Jo Jo Shri Krishna

Composer : Shri Purandara dasaru

ಜೋಜೋ ಶ್ರೀಕೃಷ್ಣ ಪರಮಾನಂದ
ನಂದ ಗೋಪಿಯ ಕಂದ ಬಾಲ ಮುಕುಂದ ಜೋಜೋ ||ಪ||

ಪಾಲ ಸಾಗರಡೊಳು ಪವಡಿಸಿದವನೇ
ಆಲದೆಲೆಯ ಮೇಲೆ ಮಲಗಿದ ಶಿಶುವೇ
ಶ್ರೀಲಲಿತಾಂಗಿಯರ ಚಿತ್ತದೊಲ್ಲಭನೇ
ಬಾಲ ನಿನ್ನನು ಪಾಡಿ
ತೂಗುವೆನಯ್ಯ ಜೋಜೋ |೧|

ಹೊಳೆವಂಥ ರನ್ನದ ತೊಟ್ಟಿಲ ಮೇಲೆ
ಥಳಥಳಿಸುವ ಗುಲಗಂಜಿಯ ಮಾಲೆ
ಅಳದೆ ನೀ ಪಿಡಿದಾಡೆನ್ನಯ ಮುದ್ದು ಬಾಲ
ನಳಿನನಾಭನೆ ನಿನ್ನ ಪಾಡಿ
ತೂಗುವೆನು ಜೋಜೋ |೨|

ಯಾರ ಕಂದ ನೀನು ಯಾರ ನಿಧಾನೀ
ಯಾರ ರತ್ನವೊ ನೀನು ಯಾರ ಮಾಣಿಕವೋ
ಸೇರಿತು ಎನಗೊಂದು ಚಿಂತಾಮಣಿ ಎಂದು
ಪೋರ ನಿನ್ನನು ಪಾಡಿ
ತೂಗುವೆನಯ್ಯ ಜೋಜೋ |೩|

ಗುಣನಿಧಿಯೇ ನಿನ್ನ ಎತ್ತಿಕೊಂಡಿದ್ದರೆ
ಮನೆಯ ಕೆಲಸವ್ಯಾರು ಮಾಡುವರಯ್ಯ
ಮನಕೆ ಸುಖನಿದ್ರೆ ತಂದುಕೋ ಬೇಗ
ಫಣಿ ಶಯನನೆ ನಿನ್ನ ಪಾಡಿ
ತೂಗುವೆನು ಜೋಜೋ |೪|

ಅಂಡಜವಾಹನ ಅನಂತಮಹಿಮ
ಪುಂಡರೀಕಾಕ್ಷ ಶ್ರೀ ಪರಮಪಾವನ
ಹಿಂಡು ದೈವದ ಗಂಡ ಉದ್ದಂಡನೆ ನಮ್ಮ
ಪಾಂಡುರಂಗ ಶ್ರೀ ಪುರಂದರ ವಿಠಲ |೫|

---

jOjO SrIkRuShNa paramAnaMda
naMda gOpiya kaMda bAla mukuMda jOjO ||pa||

pAla sAgaraDoLu pavaDisidavanE
Aladeleya mEle malagida SiSuvE
SrIlalitAMgiyara cittadollaBanE
bAla ninnanu pADi
tUguvenayya jOjO |1|

hoLevaMtha rannada toTTila mEle
thaLathaLisuva gulagaMjiya mAle
aLade nee piDidADennaya muddu bAla
naLinanABane ninna pADi
tUguvenu jOjO |2|

yAra kaMda nInu yAra nidhAnI
yAra ratnavo nInu yAra mANikavO
sEritu enagoMdu ciMtAmaNi eMdu
pOra ninnanu pADi
tUguvenayya jOjO |3|

guNanidhiyE ninna ettikoMDiddare
maneya kelasavyAru mADuvarayya
manake suKanidre taMdukO bEga
PaNi Sayanane ninna pADi
tUguvenu jOjO |4|

aMDajavAhana anaMtamahima
puMDarIkAkSha SrI paramapAvana
hiMDu daivada gaMDa uddaMDane namma
pAMDuraMga SrI puraMdara viThala |5|