Shri Krishna Bala leele – Dirgha kriti

Composer : Shri Vadirjaru

[Page is still under construction]

ಶ್ರೀ ಕೃಷ್ಣಬಾಲಲೀಲೆ
ಪೂರ್ವಾರ್ಧ

ಕಮಲನಾಭನ ಪಾದಕಮಲಗಳಿಗೆ ನಮೋ ಎಂಬೆ
ಅಮಲಮತಿಯ ಕೊಡುವುದೆಂದು ಕಮಲೆಗೆರಗುವೆ |೧|

ವಾಯು ಹನುಮ ಭೀಮ ಶ್ರೀಮದಾನಂದತೀರ್ಥರ
ಪಾದಪದ್ಮಗಳಿಗೆರಗುವೆ ಪರಮ ಹರುಷದಿಂದಲೀ |೨|

ಸಕಲ ವಿದ್ವತ್ ಪ್ರೌಢರಾದ ಸುಖತೀರ್ಥರ ಮತವ
ಪ್ರಕಟಿಸಿದ ವ್ಯಾಸಮುನಿಯ ಚರಣಕೆರಗುವೆ |೩|

ನ್ಯಾಯ ಸುಧೆಯ ವ್ಯಾಖ್ಯಾನ ಮಾಡಿ ಮಾಯವಾದಿಗಳ ಗೆಲಿದ
ರಾಯ ರಾಮಚಂದ್ರರ ಚರಣಕೆರಗುವೆ |೪|

ಪ್ರಾಣನಾಥ ವಿರಿಂಚರಿಗೆ ರಾಣಿವಾಸವಾಗಿರಲು ವೇದ
ವರ್ತಮಾನಿಗಳಿಗೆ ವಂದಿಪೆ ನಾನು |೫|

ಮುಕ್ಕಣ್ಣ ಹರನು ಜಗಕ್ಕೆ ಗುರು ಎಂದೆನಿಸಿ
ಶಕ್ರ ಸುರಾಭೀಷ್ಟರಿಗೆ ಶರಣೆಂದೆನೂ |೬|

ಮಧ್ವಮತಾಬ್ಧಿ ಪೂರ್ಣಚಂದ್ರನಾದ ಜಯಮುನಿಯ
ಪಾದಗಳಿಗೆರಗುವೇ ಪರಮ ಹರುಷದಿ |೭|

ಹಿರಿಯರಿಗೆ ಗುರುಗಳಿಗೆ ಮುನಿಗಳಿಗೆ ಋಷಿಗಳಿಗೆ
ಎರಗಿ ಪೇಳ್ವೆ ರಾಮಕೃಷ್ಣರ ಬಾಲಲೀಲೆಯ|೮ |

ಚಿತ್ತದೊಲ್ಲಭನ ಪಾದಚಿತ್ತದಲ್ಲಿ ಇಟ್ಟು ನಾನು
ಭಕ್ತಿಯಿಂದ ಪೇಳ್ವೆ ರಾಮಕೃಷ್ಣ ಚರಿತೆಯ |೯ |

ಘಟ್ಟ ಬೆಟ್ಟ ಸಾಗರ ಸುತ್ತಲಿದ್ದ ಅಸುರರ
ಹೊತ್ತಿರಲಾರೆನೆಂದು ಪೃಥ್ವಿ ಅತ್ತಳು |೧೦|

ರಾಜ ದೈತ್ಯರನ್ನು ತಾಳಲಾರದೆ ಭೂಮಿದೇವಿ
ಪೋಗಿ ಮೊರೆಯಿಟ್ಟಳು ದೇವತೆಗಳಿಗೆ | ೧೧|

ದೇವತೆಗಳೆಲ್ಲರು ಭೂಮಿದೇವಿಯೊಡಗೊಂಡು –
ಕ್ಷೀರಸಾಗರ ಶಯನನೆದುರು ಬಂದರಾಗಲೆ | ೧೨|

ಗೋವುರೂಪ ಧರಿಸಿ ಭೂಮಿದೇವಿ ಅಜನ ಬಳಿಗೆ ಬರಲು
ದೇವಾದಿದೇವನ ಸ್ತುತಿಸುತ್ತಿದ್ದರು | ೧೩|

ಅಂಬುಧಿಶಯನನಾಗಿ ಅಂಬುಜಾಕ್ಷ ಮಲಗಿರಲು
ಬಂದು ದೇವತೆಗಳೆಲ್ಲ ಸ್ತುತಿಯ ಮಾಡಲು | ೧೪|

ವಾರಿಧಿಶಯನನಾಗಿ ಅಂಬುಜಾಕ್ಷ ಮಲಗಿರಲು
ಬಂದು ದೇವತೆಗಳೆಲ್ಲ ಸ್ತುತಿಯ ಮಾಡಲು |೧೫|

ದೇವತೆಗಳ ಮಾತ ದೇವ ಚಿತ್ತದಲ್ಲಿಟ್ಟು ಬಂದು
ದೇವಕಿಯಲ್ಲವತರಿಸುವೆನೆಂದನು |೧೬|

ವಸುದೇವನಲ್ಲಿ ಹುಟ್ಟಿ ಅಸುರರ ಕೊಲ್ಲುವೆನೆಂದು
ವಸುಧೆಭಾರ ಇಳುಹುವೆನೆಂದ ವಾಸುದೇವನು | ೧೭|

ಹಾಸಿಗೆಯಾಗಿರುವ ಶೇಷದೇವರನ್ನೆ ಕರೆದು
ಜೈಷ್ಠನಾಗಿ ಮುಂಚ್ಯವತರಿಸು ಎಂದನು |೧೮|

ಅದಿತಿ ಕಾಶ್ಯಪರು ಮರುತ ಗಂಧರ್ವರೂ
ಸನಕಾದಿ ಯೋಗಿಗಳು ಜನಿಸಿರೆಂದನೂ | ೧೯|

ಮುನಿಗಳೆಲ್ಲ ತರು ಪಕ್ಷಿ ಮೃಗಗಳಾಗಿ ಜನಿಸಿದರು
ಅನಿಮಿಷರೆಲ್ಲ ಗೋಪಾಲರಾದರು |೨೦|

ಸನಕಾದಿ ಯೋಗಿಗಳು ಪಶುಗಳಾಗಿ ಜನಿಸಿದರು
ತುರುವ ಕಾಯ್ವ ಗೊಲ್ಲನಾದ ಪರಮಾತ್ಮನು |೨೧|

ದೇವರ ಬಾಲಲೀಲೆ ನೋಡಬೇಕೆಂದೆನುತ
ದ್ರೋಣನೆಂಬ ವಸು ನಂದಗೊಪನಾದನು |೨೨|

ಕೃಷ್ಣನ ಬಾಲಲೀಲೆ ನೋಡಬೇಕೆಂದೆನುತ
ಆಗ ಧರಾದೇವಿ ಯಶೋದೆಯಾದಳು |೨೩|

ಶೂರನಲ್ಲಿ ಕಾಶ್ಯಪ ವಸುದೇವನಾಗಿ ಜನಿಸಿದನು
ದೇವಕನಲ್ಲಿ ಅದಿತಿದೇವಿ ದೇವಕಿಯಾದಳು |೨೪ |

ದೇವಕಿ ವಸುದೇವರಿಗೆ ವಿವಾಹದುತ್ಸವವ ಮಾಡೆ
ದೇವದುಂದುಭಿಗಳಾವಾಗಲೆಸೆದುವು | ೨೫ |

ನಾಕು ಬೀದಿಯಲ್ಲಿ ಕಂಸ ಅನೇಕ ಸಂಭ್ರಮವ ಮೆರಸಿ
ಆಕಾಶವಾಣಿ ಅವನ ಕುರಿತು ನುಡಿಯಿತು |೨೬|

ತಂಗಿಯಾ ಮದುವೆ ಎಂದು ಸಂಭ್ರಮಗೊಳಲು ಬೇಡ
ಕೊಲ್ಲುವನು ಆಕೆಯ ಕಂದ ನಿನ್ನನೂ |೨೭|

ಅಷ್ಟಮಿಯ ರೋಹಿಣಿಯಲ್ಲಿ ಹುಟ್ಟಿದಾ ಮಗನು ನಿನಗೆ
ಮೃತ್ಯುವಾಹನೆಂದು ಆವಿರ್ಭೂತ ನುಡಿಯಿತು |೨೮|

ಆಕಾಶವಾಣಿ ನುಡಿಯೆ ಆಕೆಯಾ ಕೊಲುವೆನೆಂದು
ವ್ಯಾಕುಲದಿಂದ ಕಂಸ ನಡೆದು ಬಂದನು | ೨೯ |

ಭಗಿನಿಯ ಕೊಲ್ಲುವೆನೆಂದು ಬಹಳ ಕೋಪದಿಂದ ಬಂದ
ಆಯುಧವನ್ನೆ ಹಿಡಿದು ಕಂಸ ಕಡಿವೆನೆನುತಲಿ |೩೦|

ಕೂಡೆ ಹುಟ್ಟಿದವಳ ಕೊಂದು ದುಷ್ಕರ್ಮವನು ಮಾಡುವರೆ
ಬೇಡ ಕಂಸ ಸ್ತ್ರೀ ಹತ್ಯ ಬೇಗ ಬಾಹುದು |೩೧ |

ಎನ್ನ ಪ್ರಾಣಕೆ ಮುನಿದ ತಂಗಿ ಇದ್ದು ಪ್ರಯೋಜನವೇನು
ಕಣ್ಣು ಹೋದ ಹುಬ್ಬು ತನಗೆ ಬೇಡವೆಂದನು |೩೨|

ಆನಕದುಂದುಭಿ ಕಂಸಗಾನೇಕ ವಿಧವಾಗಿ ತಿಳುಹಿ
ಆದ ಸುತರನೆಲ್ಲ ನಿನಗೆ ಈವೆನೆಂದನು |೩೩|

ಎಂದ ಮಾತ ಕೇಳಿ ತಾನು ನಂಬಲಾರೆನೆಂದ ಕಂಸ
ಆಯುಧವನಿಟ್ಟು ಅಡ್ಡ ದಾಟು ಎಂದನು |೩೪|

ಹೇಳಿದಾ ಮಾತು ಕೇಳಿ ತಾನು ತಾಳಲಾರೆನೆಂದ ಕಂಸ
ಗಾಂಡೀವ ಇಟ್ಟು ಅಡ್ಡ ದಾಟು ಎಂದನು | ೩೫ |

ಆನೆ ಇಳಿದು ವಸುದೇವ ರಾಣಿಯಾ ಕೈಯಾ ಹಿಡಿದು
ಆಯುಧವ ದಾಟಿ ಅರಮನೆಗೆ ನಡೆದನು | ೩೬ |

ಅಂದಣವನಿಳಿದು ವಸುದೇವ ಹಂಡತಿ ಕೈಯ ಹಿಡಿದು
ಗಾಂಡೀವವ ದಾಟಿ ಅರಮನೆಗೆ ನಡೆದನು |೩೭|

ಆಗ ಅರಮನೆಯೊಳಗೆ ಭಾಮೆ ದೇವಕಿದೇವಿ
ಬೇಗದಿಂದ ಋತುಮತಿಯಾಗುತ್ತಿದ್ದಳು |೩೮|

ಕೇಳಿ ಉಗ್ರಸೇನರಾಯ ಬಹಳ ಸಂತೋಷದಿಂದ
ಶೋಭನವ ಮಾಡಿಸಿದ ಅಷ್ಟು ಹರುಷದಿ |೩೯|

ಅಷ್ಟ ಋಷಿಗಳನ್ನೆ ಕರೆಸಿ ಅಷ್ಟ ಫಲಗಳನ್ನೆ ತರಿಸಿ
ಪುತ್ರಿಯ ಕೈಯಲ್ಲಿ ಫಲದಾನವ ಕೊಡಿಸಿದ |೪೦ |

ಆಗ ಅರಮನೆಯೊಳಗೆ ಭಾಮೆ ದೇವಕಿ ದೇವಿಗೆ
ಬೇಗದಿಂದ ಪ್ರಥಮ ಗರ್ಭವಾಗುತಿದ್ದಿತು |೪೧ |

ಕೇಳಿ ಉಗ್ರಸೇನ ರಾಯ ಬಹಳ ಸಂತೋಷದಿಂದ
ಸೀಮಂತವ ಮಾಡಿಸಿದ ಅಷ್ಟು ಹರುಷದಿ |೪೨|

ಬಾಲಕನು ಹುಟ್ಟುತ್ತಿರಲು ಬೇಗದಿಂದ ವಸುದೇವ
ಕಂಸನ ಮುಂದೆ ಇಟ್ಟು ಕರವ ಮುಗಿದು ನಿಂತನೂ |೪೩|

ಬಾಲಕನ ನೋಡುತ ಬಹಳ ಸಂತೋಷದಿಂದ
ನೀನು ನಿನ್ನ ಮನೆಗೆ ಬೇಗ ಹೋಗು ಎಂದನೂ |೪೪ |

ಅಂದ ಮಾತು ಕೇಳಿ ತಾನು ಬಂದನಾಗ ವಸುದೇವ –
ಹೆಂಡತಿಯ ಕೈಲಿ ಶಿಶುವ ತಂದು ಕೊಟ್ಟನೂ |೪೫|

ಹೇಳಿದ ಮಾತು ಕೇಳಿ ತಾನು ಹೋದ ವಸುದೇವ
ರಾಣಿಯ ಕೈಲಿ ಶಿಶುವ ತಂದು ಕೊಟ್ಟನೂ |೪೬|

ಅಂಬರದಿಂದಲಿ ಬಂದರೀಗ ನಾರದರು
ಇಂದಿರಾಪತಿ ಈತ ಸಂದೇಹವಿಲ್ಲವೂ |೪೭|

ದೇವಕಿ ವಸುದೇವರಿಗೆ ಸೆರೆಯ ಸಂಕೋಲೆ ಹಾಕ್ಸಿ
ಬಾಗಿಲ ಮುಂದೆ ಭಟರ ತಂದು ಕಾವಲಿಟ್ಟನು |೪೮|

ನಾರದನ ಮಾತ ಕೇಳಿ ಬಹಳ ಕೋಪವನ್ನೆ ತಾಳಿ
ಆಯುಧವನ್ನು ಹಿಡಿದು ಅರಮನೆಗೆ ಬಂದನು |೪೯|

ಆರು ಮಂದಿ ಪುತ್ರರ ದೇವಕಿಯು ಪಡೆದಿರಲು
ಆಗ ಕಂಸ ಶಿಲೆಯೊಳಪ್ಪಳಿಸಿ ಕೊಂದನೂ | ೫೦ |

ಏಳನೆಯ ಗರ್ಭ ದೇವಕಿಗೆ ಮೂರು ತಿಂಗಳಾಗುತಿರಲು
ಮಾಯೆ ಸೆಳೆದುಕೊಂಡು ರೋಹಿಣಿಯಲ್ಲಿಟ್ಟಿತೂ |೫೧|

ಸೆಳೆಯಪಟ್ಟು ಶೇಷನಾಗಿ ಸಂಕರ್ಷಣನೆಂದೆನಿಸಿ
ಜನಿಸಿದನೆ ರೋಹಿಣಿಯ ಗೃಹದೊಳಾಗಲೇ |೫೨ |

ದೇವಕಿಗೇಳನೆಯ ಗರ್ಭ ಶುರುವಾದವೆಂದು
ಬಹಳ ವಾಕ್ಯದಿಂದ ಜನರು ಆಡಿಕೊಂಬರು |೫೩|

ದೇವಕಿಯ ಗರ್ಭದೊಳಗೆ ದೇವ ಶ್ರೀಹರಿಯು ಜನಿಸೆ
ಬಹಳ ವಾಕ್ಯದಿಂದ ಜನರು ಆಡಿಕೊಂಬರು |೫೪ |

ಅಕಳಂಕಚರಿತ ದೇವಕಿಯ ಬಸುರೊಳಗೆ ಬಂದಿರಲು
