Dwadasha Stotram – Kuru bhunkshva

Composer : Shri Madhwacharya

Lyrics acc to Shri Bannanje Govindacharya’s paata

ಕುರು ಭುಙ್ಕ್ಷ್ವ ಚ ಕರ್ಮ ನಿಜಂ ನಿಯತಂ
ಹರಿಪಾದವಿನಮ್ರಧಿಯಾ ಸತತಂ |
ಹರಿರೇವ ಪರೋ ಹರಿರೇವ ಗುರು
ಹರಿರೇವ ಜಗತ್ಪಿತೃಮಾತೃಗತಿಃ || ೧||

ನ ತತೋಽಸ್ತ್ಯಪರಂ ಜಗದೀಡ್ಯತಮಂ
ಪರಮಾತ್ ಪರತಃ ಪುರುಷೋತ್ತಮತಃ |
ತದಲಂ ಬಹುಲೋಕವಿಚಿನ್ತನಯಾ
ಪ್ರವಣಂ ಕುರು ಮಾನಸಮೀಶಪದೇ || ೨||

ಯತತೋಽಪಿ ಹರೇಃ ಪದಸಂಸ್ಮರಣೇ
ಸಕಲಂ ಹ್ಯಘಮಾಶು ಲಯಂ ವ್ರಜತಿ |
ಸ್ಮರತಸ್ತು ವಿಮುಕ್ತಿಪದಂ ಪರಮಂ
ಸ್ಫುಟಮೇಷ್ಯತಿ ತತ್ ಕಿಮಪಾಕ್ರಿಯತೇ || ೩||

ಶೃಣುತಾಮಲಸತ್ಯವಚಃ ಪರಮಂ
ಶಪಥೇರಿತ-ಮುಚ್ಛ್ರಿತಬಾಹುಯುಗಂ |
ನ ಹರೇಃ ಪರಮೋ ನ ಹರೇಃ ಸದೃಶಃ
ಪರಮಃ ಸ ತು ಸರ್ವ ಚಿದಾತ್ಮಗಣಾತ್ || ೪||

ಯದಿ ನಾಮ ಪರೋ ನ ಭವೇತ ಹರಿಃ
ಕಥಮಸ್ಯ ವಶೇ ಜಗದೇತದಭೂತ್ |
ಯದಿ ನಾಮ ನ ತಸ್ಯ ವಶೇ ಸಕಲಂ
ಕಥಮೇವ ತು ನಿತ್ಯಸುಖಂ ನ ಭವೇತ್ || ೫||

ನ ಚ ಕರ್ಮ್ಮವಿಮಾಮಲ ಕಾಲಗುಣ
ಪ್ರಭೃತೀಶಮಚಿತ್ತನು ತದ್ಧಿ ಯತಃ |
ಚಿದಚಿತ್ತನು ಸರ್ವಮಸೌ ತು ಹರಿರ್
ಯಮಯೇದಿತಿ ವೈದಿಕಮಸ್ತಿ ವಚಃ || ೬||

ವ್ಯವಹಾರಭಿದಾಽಪಿ ಗುರೋರ್ಜಗತಾಂ
ನ ತು ಚಿತ್ತಗತಾ ಸ ಹಿ ಚೋದ್ಯಪರಮ್ |
ಬಹವಃ ಪುರುಷಾಃ ಪುರುಷಪ್ರವರೋ
ಹರಿರಿತ್ಯವದತ್ ಸ್ವಯಮೇವ ಹರಿಃ || ೭||

ಚತುರಾನನ ಪೂರ್ವವಿಮುಕ್ತಗಣಾ
ಹರಿಮೇತ್ಯ ತು ಪೂರ್ವವದೇವ ಸದಾ |
ನಿಯತೋಚ್ಚವಿನೀಚತಯೈವ ನಿಜಾಂ
ಸ್ಥಿತಿಮಾಪುರಿತಿ ಸ್ಮ ಪರಂ ವಚನಮ್ || ೮||

ಸ್ಮರಣೇ ಹಿ ಪರೇಶಿತುರಸ್ಯ ವಿಭೋ-
ರ್ಮ್ಮಲಿನಾನಿ ಮನಾಂಸಿ ಕುತ: ಕರಣಮ್ |
ವಿಮಲಂ ಹಿ ಪದಂ ಪರಮಂ ಸ್ವರತಂ
ತರುಣಾರ್ಕ್ಕಸವರ್ಣ್ಣಮಜಸ್ಯ ಹರೇ: ||೯||

ವಿಮಲೈ: ಶೃತಿಶಾಣನಿಶಾತತಮೈ:
ಸುಮನೋಸಿಭಿರಾಶು ನಿಹತ್ಯ ದೃಢಮ್ |
ಬಲಿನಮ್ ನಿಜವೈರಿಣಮಾತ್ಮತಮೋ-
ಭಿದಮೀಶಮನಂತಮುಪೇತ ಹರಿಮ್ ||೧೦||

