Krishna karunya mahima suladi – Deena manavanige

Composer : Shri Vijayadasaru

ಶ್ರೀಕೃಷ್ಣ ಕಾರುಣ್ಯ ಮಹಿಮಾ ಸುಳಾದಿ
ರಾಗ: ನಾದನಾಮಕ್ರಿಯಾ

ಧ್ರುವತಾಳ

ದೀನ ಮಾನವನಿಗೆ ನೀನೇನು ಕರುಣಿಸಿದರೂ
ತಾನಿಲ್ಲದೆ ಪೋಗಿ ಹೀನವಾಗುವದೂ
ಅನಂತ ದಿನಕೆ ನಿದಾನ ನಿಕ್ಷೇಪ ಸಂಪಾ –
ದನೆ ಸವಿಯದಂತೆ ಆನಂದವಾಗಿರಲು
ನಾನೋತ ಪುಣ್ಯದಿಂದಾಧೀನವಾಗಿರಸದೆ
ಮೇಣು ಪೋಗಾಡಿದೆನು ದೀನಬಂಧು
ಜೇನು ಕಾನನದೊಳು ತಾನಿಟ್ಟು ಉಣದಂತೆ
ನಾನುಂಡು ಸುಖಿಸದೆ ನಾನಿದ್ದೆ ಬರಿದೇ
ದಾನವಾಂತಕ ಎನ್ನ ಪ್ರಾಣ ವಿಜಯವಿಟ್ಠಲ
ಧೇನು ನೀನಿರಲು ಯೋಚನೆ ಎನಗಿಷ್ಟು ಮಾಡಸಲ್ಲಾ || ೧ ||

ಮಟ್ಟತಾಳ

ನಾಯಿಗೆ ಶಾವಿಗೆ ಪರಮಾನ್ನದ ತುತ್ತು
ಬಾಯೊಳಗಿಡಲದು ಉಂಡು ಜೀವಿಸುವದೇ
ಶ್ರೀಯರಸೆ ನಿನ್ನ ಸೊಬಗಿನ ನಾಮದ
ಪೀಯೂಷವ ಕುಡಿಯೆ ದಕ್ಕುವದೇ ಎನಗೆ
ಅಯೋಗ್ಯನು ನಾನು ಅಪ್ರಬುದ್ಧನು ನಾನು
ಕಾಯದೊಳಗೆ ಭರಿತಾ ವಿಷ ಪುಂಜರ ನಾನು
ಪಯೋನಿಧಿ ಶಯನ ವಿಜಯವಿಟ್ಠಲ ಎನ್ನ
ಕಾಯುವ ಬಿರಿದುಳ್ಳ ಕಪಟನಾಟಕ ರಂಗಾ || ೨ ||

ತ್ರಿವಿಡಿತಾಳ

ಉದ್ಧಾರ ಮಾಡುವಲ್ಲಿ ಜ್ಞಾನಿ ನೀನಿರಲಿಕ್ಕೆ
ಕುದ್ದು ವ್ಯಾಕುಲದಿಂದ ನಾನಳಲುವದ್ಯಾಕೆ
ಇದ್ದವಿಲ್ಲದವೆಲ್ಲಾ ನೀನೆ ಪೇಳಿಸಿ ಕೃತಿ
ಸಿದ್ಧವೆಂದೆನಿಸಿದೆ ಸಕಲರಿಂದಾ
ಪದ್ಮನಾಭನೆ ನಿನ್ನ ಕಾರುಣ್ಯವನು ಪಡೆದು
ಇದ್ದವನಿಗೆ ಇಲ್ಲ ಸುಲಭ ಕಾಣೋ
ಬಿದ್ದು ಹೋಹೆ ಪತ್ರದ ಮೇಲೆ ಬರೆದರೆ
ಪೊದ್ದಿರದೆ ಪೋಗೋವು ತನಗಲ್ಲದೇ
ಮುದ್ದು ಮೋಹನ ರಂಗ ವಿಜಯವಿಟ್ಠಲ ಕರು –
ಣಾಬ್ಧಿಯೆ ನೀನೊಲಿಯೆ ಯಾತರಾಲೋಚನೆ || ೩ ||