ವಿಕಸಿತವಾದುದು ಅವಳ ಮುಖ ಕಮಲವು | ೫೫ |

ಮೂರು ಲೋಕವ ತಿರುಗಿ ನಾರದ ಮುನಿಯು ಬರಲು
ಬುದ್ಧಿ ಕ್ಷಮೆಯಿಂದ ಮಾತನಾಡುತಿದ್ದನು |೫೬ |

ಪೂರ್ವಕಾಲದಲ್ಲಿ ಕಾಲನೇಮಿ ವಿಷ್ಣು ಕೈಲಿ ಮರಣ ನಿನಗೆ
ಈ ಜನ್ಮದಲಿ ಹರಿಯ ಕೈಯಲಿ ಮರಣವೆಂದನು |೫೭|

ಒಂದು ದಿವಸ ದೇವಕಿಯ ಮಂದಿರಕ್ಕೆ ಬಂದ ಕಂಸ
ತಂಗಿಯ ಮುಖದ ಕಾಂತಿಯ ನೋಡಿ ಬೆರಗು ಬಿದ್ದನು |೫೮ |

ಎಂದಿನಂತಲ್ಲ ಗರ್ಭ ಚೆಂದವಾಗಿ ತೋರುತಿದೆ
ಕೊಂದೀತು ಎನ್ನ ಸಂದೇಹವಿಲ್ಲವು |೫೯|

ದೇವಕಿಗೆಂಟನೆಯ ಗರ್ಭ ಬಹಳ ಎಚ್ಚರಿಕೆ ಎಂದು
ಹೇಳಿದನೆ ಕಂಸ ತನ್ನ ಆಳು ಮಂದಿಗೆ |೬೦|

ದೇವಕಿ ವಸುದೇವರಿಗೆ ಸೆರೆಯ ಸಂಕೋಲೆ ಹಾಕ್ಸಿ
ಬಾಗಿಲ ಮುಂದೆ ಭಟರ ತಂದು ಕಾವಲಿಟ್ಟನು |೬೧|

ಪುರದ ಬಾಗಿಲುಗಳಿಕ್ಕಿ ಜನರು ಎಲ್ಲ ನಿದ್ರೆಗೈವ
ಸಮಯದಲಿ ದೇವಕಿ ದೇವಿಯ ನಡು ನೊಂದುವು |೬೨ |

ಅಷ್ಟಮೀ ರೋಹಿಣಿಯಲ್ಲಿ ಅರ್ಧರಾತ್ರಿ ವೇಳ್ಯದಲ್ಲಿ
ಅಚ್ಯುತನ ಚರಿತವಾವಿರ್ಭೂತವಾಯಿತು |೬೩|

ಶ್ರಾವಣ ಬಹುಳ ಅಷ್ಟಮಿಯಲ್ಲಿ ಚಂದ್ರ ಉದಯ ಕಾಲದಲ್ಲಿ
ಭೂಮಿಯ ಮೇಲೆ ಕೃಷ್ಣನವತರಿಸಿದನು |೬೪|

ಶುಕ್ಲ ಶೋಣಿತ ಸಂಬಂಧ ಪ್ರಸಕ್ತಿ ತನಗಿಲ್ಲವೆಂದು
ಶಂಖ ಚಕ್ರ ಚತುರ್ಭುಜದಲವತರಿಸಿದನು |೬೫|

ಜಗದೊಡೆಯ ದೇವಕಿಯ ಗೃಹದೊಳಗೆ ಜನಿಸಿರಲು
ಧರಣಿದೇವಿ ತನ್ನ ಭಾರವಿಳುಹಿತೆಂದಳು |೬೬ |

ಪಟ್ಟಣದ ಕೇರಿಯೊಳಗೆ ಸುತ್ತೇಳು ಗೃಹದೊಳಗೆ
ಪಕ್ಷಿವಾಹನ ಕೃಷ್ಣನ ಬೆಳಕು ತುಂಬಿತು |೬೭|

ರಾಜ ಬೀದಿಯೊಳಗೆ ನಾಲ್ಕೆಳು ಗೃಹದೊಳಗೆ
ವಾರಿಜನಾಭನ ಬೆಳಕು ತುಂಬಿತು |೬೮ |

ಪಟ್ಟಣದ ಬೆಳಕು ಕಂಡು ದುಷ್ಟ ಕಂಗೆಟ್ಟು ಅಂಜಿ
ಮೃತ್ಯು ಬಂದಿತು ಸಂದೇಹವಿಲ್ಲವು |೬೯|

ದೇವಕಿಯ ಗೃಹದೊಳಗೆ ದೇವ ಶ್ರೀಹರಿಯು ಜನಿಸಿ
ಆಗ ಅಜನು ಬಂದು ತುತಿಯ ಮಾಡಿ ಹೋದನು | ೭೦ |

ದೇವಾದಿದೇವನೇ ವೇದಪಾಲಕನೇ
ಮಾವಮರ್ದನನೆಂದು ಬ್ರಹ್ಮ ತುತಿಸಿದ |೭೧ |

ಅಸುರ ಸಂಹಾರ ನೀನೆ ಶಿಶುಪಾಲ ವೈರಿ ನೀನೆ
ಕಂಸ ಮರ್ದನನೆಂದು ಬ್ರಹ್ಮ ತುತಿಸಿದ |೭೨|

ಶಂಖ ಚಕ್ರ ಗದಾ ಪದ್ಮ ಅಂಕಿತ ಪೀತಾಂಬರ ಉಟ್ಟ
ಪಂಕಜಾಕ್ಷನ ಕಂಡು ಅವರು ಶಂಕಿಸಿದರು |೭೩|

ಪೀತಾಂಬರ ಉಟ್ಟುಕೊಂಡು ಲಕ್ಷ್ಮೀದೇವಿಯರು ಸಹಿತ
ಶಂಖ ಚಕ್ರ ಚತುರ್ಭುಜದಲವತರಿಸಿದ |೭೪|

ಶಂಖ ಚಕ್ರ ಗದಾ ಪದುಮ ಮುಕುಟ ಕೌಸ್ತುಭಹಾರ
ಶ್ರೀವತ್ಸ ಕುಂಡಲವು ನೊಸಲ ತಿಲಕವು |೭೫|

ಉಟ್ಟ ಪೊಂಬಟ್ಟೆಯು ಹೊದ್ದ ಪೀತಾಂಬರವು
ಹೊಳೆಯೆ ಕತ್ತಲೆಗಳೆಲ್ಲ ಹರಿದವಾಗಲೇ |೭೬|

ಹೃದಯದಿ ತುಲಸಿಯ ಸರ ವೈಜಯಂತಿ ಮಾಲೆಗಳು
ಅಸುರ ಮರ್ದನನತಿ ಮುದ್ದು ಮುಖವ ಕಂಡರು |೭೭|

ಎಸಳು ಕಂಗಳು ತುದಿನೋಟದ ಕರುಣ ರಸವು
ಸುರಿಯೆ ಹಲವು ಕುರುಳು ಚೆಲುವ ಮುದ್ದು ಕೃಷ್ಣ ಜನಿಸಿದ |೭೮|

ಚತುರ್ಭುಜದಿಂದ ವ್ಯಕ್ತನಾದ ಶಂಖ ಚಕ್ರ ಗದಾ ಧರಿಸಿ
ಪ್ರಾಕೃತಭಾವನಾಗಿ ಮುಂದೆ ಬಂದು ನಿಂತನು |೭೯|

ನಿಂತಿರುವ ಹರಿಯ ಕಂಡು ಅಂಜಿ ದೇವಕಿದೇವಿ
ಬಂದು ವಸುದೇವನ ಅಪ್ಪಿಕೊಂಡಳು |೮೦ |

ಅಂಜಬೇಡ ತಾಯೆ ಎಂದು ರಂಗ ಅಭಯವನ್ನು ಕೊಟ್ಟ
ಹಿಂದಿನಾ ತಪಕೆ ಮೆಚ್ಚಿ ಬಂದೆನೆಂದನು |೮೧ |

ಹೆದರಬೇಡ ತಾಯೆ ಎಂದು ಹರಿಯು ಅಭಯವನ್ನು ಕೊಟ್ಟ
ಹಲವು ಕಾಲದ ತಪಕೆ ಮೆಚ್ಚಿ ಬಂದೆನೆಂದನು |೮೨|

ಹಿಂದಕೆ ವರವನಿತ್ತು ಬಂದೆ ನಿನ್ನ ಗರ್ಭದಲ್ಲಿ
ನಂದಗೋಪ ಗೋಪಿಯರರ್ತಿ ಸಲಿಸ ಬಂದೆನು | ೮೩ |

ಅದ್ಭುತವಾದ ಶಿಶುವ ಕಂಡು ಆದಿಪುರುಷನೆಂದು
ಮೈ ಉಬ್ಬಿ ವಸುದೇವ ಸ್ತುತಿಯ ಮಾಡಿದ |೮೪|

ಕೇಶವ ನಾರಾಯಣ ಮಾಧವ ಗೋವಿಂದ
ವಾಸುದೇವ ಕರುಣಿಸೆಂದು ಸ್ತುತಿಸುತಿದ್ದನು | ೮೫ |

ಸ್ತುತಿಗಳೇ ಬಹಳ ಬೇಡ ಕಂಸನ ಭಯವು ನಿಮಗೆ
ಶಿಶುವಾಗಿ ನಿಮ್ಮನು ಸಲುಹುವೆನೆಂದ |೮೬|

ಮಗುವಾಗಿ ಮೊರದೊಳಗೆ ಮಲಗಿ ನಿಮ್ಮ ಸಲುಹುವೆ
ಬಲರಾಮನ ಕೂಡೆ ಹೋಗಿ ಬೆಳೆವೆನೆಂದನು |೮೭|

ಪೃಶ್ನಿಜನ್ಮದಲ್ಲಿ ನಿಮ್ಮ ಉದರದಲ್ಲಿ ಪುಟ್ಟಿದೆ
ಅದಿತಿ ಕಾಶ್ಯಪರಲ್ಲಿ ವಾಮನನಾಗಿ ಪುಟ್ಟಿದೆ |೮೮|

ಮೂರು ಜನ್ಮದಲ್ಲಿ ನಿಮ್ಮ ಉದರದಲ್ಲಿ ಪುಟ್ಟಿದೆ
ಮುಕ್ತಿಗೆ ಯೋಗ್ಯಳಾದೆ ದೇವಕಿ ಎಂದನು |೮೯ |

ಮೂರು ಜನ್ಮದಲ್ಲಿ ತಪಸು ಮಾಡಿದೆಲ್ಲ ಗಳಿಸಿತು
ಮುಕ್ತಿಗೆ ಐದು ದೇವಕಿ ಎಂದನು |೯೦|

ಆಗ ಸೆರೆಮನೆಯೊಳಗೆ ಭಾಮೆ ದೇವಕಿದೇವಿ
ಸೋದರಾಗೆ ಅಂಜಿ ಮಾತನಾಡುತ್ತಿದ್ದಳು |೯೧ |

ಮಂದಿಯ ಒಳಗೆ ಎನ್ನ ಕಂದನೆಂದು ತಿಳಿಸಬೇಡ
ಒಂದು ಮಾಡಿಸೆಂದು ರಂಗಗೆ ಬೇಡಿಕೊಂಡಳು |೯೨ |

ಮಾತೆಯ ಸ್ತೋತ್ರವನ್ನೆ ಕೇಳಿ ದೇವ ಪ್ರೀತನಾಗಿ ನುಡಿದ
ಸೋದರನ ಭಯವು ನಿಮಗೆ ಬೇಡವೆಂದನು |೯೩|

ಪುತ್ರ ಹುಟ್ಟಿದನೆಂದು ಅರ್ತಿಯಿಂದ ವಸುದೇವ
ಹತ್ತು ಸಾವಿರ ಗೋವುದಾನ ಸಂಕಲ್ಪ ಮಾಡಿದ |೯೪|

ಬಾಲ ಹುಟ್ಟಿದನೆಂದು ಹರುಷದಿಂದಲಿ ವಸುದೇವ
ನೂರು ಲಕ್ಷ ಗೋವುದಾನ ಸಂಕಲ್ಪ ಮಾಡಿದ |೯೫ |

ವಸುದೇವನ ಸ್ತುತಿಯ ಕೇಳಿ ಅಸುರಮರ್ದನ ಕೃಷ್ಣ
ಶಿಶುರೂಪವ ಧರಿಸಿದನಾಕ್ಷಣದಲ್ಲಿ |೯೬|

ಕಾಳಿಂದಿಯ ತೀರದಲ್ಲಿ ನಂದಗೋಪನ ಪಳ್ಳಿ
ಮಂದಿರದೊಳಿಟ್ಟು ಹೆಣ್ಣು ಮಗಳ ತಂದುಕೋ |೯೭|

ದೇವನಾಡಿದ ಮಾತ ಕೇಳಿ ವಸುದೇವನೆತ್ತಿ ನಡೆಯುತಿರಲು
ಬೀಗ ಮುದ್ರೆಗಳು ಸಡಿಲಿ ದ್ವಾರ ತೆರೆದುವು |೯೮ |

ಗಸ್ತು ಎಚ್ಚರಿತು ಕೂಗೆ ಆಗ ವಸುದೇವನು
ಕವಳವ ಕೊಟ್ಟು ಬೇಗ ಬೇಡಿಕೊಂಡನು |೯೯|

ಹನಿಯ ಮಳೆಗೆ ಶೇಷ ತನ್ನ ಹೆಡೆಯ ಕೊಡೆಯ ಮಾಡಿದ
ಯಮುನೆ ಈರ್ಭಾಗವಾಗಿ ದಾರಿ ಕೊಟ್ಟಳು |೧೦೦|

ದುರ್ಗೆ ಜನಿಸಿ ನಂದಗೋಕುಲದಿ ಇದ್ದ ಜನರಿಗೆಲ್ಲ
ನಿದ್ರೆಯನ್ನೆಸೆದಳಜ್ಞಾನ ವಶದಿ | ೧೦೧ |

ವಾಸುದೇವನ ವಸುದೇವ ಯಶೋದೆ ಹಾಸಿಗೆಯಲಿಟ್ಟು
ಶಿಶುರೂಪು ಧರಿಸಿದಿ ಹೆಣ್ಣು ತಂದನು | ೧೦೨|

ತಿರುಗಿ ಬಂದು ವಸುದೇವ ಸೆರೆಯ ಸಂಕೋಲೆಯಲ್ಲಿರಲು
ತಾವಾಗಿ ಮುಚ್ಚಿದಾವೆ ತೆರೆದ ಬಾಗಿಲು | ೧೦೩|

ಹೆಣ್ಣು ತಂದು ವಸುದೇವ ಹೆಂಡತಿಯ ಕೈಲಿ ಕೊಡಲು
ಕಣ್ಣು ತೆರೆದು ಕಾವುಕಾವೆಂದತ್ತಿತ್ತಾಗಲೇ |೧೦೪ |

ದೇವಕಿ ಪ್ರಸವವಾದಳೆಂದು ಆಗ ಎಚ್ಚರಿತು ಜನರು
ಬೇಗದಿಂದಲಿ ಕಂಸಗೆ ಹೋಗಿ ಹೇಳಲು | ೧೦೫ |

ಹಾಸಿಕೆ ಬಿಟ್ಟಿದ್ದು ಕಂಸ ಕೇಶ ಕೆದರಿ ಹಸನ ಉಗುಳಿ
ಆ ಕ್ಷಣದಿ ಶಿಶುವ ಸೆಳೆದುಕೊಂಡನಾಗಲೇ | ೧೦೬ |

ಚಿಣ್ಣನಲ್ಲ ಹೆಣ್ಣಿದು ಅಣ್ಣ ನಿನ್ನ ಕೊಲ್ಲುವುದೆ
ಕಣ್ಣಿನೊಳ್ಳೋಡಿಕೊಂಬೆ ಕರುಣಿಸೆಂದಳು | ೧೦೭ |

ಹೆಣ್ಣೆನಿಂದಲವು ಉಂಟು ಹೆಣ್ಣಿನಿಂದಲೇ ಲಯವು ಉಂಟು
ಹೆಣ್ಣು ಸೀತೆ ಹುಟ್ಟಿ ಲಂಕೆ ಹಾಳು ಆಯಿತು | ೧೦೮ |

