Kelidya koutukavannu

Composer : Shri Shripadarajaru

ಕೇಳಿದ್ಯಾ ಕೌತುಕವನ್ನು ಕೇಳಿದ್ಯಾ (ಪ)

ಕೇಳಿದ್ಯಾ ಕೌತುಕವನ್ನು ನಾ
ಕೇಳಿದೆ ನಿನಗಿಂತ ಮುನ್ನ, ಆಹಾ |
ಚಾಳಿಕಾರ ಕೃಷ್ಣ ಪೇಳದೆ ಮಧುರೆಗೆ
ಕೋಳಿ ಕೂಗದ ಮುನ್ನ ನಾಳೆ ಪಯಣವಂತೆ (ಅ|ಪ|)

ಕರೆಯ ಬಂದಿಹನಂತೆ ಕ್ರೂರ
ತಮ್ಮ ಕಿರಿಯಯ್ಯನಂತೆ ಅಕ್ರೂರ
ಪುರ ಹೊರವಳಯದಿ ಬಿಟ್ಟು ತೇರ, ಆಹಾ |
ಹಿರಿಯನೆಂದು ಕಾಲಿಗೆರಗಲು ರಾಮ
ಕೃ-ಷ್ಣನ ಠಕ್ಕಿಸಿ ಕೊಂಡು
ಮರುಳು ಮಾಡಿದ ಬುದ್ಧಿ (೧)

ಸೋದರ ಮಾವನ ಮನೆಗೆ ಬೆಳ-
ಗಾದರೆ ನಾಳಿನ ಉದಯ ಪರ-
ಮಾದರವಂತೆ ತ್ವರೆಯ,
ಅಲ್ಲಿ ತೋರಿದ ಮನಕೆ ನಾರಿಯ, ಆಹಾ |
ಸಾದಿಮಲ್ಲ ಮೊದಲಾದ ಬಿಲ್ಲ ಹಬ್ಬ
ಸಾಧಿಸಿಕೊಂಡು ಬರುವೆನೆಂದು ಸುದ್ದಿ (೨)

ಹುಟ್ಟಿದ ಸ್ಥಳವಂತೆ ಮಧುರೆ ಕಂಸ-
ನಟ್ಟುಳಿಗಾರದೆ ಬೆದರಿ ತಂ-
ದಿಟ್ಟ ತನ್ನ ತಂದೆ ಚದುರೆ,
ತೋರಿ ಕೊಟ್ಟಳು ಭಯವನ್ನು ಬೆದರಿ, ಆಹಾ |
ಎಷ್ಟು ಹೇಳಲಿ ರಂಗವಿಠಲನು ಮಾವನ
ಭೆಟ್ಟಿಗಾಗಿ ಒಡಂಬಟ್ಟು ಪೋಗುವ ಸುದ್ದಿ (೩)

---

kELidyaa kautukavannu kELidyaa (pa)

kELidyaa kautukavannu naa
kELide ninagiMta munna, aahaa |
caaLikaara kRuShNa pELade madhurege
kOLi koogada munna naaLe payaNavaMte (a|pa|)

kareya baMdihanaMte kroora
tamma kiriyayyanaMte akroora
pura horavaLayadi biTTu tEra, aahaa |
hiriyaneMdu kaaligeragalu raama
kRu-ShNana Thakkisi koMDu
maruLu maaDida buddhi (1)

sOdara maavana manege beLa-
gaadare naaLina udaya para-
maadaravaMte tvareya,
alli tOrida manake naariya, aahaa |
saadimalla modalaada billa habba
saadhisikoMDu baruveneMdu suddi (2)

huTTida sthaLavaMte madhure kaMsa-
naTTuLigaarade bedari taM-
diTTa tanna taMde cadure,
tOri koTTaLu bhayavannu bedari, aahaa |
eShTu hELali raMgaviThalanu maavana
bheTTigaagi oDaMbaTTu pOguva suddi (3)