Eddu ninta

Composer : Shri Vadirajaru

ಎದ್ದು ನಿಂತ ಎದ್ದು ನಿಂತ
ಖಳರ ಕೃತಾಂತ ಹನುಮಂತ ಹನುಮಂತ |
ಪೊದ್ದಿದವರ ಪೊರೆವ ಧವಳ ಗಂಗೆ ಹನುಮಂತ [ಪ.]

ಕಂಜಾಕ್ಷಿಯ ಕಂಡು ಕಪಟ ದಶಮುಖ ಮದ
ಪ್ರಭಂಜನ ಮಹಾಮಹಿಮ ತಾ ಎದ್ದು ನಿಂತ
ಸಂಜೀವನವ ತಂದು ಕಪಿಗಳ ಕಾಯ್ದ
ಅಂಜನೆಯ ಕುವರ ತಾ ಎದ್ದು ನಿಂತ (೧)

ಗುದ್ದ್ದಿ ರಾವಣನ ಧರೆಯೊಳು ಕೆಡಹಿ ಅರಿಕಟಕ
ಮರ್ದನ ಮಹಾಮಹಿಮ ತಾನೆದ್ದು ನಿಂತ
ಯುದ್ಧದಿಂದ ರಘುಪತಿಯ ಹೊದ್ದು ತಾಳಿದ
ಮಹ ಶುದ್ಧ ಸ್ವಭಾವ ತಾನೆದ್ದು ನಿಂತ (೨)

ರಾಗಗಳ ಮೇಳೈಸಿ ಹಯವದನನೊಲಿಸಿ
ಯೋಗಿಗಳನುದ್ಧರಿಸಲೆಂದು ಎದ್ದು ನಿಂತ
ಈ ಧರೆಯೊಳು ಸುಜನರ ಮನೋಭೀಷ್ಟಗಳ
ವೇಗದಲಿ ಕೊಡುವೆನೆಂದು ಎದ್ದು ನಿಂತ (೩)

---

eddu niMta eddu niMta
KaLara kRutAMta hanumaMta hanumaMta |
poddidavara poreva dhavaLa gaMge hanumaMta [pa.]

kaMjAkShiya kaMDu kapaTa daSamuKa mada
praBaMjana mahAmahima tA eddu niMta
saMjIvanava taMdu kapigaLa kAyda
aMjaneya kuvara tA eddu niMta (1)

gudddi rAvaNana dhareyoLu keDahi arikaTaka
mardana mahAmahima tAneddu niMta
yuddhadiMda raGupatiya hoddu tALida
maha Suddha svaBAva tAneddu niMta (2)

rAgagaLa mELaisi hayavadananolisi
yOgigaLanuddharisaleMdu eddu niMta
I dhareyoLu sujanara manOBIShTagaLa
vEgadali koDuveneMdu eddu niMta (3)