ಸೀತೆ ಹುಟ್ಟಿದ ಕಾರಣದಿಂದ ಲಂಕೆಗೆ ಅಳಿತವಾಯ್ತು
ನಿನ್ನ ಕಾರಣದಿಂದ ಎನ್ನ ಕೊಂದಿತೆಂದನು | ೧೦೯ |

ರೋಷದಿಂದ ಶಿಶುವ ಸೆಳೆದು ಹಾಸಿದ ಕಲ್ಲಿನ ಮೇಲೆ
ಬೀಸಿ ಅಪ್ಪಳಿಸಲಂಬರದಲಿದ್ದಳೂ | ೧೧೦|

ಅಂತರಿಕ್ಷದೊಳು ದುರ್ಗೆ ಆಯುಧವ ಧರಿಸಿಕೊಂಡು
ಅಷ್ಟ ಭುಜಗಳನ್ನು ತೋರಿ ನಿಂತಳಾಗಲೇ | ೧೧೧|

ಬೀಳಲಿದ್ದಿ ಎಲವೂ ಕಂಸ ಆಳಿಗಾರ ನಿನ್ನ ವೈರಿ
ಬಾಲಕೃಷ್ಣ ನಂದನ ಮನೇಲಿ ಬೆಳೆವುತಿದ್ದನೆ | ೧೧೨|

ನಿನ್ನ ಕೊಲ್ಲುವ ವೈರಿ ಅನ್ಯತ್ರ ಬೆಳೆಯುತಾನೆ
ಉನ್ಮತ್ತನಾಗಿ ನೀನು ಎನ್ನ ಕೊಲ್ಲುವಿಯೊ |೧೧೩|

ದುರ್ಗೆಯಾಡಿದ ಮಾತ ಕೇಳಿ ಕಡುನೊಂದು ಮನದಲ್ಲಿ
ಕಂಸನಂದು ಬಿಡಿಸಿದ ದೇವಕಿಯ ಬಂಧನಂಗಳ | ೧೧೪ |

ಮಾಯದ ಸೀತೆಯಲ್ಲಿ ಸಾಯಲಿಕ್ಕೆ ಅಂಜುವರೆ ತಾಯೆ
ನಮ್ಮನ್ಯಾರು ಮುಂದೆ ರಕ್ಷಿಸುವರು |೧೧೫|

ಇತ್ತ ಗೋಕುಲದೊಳಗೆ ಎಚ್ಚರಿತು ಜನರು ಎಲ್ಲ
ಪುತ್ರನ ಪಡೆದಳೆ ಯಶೋದೆ ಎಂದರೂ | ೧೧೬|

ಗಂಡು ಮಗನ ಪಡೆದಳೆಂದು ನಂದಗೋಪಗ್-ಹೇಳಲು
ಕಾಳಿಂದಿಯಲ್ಲಿ ಸ್ನಾನ ಮಾಡಿ ಬಂದನು ಅವನು |೧೧೭|

ಹೇಳಿದ ಪರಿಚಾರಕರಿಗೆ ಬಹಳ ಉಡುಗರೆಯ ಕೊಟ್ಟು
ಬ್ರಾಹ್ಮಣರಿಗೆ ದಕ್ಷಿಣೆ ತಾಂಬೂಲವಿತ್ತನು |೧೧೮|

ಪುತ್ರ ಹುಟ್ಟಿದನೆಂಬ ಅರ್ತಿಯಿಂದಲಿ ನಂದಗೋಪ
ಹತ್ತು ಸಾವಿರ ಗೋವು ದಾನ ಕೊಟ್ಟನು |೧೧೯|

ಬಾಲ ಹುಟ್ಟಿದನೆಂದು ಬಹಳ ಹರುಷದಿಂದಲಿ ಗೋಪ
ಹತ್ತು ಸಾವಿರ ಗೋವು ದಾನ ಕೊಟ್ಟನು |೧೨೦|

ವತ್ಸಪೈರು ಸಹಿತಲಾಗಿ ಚೊಚ್ಚಲು ಸಾಧು ಮಣಕವನ್ನು
ರತ್ನ ಹೇಮ ಚಿನ್ನದಿಂದ ಅಲಂಕರಿಸಿದ |೧೨೧ |

ಮಧು ಎಂಬ ದೈತ್ಯನ ಸದೆಬಡಿದ ಶ್ರೀಹರಿಗೆ
ಮಧುವ ತಂದು ವದನದಲ್ಲಿ ತೊಡೆದರಾಗಲೇ | ೧೨೨ |

ಬಾಯಿಗೆ ಮಧುವನಿಟ್ಟು ನಾಭಿಯ ಛೇದಿಸಿದರು
ಭಾಗೀರಥಿ ಜನಕಗೆ ಮಜ್ಜನಕೆರೆದರು |೧೨೩ |

ತೊಡೆಯ ತೊಳೆದು ಮುಡಿಯ ಕಟ್ಟಿ ನಡುವೆ ಸುತ್ತಿಕ್ಕಿದರು
ಭರದಿ ಗೂಡಾರಗಳ ಕಟ್ಟುತಿದ್ದರು | ೧೨೪ |

ಅಚ್ಯುತಾನಂತಗೆ ಹತ್ತವತಾರಗೆ ಅನಂತಗೆ
ಬಚ್ಚಂಬಲೆಯ ತಂದು ಬಿಸಿ ಮಾಡಿ ಎರೆದರು | ೧೨೫ |

ಮತ್ಸ್ಯಗೆ ಕೂರ್ಮಗೆ ವರಾಹಗೆ ನರಹರಿಗೆ
ವಾಮನ ಭಾರ್ಗವಗೆ ನೀರ ಎರೆದಾರು |೧೨೬ |

ರಾಮಗೆ ಕೃಷ್ಣಗೆ ಬೌದ್ಧಗೆ ಕಲ್ಕಿಗೆ
ಬಚ್ಚಂಬಲೆಯ ತಂದು ಬಿಸಿ ಮಾಡಿ ಎರೆದರು | ೧೨೭ |

ಶಂಬರಾರಿ ಪಿತನು ಹರಿಯು ಜನಿಸದನು ಸಕ್ಕರೆ
ತಂದು ಬೀರಿರೆಂದು ನಂದಗೋಪ ಹೇಳನು | ೧೨೮ |

ಚೆಲುವ ಚೀನಿ ಸಕ್ಕರೆ ಭೇರಿ ಭಂಡಿಯಲಿ ತುಂಬಿ
ಬೀರಿದರು ಯಮುನೆ ಗೋಕುಲದ ಕೇರಿಗೆ |೧೨೯ |

ಪುತ್ರ ಹುಟ್ಟಿದನೆಂದು ಅರ್ತಿಯಿಂದ ನಂದಗೋಪಗೆ
ಮುತ್ತಿನಾರತಿ ಎತ್ತಿದರೆ ಮುತ್ತೈದೆಯರು |೧೩೦ |

ಗೋಕುಲದ ನಾರಿಯರು ಓಕುಳಿಯನಾಡಿದರು
ಅನೇಕ ಹಾಲು ಮೊಸರು ಬೆಣ್ಣೆ ಹೈನಗಳಿಂದ | ೧೩೧|

ಜಾತ ಶ್ರೀಹರಿಗೆ ಗೋಪ ಜಾತಕರ್ಮವನೆ ಮಾಡಿ
ಅನೇಕ ಭೂಷಣಂಗಳ ದ್ವಿಜರಿಗಿತ್ತನು |೧೩೨|

ಹರುಷದಿಂದ ನಂದಗೋಪ ಕರೆಸಿದ ಜೋಯಿಸರ ಬೇಗ
ತರಿಸಿ ಉಡುಗಿರೆ ಕೊಟ್ಟು ಜಾತಕ ಬರೆಸು ನೀನೆಂದ | ೧೩೩ |

ಜ್ಯೋತಿಶ್ಯಾಸ್ತ್ರಿಗಳು ಬಂದು ಜಾತಕವನು ಹೇಳಿದರು
ಅನೇಕ ಸ್ತ್ರೀಯರಿಗೆ ಪತಿಯಾಗುವನೀತನು | ೧೩೪ |

ಹುಟ್ಟಿದ ವೇಳ್ಯದಿ ಬಹು ದುಷ್ಟರ ಸಂಹರಿಸುವ
ಸೃಷ್ಟಿ ಪಾಲಿಸುವಂಥ ದಿಟ್ಟನೀತನು | ೧೩೫ |

ದಶರಾತ್ರಿಯೊಳಗೊಬ್ಬಳಸುರೆಯಾ ಸಂಹರಿಸುವ
ಕೆಲ ಶೂರರರ್ತಿಯಲಿ ಕೊಲುವ ಅಸುರರ | ೧೩೬ |

ಅತ್ತೆಯಾ ಮಕ್ಕಳಿಗತ್ಯಂತ ಪ್ರಿಯನಾಗುವ
ಪಾರ್ಥನ ರಥಕೆ ಸಾರಥಿಯನಾಗುವ |೧೩೭ |

ರೋಹಿಣಿ ನಕ್ಷತ್ರದಲಿ ಜನನವಾದ ಕಾರಣದಿ
ಸೋದರಮಾವಗೆ ಗಂಡಾಂತರ ಸಂದೇಹವಿಲ್ಲವು |೧೩೮ |

ಜಾತಕವ ಕೇಳಿದ ನಂಗೋಪ ಹರುಷದಿಂದ
ಪಟ್ಟಾವಳಿಯ ಉಡುಗಿರೆಯ ಕೊಟ್ಟು ಕಳುಹಿದ | ೧೩೯ |

ರಂಗನುದಿಸಿ ಕೊಂಗೊಳಿಸೆ ಹಿಂಗಿತು ಪಾಪಂಗಳೆಲ್ಲ
ತಿಂಗಳುದಿಸಿದಂತೆ ನಮ್ಮ ಜನ್ಮ ಸಫಲವಾಯಿತು | ೧೪೦ |

ರಾಮಗೆ ಜಾತಕವ ಹೇಳಿ ಹೋದರು ಜೋಯಿಸರು
ಕಾಮಿತವಾಯ್ತು ಜನ್ಮ ಸಫಲವೆಂದರು |೧೪೧ |

ಮೂರು ದಿನದ ಕೊಯ್ಲುಗಳ ನೋಡಬೇಕೆಂದೆನುತ
ಬೀರಿದರು ಯಮುನೆ ಗೋಕುಲದ ಕೇರಿಲಿ | ೧೪೨|

ಕೇರಿಯ ಮುತ್ತೆದೆಯರು ಬಾಗಿಲ ತೆಗೆದುಕೊಂಡು
ದೇವರ ಕೊಯ್ಲು ನೋಡಬಂದರು ಅಂದು |೧೪೩ |

ಶಶಿಮುಖಿಯರೆಲ್ಲರು ಶ್ರೀಕೃಷ್ಣನ ಕೊಯ್ಲು ಎಂದು
ಹೊಸ ಮುತ್ತಿನಾಭರಣವಿಟ್ಟು ಮುಂಜುಡಿಗೆಯುಟ್ಟರು |೧೪೪|

ಕುಸುರು ಕಡೆಗೋಲು ಬೇವು ಯಶೋದೆ ರೋಹಿಣಿ ಕೈಯ
ಶಶಿಮುಖಿಯರು ಕೊಯ್ಲುಗಳ ಪೂಜಿಸಿದರು | ೧೪೫ |

ಗೆದ್ದು ವಿಳ್ಯವನೆ ಕೊಂಡು ಪದ್ಮನಾಭ ಹರಿಯು ಎನಲು ಎದ್ದು
ಸ್ತುತಿಯ ಮಾಡಿ ಕರವ ಮುಗಿದು ನಿಂತರು | ೧೪೬ |

ಎಂಟು ದಿನಗಳಾದುವು ಚಿಂತಿಸಿ ಅವನ ಯಂತ್ರದಿಂದ
ಕೊಲುವ ಹದನ ಎನಗೆ ತಿಳಿಯದೆಂದನು | ೧೪೭ |

ಬೇಗದಿಂದಲಿ ತನ್ನ ಮಂತ್ರಿಗಳ ಕರೆಕಳುಹಿ
ಆಲೋಚನೆಯ ಮಾಡಿ ಹೇಳಿರೆಂದನು | ೧೪೮ |

ಆತನ ಮಂತ್ರಿಗಳು ಪೂತನಿಯ ಕರೆಯ ಕಳುಹಿ
ದಶರಾತ್ರಿಯೊಳಗೆ ಶಿಶುವ ಕೊಲ್ಲು ಎಂದರು | ೧೪೯ |

ಅಸುರೆ ಪೂತನಿಯು ತಾನು ಆತ್ಮದಲಿ ವಿಷವ ಧರಸಿ
ಶಿಶುಗಳಾರಿಸುತ್ತ ಗೋಕುಲಕೆ ಬಂದಳು | ೧೫೦ |

ಸಾರಾವಳಿಯನುಟ್ಟು ಸರದ ಮುತ್ತುಗಳ ತೊಟ್ಟು
ಪುತ್ರರಸುತ್ತ ಗೋಕುಲಕೆ ಅಸುರೆ ಬಂದಳು | ೧೫೧ |

ಯಶೋದೆ ಕೈಯಲೆತ್ತುತಿದ್ದ ಶಿಶುವ ಸೆಳೆದುಕೊಂಡು
ವಿಷದ ಮೊಲೆಯ ಕೊಟ್ಟಳೆ ಅಸುರವೈರಿಗೆ | ೧೫೨ |

ಅಸುರಾರಿ ಪೂತನಿಯ ಅಸು ಸಹಿತಲೆ ಹೀರೆ
ವಸುಧೆಯೊಳಗೆ ಬಿದ್ದಳೆ ಅಸುರ ರೂಪಿಲಿ | ೧೫೩ |

ಅಸುರ ರೂಪವನೆ ಕಂಡು ಅಂಜಿ ಕಂಗೆಟ್ಟು ಜನರು
ಶಿಶುವು ಬದುಕಿದ್ದುದು ಆಶ್ಚರ್ಯವೆಂದರು |೧೫೪|

ಪೂತನಿಯ ವಿಷವನುಂಡ ಭೂತನಾಥಯ್ಯಗೆ
ಭೀತಿಪಟ್ಟನೆಂದು ವಿಭೂತಿ ಇಟ್ಟರು |೧೫೫|

ಅಂದ ಮಾತ ಕೇಳಿ ಬೇಗ ಬಂದನಾಗ ನಂದಗೋಪ
ಬಂದು ಕೋರೆದಾಡೆಯ ಅಸುರೆಯ ಕಂಡನವನು | ೧೫೬ |

ವಸುದೇವನ ಮಾತು ಹುಸಿಯಾದುದಿಲ್ಲವು
ತ್ರಿಕಾಲ ಜ್ಞಾನಿಯೆ ತಿಳಿದು ಹೇಳಿದ |೧೫೭ |

ಗೋಮಯ ಪಂಚಗವ್ಯದಿಂದ ಬಾಲಕಗೆ ರಕ್ಷೆ ಕಟ್ಟಿ
ಗೋಧೂಳಿ ಅಭಿಷೇಕವರೆರೆದರು | ೧೫೮ |

ಅಂದು ಕಂಸಗೆ ಕಪ್ಪವ ನಂದಗೋಪ ಸಲಿಸುತಿರಲು
ಬಂದು ಶೂರರಾಯನ ಸುತನು ಕಂಡನು | ೧೫೯ |

ಗೋಕುಲದೊಳಗುತ್ಪಾತವನೇಕವಾಗಿ ತೋರುತಿವೆ
ಈ ಕ್ಷಣದಿಂದಿಲ್ಲಿರದೆ ಪೋಗು ಎಂದನು | ೧೬೦ |

ಪೂತನಿಯ ಸುಡುತಿರಲು ಜಾತಿ ಪರಿಮಳವೆ ಬಂತು
ವಾಸುದೇವನ ಸ್ತುತಿಸಲು ಸದ್ಗತಿಯಾಯಿತು | ೧೬೧ |

ಕವಡೆ ಬಜ್ಜರ ದಾರಗಳ ಹೊನ್ನ ಕಂಕಣದ ನಡುವೆ
ಕಮಲನಾಭನ ತೋಳು ತೊಡೆಯಲೊಪ್ಪು ತಿದ್ದಿತು |೧೬೨|

ಹಂಚಿ ಕಡುಬು ಪಾಯಸ ಹೊನ್ನ ಹರಿವಾಣದ ಪೂಜೆ
ಕೆಂಚೆಯರು ಮಾಡಿದರು ಸಂತೋಷಗಳಿಂದ |೧೬೩ |

ಸಾರಿಸಿ ಮುತ್ತಿನ ಕಾರಣೆಗಳನ್ನೆ ರಚಿಸಿ
ತೋರಣವ ಕಟ್ಟಿದರೆ ಶಿಖರ ಮಕರಕೆ | ೧೬೪ |

ಜ್ಞಾತಿಗಳೆಲ್ಲ ದಶರಾತ್ರಿಗಳಾಗುತಿರಲು
ಸೂತಕಂಗಳನೆ ಕಳೆದು ಸುಖದಲಿದ್ದರು |೧೬೫ |

ಚಿನ್ನದ ಕೊಪ್ಪರಿಗೆಯೆಳಗೆ ಕನ್ನೆಯರು ನೀರು ಬೆರಸಿ
ಪನ್ನಂಗಶಯನಗೆ ಯಶೋದೆಗೆ ಮೊದಲೆ ಎರೆದರು | ೧೬೬ |

