Ranga baro jagadanta

Composer : Shri Gurugopala vittala

ರಂಗ ಬಾರೊ ಜಗದಂತ ರಂಗ ಬಾರೊ |
ಮಂಗಳ ದೇವಿಯ ಮನೋಹರ
ನವ ಮೋಹನಾಂಗ ಬಾರೊ ||ಪ||

ದಿನಕರ ಕೋಟಿ ತುಹಿನಕರ ಪ್ರಭೆ
ಅಜ ಜನಕ ಬಾರೊ |
ಸನಕ ಜನಕ ಮುಖ್ಯ ಘನ ಕವಿಪ್ರಿಯ
ಯೆನ್ನ ಮನಕೆ ಬಾರೊ || ೧ ||

ಕನಕಾಂಬರಧರ ಕರುಣಿ
ಯೆನಿದಾಕ್ಷಣಕೆ ಬಾರೊ | ಮುನಿ
ಕುಲಗೇಹ್ಯನೆ ಮುಕುತಾಶ್ರಯ
ಮಹಾ ಧನಿಕ ಬಾರೊ || ೨ ||

ನೀಲಗಿರಿಯ ವಾಸ ನಿರುಪಮ
ನಿರ್ಮಲ ಶೀಲ ಬಾರೊ |
ನೀಲಾದ್ಯರಿಗಂದು ನಿಜವಾ
ತೋರಿದ ಶುಭಲೀಲಾ ಬಾರೊ || ೩ ||

ಲೀಲಾ ಮನೋಹರ ನಿಶ್ಚಲಾನಂದ
ಶ್ರೀಲೋಲ ಬಾರೊ |
ನೀಲಾ ಜೀಮೂತ ಸನ್ನಿಭವ
ಪುರಾಜ ಗೋಪಾಲ ಬಾರೊ || ೪ ||

ವೇದಮಂದರ ಭೂಮಿ
ತರುಳಾನುದ್ಧರಿಸಿದ ಮೋದಿ ಬಾರೊ |
ಸಾದಿಯಾಗಿ ಕಲಿ ಖಳರ
ಖಂಡ್ರಿಸಿದ ವಿನೋದಿ ಬಾರೊ || ೫ ||

ದುಷ್ಟರ ಮರ್ದನ ಶಿಷ್ಟರ
ಪಾಲಕ ಕೃಷ್ಣ ಬಾರೊ |
ಸೃಷ್ಟ್ಯಾದಿ ಅಷ್ಟ ವಿಶಿಷ್ಟ ಕಾರಣ
ಮಹಾ ಶ್ರೇಷ್ಠ ಬಾರೊ || ೬ ||

ನಿಷ್ಠಿಲಿ ನೆನೆವರಭೀಷ್ಠ
ದಾಯಕ ಅತಿ ತುಷ್ಠ ಬಾರೊ |
ಕೃಷ್ಣೆ ಮಾನವ ಕಾಯ್ದ ಜಿಷ್ಣು
ಸಾರಥಿ ವೀರ ವಿಷ್ಣು ಬಾರೊ || ೭ ||

ಸ್ವಾಮಿ ಸರೋವರ ತೀರ
ನಿವಾಸಿ ಶ್ರೀಧಾಮ ಬಾರೊ |
ಕಾಮುಕನಾಗಿ ದ್ವಿಜರ
ವಂಚಿಸಿದ ಪೂರ್ಣ ಕಾಮ ಬಾರೊ || ೮ ||

ಶ್ರೀ ಮನೋಹರ ಗುರು ಗೋಪಾಲವಿಠ್ಠಲ
ರಾಮ ಬಾರೊ |
ಪ್ರೇಮದಿ ಭಕುತರ ತುತಿಗೆ
ವಲಿದ ಗುಣ ಭಾಮ ಬಾರೊ || ೯ ||

---

raMga bAro jagadaMta raMga bAro |
maMgaLa dEviya manOhara
nava mOhanAMga bAro ||pa||

dinakara kOTi tuhinakara praBe
aja janaka bAro |
sanaka janaka muKya Gana kavipriya
yenna manake bAro || 1 ||

kanakAMbaradhara karuNi
yenidAkShaNake bAro | muni
kulagEhyane mukutASraya
mahA dhanika bAro || 2 ||

nIlagiriya vAsa nirupama
nirmala SIla bAro |
nIlAdyarigaMdu nijavA
tOrida SuBalIlA bAro || 3 ||

lIlA manOhara niScalAnaMda
SrIlOla bAro |
nIlA jImUta sanniBava
purAja gOpAla bAro || 4 ||

vEdamaMdara BUmi
taruLAnuddharisida mOdi bAro |
sAdiyAgi kali KaLara
KaMDrisida vinOdi bAro || 5 ||

duShTara mardana SiShTara
pAlaka kRuShNa bAro |
sRuShTyAdi aShTa viSiShTa kAraNa
mahA SrEShTha bAro || 6 ||

niShThili nenevaraBIShTha
dAyaka ati tuShTha bAro |
kRuShNe mAnava kAyda jiShNu
sArathi vIra viShNu bAro || 7 ||

svAmi sarOvara tIra
nivAsi SrIdhAma bAro |
kAmukanAgi dvijara
vaMcisida pUrNa kAma bAro || 8 ||

SrI manOhara guru gOpAlaviThThala
rAma bAro |
prEmadi Bakutara tutige
valida guNa BAma bAro || 9 ||