ಶ್ರೀಕೃಷ್ಣ ಚಾರಿತ್ರ ಸುಳಾದಿ
(ಶ್ರೀಕೃಷ್ಣ ಚಾರಿತ್ರ , ಗೋಪಿಕಾ ವಿರಹ)
ರಾಗ ಕಾಪಿ
ಧ್ರುವತಾಳ
ಈ ವನದೆಡೆಗಳು ಈ ನದಿ ಪುಲಿನಗ –
ಳೀ ಶಶಿ ಶಿಲೆಗಳು ಈ ಸುರತರುವಿನ ನೆಳಲು
ಈ ತರುಲತೆಗಳು ಈ ಶುಕಪಿಕ ರವ
ಯಾಕೆ ಮಾಧವನ ಮರೆಯಲೀಯವೆ ಕೆಳದಿ
ಆ ಮುಗುಳುನಗೆಯು ಆ ಸೊಬಗಾ
ಆ ಸುರತರು ನೆಳಲಲ್ಲಿ ರತಿಯು
ಈ ಸುರತವ ನರುಹಿದಾ ಅಬಲಿಯರಿಗೆ
ಈ ಸುಗುಣಮಯ ರಂಗವಿಟ್ಠಲನೆ ಕೆಳದಿ ॥ 1 ॥
ಮಟ್ಟತಾಳ
ಇನ್ನು ರಂಗನ ಸಂಗವ
ಇನ್ನೆತ್ತಣದು ಗೋಪಿಯರಿಗೆ
ಮಧುರಾಪುರಿಯ ಮಾನಿನಿಯರ
ಬಲಿಗೆ ಕೃಷ್ಣನೆ ಸಿಲಿಕಿದನಾಗಿ
ರತಿ ವಿದಗ್ಧರಾದ ವಧುಗಳು
ರಸಿಕ ನಮ್ಮ ರಂಗವಿಟ್ಠಲಾ ॥ 2 ॥
ರೂಪಕತಾಳ
ಬಿಡುವಾರು ಅಧಮರರಾ ಗಣಿಕಾ ಸ್ತ್ರೀಯರು ನೆರೆ
ಬಿಡುವವು ವೀತ ಫಲ ತರುಲತೆ ದ್ವಿಜಗಣ
ಬಿಡುವವು ಮೃಗದಾ ದಳ್ಳುರಿಯ ಕಂಡಡವಿಯ
ಬಿಡುವಾನೆ ಜಾರ ಪರಸತಿಯರ ನೆರೆದಿನ್ನು
ಈ ಪರಿ ಕಂಡೆವು ನಮ್ಮ ವಲ್ಲಭನಲ್ಲಿ
ಅಕ್ಕಟ ರಂಗವಿಟ್ಠಲ ಕರುಣಿಯೆ ॥ 3 ॥
ಝಂಪೆತಾಳ
ಹೆತ್ತ ತಾಯಿತಂದೆಯರಾ ನೋಡಲೆಂದು
ಇತ್ತಲಟ್ಟಿದನೆ ಉದ್ಧವ ನಿನ್ನ ಗೋವಳಾ
ಮತ್ತಾರು ಉಂಟು ವ್ರಜದೊಳು ತನಗೆ ನೆನವರು
ಹತ್ತಿರಿಕೆ ತನ್ನೀವರಲ್ಲಿ ತಾ ಬಿಡುವನೆ
ಅರ್ಥಕೃತ ಸ್ನೇಹ ನಮ್ಮೊಡನೆ ಮಾಡಿದ ಕೃಷ್ಣ
ಮತ್ತಾಳಿಗೆ ಕುಸುಮದಾನೆ ಹಾದಂತೆ
ರಕ್ತೀ ಎಮ್ಮೊಳಗುಂಟು ರಂಗವಿಟ್ಠಲಗೆ ॥ 4 ॥
ತ್ರಿಪುಟತಾಳ
ಇನ್ಯಾತಕೆ ರಂಗ ಇಲ್ಲಿಗೆ ಬಾಹಾ
ಮಧುಪುರಿಯರ ಅರಸನಾದಾ
ಮಲ್ಲರ ಕೊಂದು ಮಾವನ್ನ ಮರ್ದಿಸಿ
ಮಧುರಾಪುರಿಗೆ ರಂಗ ಅರಸನಾದಾ
ಅವನ ನೆನಹೆ ಸಾಕು ರಂಗವಿಟ್ಠಲನಾ ॥ 5 ॥
ಧ್ರುವತಾಳ
ಕುಂದು ಕುಸುಮ ಶಶಾಂಕ ರಂಜಿತ
ವೃಂದಾವನದಲ್ಲಿಹಾ
ಮಂದಮಾರುತ ಬರಲು ನಲುವನರ –
ವಿಂದನಯನ ಹಾ
ಕಂದಿದೆವು ಕುಂದಿದೆವು ನಾವು
ಕಂದರ್ಪನ ಶರದಟ್ಟೂಳಿಗೆ
ಇಂದುಮುಖಿಯರ ವೃಂದದೊಡನೆ ಕೃಷ್ಣ
ಅಂದು ನಮ್ಮೊಡನಾಡಿದ ಪರಿಯನು ತಾನು
ಇಂದೊಮ್ಮೆಯಾದರು ನೆನೆವನೆ ಹಾ ॥ 6 ॥
ರೂಪಕತಾಳ
ಪೊಂದೇರು ಎಲ್ಲಿಂದ ಬಂದಿದೆ ವ್ರಜದಲ್ಲಿ
ಅಂದನಕ್ರೂರ ತಾ ಮರಳಿ
ಬಂದನು ನಮ್ಮ ಕರದೊಯ್ಯಬೇಕೆನುತ
ಕೊಂದುಕೊಳ್ಳಲಿ ತಮ್ಮ ಹಿರಿಯರನು ಹರಲಿಗೆ
ಅಂದೆಮ್ಮನಗಲಿಸಿದ ರಂಗವಿಟ್ಠಲನಾ
ಅಂದೆಮ್ಮ ಕೊಂದಾ ಇಂದ್ಯಾಕೆ ಕೊಲ್ಲಲಿ ಬಂದಾ ॥ 7 ॥
ಅಟ್ಟತಾಳ
ಪರಮ ಸುಖದಾಸೆಯು ಬೇರೆಯಿಲ್ಲವೆಂದು
ವರದಳು ಪಿಂಗಳೆ ಜನರಿಗೆ ಹಿತವನು
ಪರಮ ಸುಖದಾಸೆ ಈತನ ಸೇವೆ ಎಲ್ಲವೆ
ಅರಿದರಿದು ಬಿಡುವ ನಾವು ನರಪಶುಗಳಲ್ಲವೆ
ಸಿರಿರಮಣಿ ಬಿಡಲು ನಮ್ಮ ರಂಗವಿಟ್ಠಲನಾ ॥ 8 ॥
ಏಕತಾಳ
ಎಮ್ಮ ತನುಮನ ತನ್ನಾಧೀನ ಮೇಲೆ
ಅನ್ಯವನರಿಯವು ತಾನರಿದಂತೆ ಮಾಡಲಿ
ಉನ್ನಂತ ಗುಣನಿಧಿಯೆಂದು ಮೊರೆಹೊಕ್ಕೆನು
ಅನ್ಯವನರಿಯವು ತಾನರಿದಂತೆ ಮಾಡಲಿ
ಚೆನ್ನ ರಂಗವಿಟ್ಠಲಗೆ ಸಲ್ಲೆ
ಮಾರುಹೋದೆನು ಅನ್ಯವನರಿಯೆ ॥ 9 ॥
ಜತೆ
ಅವನ ಹಂಬಲವೆನಗೆ ಜೀವನವವ್ವಾ
ಭುವನಮೋಹನ ರಂಗವಿಟ್ಠಲ ದೇವರದೇವ ॥
SrIkRuShNa cAritra suLAdi
(SrIkRuShNa cAritra , gOpikA viraha)
rAga kApi
dhruvatALa
I vanadeDegaLu I nadi pulinaga –
LI SaSi SilegaLu I surataruvina neLalu
I tarulategaLu I Sukapika rava