ಹವಳದಾ ಕೊಪ್ಪರಿಗೆಯೊಳಗೆ ಹರದಿಯರು ನೀರು ಬೆರಸಿ
ಬಲರಾಮಗೂ ರೋಹಿಣಿಗೂ ಮುನ್ನ ಎರೆದರು | ೧೬೭ |

ಹರುಷದಿಂದ ನಂದಗೋಪ ಮಂಗಳ ಸ್ನಾನವ ಮಾಡಿ
ಇಂದ್ರಮಾಣಿಕದ ಮಣೆಯ ಮೇಲೆ ಬಂದು ಕುಳಿತನು | ೧೬೮ |

ಮಂಗಳ ಸ್ನಾನವ ಮಾಡಿ ನಂದಗೋಪ ಕುಳ್ಳಿರಲು
ಕಂದರವೆತ್ತಿ ಯಶೋದೆ ರೋಹಿಣಿ ಬಂದು ಕುಳಿತರು | ೧೬೯ |

ಗಾರ್ಗ್ಯರೇ ಮೊದಲಾದ ಅಲ್ಲಿದ್ದ ಬ್ರಾಹ್ಮಣರ ಕರೆಸಿ
ಪುಣ್ಯಾಹವ ಮಾಡಿದರೆ ವಿಧ್ಯುಕ್ತದಿ |೧೭೦|

ಮಿಸುಣಿಯ ಹರಿವಾಣದಲ್ಲಿ ಹೊಸ ಮುತ್ತು ದಾಣಿ ತುಂಬಿ
ಯಶೋದೆಯ ಸುತನ ನಾಮಾಂಕಿತವ ಬರೆದನು | ೧೭೧ |

ಚಿನ್ನದಾ ಹರಿವಾಣದಲ್ಲಿ ಮುತ್ತು ರತ್ನ ದಾಣಿ ತುಂಬಿ
ರೋಹಿಣಿಯ ಸುತನ ನಾಮಾಂಕಿತವ ಬರೆದನು | ೧೭೨|

ಬಲ ಜ್ಞಾನದಿಂದ ಆದಿತ್ಯನಾದ ಕಾರಣದಿಂದ
ಹಲಾಯುಧಕೆ ಬಲರಾಮನೆಂದು ಕರೆದರು |೧೭೩|

ಮೃತ್ಯು ಜ್ಞಾನ ಆನಂದ ಗುಣಪೂರ್ಣನಾದ ಕಾರಣದಿಂದ
ಕೃಷ್ಣನೆಂದು ಕರೆದರೆ ಸಂತುಷ್ಟ ಹರಿಯ | ೧೭೪|

ಗೋವುಗಳು ನಮ್ಮನು ರಕ್ಷಿಸುವನೀತನು
ಗೋವಿಂದನೆಂದರು ಅವರು ಸದಾನಂದನ |೧೭೫|

ವಾಸುದೇವ ಜಗತಿನಲ್ಲಿ ಒಳಗೆ ಹೊರಗೆ ವ್ಯಾಪ್ತನಾದ
ವಾಸುದೇವನೆಂದರು ದೋಷರಹಿತನ | ೧೭೬|

ವಾಸುದೇವನ ಮಾಸನಾಮ ಜನ್ಮನಾಮ ವಿಶ್ವರೂಪ
ನಡೆವ ನಾಮದಿಂದ ಕೃಷ್ಣನೆಂದು ಕರೆದರು | ೧೭೭ |

ನಾಮಕರಣ ಮಾಡಿದ ನಂದಗೋಪ ಹರುಷದಿಂದ
ಬ್ರಾಹ್ಮಣರಿಗೆ ದಕ್ಷಿಣೆ ತಾಂಬೂಲವನಿತ್ತನು |೧೭೮|

ಶಾಲ್ಯಾನ್ನ ಸೂಪ ಭಕ್ಷ್ಯ ಪಾಯಸ ದಧಿ ಧೃತವು
ಭಾಮೆಯರು ಮಾಡಿದರೆ ಸಂತೋಷಗಳಿಂದ | ೧೭೯|

ಮೃಷ್ಟಾನ್ನ ಭೋಜನ ನೆಂಟರಿಗೆ ಇಷ್ಟರಿಗೆ
ವಿಪ್ರರಿಗೆ ಮಾಡಿಸಿ ಕೃತಕೃತ್ಯನಾದನು | ೧೮೦|

ನಂದಗೋಪ ಕೃಷ್ಣ ನಿನ್ನ ಕಂದನೆಂದು ತಿಳಿಯಬೇಡ
ಇಂದಿರಾಪತಿಯೆ ಅವನು ಸಂದೇಹವಿಲ್ಲವು | ೧೮೧ |

ಹತ್ತೆಂಟು ವರುಷ ನೀನು ಕಷ್ಟಪಟ್ಟು ತಪವಿರಲು
ಮತ್ತೆ ನಿನ್ನ ಮನೆಗೆ ಪುರುಷೋತ್ತಮನೆ ಬಂದನು | ೧೮೨ |

