Angi Tottene gopi

Composer : Shri Purandara dasaru

ಅಂಗಿ ತೊಟ್ಟೇನೆ, ಗೋಪಿ, ಶೃಂಗಾರವಾದೇನೆ
ಹಾಲ ಕುಡಿದೇನೆ, ಗೋಪಿ, ಆಕಳ ಕಾಯ್ದೇನೆ ||ಪ||

ಚಕ್ಕುಲಿ ಕೊಡು ಎನಗೆ, ಗೋಪಿ,
ಅಕ್ಕರದಿ ಬಂದೆನೆ
ಗೊಲ್ಲರ ಮಕ್ಕಳ ಎಲ್ಲರೊಡಗೂಡಿ,
ಹಲವು ಗೋವ್ಗಳ ಕಾಯ್ದು ಬಂದೆನೆ [೧]

ಚೆಂಡು ಕೊಡು ಎನಗೆ, ಗೋಪಿ,
ಚಿನಿಕೋಲು ಬೇಕಲ್ಲೆ
ಗುಂಡು ಕಲ್ಲಿನಂಥ ಬುತ್ತಿಯ ಕಟ್ಟಿ,
ಹಿಂಡು ಗೋವುಗಳ ಕಾಯ್ದು ಬಂದೆನೆ [೨]

ಅಮ್ಮಣ್ಣಿ ಕೊಡು ಎನಗೆ, ಗೋಪಿ,
ಬೆಣ್ಣೆಯ ತೋರೆ ಮೇಲೆ
ಗಮ್ಮನೆ ತಟಕನೆ ಮೊಸರನೆ ಸವಿದು ,
ಸುಮ್ಮನೆ ತೊಟ್ಟಿಲೊಳು ಲೋಲಾಡುವೆನು [೩]

ಅಪ್ಪಚ್ಚಿ ಕೊಡು ಎನಗೆ, ಗೋಪಿ,
ತುಪ್ಪವ ಕೊಡೆ ಮೇಲೆ
ಅಪ್ಪಗೆ ಹೇಳಿ ಟೊಪ್ಪಿಗೆ ಕೊಡಿಸೆ,
ಉಪ್ಪು ಕಡಲೆಯನ್ನು ಚೀಲದಿ ತುಂಬುವೆ [೪]

ಈ ಲೀಲೆಗಳ ಕೇಳಿ, ಗೋಪಿ,
ತೋಳಿನಳಿ ಬಿಗಿದಪ್ಪಿ
ಶ್ರೀಲೋಲ ಪುರಂದರ ವಿಠಲನ
ಲೀಲೆಯಿಂದಲಿ ಬಾರೆನುತ [೫]

---

aMgi toTTEne, gOpi, SRuMgAravAdEne
hAla kuDidEne, gOpi, AkaLa kAydEne ||pa||

cakkuli koDu enage, gOpi,
akkaradi baMdene
gollara makkaLa ellaroDagUDi,
halavu gOvgaLa kAydu baMdene [1]

ceMDu koDu enage, gOpi,
cinikOlu bEkalle
guMDu kallinaMtha buttiya kaTTi,
hiMDu gOvugaLa kAydu baMdene [2]

ammaNNi koDu enage, gOpi,
beNNeya tOre mEle
gammane taTakane mosarane savidu ,
summane toTTiloLu lOlADuvenu [3]

appacci koDu enage, gOpi,
tuppava koDe mEle
appage hELi Toppige koDise,
uppu kaDaleyannu cIladi tuMbuve [4]

I lIlegaLa kELi, gOpi,
tOLinaLi bigidappi
SrIlOla puraMdara viThalana
lIleyiMdali bArenuta [5]