Krishnavatara Mahime Suladi – Satata brahmachari

Composer : Shri Vijayadasaru

ಶ್ರೀವಿಜಯದಾಸಾರ್ಯ ವಿರಚಿತ

ಶ್ರೀಕೃಷ್ಣಾವತಾರ ಮಹಿಮೆ ಸುಳಾದಿ

ರಾಗ: ರೀತಿಗೌಳ

ಧ್ರುವತಾಳ

ಸತತ ಬ್ರಹ್ಮಚಾರಿ ಎನಿಸಿಕೊಂಡು ಪರೀ –
ಕ್ಷಿತನ ಪ್ರಾಣವನ್ನು ಉಳಹಿದ ದೈವವೆ
ರತಿಪತಿ ವ್ಯಾಪಾರದಲ್ಲಿ ಶ್ರೇಷ್ಠನೆನಿಸಿ ಅನ್ಯ –
ಸತಿಯರ ಭೋಗಿಸಿ ಸುತರ ಪಡೆದದೇನೋ
ಚತುರ ಮೊಗಾದಿಗಳ ಪೆತ್ತ ಪರಮಪುರುಷ
ಗತಿ ಪ್ರದಾಯಕನಾಗಿ ಮೆರೆದೆ ಕಮಲನಾಭಾ
ಗತಿಯಾಗಬೇಕೆಂದು ಸುತನಗೋಸುಗ ಪೋಗಿ
ಕೃತವಿರೋಧಿಯ ವಲಿಸಿ ವರವ ಕೈಕೊಂಡದ್ದೇನೊ
ನುತಿಸಿದ ಜನರಿಗೆ ಅನುದಿನ ತಪ್ಪದಲೇ
ಹಿತವಾಗಿರುತಿಪ್ಪ ಭಕ್ತವತ್ಸಲದೇವ
ಶಿತವಾಹನಗೊಲಿದು ರಣದೊಳು ಸುಧನ್ವನ್ನ
ಹತಮಾಡಿಸಿದ್ದು ಆವದೋ ಕರುಣತನವೋ
ತುತಿಸುತಿಪ್ಪರು ನಿನ್ನ ನಿತ್ಯ ತೃಪ್ತನೆಂದು
ಕೃತಭುಜರೊಂದಾಗಿ ಗಣಣೆ ಕಾಣದೆ ಎಣಿಸಿ
ಕ್ಷಿತಿಯೊಳು ಭಕ್ತರಿತ್ತ ಸ್ವಲ್ಪಕ್ಕೆ ತೇಗುವೆ
ಅಮಿತಭೋಜನನೆಂದು ಕರಿಸಿಕೊಂಬುವದೇನೋ
ಪತಿತಪಾವನ ರಂಗಾ ವಿಜಯವಿಟ್ಠಲ ನಿನ್ನ
ಕೃತಕಾರ್ಯಂಗಳಿಗೆ ನಾನೇನೆಂಬೆ ತಲೆದೂಗಿ || ೧ ||

ಮಟ್ಟತಾಳ

ಬಲು ರವಿ ಪ್ರಕಾಶನೆಂದು ನಿನ್ನನ್ನು
ಕಲಕಾಲಾ ಬಿಡದೆ ಪೊಗಳುವ ಬಗೆ ನೋಡು
ಇಳಿಯೊಳಗೆ ಯಿದ್ದ ಮನುಜರ ಕಣ್ಣಿಗೆ
ಬೆಳಗು ತೋರಿ ಪ್ರೀತಿ ಮಾಡಿದ ಪರಿಯೇನೋ
ಹಲವು ಬಗೆಯಿಂದ ಶುದ್ದಾತ್ಮನೆಂದು
ವಲಿಸಿ ವೇದಂಗಳು ಬೆರಗಾಗುತಲಿರೇ
ಗಲಭೆ ಮಾಡದೆ ಪೋಗಿ ಗೊಲ್ಲತಿಯರ ಮನೆ
ಒಳಪೊಕ್ಕು ಪಾಲು ಮೊಸರು ಬೆಣ್ಣೆಯ ಕದ್ದೆ
ಜಲಜಜಾಂಡದಕಿಂತ ಭಾರವುಳ್ಳವನೆಂದು
ನೆಲೆಗಾಣೆನು ನಿನ್ನ ಕೀರ್ತಿಗೆ ಎಣೆಯುಂಟೇ
ಕುಲಸತಿ ನಾರದಗೆ ಮಾರಿದ ಸಮಯದಲಿ
ತುಲಸಿದಳಕ್ಕಿಂತ ಕುಡಿಮೆಯಾದದು ಯೇನೊ
ಕಲಿಭಂಜನ ನಮ್ಮ ವಿಜಯವಿಟ್ಠಲ ನಿನ್ನ
ಸುಲಭತನಕೆ ಎಲ್ಲಿ ಸರಿಗಾಣೆ ನೋಡಿದರು || ೨ ||