ಹನ್ನೆರಡು ವರುಷ ನೀನು ಅರ್ತಿಯಿಂದ ತಪವಿರಲು
ನಿನ್ನ ಬಯಕೆ ಸಲಿಸಲೆಂದು ಪನ್ನಂಗ ಬಂದನು | ೧೮೩ |

ನರನೆ ಬಲರಾಮನಾದ ನಾರಾಯಣನೆ ಕೃಷ್ಣನಾದ
ಭೂಮಿಭಾರ ಇಳುಹಲೆಂದು ಅವತರಿಸಿದರು |೧೮೪ |

ಪನ್ನಂಗ ಬಲರಾಮ ಪರಮಾತ್ಮ ಶ್ರೀಕೃಷ್ಣ
ನಿನ್ನ ಪುತ್ರರೆಂಬ ಬುದ್ಧಿ ಮನದಲ್ಲಿ ಮೂಡದೆ |೧೮೫|

ಆಚಾರ್ಯರ ಮಾತು ವಿಶ್ವಾಸದಿಂದ ತಿಳಿದು ಗೋಪ
ಈತನೀಗ ಮುಕ್ತಿಗೆ ಪ್ರಖ್ಯಾತನೆಂದನು |೧೮೬ |

ರಾಮಕೃಷ್ಣರಿಬ್ಬರಿಗೂ ರೋಹಿಣಿ ಯಶೋದೆಯರು
ಮಾಣಿಕದ ಮುತ್ತಿನಾಭರಣವಿಟ್ಟರು |೧೮೭|

ಖಳಜನರ ತುಳಿದು ಸಂಹರಿಸುವ ಪಾದಗಳಿಗೆ
ಕಿರುಗೆಜ್ಜೆ ಕಾಲಹೆಂಡ ವನಿಟರು |೧೮೮ |

ಸರ್ಪನ ಹೆಡೆಯ ಮೇಲೆ ನಾಟ್ಯವಾಡಿದ ಹರಿಗೆ
ನೂಪುರವನಿಟ್ಟರೆ ಜಾತಿರತುನದ |೧೮೯|

ಜಾನೂರು ಜಂಘಯಲ್ಲಿ ಮೇಲೆ ಕಟಿ ಮಧ್ಯದಲ್ಲಿ
ಮಾಣಿಕದ ಮಣಿಯನುಡುದಾರವಿಟ್ಟರು |೧೯೦|

ಉಡಿಗೆ ಗಂಟೆ ಕಿರುಗೆಜ್ಜೆ ಜಡಿವ ಕಾಂಚಿದಾಮ
ಬಡನಡುವಿಗಿಟ್ಟರು ಮೃಡನ ಪ್ರಿಯೆಗೆ |೧೯೧ |

ಮಲಕು ರತ್ನ ಮಾಣಿಕದ ಹರಳು ಕೆಂಪು ಕೆತ್ತಿಸಿದ
ಹಂಸ ಮಾಟದರಳೋಲೆ ಶ್ರೀಹರಿಗೆ ಇಟ್ಟರು | ೧೯೨ |

ಆರು ಮುತ್ತಿನ ಬಾವಲಿ ಅಣಿಮುತ್ತಿನ ಚೌಕುಳಿ
ರಾಮನ ಕಿವಿಗೆ ಜರಿವ ಕುಂಡಲವನಿಟ್ಟರು |೧೯೩|

ಎಂಟು ಮುತ್ತಿನ ಬಾವಲಿ ಎಂಟು ಮುತ್ತಿನ ಚೌಕುಳಿ
ಕೃಷ್ಣನ ಕಿವಿಗೆ ಜರಿವ ಕುಂಡಲವನಿಟ್ಟರು ೧೯೪|

ಬಾಲಕಿಯರೆಲ್ಲರು ಮೋಹಿಸಬೇಕೆನುತ
ಮೂಗುತಿಯನಿಟ್ಟರು ಮುದ್ದು ಕೃಷ್ಣಗೆ |೧೯೫ |

ಕುಸುಮನಾಭಗೆ ಬಾಲಕಿಯರು ಹಸುರಂಗಿಯ ತೊಡಿಸಿದರು
ಬಲರಾಮಗೆ ತೊಡಿಸಿದರು ಕರಿಯ ಅಂಗಿಯ | ೧೯೬ |

ಮಿತ್ರೆಯರು ರಾಮಕೃಷ್ಣರಿಗೆ ತೊಟ್ಟಿಲಿಕ್ಕಬೇಕೆನುತ
ಎಚ್ಚರಿಸಿದರೆ ಬೇಗ ಅಂದು ವಿಶ್ವಕರ್ಮನ |೧೯೭ |

ಎಂದಿನ ಪುಣ್ಯವೋ ಎಂದಿನ ಸುಕೃತವೋ
ಗೋವಿಂದನ ಸೇವೆ ತನಗೆ ಬಂದಿತೆಂದನು | ೧೯೮ |

ದೇವರ ಸೇವೆ ಎಂದು ಬಹಳ ಸಂತೋಷದಿಂದ
ವೀಳ್ಯವ ಪಿಡಿದನು ಅಂದು ವಿಶ್ವಕರ್ಮನು |೧೯೯|

ಪ್ರೇಮದ ಪ್ರತಿಮೆಯಿಂದ ಚೀನಿ ಕೆಲಸದಿಂದ
ಮಾಣಿಕದ ಮಿಳಿತಾದ ಹಲಿಗೆಗಳಿಂದ |೨೦೦ |

ವಿಶ್ವಕರ್ಮ ತಾನು ಕಲಿತ ಹಸ್ತಕೆಲಸವನೆಲ್ಲ ಹಾಕಿ
ವಿಚಿತ್ರದಿಂದ ತೊಟ್ಟಿಲ ರಚಿಸಿದನಾಗ |೨೦೧|

ತಂದು ತೊಟ್ಟಿಲ ವಿಶ್ವಕರ್ಮನಿಂದು ಕರಗಳ ಮುಗಿದು
ನಂದಗೋಪ ಯಶೋದೆಯ ಮುಂದೆ ಇಳುಹಿದ |೨೦೨ |

ತೊಟ್ಟಿಲ ನೋಡಿ ಗೋಪ ಮೆಚ್ಚಿ ಸಂತೋಷದಿಂದ
ಪಟ್ಟಾವಾಳಿ ಉಡುಗಿರೆಯ ಕೊಟ್ಟು ಕಳುಹಿದ |೨೦೩ |

ಆರು ಖಂಡುಗದ ಅಕ್ಕಿ ನೂರು ಖಂಡುಗದ ಬೇಳೆ
ಅರ್ತಿಯಿಂದ ಹಾಕಿದಾರೆ ವಿಶ್ವಕರ್ಮಗೆ |೨೦೪ |

ಮುತ್ತಿನ ತೊಟ್ಟಿಲಿಗೆ ರತ್ನದ ಕೀಲು ಬಿಗಿದು
ಮಿತ್ರೆಯರು ತೊಟ್ಟಿಲ ಕಟ್ಟುತ್ತಿದ್ದರು |೨೦೫|

ತೊಟ್ಟಿಲ ಮನೆಗೆ ಮೇಲ್ಕಟ್ಟುಗಳ ಕಟ್ಟಿದರು
ಮುತ್ತಿನ ಚಂಡು ತಂದು ನಡುವೆ ಕಟ್ಟಲು |೨೦೬ |

ಕೃಷ್ಣರ ತೊಟ್ಟಿಲಿಗೆ ಪಟ್ಟೆ ಮುಂಜುಡಿಗೆ ಹಾಸಿ
ಮುತ್ತಿನ ಲೋಡು ತಲೆಗಿಂಬನಿಟ್ಟರು |೨೦೭|

ರಾಮರ ತೊಟ್ಟಿಲಿಗೆ ಶಾಲು ಮೈದುಡುಗೆ ಹಾಸಿ
ನೀಲದ ಲೋಡು ತಲೆಗಿಂಬನಿಟ್ಟರು |೨೦೮ |

ದೀಪಗಳನೆ ಹಚ್ಚಿ ಧೂಪದ ಹೊಗೆಯನ್-ಹಾಕಿ
ನಾಕು ಕಡೆ ಸಿಕ್ಕಿಸಿದರೆ ನಂದನಂಬುವ |೨೦೯ |

ಮಂದರೋದ್ಧರ ಹರಿಯ ಇಂದಿರೇಶನ ತೊಟ್ಟಿಲೆಂದು
ನಂದಗೋಪಿ ಹೇಳಿದಳೆ ಬಂಧುಗಳಿಗೆ |೨೧೦|

ಕೇರಿಯ ಮುತ್ತೈದೆಯರು ಬಾಗಿಲ ತೆಗೆದುಕೊಂಡು
ದೇವರ ತೊಟ್ಟಿಲೆಂದು ನೋಡಬಂದರು |೨೧೧|

ನಂದಗೋಪನ ರಾಣಿಯರು ಮಿಂದು ಅರಿಸಿನ ಪೂಸಿ
ಚಂದ್ರಗಾವಿಯನುಟ್ಟು ರವಕೆ ತೊಟ್ಟರೂ |೨೧೨|

ಕೇಶಗಳನ್-ಹಿಕ್ಕಿ ಕಟ್ಟಿ ಸೂಸುವ ಮೊಗ್ಗೆಗಳಿಂದ
ಜಾತಿ ಮಲ್ಲಿಗೆ ಸಂಪಿಗೆಯ ಮುಡಿದರೂ |೨೧೩|

ಕಂಗಳಿಗಂಜನ ಹಚ್ಚಿ ಕಸ್ತೂರಿಯ ತಿದ್ದಿದಾರು
ಮುತ್ತಿನ ಬೊಟ್ಟು ಮೂಗುತಿಯನಿಟ್ಟರೂ |೨೧೪|

ಚಿಂತಾಕು ಮಲಕು ಪೆಂಡ್ಯವೆಂಬ ರತ್ನದ ಸರವು
ಕೆಂಪಿನ ಹವಳದ ಸರವನಿಟ್ಟರೂ |೨೧೫|

ಹಾರ ಸರಗಳನೆ ಹಾಕಿ ತೋಳು ಬೊಟ್ಟುಗಳನೆ ಕಟ್ಟಿ
ಧೋರವಾದ ಮುಂಗೈಯ ಮುರಾರಿಗಿಟ್ಟರು |೨೧೬|

ಕಡಗ ಕಂಕಣಗಳು ರವೆಯ ಉಂಗುರುಗಳು
ನಡವಿನೊಡ್ಯಾಣ ಜಲಕಮಲವಿಟ್ಟರು |೨೧೭|

ಅಂದುಗೆ ಪಾಯ್-ಬೊಟ್ಟು ಕಾಲುಂಗುರ ವೀರಮುದ್ರಿಕೆ
ಚೆಂದವಾದ ಮಿಂಚು ಮಿಂಟಿಗೆಯನಿಟ್ಟರು |೨೧೮|

ಕೃಷ್ಣರಾಮರ ತೊಟ್ಟಿಲಿಗೆ ರೋಹಿಣಿ ಯಶೋದೆಯರು
ಮುತ್ತಿನಾಭರಣವಿಟ್ಟು ಶೃಂಗಾರವಾದರು |೨೧೯|

ರಾಮಕೃಷ್ಣರನೆತ್ತಿಕೊಂಡು ರೋಹಿಣಿ ಯಶೋದೆಯರು
ನೀರ ಹೊಳೆಯ ಮೆಟ್ಟಿ ಪೂಜೆ ಮಾಡುತ್ತಿದ್ದರು |೨೨೦|

ಅಂಗಳವ ಸಾರಿಸಿ ರಂಗವಿಲ್ಲಿಯನಿಕ್ಕಿ
ರಂಭೆಯರು ಕೊಡನ ಪೂಜೆ ಮಾಡುತ್ತಿದ್ದರು |೨೨೧ |

ಹೊಸ್ತಿಲ ಸಾರಿಸಿ ಸುತ್ತ ಕಾಲೆಳೆಯ ತೆಗೆದು
ಮಿತ್ರೆಯರು ಕೊಡನ ಪೂಜೆ ಮಾಡುತ್ತಿದ್ದರು |೨೨೨|

ನಾರಿಯರೆಲ್ಲರು ಲಾಲಿಯ ಪೂಜೆ ಮಾಡಿ
ಮೀರದಿರು ಮೂರು ವರುಷಕೆಂದು ನುಡಿದರು | ೨೨೩ |

ಮಿತ್ರೆಯರೆಲ್ಲರು ತೊಟ್ಟಿಲ ಪೂಜೆ ಮಾಡಿ
ತಪ್ಪದಿರು ಮೂರು ವರುಷಕೆಂದು ನುಡಿದರು | ೨೨೪ |

ಪಟ್ಟಾವಳಿಯ ಸೀರೆ ಬಟ್ಟ ಮುತ್ತಿನ ಕುಪ್ಸವ
ಕೃಷ್ಣನ ತಾಯಿಗುಡುಗಿರೆಯ ಕೊಟ್ಟರು |೨೨೫|

ಸಾರಾವಳಿಯ ಸೀರೆ ಸರದ ಮುತ್ತಿನ ಕುಪ್ಸವ
ಬಲರಾಮನ ತಾಯಿಗುಡುಗಿರೆಯ ಕೊಟ್ಟರು |೨೨೬ |

ಅಂಗನೆಯರೆಲ್ಲರು ಅಂಗಿ ಟೋಪಿಯ ತಂದು
ಬಲರಾಮನ ತಾಯಿಗುಡಿಲ ತುಂಬುತ್ತಿದ್ದರು |೨೨೭ |

ಸಾರಾವಳಿಯ ಅಂಗಿ ಸರದ ಮುತ್ತಿನ ಟೋಪಿ
ಕೃಷ್ಣರಾಯನ ತಾಯಿಗುಡಿಲ ತಂಬುತ್ತಿದ್ದರು |೨೨೮ |

ಮಿತ್ರೆಯರಿಬ್ಬರು ಮುತ್ತಿನಾರತಿ ಪಿಡಿದು
ಕೃಷ್ಣರಾಮರಿಗೆ ಎತ್ತಿ ಬೆಳಗುತ್ತಿದ್ದರು |೨೨೯ |

ನಾರಿಯರಿಬ್ಬರು ನೀಲದಾರತಿಯ ಪಿಡಿದು
ಕೃಷ್ಣರಾಮರಿಗೆ ಎತ್ತಿ ಬೆಳಗುತ್ತಿದ್ದರು |೨೩೦ |

ಕಂದನ ಕಾಲ ದಿಶೆಯಲಿ ಕಡಲೆ ಗುಗ್ಗುರಿ ಇಟ್ಟು
ಅಂಗನೆಯರು ತಂದು ತೊಟ್ಟಿಲೊಳಗೆ ಇಟ್ಟರು |೨೩೧ |

ಅಡಿಗೆಯ ಮನೆಯೊಳಗೆ ಅರೆವ ಗುಂಡಪ್ಪನ
ಹರದಿಯರು ತಂದು ತೊಟ್ಟಿಲೊಳಗೆ ಇಟರು | ೨೩೨ |

ಕೇಶವಯ್ಯನ ಕೊಳ್ಳಿ ಮಾಧವಯ್ಯನ ತನ್ನಿರೆಂದು
ಕಾಂತೆಯರು ಕಂದನ ಆಡಿಸಿದರು | ೨೩೩ |

ಹೃಷಿಕೇಶನ ಕೊಳ್ಳಿ ಪದ್ಮನಾಭನ ತನ್ನಿರೆಂದು
ಪದ್ಮನಿಯರು ಕಂದನ ಆಡಿಸಿದರು |೨೩೪|

ಪ್ರಳಯ ಕಾಲದ ಜಲಧಿಯಲಿ ಆಲದೆಲೆಯಲಿ ಮಲಗಿದ್ದ
ಕಮಲನಾಭನ ತಂದು ತೊಟ್ಟಿಲೊಳಗೆ ಇಟ್ಟರು | ೨೩೫ |

ಕ್ಷೀರಸಾಗರದಲ್ಲಿ ಲಕ್ಷ್ಮೀಲೋಲನಾಗಿದ್ದ
ಶ್ರೀ ಹರಿಯ ತಂದು ತೊಟ್ಟಿಲೊಳಗೆ ಇಟ್ಟರು |೨೩೬ |

ಮುದ್ದು ರಾಮಕೃಷ್ಣರ ವೃದ್ಧ ಮುತ್ತೈದೆಯರು
ವಿಧ್ಯುಕ್ತದಿಂದ ತೊಟ್ಟಿಲೊಳಗೆ ಇಟ್ಟರು |೨೩೭|

ಶಶಿಮುಖಿಯರೆಲ್ಲರು ಮುಸಲಾಯುಧನ ತೊಟ್ಟಿಲೆಂದು
ಕುಶಲ ರಾಗಂಗಳಿಂದ ಪಾಡುತ್ತಿದ್ದರು |೨೩೮ |

ರೋಹಿಣಿ ಯಶೋದೆಯರು ಮಿಸುಣಿ ಸರಪಣಿಯ ಪಿಡಿದು
ದಶಾವತಾರಗಳಿಂದ ಪಾಡುತ್ತಿದ್ದರು |೨೩೯|

ಮತ್ಸ್ಯನಾಗಿ ಮುನ್ನ ಬಂದಿ ಕುಕ್ಷಿಚೋರನ ಕೊಂದಿ
ಪುತ್ರನಾದ ಅಜಗೆ ವೇದವಿತ್ತ ಹರಿಗೆ ಜೋ |೨೪೦ |

ಸುರರು ಅಸುರರು ಕೂಡಿ ಶರಧಿಯ ಮಥನ ಮಾಡೆ
ಇಳಿಬೆಟ್ಟ ಬೆನ್ನಿಲೆತ್ತಿದ ಕೂರ್ಮರೂಪ ಜೋ |೨೪೧ |

ಸುರುಳಿಯಾಗಿ ಸುತ್ತಿದ ಭೂಮಿ ಕೋರೆದಾಡೆಯಿಂದ ತಂದಿ
ಹರಿ ಹಿರಣ್ಯಾಕ್ಷನ ಕೊಂದಿ ವರಾಹರೂಪಗೆ ಜೋ |೨೪೨ |

ಮಗನ ಮುಂದೆ ಹಿರಣ್ಯಕನ ಕರುಳ ಬಗದು ಉಗುರಿನಿಂದ
ನರಮೃಗರೂಪನಾದ ನರಹರಿಯೆ ಜೋ |೨೪೩|

ಬಲಿಯ ಪಾತಾಳಕ್ಕೆ ಮೆಟ್ಟಿ ನೆಲನ ಈರಡಿಯ ಮಾಡಿದಿ
ಚೆಲುವ ವಾಮನನ ತ್ರಿವಿಕ್ರಮನೆ ಜೋ |೨೪೪|

ಎರಡು ಹತ್ತೊಂದು ಬಾರಿ ವೀರ ಕ್ಷತ್ರಿಯರ ಕೊಂದಿ
ಧಾರುಣಿಯ ವಿಪ್ರರಿಗಿತ್ತ ಪರಶುರಾಮ ಜೋ | ೨೪೫ |

ವಾರಿಧಿ ಕಟ್ಟಿ ದಶಗ್ರೀವನ ಶಿರವ ತರಿದಿ
ಜಾನಕಿಯತಂದಿ ದಶರಥ ರಾಮನೆ ಜೋ |೨೪೬ |

ನಂದಗೋಕುಲದಲ್ಲಿ ಪೂರ್ಣಚಂದ್ರನಾಗಿ ಜನಿಸಿದಿ
ಕಂದನಾಗಿ ಪೂತನಿಯ ಕೊಂದಿ ಕೃಷ್ಣ ಜೋ |೨೪೭ |

ಮುದ್ದು ಸ್ತ್ರೀಯರ ವ್ರತವನು ಬುದ್ಧರೂಪದಿಂದ ಅಳಿದಿ
ವೃದ್ಧ ವೇಷದಿಂದ ತ್ರಿಪುರರ ಗೆದ್ದ ಹರಿಯೆ ಜೋ |೨೪೮ |

ಹಯವನೇರಿ ದಾಳಿ ಮಾಡಿ ಸುಜನರಿಗೆ ಸುಖವನಿತ್ತಿ
ಹಿಡಿದ ಕತ್ತಿಯಾಯುಧವನು ಪಡೆದ ಕಲ್ಕಿ ಜೋ | ೨೪೯ |

ಜಗವನೆಲ್ಲ ಬಸುರೊಳಗೆ ಅಡಗಿಸಿದ ಶ್ರೀಹರಿಯ
ಮಗುವೆಂದು ತೂಗಿದರೆ ಕಮಲನಾಭನ |೨೫೦| ಜೊ ಜೊ

ಹತ್ತವತಾರದಿಂದ ವಿಸ್ತರಿಸಿ ಹರಿಯ ಗುಣವ
ಮುಕ್ತಳಾದೆನೆಂದು ಗೋಪಿ ನಗುತ್ತಲಿದ್ದಳು |೨೫೧ |

ಮುತ್ತೈದೆಯರು ಮುಂದೆ ಬಂದು ಮುತ್ತಿನ ಕದವ ಪಿಡಿದು
ಹೊಸ್ತಿಲೊಳಗೆ ಗಂಡನ್-ಹೆಸರ ಹೇಳು ಎಂದರು |೨೫೨|