ಅಟ್ಟತಾಳ

ಒಳಗೆ ಪ್ರೇರಕನಾಗಿ ಒಲಿಮೆಯಿಂದಲಿ ಕಾಲಾ
ಘಳಿಗಿರಗೊಡದಲೆ ತಿಳುಹಿ ಕೊಡುತ ಬಪ್ಪಾ
ಚಲುವ ನಿನ್ನಯ ಪಾದಜಲಜಕೆ ನಮೋ ನಮೋ
ಬಲು ದಯಾರಸ ಭಕ್ತಾವಳಿಗೆ ನೀನಲ್ಲಾದೇ
ಇಳೆಯೊಳು ಮತ್ತೊಂದು ನೆಲೆ ಬಲ್ಲ ದೇವತೆ –
ಗಳು ಎಲ್ಲಿ ಕಾಣೆನೋ ಕಲಕಾಲ ನೋಡಲು
ಬಲವಂತ ಜಗದಯ್ಯಾ ವಿಜಯವಿಟ್ಠಲರೇಯಾ
ಸುಳಿ ಸುಳಿದಾಡು ವಾಗ್ಗಳಿಯಾ ದೇವೇಶ || ೪ ||

ಆದಿತಾಳ

ದಾತಾ ನೀನಾಗಿರೆ ಯಾತರಾಲೋಚನೆ
ಮಾತು ಮಾತಿಗೆ ಸಂಪ್ರೀತಿಯ ಬಡಿಸುತ
ಈ ತನುವ ಮನವ ಭೀತಿಗೊಳದ ತೆರದೀ
ತಾತ ನೀನಾಗಿರೆ ನೀ ತಡಿಯದಲೆ ಪೊರೆವುತಿರೆ ಎನಗೇನು
ಪಾತಕಹರ ನಮ್ಮ ವಿಜಯವಿಟ್ಠಲ ಎನಗೆ
ಮಾತಾಪಿತನು ನೀನೆ ಭೂತಳಾಧೀಶಾ || ೫ ||

ಜತೆ

ಮುಗ್ಗಿದಲ್ಲಿಗೆ ಬಂದು ಒದಗುವ ಕರುಣಾಳು
ಕುಗ್ಗಗೊಡದೆ ಕಾಯೋ ವಿಜಯವಿಟ್ಠಲರೇಯಾ ||

---

SrIkRuShNa kAruNya mahimA suLAdi
rAga: nAdanAmakriyA

dhruvatALa

dIna mAnavanige nInEnu karuNisidarU
tAnillade pOgi hInavAguvadU
anaMta dinake nidAna nikShEpa saMpA –
dane saviyadaMte AnaMdavAgiralu
nAnOta puNyadiMdAdhInavAgirasade
mENu pOgADidenu dInabaMdhu
jEnu kAnanadoLu tAniTTu uNadaMte
nAnuMDu suKisade nAnidde baridE
dAnavAMtaka enna prANa vijayaviTThala
dhEnu nIniralu yOcane enagiShTu mADasallA || 1 ||

maTTatALa

nAyige SAvige paramAnnada tuttu
bAyoLagiDaladu uMDu jIvisuvadE
SrIyarase ninna sobagina nAmada
pIyUShava kuDiye dakkuvadE enage
ayOgyanu nAnu aprabuddhanu nAnu
kAyadoLage BaritA viSha puMjara nAnu
payOnidhi Sayana vijayaviTThala enna
kAyuva biriduLLa kapaTanATaka raMgA || 2 ||

triviDitALa

uddhAra mADuvalli j~jAni nIniralikke
kuddu vyAkuladiMda nAnaLaluvadyAke
iddavilladavellA nIne pELisi kRuti
siddhaveMdeniside sakalariMdA
padmanABane ninna kAruNyavanu paDedu
iddavanige illa sulaBa kANO
biddu hOhe patrada mEle baredare
poddirade pOgOvu tanagalladE
muddu mOhana raMga vijayaviTThala karu –
NAbdhiye nInoliye yAtarAlOcane || 3 ||

aTTatALa

oLage prErakanAgi olimeyiMdali kAlA
GaLigiragoDadale tiLuhi koDuta bappA
caluva ninnaya pAdajalajake namO namO
balu dayArasa BaktAvaLige nInallAdE
iLeyoLu mattoMdu nele balla dEvate –
gaLu elli kANenO kalakAla nODalu
balavaMta jagadayyA vijayaviTThalarEyA
suLi suLidADu vAggaLiyA dEvESa || 4 ||

AditALa

dAtA nInAgire yAtarAlOcane
mAtu mAtige saMprItiya baDisuta
I tanuva manava BItigoLada teradI
tAta nInAgire nI taDiyadale porevutire enagEnu
pAtakahara namma vijayaviTThala enage
mAtApitanu nIne BUtaLAdhISA || 5 ||

jate

muggidallige baMdu odaguva karuNALu
kuggagoDade kAyO vijayaviTThalarEyA ||