ತ್ರಿವಿಡಿತಾಳ

ನೀನೆ ಅಪ್ರಾಕೃತ ಶರೀರವೆನಿಸಿಕೊಂಡು
ಅನಂತಕಲ್ಪಕ್ಕೆ ಬಾಳುವ ಭವದೂರಾ
ಮಾನವ ರೂಪವು ಬಂದಾಗ ಕಾಯವ
ಕ್ಷೋಣಿಯೊಳಗೆ ಬಿಟ್ಟು ಪೋದನೆನಿಸುವದೇನೊ
ಆನಂದಮಯನಾಗಿ ಸುಖಿಸುವ ಸರ್ವೇಶ
ಮಾಣದರ್ಭಕನಂತೆ ಅಳುವ ಲೀಲೆಗಳ್ಯಾಕೆ
ಜ್ಞಾನಪೂರ್ಣನಾಗಿ ಜಗದೊಳಗಿಪ್ಪನೆ
ಏನೆಂಬೆ ನಿನ್ನ ವಿಚಿತ್ರ ಮಹಿಮೆಗಾನು
ಕ್ಷೋಣಿ ವಿಬುಧನಾದ ಸಾಂದೀಪನ ಬಳಿಯ
ದೀನವಂತನಾಗಿ ವಿದ್ಯೆ ಓದಿದುದೇನೊ
ಶ್ರೀನಾಥ ನೀನಹುದೋ ನಿನ್ನ ಸೌಭಾಗ್ಯಕ್ಕೆ
ಪ್ರಾಣಾದಿಗಳು ಎಣಿಸಿ ಕಡೆಗಾಣರು
ಭೂನಾಥರೊಳಗೆ ಕೇವಲ ನೀಚನಾದುಗ್ರ –
ಸೇನಗೆ ಪರಾಕು ಪೇಳುವರಾ
ಮೌನಿಗಳರಸ ಶ್ರೀವಿಜಯವಿಟ್ಠಲರೇಯಾ
ನೀನಾಡುವ ಲೀಲೆ ಜ್ಞಾನಿಗಳಿಗೆ ಬಲುಹರುಷ || ೩ ||

ಅಟ್ಟತಾಳ

ನಿಜ ಸಂಕಲ್ಪ ನೀನೆಂದು ಪೇಳುವರು ಗಂ –
ಗಜಗೆ ಮಾತನು ಕೊಟ್ಟು ಚಕ್ರ ಪಿಡಿದದೇನೊ
ಕುಜನ ಮರ್ದನನೆಂದು ನಿನ್ನ ಬಿರಿದು ಅಂ –
ಗಜನ ದೈತ್ಯನು ವಯ್ಯೇ ಸುಮ್ಮನಿದ್ದದ್ದೇನೋ
ತ್ರಿಜಗದೊಳಗೆ ನೀನೆ ನಿಬಿಡಿಯಾಗಿರಲಾಗಿ
ರುಜುವಾಗಿ ಸಕಲರು ಚರಿಸುವ ಬಗೆಯೆಂತು
ಸುಜನರ ಮನೋಹರ ವಿಜಯವಿಟ್ಠಲರೇಯಾ
ಭಜನಿ ಮಾಡಿದವರ ಭಾಗ್ಯವು ಬಹುವರ್ನಾ || ೪ ||

ಆದಿತಾಳ

ವಿದ್ಯಾತೀತನೆಂದು ನಿನ್ನ ಚರಿತೆಯೇನೋ
ಅಧ್ವರ ಮೊದಲಾದ ಕರ್ಮ ಮಾಡಿದದೇನೋ
ವೈದ್ಯ ನೀನಹುದೋ ಮಹಾ ಭವರೋಗಕ್ಕೆ
ಈ ಧರೆಯಲ್ಲಿ ಸಾಂಬನನು ಸ್ತುತಿಸಿದೆ
ಇದ್ದಲ್ಲಿ ಸರ್ವವೂ ಉಂಟಾಗಿರಲಿಕ್ಕೆ
ಉದ್ಯುಕ್ತನಾದೆ ಮಕ್ಕಳ ತರಬೇಕೆಂದು
ಮುದ್ದು ಮೊಗದರಾಯಾ ವಿಜಯವಿಟ್ಠಲ ಸರ್ವ –
ಸುದ್ದಿ ಬಲ್ಲ ಪ್ರತಾಪ ಅನ್ಯರನ ಕೇಳುವರೆ || ೫ ||

