Chandrachuda shiva shankara

Composer : Shri Purandara dasaru

ಚಂದ್ರಚೂಡ ಶಿವಶಂಕರ ಪಾರ್ವತಿ
ರಮಣನೆ ನಿನಗೆ ನಮೋ ನಮೋ || ಪ ||
ಸುಂದರ ಮೃಗಧರ ಪಿನಾಕ ಧನುಕರ ಗಂಗಾ ಶಿರ
ಗಜ ಚರ್ಮಾಂಬರಧರ ನಮೋ ನಮೋ || ಅ.ಪ ||

ನಂದಿವಾಹನಾ-ನಂದದಿಂದ ಮೂರ್ಜಗದಿ ಮೆರವೆನು ನೀನೇ
ಕಂದರ್ಪನ ಕ್ರೋಧದಿಂದ ಕಣ್ತೆರೆದು ಕೊಂದ ಉಗ್ರನು ನೀನೇ
ಘಟದಿಂದುದಿಸಿದ ವಿಷ ತಂದು ಭುಂಜಿಸಿದವನು ನೀನೇ
ಇಂದಿರೇಶ ಶ್ರೀ ರಾಮನಾಮವ ಚಂದದಿ ಪೊಗಳುವ ನೀನೇ || ೧ ||

ಬಾಲಮೃಕಂಡನ ಕಾಲನು ಎಳೆವಾಗ ಪಾಲಿಸಿದವನು ನೀನೇ
ಕಾಲಕೂಟವ ಪಾನವಮಾಡಿದ ನೀಲಕಂಠನು ನೀನೇ
ವಾಲಯದಿ ಕಪಾಲ ಪಿಡಿದು ಭಿಕ್ಷೆ ಬೇಡಿದ ದಿಗಂಬರನು ನೀನೇ
ಜಾಲ ಮಾಡಿದ ಗೋಪಾಲನೆಂಬ ಹೆಣ್ಣಿಗೆ ಮರುಳಾದವ ನೀನೇ || ೨ ||

ಧರೆಗೆ ದಕ್ಷಿಣ ಕಾವೇರಿತೀರ ಕುಂಭಪುರವಾಸ ನೀನೇ
ಕರದಲಿ ವೀಣೆಯ ಗಾನವ ಮಾಡುವ ಉರಗ ಭೂಷಣನು ನೀನೇ
ಕೊರಳೋಳು ಭಸ್ಮ ರುದ್ರಾಕ್ಷಿ ಧರಿಸಿದ ಪರಮ ವೈಷ್ಣವ ನೀನೆ
ಗರುಡಗಮನ ಶ್ರೀ ಪುರಂದರವಿಠಲಗೆ ಪ್ರಾಣಪ್ರಿಯನು ನೀನೆ || ೩||

---

caMdracUDa SivaSaMkara pArvati
ramaNane ninage namO namO || pa ||
suMdara mRugadhara pinAka dhanukara gaMgA Sira
gaja carmAMbaradhara namO namO || a.pa ||

naMdivAhanA-naMdadiMda mUrjagadi meravenu nInE
kaMdarpana krOdhadiMda kaNteredu koMda ugranu nInE
GaTadiMdudisida viSha taMdu BuMjisidavanu nInE
iMdirESa SrI rAmanAmava caMdadi pogaLuva nInE || 1 ||

bAlamRukaMDana kAlanu eLevAga pAlisidavanu nInE
kAlakUTava pAnavamADida nIlakaMThanu nInE
vAlayadi kapAla piDidu BikShe bEDida digaMbaranu nInE
jAla mADida gOpAlaneMba heNNige maruLAdava nInE || 2 ||

dharege dakShiNa kAvEritIra kuMBapuravAsa nInE
karadali vINeya gAnava mADuva uraga BUShaNanu nInE
koraLOLu Basma rudrAkShi dharisida parama vaiShNava nIne
garuDagamana SrI puraMdaraviThalage prANapriyanu nIne || 3||