ಅಕ್ಕ ಕೇಳೆ ನಮ್ಮ ಬಾಣಂತಿ ನಿಲ್ಲಲಾರಳು
ಹತ್ಯಾವು ಶೀತ ಅಂಗಾಲಿಗೆಂದರು |೨೫೩|

ತಾಯೆ ಕೇಳೆ ನಮ್ಮ ಬಾಣಂತಿ ನಿಲ್ಲಲಾರಳು
ಏರ್ಯಾವು ಶೀತ ಅಂಗಾಲಿಗೆಂದರು | ೨೫೪ |

ನಂದಗೋಪನ ರಾಣಿಯರು ನಿಂದು ಅರಸಿನವ ಪೂಸಿ
ನಂದಗೋಪನ ಕುಟುಂಬವಿದಕೆ ಬಂದಿತೆಂದರು | ೨೫೫ |

ಮಿತ್ರೆಯರಿಬ್ಬರು ಹೊಸ್ತಿಲ ಪಿಡಿದು ನಿಂತು
ಅರ್ತಿಯಿಂದ ಗಂಡನ್-ಹೆಸರ ಹೇಳುತ್ತಿದ್ದರು |೨೫೬ |

ನಾರಿಯರಿಬ್ಬರು ಬಾಗಿಲ ಹಿಡಿದು ನಿಂತು
ಬೇಗದಿಂದ ಗಂಡನ್-ಹೆಸರ ಹೇಳುತ್ತಿದ್ದರು |೨೫೭|

ತುಂಬಿದ ಕೊಡನ ತಂದು ಕಂದನ ಕಾಲ ದಿಶೆಯಲಿಟ್ಟು
ಅಂಗನೆಯರು ಕದವ ನಂಬಿ ನಿಂತರು | ೨೫೮ |

ಕಡಲೆ ಗುಗ್ಗುರಿ ಉಪ್ಪು ರೊಟ್ಟಿ ಒಡೆದಳೀಕೆ ಬಿಳಿಯಲೆ
ಕಡು ಬೇಗದಿಂದ ಬಾಗಿನವ ಕೊಟ್ಟರು |೨೫೯|

ಚಕ್ಕುಲಿ ಕರುಜೆಯಕಾಯಿ ಹಪ್ಪಳ ಸೆಂಡಿಗೆಯು
ಎಪ್ಪತ್ತು ಬಗೆಯ ಬಾಗಿನವ ಕೊಟ್ಟರು |೨೬೦|

ಬಾಲಕಿಯರೆಲ್ಲರು ಬಾಗಿನಗಳ ತೆಗೆದುಕೊಂಡು
ಬೇಗದಿಂದ ತಮ್ಮ ಮನೆಗೆ ಪೋಗುತ್ತಿದ್ದರು |೨೬೧ |

ಕರ್ಮಬಂಧನಿಲ್ಲದವಗೆ ಜನ್ಮನಕ್ಷತ್ರವೆಂದು
ತನ್ನ ಬಂಧುಗಳ ಕೂಡಿ ಉತ್ಸಾಹ ಮಾಡಿದರು |೨೬೨ |

ಆಗ ಕಂಸ ಶಕಟನ ಬೇಗದಿಂದ ಕರೆಯ ಗಳುಹಿ
ಬಂಡಿಯರೂಪವನೆ ಧರಿಸಿ ಬಾ ಎಂದನು |೨೬೩|

ಕೇಳಿದ ಶಕಟ ತಾನು ಬಹಳ ಕೋಪವನ್ನೆ ತಾಳಿ
ಬಂಡಿರೂಪವನ್ನೆ ಧರಿಸಿ ಬಂದು ನಿಂತನು |೨೬೪|

ಮಾವ ಕಳುಹಿಸಿದ ಒಂದುಚೂರ್ಣ ಕೆಲಸದ ಬಂಡಿ
ರಾಯ ರಾಮ ಕೃಷ್ಣರಿಗೆ ಆಡ ಕಳುಹಿದ |೨೬೫|

ಬಂಡಿಯ ಕೆಳಗೆ ಗೋಪಿ ಪುಂಡರೀಕಾಕ್ಷನಿಟ್ಟು
ಬ್ರಾಹ್ಮಣರ ಸಂತರ್ಪಣಯೆ ಮಾಡ ಹೋದಳು |೨೬೬ |

ಸ್ತನ್ಯಪಾನ ತಡೆಯಿತೆಂದು ತನ್ನ ಕೋಪದಲಿ ಬಂಡಿ
ಚುಮ್ಮಿವಡೆಯೆ ಹರಿಯು ಭಂಡಿ ಚೂರ್ಣವಾಯಿತು |೨೬೭ |

ಶಕಟದ ಒಳಗೆ ಒಬ್ಬ ವಿಕಟ ಅಸುರ ಕೆಳಗೆ ಬಿದ್ದ
ಅಕಟ ಶಿಶು ಅಂಜಿತೆಂದು ಅಪ್ಪಿಕೊಂಡಳು | ೨೬೮ |

ಬ್ರಾಹ್ಮಣರ ಕೈಯಿಂದ ವೇದ ಮಂತ್ರಗಳಿಂದ
ಬಾಲಕಗೆ ರಕ್ಷೆಯನ್ನೆ ಮಾಡಿಸಿದಳು |೨೬೯|

ಮೂರು ತಿಂಗಳಾಗುತ್ತಿರಲು ರೋಹಿಣಿ ಯಶೋದೆಯರು
ನೀರ ಹೊಳೆಯ ಮೆಟ್ಟಿ ಪೂಜೆ ಮಾಡುತ್ತಿದ್ದರು |೨೭೦|

ಕೃಷ್ಣರಾಮರಂಗಿಗಳ ರೋಹಿಣಿ ಯಶೋದೆಯರು
ಮುತ್ತಿನ ಕೊಡದೊಳದ್ದಿ ಒಗೆಯುತ್ತಿದ್ದರು |೨೭೧|

ರಾಮಕೃಷ್ಣರಂಗಿಗಳ ಯಶೋದೆ ರೋಹಿಣಿಯರು
ನೀರ ಕೊಡದೊಳಗೆ ಅದ್ದಿ ಒಗೆಯುತ್ತಿದ್ದರು |೨೭೨|

ಪ್ರಳಯ ಕಾಲದ ಜಲಧಿಯಲ್ಲಿ ಆಲದೆಲೆಯಲಿ ಮಲಗಿದ್ದ
ಕಮಲನಾಭನ ತೊಡೆಯಲಿಟ್ಟು ಮೊಲೆಯ ಕೊಟ್ಟಳು |೨೭೩|

ಕ್ಷೀರ ಸಾಗರದಲ್ಲಿ ಲಕ್ಷ್ಮೀಲೋಲನಾಗಿದ್ದ ಹರಿಯ
ಕಾಲ ಮೇಲೆ ಮಲಗಿಸಿ ಹಾಲ ಎರೆದಳು |೨೭೪|

ಮಂದಾಕಿನೀ ಜನಕಗೆ ಮೈಲಿ ಧೂಳಾಯಿತೆಂದು
ಒಂದು ಕೊಪ್ಪರಿಗೆ ನೀರ ತಂದು ಎರೆದಳು |೨೭೫|

ಕಂದರ್ಪಟೋಕಿ ಲಾವಣ್ಯವನ್ನು ಜರಿವವಗೆ
ಚೆಂದವಡಿಸಿದೆಂದು ಗೋಪಿ ಶೃಂಗರಿಸಿದಳು | ೨೭೬|

ಬೆನ್ನ ಹಿಂದೆ ನಿಂತುಕೊಂಡು ಕಣ್ಣು ಮುಚ್ಚಿ ತಿರುಗಿ ನೋಡಿ
ಚಿನ್ನ ನಿನ್ನ ಮುದ್ದು ತಾರೆಂದಳೆಶೋದೆ |೨೭೭ |

ಹಾಲು ಸುರಿವ ಗಲ್ಲದಲ್ಲಿ ನೀಲದ ಸರಪಣಿಯ ತುಂಬಿ
ಬಾಲ ನಿನ್ನ ಜೊಲ್ಲು ಎನ್ನ ಮೇಲೆ ಸುರಿಯಿತು |೨೭೮ |

ಅಂಗಳದೊಳಗೆಲ್ಲ ಅಂಬೆಗಾಲನಿಕ್ಕುತ
ರಂಗ ನಿನ್ನ ತೊಂಗಾಲ ತೋರಿಸೆಂದಳು |೨೭೯|

ಪಕ್ಷಿವಾಹನನಾಗಿ ಮುನ್ನ ಮತ್ತಗಜನ ತಾಪವಳಿದಿ
ಅಚ್ಯುತ ನೀ ಆನೆ ಆಡೆಂದಳೆಶೋದೆ |೨೮೦ |

ತಾರಕ ಬ್ರಹ್ಮನ ಪಡೆದ ಆದಿಮೂರ್ತಿ ನೀನು
ತಾರಮ್ಮಯ್ಯನಾಡೆಂದಳೆಶೋದೋ |೨೮೧ |

ಒಪ್ಪದಿಂದ ಸುರರಿಗೆ ಸುಧೆಯ ನೀಡಿದ ಕೈಯೊಳಗೆ
ಚಪ್ಪಳಿಕ್ಕೊ ರಂಗನೆಂದಾಡಿಸಿದಳೂ |೨೮೨|

ಪ್ರೇಮದಿಂದ ಶ್ರೀದೇವಿಯರ ಆಲಿಂಗನೆಯ ಮಾಳ್ಪ ಕೈಲಿ
ತೋಳನಾಡೋ ರಂಗನೆಂದಾಡಿಸಿದಳೂ |೨೮೩|

ಅಷ್ಟು ಹೇಳಲೆಶೋದೆ ಅಷ್ಟನೆಲ್ಲ ಆಡಿದ
ಕೃಷ್ಣನ ದಯವು ನಮಗೆ ಕೀರ್ತಿ ಸಲಹಲೀ |೨೮೪|

ಪುತ್ರನೆಂದು ಯಶೋದೆ ಎತ್ತಿ ತೊಡೆಯ ಮೇಲಿಡಲು
ಬೆಟ್ಟದಂತೆ ಜರಿಯೆ ಕೆಳಗೆ ಇಟ್ಟಳಾಗಲೆ |೨೮೫ |

ಅದ್ಭುತವಾದ ಶಿಶುವ ಕಂಡು ಆದಿಪುರುಷನೆಂದು ಮೈ
ಉಬ್ಬಿ ಸ್ತುತಿಯ ಮಾಡೆ ಕೃಷ್ಣ ಬಲೆಯ ಬೀಸಿದ | ೨೮೬ |

ನಿತ್ಯತೃಪ್ತ ವಾಸುದೇವ ಹಸಿದನೆಂದನ್ನವಾ
ತುತ್ತು ಮಾಡಿ ಉಣಿಸಿದಳು ಮೃಷ್ಟಾನ್ನವಾ |೨೮೭|

ತುತ್ತು ದೊಡ್ಡ ಮಾಡೆ ಅಮ್ಮ ಅಷ್ಟನೆಲ್ಲ ಉಂಬೆನೆನಲು
ಎನ್ನಪ್ಪ ನೀ ಉಣುವಿಯಾ ಎಂದಪ್ಪಿಕೊಂಡಳು ||೨೮೮ |

ಹಸಿದೆನೆಂದು ಶ್ರೀಕೃಷ್ಣ ಮುಸುಕ ಪಿಡಿದು ಎಳೆಯುತಿರಲು
ಹಸನಾದ ತನು ಮೇವುಗಳ ಕೊಟ್ಟಳು |೨೮೯|

ತನುವ ಒಲ್ಲೆನೆಂದು ಛಲವ ಮಾಡಿ ಅಳುತಿರಲು
ಬಾಲ ರಮಾರೂಪನಿಗಿನ್ನೆಂತು ಮಾಡಲೀ |೨೯೦ |

ಅಮ್ಮ ಹರಿದೆನೆಂಬನು ಅಮ್ಮಿಯಾ ಒಲ್ಲೆನೆಂಬ
ಸಮ್ಮನೆ ಹೊರ ಅಂಗಳಕೆ ತಂದಳೂ |೨೯೧ |

ಪೂರ್ಣಚಂದ್ರ ಉದಿಸಿರಲು ಮೇಲೆ ಇದ್ದ ಚಂದ್ರನನ್ನು
ತಾರೆ ಎನ್ನ ಕೈಯಲೆಂದು ತಾಯ ಕಾಡಿದಾ |೨೯೨ |

ಏನ ಹೇಳುವಿಯೊ ರಂಗ ಮೇಲೆ ಇದ್ದ ಚಂದ್ರನನ್ನು
ಹ್ಯಾಗೆ ತರಲಿ ಅಳವಲ್ಲ ಎಂದಳೆಶೋದೆ | ೨೯೩ |

ಶಂಬರಾರಿಪಿತನ ಗೋಪಿ ಅಂಬರಕ್ಕೆ ಪಿಡಿದೆತ್ತ
ಬಂದು ಇಳಿದ ಕರತಳದಿ ಚಂದ್ರನಾಗಲೆ |೨೯೪ |

ಬಂದು ಇಳಿದ ಚಂದ್ರನ ಇಂದಿರೇಶ ನೋಡಿ ನಕ್ಕು
ಕನ್ನಡಿಯಂತೆ ತಾಯ್ದೆ ತೋರಿ ಮೇಲಕ್ಕೆತ್ತಿದ |೨೯೫ |

ಕರದಲ್ಲಿದ್ದ ಚಂದ್ರನ ಕನ್ನಡಿಯಂತೆ ನೋಡಿ
ಪುರುಷೋತ್ತಮ ಮುಗುಳು ನಗೆಯ ನಗುತಲಿದ್ದನು |೨೯೬ |

ಹಸ್ತಗತನಾದ ಚಂದ್ರನ ಹಾರಿಸಿದನಂಬರಕ್ಕೆ
ಕೃಷ್ಣನ ನೋಡಿ ಗೋಪಿ ಬೆರಗು ಬಿದ್ದಳು |೨೯೭ |

ಪಟ್ಟೆ ಮಂಚದ ಮೇಲೆ ಪರಮಾತ್ಮ ಪವದಡಿಸೆಂದು
ಮುತ್ತಿನಾ ಲೋಡು ತಲೆದಿಂಬನಿಟ್ಟಳು |೨೯೮ |

ಪಟ್ಟೆಮಂಚ ಇಳಿದು ಕೃಷ್ಣ ಹೊಕ್ಕು ಊರು ಮನೆಗಳ
ಅಟ್ಟುಳಿಯ ಮಾಡುವನು ಸುತ್ತ ನರೆಗಳಾ |೨೯೯ |

ಹೆತ್ತ ತುಪ್ಪ ಹಾಲು ಬೆಣ್ಣೆ ಮತ್ತೆ ಕೆನೆಮೊಸರ ಗಿಣ್ಣ
ಕೃಷ್ಣರಾಮ ಮೆಲ್ಲಿರೆಂದು ಕೈಲಿ ಕೊಟ್ಟರು | ೩೦೦ |