ಸ ಹಿ ವಿಶ್ವಸೃಜೋ ವಿಭುಶಮ್ಭುಪುರ-
ನ್ದರಪೂರ್ವಮುಖಾನಪರಾನಪರಾನ್ |
ಸೃಜತೀಡ್ಯತಮೋಽವತಿ ಹಂತಿ ನಿಜಂ
ಪದಮಾಪಯತಿ ಪ್ರಣತಾನ್ ಸ್ವಧಿಯಾ ||೧೧||

ಪರಮೋಽಪಿ ರಮೇಶಿತುರಸ್ಯ ಸಮೋ
ನಹಿ ಕಸ್ಚಿದಭೂನ್ನ್ ಭವಿಶ್ಯತಿ ಚ |
ಕ್ವಚಿದದ್ಯತನೋಽಪಿ ನ ಪೂರ್ಣ್ಣಸದಾ-
ಽಗಣಿತೇಡ್ಯಗುಣಾನುಭವೈಕತನೋ: ||೧೨||

ನಿಜಪೂರ್ಣ್ಣಸುಖಾಮಿತಬೋಧತನು:
ಪರಶಕ್ತಿರನಂತಗುಣ: ಪರಮ: |
ಅಜರಾಮರಣ: ಸಕಲಾರ್ತಿಹರ:
ಕಮಲಾಪತಿರೀಡ್ಯತಮೋಽವತು ನ: ||೧೩||

ಯದಸುಪ್ತಿಗತೋ ವರಿನ: ಸುಖವಾನ್
ಸುಖರೂಪಿಣಮಾಹುರತೋ ನಿಗಮಾ: |
ಸ್ವಮತಿಪ್ರಭವಂ ಜಗದಸ್ಯ ಯತ:
ಪರಬೋಧತನುಂ ಚ ತತ: ಖಪತಿಮ್ ||೧೪||

ಬಹುಚಿತ್ರಜಗದ್-ಬಹುಧಾಕರಣಾತ್
ಪರಶಕ್ತಿರನಂತಗುಣ: ಪರಮ: |
ಸುಖರೂಪಮಮುಷ್ಯ ಪದಂ ಪರಮಂ
ಸ್ಮರತಸ್ತು ಭವಿಷ್ಯತಿ ತತ್ ಸತತಮ್ ||೧೫||

---

kuru Bu~gkShva ca karma nijaM niyataM
haripAdavinamradhiyA satataM |
harirEva parO harirEva guru
harirEva jagatpitRumAtRugatiH || 1||

na tatO&styaparaM jagadIDyatamaM
paramAt parataH puruShOttamataH |
tadalaM bahulOkavicintanayA
pravaNaM kuru mAnasamISapadE || 2||

yatatO&pi harEH padasaMsmaraNE
sakalaM hyaGamASu layaM vrajati |
smaratastu vimuktipadaM paramaM
sPuTamEShyati tat kimapAkriyatE || 3||

SRuNutAmalasatyavacaH paramaM
SapathErita-mucCritabAhuyugaM |
na harEH paramO na harEH sadRuSaH
paramaH sa tu sarva cidAtmagaNAt || 4||

yadi nAma parO na BavEta hariH
kathamasya vaSE jagadEtadaBUt |
yadi nAma na tasya vaSE sakalaM
kathamEva tu nityasuKaM na BavEt || 5||

na ca karmmavimAmala kAlaguNa
praBRutISamacittanu taddhi yataH |
cidacittanu sarvamasau tu harir
yamayEditi vaidikamasti vacaH || 6||

vyavahAraBidA&pi gurOrjagatAM
na tu cittagatA sa hi cOdyaparam |
bahavaH puruShAH puruShapravarO
harirityavadat svayamEva hariH || 7||

caturAnana pUrvavimuktagaNA
harimEtya tu pUrvavadEva sadA |
niyatOccavinIcatayaiva nijAM
sthitimApuriti sma paraM vacanam || 8||

smaraNE hi parEshiturasya vibhO-
rmmalinAni manAMsi kuta: karaNam |
vimalaM hi padaM paramaM svarataM
taruNArkkasavarNNamajasya harE: ||9||

vimalai: SRutishANanishAtatamai:
sumanOsibhirAshu nihatya dRuDham |
balinam nijavairiNamAtmatamO-
bhidamIshamanaMtamupEta harim ||10||

sa hi vishwasRujO vibhushambhupura-
ndarapUrvamukhAnaparAnaparAn |
sRujatIDyatamO&vati haMti nijaM
padamApayati praNatAn svadhiyA ||11||

paramO&pi ramEshiturasya samO
nahi kaschidabhUnn bhavishyati cha |
kvachidadyatanO&pi na pUrNNasadA-
&gaNitEDyaguNAnubhavaikatanO: ||12||

nijapUrNNasukhAmitabOdhatanu:
parashaktiranaMtaguNa: parama: |
ajarAmaraNa: sakalArtihara:
kamalApatirIDyatamO&vatu na: ||13||

yadasuptigatO varina: sukhavAn
sukharUpiNamAhuratO nigamA: |
svamatiprabhavaM jagadasya yata:
parabOdhatanuM cha tata: khapatim ||14||

bahuchitrajagad-bahudhAkaraNAt
parashaktiranaMtaguNa: parama: |
sukharUpamamuShya padaM paramaM
smaratastu bhaviShyati tat satatam ||15||