Bandalu Mahalakumi

Composer : Shri Purandara dasaru

ಬಂದಾಳು ಮಹಾಲಕುಮಿ, ನಮ್ಮ ಮನೆಗೆ
ಸಂದೇಹ ವಿಲ್ಲದಂತೆ [ಪ]

ಬಂದಾಳು ನಮ್ಮ ಮನೆಗೆ ನಿಂತಾಳು ಗೃಹದಲ್ಲಿ
ನಂದ ಕಂದನ ರಾಣಿ ಇಂದಿರೆ ನಮ್ಮ ಮನೆಗೆ [ಅ.ಪ]

ಹೆಜ್ಜೆ ಮೇಲೆ ಹೆಜ್ಜೆ ನಿಕ್ಕುತ
ಗೆಜ್ಜೆಯ ಕಾಲ ಘಲು ಘಲು ಘಲುರೆನುತಾ |
ಮೂರ್ಜಗವ ಮೋಹಿಸುತಾ ಮುಕುಂದನ ರಾಣಿಯು
ಸಂಪತ್ತು ಕೊಡಲಿಕ್ಕೆ ವೆಂಕಟೇಶನ ಸಹಿತ [೧]

ಮಾಸ ಶ್ರಾವಣ ಶುಕ್ಲ ಶುಕ್ರವಾರ
ಪೌರ್ಣಿಮೆ ದಿನದಂದು |
ಭೂಸುರರು ಎಲ್ಲಾ ಕೂಡಿ ಸಾಸಿರ ನಾಮವ ಪಾಡಿ
ವಾಸವಾಗಿರಲಿಕ್ಕೆ ವಾಸುದೇವನ ರಾಣಿ [೨]

ಕನಕವಾಯಿತು ಮಂದಿರ ಜನನಿ ಬರಲು
ಜಯ ಜಯ ಜಯ ಎನ್ನಿರೆ |
ಸನಕಾದಿ ಮುನಿಗಳ ಸೇವೆಯನ್ನು ಸ್ವೀಕರಿಸಿ
ಕನಕವಲ್ಲಿಯು ತನ್ನ ಕಾಂತನ ಕರೆದುಕೊಂಡು [೩]

ಉಟ್ಟ ಪೀತಾಂಬರ, ಹೊಳೆಯುತ
ಕರದಲ್ಲಿ ಕಂಕಣ ಹಿಡಿಯುತ
ಸೃಷ್ಟಿಗೊಡೆಯ ನಮ್ಮ ಪುರಂದರವಿಠಲನ್ನ
ಪಟ್ಟದರಸಿ ನಮಗೆ ಇಷ್ಟಾರ್ಥ ಕೊಡಲಿಕ್ಕೆ [೪]

---

baMdALu mahAlakumi, namma manege
saMdEha villadaMte [pa]

baMdALu namma manege niMtALu gRuhadalli
naMda kaMdana rANi iMdire namma manege [a.pa]

hejje mEle hejje nikkuta
gejjeya kAla Galu Galu GalurenutA |
mUrjagava mOhisutA mukuMdana rANiyu
saMpattu koDalikke veMkaTESana sahita [1]

mAsa SrAvaNa Sukla SukravAra
paurNime dinadaMdu |
BUsuraru ellA kUDi sAsira nAmava pADi
vAsavAgiralikke vAsudEvana rANi [2]

kanakavAyitu maMdira janani baralu
jaya jaya jaya ennire |
sanakAdi munigaLa sEveyannu svIkarisi
kanakavalliyu tanna kAMtana karedukoMDu [3]

uTTa pItAMbara, hoLeyuta
karadalli kaMkaNa hiDiyuta
sRuShTigoDeya namma puraMdaraviThalanna
paTTadarasi namage iShTArtha koDalikke [4]