ಕಾಲ ಅಂದುಗೆಯನಿಟ್ಟು ಕಮಲದ್-ಹೂವ ಕೈಲಿ ಕೊಟ್ಟು
ಬಾಲ ಎನ್ನ ಕಾಡದಿರೆಂದಳೆಶೋದೆ |೩೦೧ |

ರಂಗ ಎನ್ನ ಮಾತ ಕೇಳು ಹೆಂಗಳ ಕಾಡದಿರು
ಇಂತೆಂದು ಬುದ್ಧಿ ಹೇಳಿ ಮಂದಿರ ಪೊಕ್ಕಳು |೩೦೨ |

ಜನನಿ ಪೋಗುತಿರಲು ಕಂಡು ಮುಗುಳು ನಗೆಯ ನಗುತ
ತಿರುಗಿ ಬಾಹೆನೆಂದು ಬೀದಿ ಹೊರಗೆ ಬಂದನು | ೩೦೩ |

ರನ್ನದ ತಳಿಗೆಯ ಬಿಡಿಸಿಕೊಂಡು ಚೆನ್ನ ಕೃಷ್ಣ ಓಡಿ ಹೋದ
ಕನ್ನೆಯರ ಕೂಡೆ ಸರಸವಾಡುತ್ತಿದ್ದನು |೩೦೪|

ಅಂಗನೆಯರ ಮನೆಯ ಮುಂದೆ ಚೆಂದವಾದ ದ್ರಾಕ್ಷಿ ಬೀಳು
ಮುಂದೆ ಸೆರಗ ಪಿಡಿದು ಅವರ ಭಂಗಪಡಿಸಿದ |೩೦೫ |

ಅಂಗನೆಯರೆಲ್ಲರು ರಂಗನ್-ಹಾವಳಿಗಾರನೆಂದು
ನಂದಗೋಪನ ರಾಣಿ ಮುಂದೆ ಬಂದು ಹೇಳಲು | ೩೦೬ |

ಫುಲ್ಲನಾಭನ ಧಾಳಿಗಂಜಿಪಳ್ಳಿ ಬಿಟ್ಟು ಓಡಿ ಪೋಗಿ
ಗೊಲ್ಲನಿಲ್ಲದ ವೃಕ್ಷದಾ ವನವ ಸೇರುವಾ |೩೦೭ |

ಏನೆಂತ ತಾಳುವೆವು ನಾವು ಕೃಷ್ಣನ ಹಾವಳಿಯ
ನಂದಗೋಪನ ರಾಣಿ ಮುಂದೆ ಬಂದು ದೂರಲು | ೩೦೮ |

ಬಾಲಕಿಯರೆಲ್ಲರು ದೂರು ಹೇಳ ಬಂದಿರೀ
ಅದೇನು ಮಾಡಿದ ಕೃಷ್ಣನೆನಗೆ ಹೇಳಿರೆಂದಳು |೩೦೯ |

ದಟ್ಟಡಿ ಇಡುವ ಬಾಲ ಬಟ್ಟಲ ತಾಲಿಗೆ ಇಡುವ
ಅಟ್ಟುಳಿಯ ಮಾಡುವನು ಸುತ್ತ ನೆರೆಗಳ |೩೧೦ |

ಅರುಣ ಉದಯದಲ್ಲಿ ಎದ್ದು ಸಪ್ಪಳಿಲ್ಲದ್ದಾಂಗೆ
ಒಳಗೆ ಪೊಕ್ಕು ನಮ್ಮ ಬಡಿದು ಬವಣೆಬಡಿಸುವ |೩೧೧ |

ಕರಿಯದ ಮುನ್ನ ಬಂದು ಕರುಗಳ ಕಣ್ಣಿ ಬಿಡಿಸಿ
ತುರುಗಳ ಉಣಿಸಿ ಕೃಷ್ಣ ಹೋಗುತ್ತಿದ್ದನು |೩೧೨ |

ಹಾಲು ಕರಿವಲ್ಲಿಗೆ ನೀಲವರ್ಣ ಕೃಷ್ಣ ಬಂದು
ಹಾಲು ಕುಡಿದು ಗಡಿಗೆ ಒಡೆದು ಓಡಿ ಹೋದನು |೩೧೩|

ಮೊಸರ ಕಡೆಯುವಲ್ಲಿಗೆ ಕುಸುಮನಾಭ ಕೃಷ್ಣ ಬಂದು
ಮೊಸರ ಕುಡಿದು ಗಡಿಗೆ ಒಡೆದು ಓಡಿ ಹೋದನು |೩೧೪|

ಕಡೆಯುವಲ್ಲಿಗೆ ಬಂದು ಕಡಗೋಲ ಪಿಡಿದು ನಿಂತು
ಕಡಗೋಲ ಮುರಿದು ಗಡಿಗೆ ಒಡೆದು ಹೋದನು |೩೧೫|

ಏಸು ದೈವಕ್ಕೆ ನಾವು ಮೀಸಲೆಂದು ಮಾಡಿದೆವು
ವಾಸುದೇವ ಬಂದು ಮೀಸಲಳಿದು ಪೋದನು |೩೧೬|

ಗಂಡ ಹೆಂಡಿರು ಮಲಗಿರಲು ಭಂಡು ಮಾಡಿ ಪೋದನು
ಪುಂಡರೀಕಾಕ್ಷನ್-ಹಾವಳಿಯ ತಾಳಲಾರೆವು |೩೧೭|

ಕತ್ತಲೆ ಮನೆಯು ಎಂದು ಬಚ್ಚಿಟ್ಟು ಬರಲು ನಾವು
ಕೃಷ್ಣ ಒಳಗೆ ಹೊಕ್ಕು ಹಾಲು ಬೆಣ್ಣೆ ಕದ್ದನು |೩೧೮|

ಮಣಿಗಳ ಪ್ರಭೆಗಳಿಂದ ಒಳಗೆ ಹೊಕ್ಕು ಬೆಳಕು ಮಾಡಿ
ಮದನನಯ್ಯ ಹಾಲು ಮೊಸರ ಕುಡಿಯುತ್ತಿದ್ದನು |೩೧೯|

ಕೋಲು ಕೊಂಡು ಕೊಲ್ಲ ಪೋದರೆ ಬಾಲೆಯರ ಬಿಗಿದಪ್ಪಿ
ಮೇಲಿನ ಸೆರಗು ತೆಗೆದು ಒಡಿ ಹೋದನು |೩೨೦ |

ನೆಲುವು ನಿಲುಕದಿದ್ದರೆ ವರಳ ಮೇಲೆ ಏರಿಕೊಂಡು
ವರಳ ಮೆಟ್ಟಿ ಹಾಲು ಹರವಿಗೆ ಬಾಯನೊಡ್ಡಿದ |೩೨೧ |

ಸುದಾಮನ ಹೆಗಲ ಮೇಲೆ ಏರಿಕೊಂಡು ಶ್ರೀಕೃಷ್ಣ
ಚೋರನಂತೆ ಶಿಕ್ಕದಳಿಗೆಯ ಬೆಣ್ಣೆಯ ಕದ್ದ ೩೨೨ |

ಅಷ್ಟು ಎಂಜಲು ಮಾಡಿದ ಒಂದಿಷ್ಟು ಮೀಸಲಿಲ್ಲದ್ದಾಂಗೆ
ಅಷ್ಟಭಾಗದ ದೇವತೆಯೆ ನಮ್ಮ ಕೃಷ್ಣನೆ |೩೨೩ |

ವತ್ಸದ ಬಾಲಕ್ಕೂ ಮಕ್ಕಳ ಚಂಡಿಕೆಗೂ
ಹತ್ತ ಕಟ್ಟಿ ಹರಿಯು ಕುಣಿದು ನಗುತ ನಿಂತನು |೩೨೪|

ಹದ್ದನೇರಿ ತಿರುಗುವವಗೆ ಬುದ್ಧಿ ಹೇಳಬಾರದೆ
ಮುದ್ದು ಮಾಡಿ ಕೆಡಿಸಿ ಬಸವನ ಮುದ್ರೆ ಒತ್ತಿದಿ |೩೨೫|

ನಿಮ್ಮ ಕೂಡೆ ನಿಷ್ಠುರ ಇನ್ನ ಧರ್ಮವಲ್ಲ ನಮಗೆ
ಸುಮ್ಮನಿರಲು ನೆರೆಯ ರಂಗನಿನ್ನು ತಾಳಲಾರೆವು | ೩೨೬ |

ಗೊಲ್ಲತಿಯರ ಹೊಂತತನವ ಎಲ್ಲ ನಾನು ಬಲ್ಲೆನು
ಫುಲ್ಲನಾಭನ ದೂರು ನಿಮಗೆ ಸಲ್ಲದೆಂದಳು |೩೨೭ |

ಬಾಲಕಿಯರ ಮಾತುಗಳ ಕೇಳಿ ನಾನು ಬಲ್ಲೆನು
ಬಾಲಕೃಷ್ಣನ ದೂರು ನಿಮಗೆ ಸಲ್ಲದೆಂದಳು | ೩೨೮ |

ಕೊಳಿಕೆಯಲಿ ಎನ್ನ ಮನೆಲಿ ಹಾಲು ಕೊಸರು ಇಟ್ಟಿರಲು
ಕೂಡೆ ಹಾಕಿದುಳಿದ ಮೊಸರ ಕುಡಿದನೆಂಬಿರಿ |೩೨೯ |

ಕಳಸಿಗೆ ಬೆಣ್ಣೆ ಎನ್ನ ಮೆಲಿ ಕಂಡ ಕಡಯಲಿಟ್ಟು
ಕೂಡೆ ಹಾಕಿದ ಬೂದ ಬೆಣ್ಣೆಯ ಮೆದ್ದನೆಂಬಿರಿ |೩೩೦ |

ಇಕ್ಕಿದ ಹಾಲು ಮೊಸರು ಬೆಕ್ಕಿಗೆ ಇಕ್ಕಿ ಹೋದ
ಚಿಕ್ಕವನ ದೂರುವಿರಿ ಮಕ್ಕಳಲ್ಲವೆ |೩೩೧ |

ಅಂಗನೆಯರೆಲ್ಲರು ರಂಗನ ದೂರುವಿರಿ
ಬಾಲಕನ ದೂರುವಿರಿ ಕಂದರಿಲ್ಲವೆ |೩೩೨|

ಬಾಲಕಿಯರೆಲ್ಲರು ಬರಿದೆ ದೂರು ಮಾಡುವಿರಿ
ನೀವು ಕೃಷ್ಣನ ಹಿಡಿದುಕೊಂಡು ಬನ್ನಿರೆಂದಳು |೩೩೩ |

ಆಗಲೀ ಕೇರಿಯೊಳಗೆ ಬಾರದಿದ್ದಾನೊ ಕೃಷ್ಣ
ಬೇಗದಿಂದ ತಮ್ಮ ಮನೆಗೆ ಪೋಗುತ್ತಿದ್ದರು |೩೩೪ |

ಅವರು ಬರುವುದನು ಕಂಡು ಅವರ ಮನೆಗಳಿಗೆ ಹೊಕ್ಕು
ಕೊಡದ ಮೊಸರು ಹಾಲು ಬೆಣ್ಣೆ ಸವಿಯುತ್ತಿದ್ದನು |೩೩೫|

ಕೈಯಲಿ ಬೆಣ್ಣೆ ಬಾಯಲ್ಲಿ ಬೆಣ್ಣೆ ಮನೆಯೊಳಗೆ ಸುರಿದ ಹಾಲು
ನಿಮ್ಮಮ್ಮಗೆ ತೋರ್ಪೆವೆಂದು ಕೊಂಡು ಬಂದರು |೩೩೬ |

ಒಬ್ಬರರಿಯದ್-ಹಾಂಗೆ ಮತ್ತೊಬ್ಬಳು ಎತ್ತಿಕೊಂಡು
ಮಿತೆ ಗೋಪಿದೇವಿಯ ಮನೆಗೆ ಬಂದರು |೩೩೭ |

ಮಿತ್ರೆ ಗೋಪಿದೇವಿ ತನ್ನ ಕೃಷ್ಣನ ತೆಗೆದು ತೊಡೆಯಲ್ಲಿಟ್ಟು
ಮೊಲೆಯ ಕೊಟ್ಟು ಮುದ್ದಾಡಿ ನಗುತಲಿದ್ದಳು |೩೩೮ |

ಅವರ ಕೈಯಲಿಲ್ಲ ಕೃಷ್ಣ ಯಶೋದೆ ದೇವಿ ತೊಡೆಯಲಿರಲು
ಎಲ್ಲರೂ ಕಂಡು ಅಂದು ಆಶ್ಚರ್ಯ ಪಟ್ಟರು |೩೩೯|

ಬಾಲಕಿಯರೆಲ್ಲರೂ ಕೈಲಿ ಕೃಷ್ಣನಿಲ್ಲದೆ
ನಾಚಿ ನುಡಿಯಲಾರದೆ ಸುಮ್ಮನ್-ಹೋದರು | ೩೪೦ |

ಅವರ ಮನೆಗಳಿಗೆ ಕಳುಹಿ ದಧಿಮಥನವ ಮಾಡುತಿರಲು
ಜಗದಂತರ್ಯಾಮಿ ಸ್ವಾಮಿಯ ಪಾಡುತ್ತಿದ್ದಳು | ೩೪೧ |

ಹಾರ ಕುಚಗಳಲ್ಲಿ ಮುತ್ತಿನ ಮಾಲೆ ಅಲ್ಲಾಡುತ್ತಿರಲು
ನೀಲ ಮೇಘಶ್ಯಾಮನ ಪಾಡುತ್ತಿದ್ದಳು |೩೪೨|

ಕಡಗ ಕಂಕಣಗಳಿಗೆ ಮುಡಿದ ಮಲ್ಲಿಗೆ ಮಧುರೆ
ಧುಮ್ಮು ಧುಡುಕೆಂದು ಮೊಸರ ಕಟೆಯುತ್ತಿದ್ದಳು |೩೪೩ |

ಮೊಸರ ಕಡೆಯುವಲ್ಲಿಗೆ ಕುಸುಮನಾಭ ಕೃಷ್ಣ ಬಂದು
ಹಸಿದೆನೆಂದು ಅಮ್ಮಿಯ ಬೇಡುತಿದ್ದನು |೩೪೪ |

ನಂಬಿಸಿ ಕಣ್ಣೀರ ಒರಸಿ ನವನೀತವ ಕೈಲಿ ಕೊಟ್ಟು
ಮೊಲೆಯ ಕೊಟ್ಟಳೆ ಗೋಪಿ ಜಗದೊಡೆಯಗೆ | ೩೪೫ |

ಹಾಲು ಉಕ್ಕಿ ಬರಲು ಗೋಪಿ ನೀಲವರ್ಣನ ಕೆಳಗೆ ಇಟ್ಟು
ನೀರ ತೊಡೆದು ಬರುವೆನೆಂದು ಒಳಗೆ ಹೋದಳು |೩೪೬ |

ಹಾಲು ಹರವಿ ಕೆಳಗೆ ಇಡಲು ನೀಲವರ್ಣ ಕೃಷ್ಣ ಕಡ
ಗೋಲಮುರಿದು ಗಡಿಗೆ ಒಡೆದು ಒಡಿ ಹೋದನು | ೩೪೭ |

ಒಳಗೆ ಹೊಕ್ಕು ಬರಲು ಗೋಪಿ ಮುರಿದ ಕಡಗೋಲು ಕಂಡು
ಜಗದೊಡೆಯನ ಕೆಲಸವೆಂದು ತಿಳಿದಳಾಗಲೇ |೩೪೮ |

ಗೊಲ್ಲತಿಯರ ಮಾತ ನಾನು ಎಲ್ಲ ಹುಸಿ ಮಾಡಿದೆ
ಫುಲ್ಲನಾಭನ ಮುದ್ದಿಸುವುದು ಸಲ್ಲದೆಂದಳು |೩೪೯ |

ಬಾಲಕಿಯರ ಮಾತ ನಾನು ಬಹಳ ಹುಸಿ ಮಾಡಿದೆ
ಬಾಲಕೃಷ್ಣನ ಮುದ್ದಿಸುವುದು ಸಲ್ಲದೆಂದಳು |೩೫೦ |

ಎಷ್ಟಂತ ತಾಳ್ವೆ ನಾನು ಕೃಷ್ಣನ ಹಾವಳಿಯ
ಕಷ್ಟದಿಂದ ಹಿಡಿದಳೆ ಕಟ್ಟುವೆನೆಂದು |೩೫೧ |

ಊರ ಕಣ್ಣಿಯ ತಂದು ವಾರಿಜನಾಭನ ಕಟ್ಟಿ
ಸಾಲದಿರಲು ರಟೆ ನೊಂದು ಸರಿದಳ್-ಹಿಂದಕೆ |೩೫೨ |

ಆಕಳ ಕಣ್ಣಿಯ ತಂದು ಗೋಪಾಲಕೃಷ್ಣನ ಕಟ್ಟಿ
ನಾಕು ಬೆರಳಿಗೆ ಸಾಲದೆನುತ ನಗುತ ಓಡಿದ |೩೫೩ |

ಓಡಿ ಓಡಿ ಹೋಗುತಿರಲು ಸಾರೆ ಸಾರೆ ನಿಲ್ಲುತಿರಲು
ವಾರೆ ವಾರೆ ನೋಟದಿಂದ ನೋಡುತಿರುವನು | ೩೫೪ |

ಮುಂದೆ ಗೋವಿಂದನ ಪಾದ ಹಿಂದೆ ಯಶೋದೆಯ ಪಾದ
ಮುಂಗೈ ಮುರಾರಿ ನೇತ್ರಗಳೊ ರಸುತಿದ್ದಳು |೩೫೫|

ನೇತ್ರದಲ್ಲಿ ಜಲವ ತುಂಬಿ ಪ್ರೀತಿ ವಚನ ಕುರಿತು ಹರಿಯ
ಈ ಮಾತನಾಡಿದಳೆ ಮುಕ್ತಿಖ್ಯಾತಳದಿಂದ |೩೫೬|

ಜನನಿ ಅರಸಿದಳೆಂದು ಕರುವು ಕಣ್ಣೆ ಆಳವಾಗಿ
ಕೃಷ್ಣ ಭಕ್ತವತ್ಸಲ ತಾನಾದ |೩೫೭ |

ಯೋಗಿಗಳ ಮನಸಿನ ಜ್ಞಾನಕೆ ಸಿಕ್ಕದವನ
ಶ್ರೀಹರಿಯ ಕಟ್ಟಿದಳೆ ಗೇಣು ಹಗ್ಗದಿ |೩೫೮ |

ಒರಳಿಗೆ ಕೃಷ್ಣನ ಕಟ್ಟಿ ಒಳಗೆ ಬಂದಳು ಗೋಪಿ
ಸುಳಿದು ಬಾಹೆನೆಂದು ಬೀದಿ ಹೊರಗೆ ಬಂದನು | ೩೫೯ |

ನಳಕೂಬ್ರ ಮಣಿಗ್ರೀವರು ನಾರದರ ಶಾಪದಿಂದ
ವೃಕ್ಷ ರೂಪದಿ ಜನಿಸಿದರು ಧರಣಿಯ ಮೇಲೆ | ೩೬೦ |

ಯಮಳಾರ್ಜುನರ ಶಾಪವ ಇಂದು ಬಿಡಿಸುವೆನೆಂದು
ಬಂದ ಕೃಷ್ಣ ಮತ್ತಿಯಾ ಮರಗಳಲ್ಲಿಗೆ |೩೬೧ |

ಮತ್ತಿಯಾ ಮರಗಳಲ್ಲಿ ಸಿಕ್ಕಿ ಬಿದ್ದಿತು ಉಳುಪು
ಕಿತ್ತು ಧರೆಗೆ ಕೆಡಹೆ ಕೃಷ್ಣ ಅತ್ತಸಾರಿದಾ |೩೬೨ |

