Vijayadasara bhajane

Composer : Shri Mohana dasaru

ಶ್ರೀ ಮೋಹನದಾಸರ ರಚನೆ , ರಾಗ: ಶಿವರಂಜಿನಿ , ಆದಿತಾಳ

ವಿಜಯದಾಸರ ಭಜನೆ ಮಾಡಿರೊ ॥ ಪ ॥
ವಿಜಯದಾಸರ ಭಜನೆ ಮಾಡಲು ।
ಅಜನ ಜನಕ ನಿಜನಿಗೊಲಿದು ।
ಕುಜನ ಸಂಗತಿ ತ್ಯಜನ ಮಾಡಿಸಿ ।
ಸುಜನರ ಪಾದಾಂಬುಜದಲ್ಲಿಡುವ ॥ ಅ ಪ ॥

ಶುದ್ಧ ಮಂದರನ್ನ ಉದ್ಧಾರಾರ್ಥವಾಗಿ ।
ಮಧ್ವರಾಯರ ಮತಾಬ್ಧಿಯೊಳು ಪುಟ್ಟಿ ।
ಸಿದ್ಧಾಂತ ಸ್ಥಾಪಿಸಿ ಗೆದ್ದು ವಾದಿಗಳ ।
ಹೆದ್ದೈವವೇ ಅನಿರುದ್ಧನೆಂದು ॥
ಪದ್ಧತಿಂದ ಪೇಳಿಸಿದಿ ವೈಷ್ಣವರನ್ನ ।
ಶುದ್ಧಾತ್ಮರ ಮಾಳ್ಪ ಉದ್ಯೋಗದಿಂದಲಿ ।
ಹದ್ದನ್ನೇರಿ ಬಪ್ಪ ಪದ್ದುಮನಾಭನ್ನ ।
ಹೃದ್ದಯದೊಳಿಟ್ಟ ಸದ್ಗುರುರಾಯ ॥ 1 ॥

ಭೂಸುರಾಬ್ಧಿಗೆ ತಾರೇಶನಂತೊಪ್ಪುವ ।
ಸಾಸಿರನಾಮದ ಶೇಷಗಿರಿ ಶ್ರೀನಿ – ।
ವಾಸನ ಯಾತ್ರೆಯ ಲೇಸಾಗಿ ಮಾಡ್ಯಲೆ ಸ – ।
ಹಾಸ ಸಂತೋಷದಿಂದಿರೆ ॥
ವಾಸುದೇವನ ಮಾನಸದೊಳಿಟ್ಟು ದು – ।
ರಾಶೆಯ ತೊರೆದು ಕ್ಲೇಶವ ಪಡದಲೆ ।
ಮೀಸಲ ಪುಣ್ಯದ ದಾಶಿ ಘಳಿಸಿ ।
ಕೇಶವನ ನಿಜದಾಸರೆಂದೆನಿಪ ॥ 2 ॥

ಪುರಂದರದಾಸರ ವರಕುಮಾರ ।
ಅರವಿಂದ ಪಾದ ಶಿರದಿ ಧರಿಸಿ ।
ಹರಿ ನಾಮೋಚ್ಚಾರಣೆ ಮಾಡುತ್ತ ।
ಹರುಷದಿಂದ ಪದ ರೂಪದಿ ॥
ಧರೆಯೊಳಗೆಲ್ಲ ದುರ್ಜನರ ।
ಅರಿಯಂದೆನಿಸಿ ಮೆರೆವುತ್ತ ನಿತ್ಯ ।
ಸಿರಿ ಮೋಹನ್ನವಿಠಲನೆ ಪರನೆಂದ – ।
ರುಹು ಮಾಡಿದ ಸುರತರುವಾದ ॥ 3 ॥

---

vijayadAsara Bajane mADiro || pa ||
vijayadAsara Bajane mADalu |
ajana janaka nijanigolidu |
kujana saMgati tyajana mADisi |
sujanara pAdAMbujadalliDuva || a pa ||

Suddha maMdaranna uddhArArthavAgi |
madhvarAyara matAbdhiyoLu puTTi |
siddhAMta sthApisi geddu vAdigaLa |
heddaivavE aniruddhaneMdu ||
paddhatiMda pELisidi vaiShNavaranna |
SuddhAtmara mALpa udyOgadiMdali |
haddannEri bappa paddumanABanna |
hRuddayadoLiTTa sadgururAya || 1 ||

BUsurAbdhige tArESanaMtoppuva |
sAsiranAmada SEShagiri SrIni – |
vAsana yAtreya lEsAgi mADyale sa – |
hAsa saMtOShadiMdire ||
vAsudEvana mAnasadoLiTTu du – |
rASeya toredu klESava paDadale |
mIsala puNyada dASi GaLisi |
kESavana nijadAsareMdenipa || 2 ||

puraMdaradAsara varakumAra |
araviMda pAda Siradi dharisi |
hari nAmOccAraNe mADutta |
haruShadiMda pada rUpadi ||
dhareyoLagella durjanara |
ariyaMdenisi merevutta nitya |
siri mOhannaviThalane paraneMda – |
ruhu mADida surataruvAda || 3 ||