Enu Madalo Ranga

Composer : Shri Purandara dasaru

ಏನು ಮಾಡಲೋ ರಂಗ ಏಕೆ ಬೆಳಗಾಯಿತೋ |
ಏನು ಮಾಡಲೋ ಕೃಷ್ಣಯ್ಯ [ಪ]
ಏನು ಮಾಡಲೋ ರಂಗ ಮಾನಿನಿಯರು ಎನ್ನ
ಮಾನವ ಕಳೆಯುವರೋ ರಂಗಯ್ಯ [ಅ.ಪ]

ಹಾಲು ಮೊಸರು ಬೆಣ್ಣೆ ಕದ್ದನೆಂಬುವರೊ |
ಮೇಲಿನ ಕೆನೆಗಳ ಮೆದ್ದನೆಂಬುವರೊ |
ಬಾಲಕರೆಲ್ಲರ ಬಡಿದನೆಂಬುವರೊ |
ಎಂಥ ಕಾಳಹೆಂಗಸು ಇವನ ಹಡದಳೆಂಬುವರೊ |೧|

ಕಟ್ಟಿದ್ದ ಕರುಗಳ ಬಿಟ್ಟನೆಂಬುವರೊ
ಮೆಟ್ಟಿ ಸರ್ಪನ ಮೇಲೆ ಕುಣಿದನೆಂಬುವರೊ
ಪುಟ್ಟ ಬಾಲೆಯರ ಮೋಹಿಸಿದನೆಂಬರೊ ಎಂಥ
ದುಷ್ಟ ಹೆಂಗಸು ಇವನ ಪಡೆದಳೆಂಬುವರೊ |೨|

ಗಂಗಾ ಜನಕ ನಿನ್ನ ಜಾರನೆಂಬುವರೊ |
ಶೃಂಗಾರ ಮುಖ ನಿನ್ನ ಬರಿದೆದೂರುವರೋ |
ಮಂಗಳ ಮಹಿಮಾ ಶ್ರೀ ಪುರಂದರ ವಿಠ್ಠಲನೆ |
ಹಿಂಗದೆ ಎಮ್ಮನು ಸಲಹೆಂಬುವರೊ |೩|

---

Enu mADalO raMga Eke beLagAyitO |
Enu mADalO kRuShNayya [pa]
Enu mADalO raMga mAniniyaru enna
mAnava kaLeyuvarO raMgayya [a.pa]

hAlu mosaru beNNe kaddaneMbuvaro |
mElina kenegaLa meddaneMbuvaro |
bAlakarellara baDidaneMbuvaro |
eMtha kALaheMgasu ivana haDadaLeMbuvaro |1|

kaTTidda karugaLa biTTaneMbuvaro
meTTi sarpana mEle kuNidaneMbuvaro
puTTa bAleyara mOhisidaneMbaro eMtha
duShTa heMgasu ivana paDedaLeMbuvaro |2|

gaMgA janaka ninna jAraneMbuvaro |
SRuMgAra muKa ninna baridedUruvarO |
maMgaLa mahimA SrI puraMdara viThThalane |
hiMgade emmanu salaheMbuvaro |3|