Ahudo hanumanta

Composer : Shri Vadirajaru

ಅಹುದೋ ಹನುಮಂತ ನೀನಹುದೊ ಬಲವಂತ
ನೀನಹುದೋ ಮುಖ್ಯಪ್ರಾಣ ಮೂಲಗುರು ಅಹುದೊ ||ಪ||

ಅಹುದೊ ಧರಣಿಯ ಮ್ಯಾಲೆ ದಿವಾಕರನ ಪ್ರಭೆಯಂತೆ
ಅಹುದೊ ಮಧ್ವಮತಕೆ ಬಿರುದು ನೀನಹುದೊ ||ಅ.ಪ||

ಅಂಜನೆಯ ಗರ್ಭದಲಿ ಉದ್ಭವಿಸಿದ್ಯೊ ನೀನು
ಸಂಜೀವನವ ತಂದ್ಯೊ ಸಕಲ ಕಪಿಗಳಿಗೆ
ಮಂಜುಭಾಷಣ ನೀನು ಶರಧಿಯನು ದಾಟಿದೆಯೊ
ಕಂಜಾಕ್ಷಿ ಸೀತೆಗೆ ಉಂಗುರವನಿತ್ತೆ ||೧||

ಕುಂತಿಯ ಗರ್ಭದಲಿ ಉದ್ಭವಿಸಿದ್ಯೊ ನೀನು
ಪಂಥವನಾಡಿ ದಾಯಾದಿಯರೊಡನೆ
ಕಂತುಪಿತನ ಕೂಡಿ ಕೌರವರ ಗೆಲಿದ್ಯೊ
ಸಂತೋಷದಿಂದ ಸಾಮ್ರಾಜ್ಯ ಕೈಗೊಂಡೆ ||೨||

ಮಧ್ವಾವತಾರದಲಿ ಮುನಿವೇಷವನು ತಾಳಿ
ಅದ್ವೈತವೆಂಬೊ ಅರಣ್ಯವನು ತರಿದೆ
ಮಧ್ವ ಶಾಸ್ತ್ರವೆಂಬೊ ಮತವ ನಿರ್ಣೈಸಿದೆ
ಮುದ್ದು ಹಯವದನದಾಸ ನೀನಹುದೊ ||೩||

---

ahudO hanumaMta nInahudo balavaMta
nInahudO muKyaprANa mUlaguru ahudo ||pa||

ahudo dharaNiya myAle divAkarana praBeyaMte
ahudo madhvamatake birudu nInahudo ||a.pa||

aMjaneya garBadali udBavisidyo nInu
saMjIvanava taMdyo sakala kapigaLige
maMjuBAShaNa nInu Saradhiyanu dATideyo
kaMjAkShi sItege uMguravanitte ||1||

kuMtiya garBadali udBavisidyo nInu
paMthavanADi dAyAdiyaroDane
kaMtupitana kUDi kauravara gelidyo
saMtOShadiMda sAmrAjya kaigoMDe ||2||

madhvAvatAradali munivEShavanu tALi
advaitaveMbo araNyavanu taride
madhva SAstraveMbo matava nirNaiside
muddu hayavadanadAsa nInahudo ||3||