Anjaneyane amara vandita

Composer : Shri Vadirajaru

ಆಂಜನೇಯನೇ ಅಮರವಂದಿತ ಕಂಜನಾಭನ ದೂತನೇ ||ಪ||
ಮಂಜಿನೋಲಗದಂತೆ ಶರಧಿಯ ದಾಟಿದ ಮಹಾ ಧೀರನೆ ||ಅ.ಪ||

ಆಂಜನೇಯನೇ ನಿನ್ನ ಗುಣಗಳ ಪೊಗಳಲಳವೆ ಪ್ರಖ್ಯಾತನೆ
ಸಂಜೀವನವ ತಂದು ಕಪಿಗಳ ನಂಜು ಕಳೆದ ವಿಖ್ಯಾತನೇ ||೧||

ಕಾಮ ನಿಗ್ರಹನೆನಿಸಿ ಸುರರಭಿಮಾನಿ ದೇವತೆ ಎನಿಸಿದೆ |
ರಾಮ ಪಾದಕ್ಕೆರಗಿ ನಡೆದು ನಿಸ್ಸೀಮ ನೀನೆಂದೆನಿಸಿದೆ ||೨||

ಸಿಂಧು ಹಾರಿದೆ ಶೀಘ್ರದಿಂದಲೆ ಬಂದು ಸೀತೆಗೆ ನಮಿಸಿದೆ |
ತಂದು ಮುದ್ರೆಯನಿತ್ತು ಮಾತೆಯ ಮನವ ಸಂತೋಷ ಪಡಿಸಿದೆ ||೩||

ಜನಕ ತನುಜೆಯ ಮನವ ಹರುಷಿಸಿ ವನವ ಕಿತ್ತೀಡಾಡಿದೆ |
ದನುಜರನ್ನು ಸದೆದು ಲಂಕೆಯ ಅನಲಗಾಹುತಿ ಮಾಡಿದೆ ||೪||

ರಾಮಕಾರ್ಯವ ವಹಿಸಿ ಅಕ್ಷ ಕುಮಾರನನು ಸಂಹರಿಸಿದೆ |
ಘೋರ ರಕ್ಕಸರೆಂಬುವರನು ಮಾರಿ ವಶವನು ಗೈಸಿದೇ ||೫||

ಭರದಿ ಬಂದು ರಾಮ ಪಾದಕ್ಕೆರಗಿ ಬಿನ್ನಹ ಮಾಡಿದೆ |
ಉರಗಗಿರಿ ಹಯವದನನ ಪರಮ ಭಕ್ತನೆಂದೆನಿಸಿದೆ ||೬||

---

AMjanEyanE amaravaMdita kaMjanAbhana dUtanE ||pa||
maMjinOlagadaMte sharadhiya dATida mahA dheerane ||a.pa||

AMjanEyanE ninna guNagaLa pogaLalaLave prakhyAtane
saMjIvanava taMdu kapigaLa naMju kaLeda vikhyAtanE ||1||

kAma nigrahanenisi surarabhimAni dEvate eniside |
rAma pAdakkeragi naDedu nissIma nIneMdeniside ||2||

siMdhu hAride shIghradiMdale baMdu sItege namiside |
taMdu mudreyanittu mAteya manava saMtOSha paDiside ||3||

janaka tanujeya manava haruShisi vanava kittIDADide |
danujarannu sadedu laMkeya analagAhuti mADide ||4||

rAmakAryava vahisi akSha kumArananu saMhariside |
ghOra rakkasareMbuvaranu mAri vashavanu gaisidE ||5||

bharadi baMdu rAma pAdakkeragi binnaha mADide |
uragagiri hayavadanana parama bhaktaneMdeniside ||6||