Neere torele

Composer : Shri Vadirajaru

ನೀರೆ ತೋರೆಲೆ ನೀರೆ ತೋರೆಲೆ ನೀಲವರ್ಣದ ದೇವನ
ಭಾಮೆ ತೋರೆಲೆ ಭಾಮೆ ತೋರೆಲೆ ಬಾಲ ಉಡುಪಿನ ಕೃಷ್ಣನ |ಪ|

ಕಾಲಲಂದುಗೆ ಕಡಗ ಕಂಕಣ ಲೋಲ ಉಡುಪಿಗೆ ಬಂದನ
ಬಾಲ ಲೀಲೆಯ ಜಗಕೆ ತೋರಿದ ಗೋಪಾಲ ಉಡುಪಿನ ಕೃಷ್ಣನ |೧|

ಕಡೆವ ಕಡೆಗೋಲು ನೇಣು ಸಹಿತಲಿ ಹಡಲಿನೊಳಗಿಂದ ಬಂದನ
ಬಿಡದೆ ಭಕ್ತರ ಒಡನೆ ಪಾಲಿಪ ರಂಗ ಉಡುಪಿನ ಕೃಷ್ಣನ |೨|

ಮುದ್ದು ಮುಖದವ ಮೂರು ಜಡೆಯಲಿ ಇದ್ದ ಉಡುಪಿನ ಸ್ಥಳದಲಿ
ಒದ್ದು ಶಕಟನ ಆದಿಗುರುಗಳ ಮುದ್ದು ಉಡುಪಿನ ಕೃಷ್ಣನ |೩|

ಮಲ್ಲರೊಡಗೂಡಿ ಮಥುರ ಪುರದಲಿ ಬಿಲ್ಲ ಹಬ್ಬವ ನಡೆಸಿದಾ
ಬಲ್ಲಿದ ಕಂಸಾಸುರನ ಸೀಳಿದ ಮಲ್ಲ ಉಡುಪಿನ ಕೃಷ್ಣನ |೪|

ಬಾಲ ಸನ್ಯಾಸಿಗಳು ನಿನ್ನನು ಪ್ರೇಮದಿಂದಲಿ ಭಜಿಸಲು
ಆಲದೆಲೆಯ ಮೇಲೆ ಮಲಗಿದ ಬಾಲ ಉಡುಪಿನ ಕೃಷ್ಣನ |೫|

ಅದ್ವಯ ಹರಿ ಬ್ರಹ್ಮ ವಲ್ಲಭ ವಿದ್ಯೆ ಸಾರಥಿ ಮಾಡಿದೆ
ಸದ್ಗುರು ಮುನಿ ವಾದಿರಾಜನ ಮುದ್ದು ಉಡುಪಿನ ಕೃಷ್ಣನ |೬|

---

nIre tOrele nIre tOrele nIlavarNada dEvana
BAme tOrele BAme tOrele bAla uDupina kRuShNana |pa|

kAlalaMduge kaDaga kaMkaNa lOla uDupige baMdana
bAla leeleya jagake tOrida gOpAla uDupina kRuShNana |1|

kaDeva kaDegOlu nENu sahitali haDalinoLagiMda baMdana
biDade Baktara oDane pAlipa raMga uDupina kRuShNana |2|

muddu muKadava mUru jaDeyali idda uDupina sthaLadali
oddu SakaTana AdigurugaLa muddu uDupina kRuShNana |3|

mallaroDagUDi mathura puradali billa habbava naDesidA
ballida kaMsAsurana seeLida malla uDupina kRuShNana |4|

bAla sanyAsigaLu ninnanu prEmadiMdali Bajisalu
Aladeleya mEle malagida bAla uDupina kRuShNana |5|

advaya hari brahma vallaBa vidye sArathi mADide
sadguru muni vAdirAjana muddu uDupina kRuShNana |6|