Nammamma Sharade

Composer : Shri Kanakadasaru

ನಮ್ಮಮ್ಮ ಶಾರದೇ ಉಮಾ ಮಹೇಶ್ವರೀ |
ನಿಮ್ಮೊಳಗಿಹನ್ಯಾರಮ್ಮಾ || ಪ ||

ಕಮ್ಮಗೋಲನ ವೈರಿ ಸುತನಾದ ಸೊಂಡಿಲ |
ಹೆಮ್ಮಯ್ಯ ಗಣನಾಥನೇ ಕಣಮ್ಮ || ಅ.ಪ ||

ಮೊರೆಕಪ್ಪಿನ ಭಾವ ಮೊರದಗಲದ ಕಿವಿ |
ಕೋರೆದಾಡೆಯನಾರಮ್ಮ |
ಮೂರು ಕಣ್ಣನ ಸುತ ಮುರಿದಿಟ್ಟ ಚಂದ್ರನ |
ಧೀರ ತಾ ಗಣನಾಥನೇ ಕಣಮ್ಮ ||೧||

ಉಟ್ಟದಟ್ಟಿಯು ಬಿಗಿದುಟ್ಟ ಚಲ್ಲಣದ |
ದಿಟ್ಟ ತಾನಿವನಾರಮ್ಮ |
ಪಟ್ಟದರಾಣಿ ಪಾರ್ವತಿಯ ಕುಮಾರನು |
ಹೊಟ್ಟೆಯ ಗಣನಾಥನೇ ಕಣಮ್ಮ ||೨||

ರಾಶಿ ವಿದ್ಯೆಯ ಬಲ್ಲ ರಮಣಿ ಹಂಬಲನೊಲ್ಲ |
ಭಾಷಿಗನಿವನಾರಮ್ಮ |
ಲೇಸಾಗಿ ಜನರ ಸಲಹುವ ಕಾಗಿನೆಲೆಯಾದಿ |
ಕೇಶವ ದಾಸ ಕಣೇ ಅಮ್ಮಯ್ಯ ||೩||

---

nammamma SAradE umA mahESvarI |
nimmoLagihanyArammA || pa ||

kammagOlana vairi sutanAda soMDila |
hemmayya gaNanAthanE kaNamma || a.pa ||

morekappina BAva moradagalada kivi |
kOredADeyanAramma |
mUru kaNNana suta muridiTTa caMdrana |
dhIra tA gaNanAthanE kaNamma ||1||

uTTadaTTiyu bigiduTTa callaNada |
diTTa tAnivanAramma |
paTTadarANi pArvatiya kumAranu |
hoTTeya gaNanAthanE kaNamma ||2||

rASi vidyeya balla ramaNi haMbalanolla |
BAShiganivanAramma |
lEsAgi janara salahuva kAgineleyAdi |
kESava dAsa kaNE ammayya ||3||