Nambide ninna pada narasimha

Composer : Shri Purandara dasaru

ನಂಬಿದೆ ನಿನ್ನ ಪಾದ ನರಸಿಂಹ
ಎನ್ನ ಬೆಂಬಿಡದೆ ಸಲಹಯ್ಯ ನರಸಿಂಹ ||೧||

ಹಂಬಲಿಸುವೆನು ಬಲು ನರಸಿಂಹ
ಪಾದ ನಂಬಿದವರನು ಕಾಯೋ ನರಸಿಂಹ ||೨||

ತುಂಬುರು ನಾರದಪ್ರಿಯ ನರಸಿಂಹ
ಚೆಲ್ವ ಶಂಬರಾರಿಯ ಪಿತನೆ ನರಸಿಂಹ ||೩||

ಅಂಬರೀಷನ ಕಾಯ್ದೆ ನರಸಿಂಹ
ಜಗದಂಬಾರಮಣನೆ ಸಿರಿ ನರಸಿಂಹ ||೪||

ಬಾಲ ಕರೆದಲ್ಲಿ ಬಂದೆ ನರಸಿಂಹ
ಭಕ್ತಪಾಲಿಪ ದಯಾಳು ಸಿರಿ ನರಸಿಂಹ ||೫||

ಲೀಲೆಯಿಂದ ಹಿರಣ್ಯನ ನರಸಿಂಹ
ಕೊಂದ ಲೋಲ ಸಿರಿಯರಸನೆ ನರಸಿಂಹ ||೬||

ಅಚ್ಯುತಾನಂತ ಗೋವಿಂದ ನರಸಿಂಹ
ಸಿರಿಸಚ್ಚಿದಾನಂದ ಮುಕುಂದ ನರಸಿಂಹ ||೭||

ಕಿಚ್ಚಿನಂದದಿ ಬೆಂದೆ ನರಸಿಂಹ
ಭವ ವಿಚ್ಚೆಯಿಂದ ಬಿಡಿಸಯ್ಯ ನರಸಿಂಹ ||೮||

ಕರಿಮೊರೆಯನು ಕೇಳಿ ನರಸಿಂಹ
ಬಲು ಭರದಿಂದೊದಗಿ ಬಂದೆ ನರಸಿಂಹ ||೯||

ಗರುಡವಾಹನನಾಗಿ ನರಸಿಂಹ
ಉದ್ಧರಿಸಿ ಕಾಯ್ದೆಯಲ್ಲೋ ನರಸಿಂಹ ||೧೦||

ದೇವರ ದೇವನು ನೀನೆ ನರಸಿಂಹ
ಬೇರೆ ಕಾವರನು ಕಾಣೆನಯ್ಯ ನರಸಿಂಹ ||೧೧||

ಭಾವಜನಯ್ಯನೆ ಸಿರಿ ನರಸಿಂಹ
ನಿನ್ನ ಸೇವೆಯ ಪಾಲಿಸಿ ಕಾಯೋ ನರಸಿಂಹ ||೧೨||

ತಂದೆ ತಾಯಿ ಗುರು ದೈವ ನರಸಿಂಹ
ಎನ್ನ ಬಂಧುಬಳಗವು ನೀನೆ ನರಸಿಂಹ ||೧೩||

ಕುಂದು ಹೆಚ್ಚು ನೋಡಬೇಡ ನರಸಿಂಹ
ಪುರಂದರವಿಠ್ಠಲ ಕಾಯೋ ನರಸಿಂಹ ||೧೪||

---

naMbide ninna pAda narasiMha
enna beMbiDade salahayya narasiMha ||1||

haMbalisuvenu balu narasiMha
pAda naMbidavaranu kAyO narasiMha ||2||

tuMburu nAradapriya narasiMha
celva SaMbarAriya pitane narasiMha ||3||

aMbarIShana kAyde narasiMha
jagadaMbAramaNane siri narasiMha ||4||

bAla karedalli baMde narasiMha
BaktapAlipa dayALu siri narasiMha ||5||

lIleyiMda hiraNyana narasiMha
koMda lOla siriyarasane narasiMha ||6||

acyutAnaMta gOviMda narasiMha
sirisaccidAnaMda mukuMda narasiMha ||7||

kiccinaMdadi beMde narasiMha
Bava vicceyiMda biDisayya narasiMha ||8||

karimoreyanu kELi narasiMha
balu bharadiMdodagi baMde narasiMha ||9||

garuDavAhananAgi narasiMha
uddharisi kAydeyallO narasiMha ||10||

dEvara dEvanu nIne narasiMha
bEre kAvaranu kANenayya narasiMha ||11||

BAvajanayyane siri narasiMha
ninna sEveya pAlisi kAyO narasiMha ||12||

taMde tAyi guru daiva narasiMha
enna baMdhubaLagavu nIne narasiMha ||13||

kuMdu heccu nODabEDa narasiMha
puraMdaraviThThala kAyO narasiMha ||14||