Krishna Kaaliya kaayda

Composer : Shri Vadirajaru

ಕೃಷ್ಣ ಕಾಲಿಯ ಕಾಯ್ದ ಕರುಣಿ ಜಿಷ್ಣು ಸಖನೆ ಕೃಷ್ಣನೆ [ಪ]

ಕೃಷ್ಣ ಪೊರೆಯೊ ಎನ್ನ ವಿಷಯ ತೃಷ್ಣೆಯಿಂ ಸಾಯಲೆ ದಮ್ಮಯ್ಯ [ಅ.ಪ]

ಹಿಂದೆ ಮಾಡಿದ ಕರ್ಮದಡವಿಯೊಂದಿಗೆ ಸವರುವೆನೊ,
ಗೋ-ವಿಂದ ನಿನ್ನ ಕರುಣಸುಧೆ ಇನ್ನೆಂದು ಪಡೆದು
ಸುಖಿಪೆನೊ,
ಇಂದು ಮಾಡಿದ ಅಘಗಳು ಬಲು ದಂದುಗಕೊಳಗಾದೆ
ನೀನು, ಕುಂದು ಕುಜನದೂರ ನಿನ್ನ ಕಂದನೆಂದು
ಸಲಹೊ ತಂದೆ [೧]

ಕಾಮವೆನ್ನ ಕಮಲನಾಭ ಸೀಮೆಗಾಣಲಿಯ್ಯದೊ ನಿ
ಸ್ಸೀಮಮಹಿಮ ಕ್ರೋಧ ಎನ್ನ ಸಾಮವ ನಡುಗಿಸುತಿದೆ,
ಭ್ರಮಿತನಾದೆ ಬಲು ಪ್ರೇಮವ ತಪ್ಪಿಸಿ ಸುರಕ್ತಾನು ಹೆ,
ದೈವ ಎನ್ನ ಆ ಮಹಾಭಯವ ನಿವಾರಿಸೊ [೨]

ಸುಖ ದುಃಖ ಜೀವನಕ್ಕೆ ಕಕ್ಕು ಬಕ್ಕು ಭಯದ
ಬೊಸರಕ್ಕೆ ಬಿಡದೆ ಬಿಡದೆ ನಿನ್ನ ಲೆಕ್ಕ
ಮಾಡಲಿಯ್ಯದೊ,
ಚಿಕ್ಕತನದಿ ಸಿಕ್ಕಿ ದುರ್ವಿಷಯದಿ ನೊಂದೆ ಮೇ
ಯಿಕ್ಕದಂತೆ ಹಯವದನ ದಕ್ಕಿಸೆನ್ನ ಅನುದಿನ [೩]

---

kRuShNa kaaliya kAyda karuNi jiShNu saKane kRuShNane [pa]

kRuShNa poreyo enna viShaya tRuShNeyiM sAyale dammayya [a.pa]

hiMde mADida karmadaDaviyoMdige savaruveno,
gO-viMda ninna karuNasudhe inneMdu paDedu
suKipeno,
iMdu mADida aGagaLu balu daMdugakoLagAde
nInu, kuMdu kujanadUra ninna kaMdaneMdu
salaho taMde [1]

kAmavenna kamalanABa sImegANaliyyado ni
ssImamahima krOdha enna sAmava naDugisutide,
BramitanAde balu prEmava tappisi suraktAnu he,
daiva enna A mahABayava nivAriso [2]

suKa duHKa jIvanakke kakku bakku Bayada
bosarakke biDade biDade ninna lekka
mADaliyyado,
cikkatanadi sikki durviShayadi noMde mE
yikkadaMte hayavadana dakkisenna anudina [3]