ಜತೆ

ಸುವಿರುದ್ಧ ಕರ್ಮಗಳು ತೋರುವ ಪರಬೊಮ್ಮ
ಅವಿಕಾರ ಮೂರುತಿ ವಿಜಯವಿಟ್ಠಲರೇಯಾ ||

---

SrIvijayadAsArya viracita

SrIkRuShNAvatAra mahime suLAdi

rAga: rItigauLa

dhruvatALa

satata brahmacAri enisikoMDu parI –
kShitana prANavannu uLahida daivave
ratipati vyApAradalli SrEShThanenisi anya –
satiyara BOgisi sutara paDedadEnO
catura mogAdigaLa petta paramapuruSha
gati pradAyakanAgi merede kamalanABA
gatiyAgabEkeMdu sutanagOsuga pOgi
kRutavirOdhiya valisi varava kaikoMDaddEno
nutisida janarige anudina tappadalE
hitavAgirutippa BaktavatsaladEva
SitavAhanagolidu raNadoLu sudhanvanna
hatamADisiddu AvadO karuNatanavO
tutisutipparu ninna nitya tRuptaneMdu
kRutaBujaroMdAgi gaNaNe kANade eNisi
kShitiyoLu Baktaritta svalpakke tEguve
amitaBOjananeMdu karisikoMbuvadEnO
patitapAvana raMgA vijayaviTThala ninna
kRutakAryaMgaLige nAnEneMbe taledUgi || 1 ||

maTTatALa

balu ravi prakASaneMdu ninnannu
kalakAlA biDade pogaLuva bage nODu
iLiyoLage yidda manujara kaNNige
beLagu tOri prIti mADida pariyEnO
halavu bageyiMda SuddAtmaneMdu
valisi vEdaMgaLu beragAgutalirE
galaBe mADade pOgi gollatiyara mane
oLapokku pAlu mosaru beNNeya kadde
jalajajAMDadakiMta BAravuLLavaneMdu
nelegANenu ninna kIrtige eNeyuMTE
kulasati nAradage mArida samayadali
tulasidaLakkiMta kuDimeyAdadu yEno
kaliBaMjana namma vijayaviTThala ninna
sulaBatanake elli sarigANe nODidaru || 2 ||

triviDitALa

nIne aprAkRuta SarIravenisikoMDu
anaMtakalpakke bALuva BavadUrA
mAnava rUpavu baMdAga kAyava
kShONiyoLage biTTu pOdanenisuvadEno
AnaMdamayanAgi suKisuva sarvESa
mANadarBakanaMte aLuva lIlegaLyAke
j~jAnapUrNanAgi jagadoLagippane
EneMbe ninna vicitra mahimegAnu
kShONi vibudhanAda sAMdIpana baLiya
dInavaMtanAgi vidye OdidudEno
SrInAtha nInahudO ninna sauBAgyakke
prANAdigaLu eNisi kaDegANaru
BUnAtharoLage kEvala nIcanAdugra –
sEnage parAku pELuvarA
maunigaLarasa SrIvijayaviTThalarEyA
nInADuva lIle j~jAnigaLige baluharuSha || 3 ||

aTTatALa

nija saMkalpa nIneMdu pELuvaru gaM –
gajage mAtanu koTTu cakra piDidadEno
kujana mardananeMdu ninna biridu aM –
gajana daityanu vayyE summaniddaddEnO
trijagadoLage nIne nibiDiyAgiralAgi
rujuvAgi sakalaru carisuva bageyeMtu
sujanara manOhara vijayaviTThalarEyA
Bajani mADidavara BAgyavu bahuvarnA || 4 ||

AditALa

vidyAtItaneMdu ninna cariteyEnO
adhvara modalAda karma mADidadEnO
vaidya nInahudO mahA BavarOgakke
I dhareyalli sAMbananu stutiside
iddalli sarvavU uMTAgiralikke
udyuktanAde makkaLa tarabEkeMdu
muddu mogadarAyA vijayaviTThala sarva –
suddi balla pratApa anyarana kELuvare || 5 ||

jate

suviruddha karmagaLu tOruva parabomma
avikAra mUruti vijayaviTThalarEyA ||