೆನ್ನು
ಹರಿವದನ ನಮ್ಮ ವಿಜಯವಿಠ್ಠಲ ನರ –
ಹರಿನಾಮವೆ ಪರಿಹರಿಸುವದು ನರಕಾ || ೨ ||

ತ್ರಿವಿಡಿತಾಳ
ಹರಿಯ ನಂಬಿರೊ ಜನರು ವೈರಾಗ್ಯ ಪರರಾಗಿ
ಹರಿದು ಪೋಗದೆ ನಿತ್ಯ ಪರರ ಒಡವಿಗೆ
ಹರಿ ಹನುಮಂತ ಒಂದೇ ಎಂದು ತಿಳಿದೂ
ಹರಿ ಇದ್ದಲ್ಲಿ ಪವಮಾನ ಇಪ್ಪನೆಂದೂ
ಹರಿಯ ಭಜಿಸಿ ಪವಮಾನನ್ನೆ ತೊರೆದರೆ
ಹರಿಪುರವಾಗದು ಶತಕಲ್ಪಕ್ಕೂ
ಹರಿಶರಣರ ಬಳಿ ವಿಡಿದು ಭಕುತಿಯಲ್ಲಿ
ಹರಿಶ್ರವಣವ ಕೇಳು ಶ್ರವಣದಲ್ಲಿ
ಹರಿ ವಂದಿತ ನಮ್ಮ ವಿಜಯವಿಠ್ಠಲರೇಯ
ಹರಿ ಎಂದು ನುಡಿದರೆ ಹರಿದು ಬಪ್ಪನು ಕಾಣೊ || ೩ ||

ಅಟ್ಟತಾಳ
ಹರಿಯ ಭಕುತಿ ಕಂಡವರಿಗೆ ದೊರಕುವದೆ
ಹರಿದೇರಿ ಪರ್ವತಾಗ್ರದಿಂದ ಭೂಮಿಗೆ
ಹರಿಯ ಬಿದ್ದರೆ ಇಲ್ಲ ಸುತ್ತುವ ಸುಳಿಯೊಳು
ಹರಿದು ಮುಣುಗಿ ಎದ್ದು ಬಂದರೆ ಇಲ್ಲ
ಹರಿಯರೊಳಗೆ ನಿತ್ಯ ಹಗಲಿರುಳು ತಲೆ
ಹರಿ ಮಾಡಿಕೊಂಡು ನಭಕೆ ಪಾರಿದರಿಲ್ಲಾ
ಹರಿ ಭಕುತಿ ಕಂಡವರಿಗೆ ಸೂರೆ
ಹರಿ ಭಕುತಿ ಸಂಪಾದನೆ ಗಂಟೆ
ಹರಿಣಾಂಕ ಕುಲಪಾಲ ವಿಜಯವಿಠ್ಠಲ ನಂಘ್ರಿ
ಹರಿಯಬಲ್ಲವನಿಗೆ ಸುಲಭ ಸಾಧ್ಯವೆನ್ನಿ || ೪ ||

ಆದಿತಾಳ
ಹರಿಯೆ ಪರಮಪುರುಷ ಹರಿ ಪರಾತ್ಪರ ದೇವ
ಹರಿ ಚತುರನಾಶರಹಿತ ಹರಿ ಆಚಿಂತ್ಯಾದ್ಭುತ
ಹರಿ ಅಪ್ರಾಕೃತ ಕಾಯಾ ಹರಿ ಪ್ರಳಯ ವಿರಹಿತ
ಹರಿ ಮುಕ್ತಾಶ್ರಯ ಹರಿ ಸರ್ವಾಂತರ್ಯಾಮಿ
ಹರಿ ಜೀವ ಜಡಕೆ ಭೇದ ಹರಿ ಅಣುಮಹಾರೂಪ
ಹರಿ ಕರ್ತ ಜಗತ್ಕಾರಣ ಹರಿ ರಮಾದೇವಿ ಪ್ರೀಯ
ಹರಿ ವೈಕುಂಠರಮಣ ವಿಜಯವಿಠ್ಠಲ ರೇಯ
ಹರಿ ತೋರುವನು ಭಕುತಿ ಕೈಕೊಂಡ ಮನುಜರಿಗೆ ||೫||

ಜತೆ
ಭಕುತಿಗೆ ಕೇಡಿಲ್ಲಾ ಅನಂತ ಕಲ್ಪಕ್ಕೆ
ಭಕುತಿಯ ಪಡೆಯಿರೋ ವಿಜಯವಿಠ್ಠಲ ನಲ್ಲಿ || ೬ ||

---

SrI vijayadAsara kRuti suLAdi
rAga : caMdrakauns
dhruvatALa
haridAsaroDanADu hariyaMGriyugma nODu
hariyeMdu koMDADu harinAma hADi pADu
hari prasAdave bEDu harisEviyannu mADu
harige karavanIDu hariya biDade kADu
hariya pogaLi pADu harige manasu koDu
harigoppisu I bIDu haridvEShigaLa biDu
hari dhyAnadalli kUDu harikaruNada jODu
hariyadaMte toDu hari nagarige ODu
hariyalli rati iDu harige illavO IDu
hari vijayaviThThalanna hari eMdare I nADu
haruShabaDuvudu nODu haridu pOgade kEDu ||1||

maTTatALa
hariya Bakuti hari ballavanelli
hari tA hattaroLage hari haridADuva
harivaMtanu kANo haridikkuva Bavada
hariyoLagiMdali harideddu bappa
harigaMDavanennu
harivadana namma vijayaviThThala nara –
harinAmave pariharisuvadu narakA || 2 ||

triviDitALa
hariya naMbiro janaru vairAgya pararAgi
haridu pOgade nitya parara oDavige
hari hanumaMta oMdE eMdu tiLidU
hari iddalli pavamAna ippaneMdU
hariya Bajisi pavamAnanne toredare
haripuravAgadu SatakalpakkU
hariSaraNara baLi viDidu Bakutiyalli
hariSravaNava kELu SravaNadalli
hari vaMdita namma vijayaviThThalarEya
hari eMdu nuDidare haridu bappanu kANo || 3 ||

aTTatALa
hariya Bakuti kaMDavarige dorakuvade
haridEri parvatAgradiMda BUmige
hariya biddare illa suttuva suLiyoLu
haridu muNugi eddu baMdare illa
hariyaroLage nitya hagaliruLu tale
hari mADikoMDu naBake pAridarillA
hari Bakuti kaMDavarige sUre
hari Bakuti saMpAdane gaMTe
hariNAMka kulapAla vijayaviThThala naMGri
hariyaballavanige sulaBa sAdhyavenni || 4 ||

AditALa
hariye paramapuruSha hari parAtpara dEva
hari caturanASarahita hari AciMtyAdButa
hari aprAkRuta kAyA hari praLaya virahita
hari muktASraya hari sarvAMtaryAmi
hari jIva jaDake BEda hari aNumahArUpa
hari karta jagatkAraNa hari ramAdEvi prIya
hari vaikuMTharamaNa vijayaviThThala rEya
hari tOruvanu Bakuti kaikoMDa manujarige ||5||

jate
Bakutige kEDillA anaMta kalpakke
Bakutiya paDeyirO vijayaviThThala nalli || 6 ||