yAke mAdhavana mareyalIyave keLadi
A muguLunageyu A sobagA
A surataru neLalalli ratiyu
I suratava naruhidA abaliyarige
I suguNamaya raMgaviTThalane keLadi || 1 ||
maTTatALa
innu raMgana saMgava
innettaNadu gOpiyarige
madhurApuriya mAniniyara
balige kRuShNane silikidanAgi
rati vidagdharAda vadhugaLu
rasika namma raMgaviTThalA || 2 ||
rUpakatALa
biDuvAru adhamararA gaNikA strIyaru nere
biDuvavu vIta Pala tarulate dvijagaNa
biDuvavu mRugadA daLLuriya kaMDaDaviya
biDuvAne jAra parasatiyara neredinnu
I pari kaMDevu namma vallaBanalli
akkaTa raMgaviTThala karuNiye || 3 ||
JaMpetALa
hetta tAyitaMdeyarA nODaleMdu
ittalaTTidane uddhava ninna gOvaLA
mattAru uMTu vrajadoLu tanage nenavaru
hattirike tannIvaralli tA biDuvane
arthakRuta snEha nammoDane mADida kRuShNa
mattALige kusumadAne hAdaMte
raktI emmoLaguMTu raMgaviTThalage || 4 ||
tripuTatALa
inyAtake raMga illige bAhA
madhupuriyara arasanAdA
mallara koMdu mAvanna mardisi
madhurApurige raMga arasanAdA
avana nenahe sAku raMgaviTThalanA || 5 ||
dhruvatALa
kuMdu kusuma SaSAMka raMjita
vRuMdAvanadallihA
maMdamAruta baralu naluvanara –
viMdanayana hA
kaMdidevu kuMdidevu nAvu
kaMdarpana SaradaTTULige
iMdumuKiyara vRuMdadoDane kRuShNa
aMdu nammoDanADida pariyanu tAnu
iMdommeyAdaru nenevane hA || 6 ||
rUpakatALa
poMdEru elliMda baMdide vrajadalli
aMdanakrUra tA maraLi
baMdanu namma karadoyyabEkenuta
koMdukoLLali tamma hiriyaranu haralige
aMdemmanagalisida raMgaviTThalanA
aMdemma koMdA iMdyAke kollali baMdA || 7 ||
aTTatALa
parama suKadAseyu bEreyillaveMdu
varadaLu piMgaLe janarige hitavanu
parama suKadAse Itana sEve ellave
aridaridu biDuva nAvu narapaSugaLallave
siriramaNi biDalu namma raMgaviTThalanA || 8 ||
EkatALa
emma tanumana tannAdhIna mEle
anyavanariyavu tAnaridaMte mADali
unnaMta guNanidhiyeMdu morehokkenu
anyavanariyavu tAnaridaMte mADali
cenna raMgaviTThalage salle
mAruhOdenu anyavanariye || 9 ||
jate
avana haMbalavenage jIvanavavvA
BuvanamOhana raMgaviTThala dEvaradEva ||
Leave a Reply