Charanava toro

Composer : Shri Vijayadasaru

ಚರಣವ ತೋರೋ ಚೆಲುವರ ಅರಸನೆ, ಚರಣವ ತೋರೋ ||ಪ||
ಸ್ಮರಣೆ ಮಾತ್ರದಿ ಮುಕುತಿ ಕೊಡುವ, ಚರಣವ ತೋರೋ ||ಅ.ಪ||

ಗೋಕುಲಭೂಮಿಯ ಪಾವನಮಾಡಿದ ಚರಣವ ತೋರೋ
ಲೋಕವನೆಲ್ಲ ಅಡಗಿಸಿಕೊಂಡ ಚರಣವ ತೋರೋ |೧|

ಬಿಡದೆ ಸರ್ವಜ್ಞತೀರ್ಥರಿಗೊಲಿದ ಚರಣವ ತೋರೋ
ಬಡವರಾಧಾರ ದಿವ್ಯ ವಿಭೂಷಣ ಚರಣವ ತೋರೋ |೨|

ಕಡುಮುದ್ದು ವಿಜಯವಿಠಲ ನಿನ್ನ ಚರಣವ ತೋರೋ
ಉಡುಪಿಯ ಕ್ಷೇತ್ರದಿ ನಿಂದು ಪೂಜೆಯಗೊಂಬ ಚರಣವ ತೋರೋ |೩|

---

caraNava tOrO celuvara arasane, caraNava tOrO ||pa|| 
smaraNe mAtradi mukuti koDuva, caraNava tOrO ||a.pa||

gOkulaBUmiya pAvanamADida caraNava tOrO 
lOkavanella aDagisikoMDa caraNava tOrO |1|

biDade sarvaj~jatIrtharigolida caraNava tOrO 
baDavarAdhAra divya viBUShaNa caraNava tOrO |2|

kaDumuddu vijayaviThala ninna caraNava tOrO 
uDupiya kShEtradi niMdu pUjeyagoMba caraNava tOrO |3|