Sharadhi Mathanadalli

Composer : Shri Purandara dasaru

ಶರಧಿ ಮಥನದಲ್ಲಿ | ಸಿರಿದೇವಿ ಉದಿಸಿದಳು |
ಕಮಲದ ಹಾರವಾ | ಕರದೊಳಗೆ ಪಿಡಿದಿಹಳು | ಪ|

ಇಂದ್ರನ್ನ ಒಲ್ಲೆನಮ್ಮಾ | ಮೈಯ್ಯೆಲ್ಲಾ ಕಣ್ಣಿನವ |
ಚಂದ್ರನ್ನ ಒಲ್ಲೆನಮ್ಮಾ | ಕಳೆಯ ಕುಂದಿದವನಾ |
ಕಾಲಯವನನೊಲ್ಲೆನಮ್ಮ | ಕೋಣ ಏರಿದವನಾ |
ಜ್ವಾಲಾಗ್ನಿಯ ಒಲ್ಲೆನಮ್ಮ | ಬೆಂಕಿ ರೂಪದವನಾ |
ವಾಯುದೇವನನೊಲ್ಲೆನಮ್ಮ |
ವಾಯುದೇವನನೊಲ್ಲೆನಮ್ಮ | ಗಾಳಿ ಬೀಸುವವನಾ | ೧ |

ಮತ್ಸ್ಯನ್ನ ಒಲ್ಲೆನಮ್ಮ | ನೀರೊಳು ಆಡಿದವನಾ |
ಕೂರ್ಮನ್ನ ಒಲ್ಲೆನಮ್ಮ | ಭಾರ ಪೊತ್ತವನಾ |
ವರಹನ್ನ ಒಲ್ಲೆನಮ್ಮ | ಭೂಮಿಯ ತಂದವನಾ |
ನರಹಸಿಂಹನ ಒಲ್ಲೆನಮ್ಮ | ಕರುಳು ಘಾತುಕನಾ |
ವಾಮನನ ಒಲ್ಲೆನಮ್ಮಾ |
ವಾಮನನ ಒಲ್ಲೆನಮ್ಮಾ | ನೆಲವ ಬೇಡಿದವನಾ | ೨ |

ಭಾರ್ಗವನ ಒಲ್ಲೆನಮ್ಮ | ತಾಯ ಕೊಂದವನಾ |
ರಾಮನ್ನ ಒಲ್ಲೆನಮ್ಮ | ಶಬರಿ ಎಂಜಲುಂಡವನಾ |
ಕೃಷ್ಣನ ಒಲ್ಲೆನಮ್ಮಾ | ಚೋರತನದವನಾ |
ಬುದ್ಧನ್ನ ಒಲ್ಲೆನಮ್ಮಾ |
ಬುದ್ಧನ್ನ ಒಲ್ಲೆನಮ್ಮಾ | ಬೆತ್ತಲೆ ನಿಂತವನಾ |
ಕಲ್ಕಿನ ಒಲ್ಲೆನಮ್ಮ | ತೇಜಿ ಏರಿದವನಾ | ೩ |

ಕಮಲದ ಹಾರವಾ | ಕಮಲನಾಭಗೆ ಹಾಕಿ |
ಕರ ಮುಗಿದು | ತಲೆಬಾಗಿ ಸಿರಿದೇವಿ ನಿಂತಿಹಳು |
ಒಲಿದು ವನಮಾಲೆಯ | ಪುರಂದರ ವಿಠಲಗೆ,
ಹಾಕಿ ಕರ ಮುಗಿದು | ತಲೆಬಾಗಿ ನಿಂತಿಹಳು | ೪ |

---

Saradhi mathanadalli | siridEvi udisidaLu |
kamalada hAravA | karadoLage piDidihaLu | pa|

iMdranna ollenammA | maiyyellA kaNNinava |
caMdranna ollenammA | kaLeya kuMdidavanA |
kAlayavananollenamma | kONa EridavanA |
jvAlAgniya ollenamma | beMki rUpadavanA |
vAyudEvananollenamma |
vAyudEvananollenamma | gALi bIsuvavanA | 1 |

matsyanna ollenamma | nIroLu ADidavanA |
kUrmanna ollenamma | BAra pottavanA |
varahanna ollenamma | BUmiya taMdavanA |
narahasiMhana ollenamma | karuLu ghAtukanA |
vAmanana ollenammA |
vAmanana ollenammA | nelava bEDidavanA | 2 |

BArgavana ollenamma | tAya koMdavanA |
rAmanna ollenamma | Sabari eMjaluMDavanA |
kRuShNana ollenammA | cOratanadavanA |
buddhanna ollenammA |
buddhanna ollenammA | bettale niMtavanA |
kalkina ollenamma | tEji EridavanA | 3 |

kamalada hAravA | kamalanABage hAki |
kara mugidu | talebAgi siridEvi niMtihaLu |
olidu vanamAleya | puraMdara viThalage,
hAki kara mugidu | talebAgi niMtihaLu | 4 |