ಬಿದ್ದ ಮರನ ನಡುವೆ ಮತ್ತಿಬ್ಬರ್ಪುರುಷರೆದ್ದು ಬರಲು
ಕಂಡು ಜನಗಳೆಲ್ಲ ಬಹು ಚೋದ್ಯಪಟ್ಟರು |೩೫೩ |

ಮದ್ಯಪಾನವನ್ನು ಮಾಡಿ ಉನ್ಮತ್ತರಾಗಿರುತಿರಲು
ನಾರದರು ಬಂದು ನಮ್ಮ ಕಡೆಗ ಹಾಕಲು | ೩೫೪ |

ಅರ್ಕಪತಿಯ ಸೇವೆ ಮಾಡಿ ವ್ಯರ್ಥವಾಗಿ ಕೆಡಲು ಬೇಡಿ
ಲಕ್ಷ್ಮೀಪತಿಯ ಪೂಜೆಗಳ ಮಾಡಿರೆಂದನು | ೩೬೫ |

ನಮೋಸ್ತು ಕಲ್ಯಾಣರೂಪ ನಮೋ ವಿಶ್ವಭಾವನ
ನಮೋ ಭಾರ್ಗವ ವೇದವ್ಯಾಸ ಯಾದವ ನಂದನಾ | ೩೬೬ |

ಲಕ್ಷುಮೀಶ ನಮ್ಮಪರಾಧವ ಕ್ಷಮಿಪುದೆಂದು
ಕರವ ಮುಗಿದು ಸುತಿಯ ಮಾಡಿ ಬೇಡಿಕೊಂಡರು | ೩೬೭ |

ಕರವ ಮುಗಿದು ಸ್ತುತಿಯ ಮಾಡಿ ನಮಸ್ಕರಿಸಕೊಂಡು
ನಿಂತು ಬೆಳಗುವ ವಿಮಾನವೇರಿ ತೆರಳಿ ಹೋದರು | ೩೬೮ |

ಇಂದಿನ ವ್ಯಾಪಾರವನ್ನು ಬಂದ ಜನರೆಲ್ಲ ನೋಡಿ
ಸಂದೇಹವಿಲ್ಲನೀತ ಕೊಂದನೆಂದರೂ |೩೬೯ |

ಪೂತನಿ ಶಕಟ ತೃಣಾವರ್ತ ಕೇಶಿಯನ್ನೆ ಕೊಲ್ಲುವ
ಅಚರಿತ್ರೆ ಪಾಡಿದರು ಅಮರ ವಂದ್ಯನ |೩೭೦|

ಇಂದಿರಾರಮಣನ ಮೇಲೆ ಇಂದ್ರಾದಿ ದೇವತೆಗಳು
ಮಂದಾರ ಪುಷ್ಪದ ಮಳೆಯ ಕರೆದರು |೩೭೧ |

ಕೃಷ್ಣ ಚರಿತೆಯನ್ನು ಕೇಳಿದಾ ಕಂಸನು
ಕೊಂದು ನಿದ್ರೆಗೈವುದು ಎಂದಿಗೆಂದನು |೩೭೨|

ನಂದಗೋಕುಲದ ಒಳಗೆ ಬಂದಿತು ಉತ್ಪಾತವೆಂದು
ವೃಂದಾವನಕೆ ತೆರಳಿ ಪೋದ ಇಂದಿರೇಶನು |೩೭೩|

ವೃಂದಾವನದ ಒಳಗೆ ಗೋವಿಂದನಾಡುತಿರಲು ಮಣ್ಣ
ತಿಂದನೆಂದು ಹೇಳಿದರೆ ನಂದಗೋಪಿಗೆ | ೩೭೪ |

ಕೋಲು ತೆಗೆದುಕೊಂಡು ಗೋಪಿ ಬಾಲಕನ ಬಡಿವೆನೆನಲು
ಬಾಯ ತೆರೆಯದಿದ್ದರೆ ಬಡಿವೆನೆಂದಳು |೩೭೫|

ಮಣ್ಣ ತಿನ್ನಲಿಲ್ಲ ನಮ್ಮಣ್ಣ ರಾಮರನೆ ಕೇಳು
ಸಣ್ಣವರ ಮಾತಿದೆಲ್ಲ ಸಟೆ ಎಂದನು |೩೭೬|

ಚಿಕ್ಕವರ ಮಾತ ಕೇಳಿ ಶಿಕ್ಷೆ ಮಾಡಿ ಕೊಲ್ಲ ಬಂದಿ
ಮೃತ್ತಿಕೆಯ ತಿನ್ನಲಿಲ್ಲ ಬಾಯ ನೋಡೆಂದ |೩೭೭|

ಶ್ರೀಕೃಷ್ಣನ ಬಾಯೊಳಗೆ ಹದಿನಾಲ್ಕು ಲೋಕವ ಕಂಡು
ಪ್ರಾದುರ್ಭೂತನಾದ ಪರಮಾತ್ಮನೆಂದಳು |೩೭೮|

ಸಪ್ತದ್ವೀಪಗಳ ಸುತ್ತೇಳು ಸಮುದ್ರವಿರುವ ಪೃಥ್ವಿ|
ಆಕಾಶ ಮೇರು ಪರ್ವತವನು ಕಂಡಳು |೩೭೯|

ಧನ್ಯವಾದ ವೈಕುಂಠವ ಚೆನ್ನವಾಗಿ ಕಂಡಳು
ತನ್ನ ಕಂಡು ಯಶೋದೆ ತವಕಿಸಿದಳು |೩೮೦ |

ಮುದ್ದು ಕೃಷ್ಣನ ಬಾಯೊಳಗೆ ಬಿದ್ದೆನು ತಾನೆನುತ
ಇದ್ದ ಸ್ಥಳವ ಕಾಣದೆ ಶ್ರಮವ ಪಟ್ಟಳು |೩೮೧|

ದೇವಾದಿದೇವನೆಂದು ದೇವಿ ಯಶೋದೆ ಸ್ತುತಿಸೆ
ದೇವಕಿಸುತನು ತನ್ನ ಬಲೆಯ ಬೀಸಿದ |೩೮೨

ಬಲರಾಮ ಶ್ರೀಕೃಷ್ಣ ಸಹ ತುರುಗಳನ್ನು ಕಾಯುತ್ತಿರಲು
ಕರುವಿನಂತೆ ಬಂದ ಒಬ್ಬ ಕಳ್ಳ ಅಸುರನು |೩೮೩|

ಆಕಳ ಕಾಯುತಿದ್ದ ಶ್ರೀಕೃಷ್ಣನ ಕೊಲ್ಲುವೆನೆಂದು
ಪಾಪಿ ಅಸುರ ಗೋರೂಪವನ್ನು ಧರಿಸಿದ |೩೮೪ |

ಧೇನುಕಾಸುರನು ಬಂದು ದೇವಕಿಯ ಸುತನ ಹಿಡಿದು
ಭೂಮಿಯ ಮೇಲೆ ಅಪ್ಪಳಿಸುತ್ತಿದ್ದನು |೩೮೫|

ಅಂಬುಜಾಕ್ಷ ಅಸುರನಂಗೈಯಿಂದಲಪ್ಪಳಿಸಿ
ಮುಂದಿನ ರತ್ನವ ಪಹರಿಸಿಕೊಂಡನಸುರನ |೩೮೬|

ಪಕ್ಷಿರೂಪವನ್ನು ಧರಿಸಿ ಕುಕ್ಷಿಯೊಳಸುರ ಒಬ್ಬ
ಭಕ್ಷಿಸುವೆನೆಂದು ಮೂತಿಯಿಂದ ಕಡಿದನು |೩೮೭ |

ಕಮಲನಾಭನು ಬಕಾಸುರನ ಎರಡು ತುಟಿಗಳನ್ನೆ ಹಿಡಿದು
ಕಡಿದು ತುಂಡು ಚೂರ್ಣ ಮಾಡಿ ಕಡೆಗೆ ಹಾಗಿದ | ೩೮೮ |

ಶಂಕರನ ಕುರಿತು ಪಾವಿತ್ರಚೂಡನೆಂಬ ದೈತ್ಯ
ಪಂಕಜಾಕ್ಷನ ಕೊಲುವೆನೆಂದು ಪರಿಯತಂದನು |೩೮೯ |

ಗೋವಳನೆಲ್ಲ ಕಾವಡಿಗಳನೆ ಕಟ್ಟಿ
ಗೋಪಾಲರ ಹೆಗಲಲಿಟ್ಟು ಮನೆಗೆ ಕಳುಹಿದ | ೩೯೦ |

ಹಸಿದೆನೆಂದು ಶ್ರೀಕೃಷ್ಣ ಯಶೋದೆಗೆ ಹೇಳಲು ಮೊಸರು
ಅನ್ನವನ್ನು ಕೊಟ್ಟು ಕಳುಹಿಸಿದಳು | ೩೯೧ |

ಅಸುಳಿಯೊಳಗೆ ಮಂಡಿಸಿ ವಸುಧೆಯೊಳಗೆ ಕೆಲಕೆಲರು
ವೃಷಭದಂತೆ ಹೋರಿ ಹೋರಿ ಉಣ್ಣುತ್ತಿದ್ದರು | ೩೯೨ |

ಅಳ್ಳ ಮಾಗಾಯಿ ಬೇರು ಗುಳ್ಳ ಸುಂಡಿಯ ಕಾಯಿ
ಕೊಳಲ ಕಂಕುಳಲಿರಿಸಿ ಕೃಷ್ಣ ಉಣುತಲಿದ್ದನು |೩೯೩|

ಒಂದು ಕೈಯಲಿ ಉಪ್ಪಿನಕಾಯಿ ಮತ್ತೊಂದು ಕೈಲಿ ಮೊಸರು ಬುತ್ತಿ
ಕೊಳಲ ಕಂಕುಳಲಿಟ್ಟು ಕೃಷ್ಣ ಉಣುತಲಿದ್ದನು |೩೯೪|

ಕಳ್ಳಿ ಅನ್ನವನ್ನೆ ಉಂಡು ಗೊಲ್ಲರ ಕೂಡಿಕೊಂಡು
ಫುಲ್ಲನಾಭ ಭೋಜನ ಮಾಡುತ್ತಿದ್ದನು |೩೯೫|

ಬಲರಾಮ ಶ್ರೀಕೃಷ್ಣ ಕರುಗಳನ್ನೆ ಕಾಯುತಿರಲು
ರವಿಯು ಮಧ್ಯಾಹ್ನಕೆ ಬಂದನಾಗಲೇ |೩೯೬|

ಕರುಗಳಿಗೆ ನೀರು ಕುಡಿಸಿ ಕಾಲು ಮುಖಗಳನ್ನೆ ತೊಳೆದು
ಕರುಗಳನ್ನು ನೆರಳಿನಲ್ಲಿ ನಿಲಿಸುತ್ತಿದ್ದರು |೩೯೭|

ನಕ್ಷತ್ರದಂತೆ ಸುತ್ತ ಗೋಪಾಲರೊಡನೆ ಒಪ್ಪಿದನೆ
ಚಂದ್ರನಂತೆ ನಡುವೆ ಕೃಷ್ಣನು |೩೯೮|

ಚಂದ್ರ ಗುಡಿ ಕಟ್ಟಿದಂತೆ ಹಿಂಡು ಗೋಪಾಲರೊಡನೆ
ಇಂದಿರೇಶ ಹರಿಸ್ಮರಣೆಯಿಂದ ಕೂತನು |೩೯೯|

ತುತ್ತು ಕೊಟ್ಟು ತುದಿಯದೆಂದು ಭಕ್ತಿಯಿಂದ ತೆಗೆದುಕೊಂಬ
ಕೃಷ್ಣನ ಕೂಡೆ ಉಂಡು ಸುಖದಲಿದ್ದರು |೪೦೦ |

ಅನಂತ ವೇದಗಳ ಬಿಟ್ಟು ಅಚ್ಯುತನ ಕೂಡೆ ಉಂಡು
ಭೋಜನದ ಸುಕೃತ ಸವಿಯವೆಲ್ಲ ಪಡೆದರು |೪೦೧ |

ಬಾಲಕರ ಕೂಡಿಕೊಂಡು ರಾಮಕೃಷ್ಣರಾಡುತಿರಲು
ಆಗ ಅಜನು ಬಂದು ಕರುವ ಮರೆಯ ಮಾಡಿದ ೪೦೨ |

ಕರುವು ದೂರ ಹೋಯಿತೆಂದು ಹರಿಯ ಕೂಡೆ ಕೇಳಲು
ಅರಸಿ ತಾಹೆನೆಂದು ನೀವು ಉಣ್ಣಿರೆಂದನು |೪೦೩ |

ಇತ್ತ ಗೋಪಾಲರಿಲ್ಲ ಅತ್ತ ಕರು ಕಾಣಲಿಲ್ಲ
ವತ್ಸ ಒಂದು ಉಳಿಯಿತೆಂಬ ತೆರದಲ್ಲಿದ್ದರು |೪೦೪ |

---

SrI kRuShNabAlalIle
pUrvArdha

kamalanABana pAdakamalagaLige namO eMbe
amalamatiya koDuvudeMdu kamalegeraguve |1|

vAyu hanuma BIma SrImadAnaMdatIrthara
pAdapadmagaLigeraguve parama haruShadiMdalI |2|

sakala vidvat prauDharAda suKatIrthara matava
prakaTisida vyAsamuniya caraNakeraguve |3|

nyAya sudheya vyAKyAna mADi mAyavAdigaLa gelida
rAya rAmacaMdrara caraNakeraguve |4|

prANanAtha viriMcarige rANivAsavAgiralu vEda
vartamAnigaLige vaMdipe nAnu |5|

mukkaNNa haranu jagakke guru eMdenisi
Sakra surABIShTarige SaraNeMdenU |6|

madhvamatAbdhi pUrNacaMdranAda jayamuniya
pAdagaLigeraguvE parama haruShadi |7|

hiriyarige gurugaLige munigaLige RuShigaLige
eragi pELve rAmakRuShNara bAlalIleya|8 |

cittadollaBana pAdacittadalli iTTu nAnu
BaktiyiMda pELve rAmakRuShNa cariteya |9 |

GaTTa beTTa sAgara suttalidda asurara
hottiralAreneMdu pRuthvi attaLu |10|

rAja daityarannu tALalArade BUmidEvi
pOgi moreyiTTaLu dEvategaLige | 11|

dEvategaLellaru BUmidEviyoDagoMDu –
kShIrasAgara Sayananeduru baMdarAgale | 12|

gOvurUpa dharisi BUmidEvi ajana baLige baralu
dEvAdidEvana stutisuttiddaru | 13|

aMbudhiSayananAgi aMbujAkSha malagiralu
baMdu dEvategaLella stutiya mADalu | 14|

vAridhiSayananAgi aMbujAkSha malagiralu
baMdu dEvategaLella stutiya mADalu |15|

dEvategaLa mAta dEva cittadalliTTu baMdu
dEvakiyallavatarisuveneMdanu |16|

vasudEvanalli huTTi asurara kolluveneMdu
vasudheBAra iLuhuveneMda vAsudEvanu | 17|

hAsigeyAgiruva SEShadEvaranne karedu
jaiShThanAgi muMcyavatarisu eMdanu |18|

aditi kASyaparu maruta gaMdharvarU
sanakAdi yOgigaLu janisireMdanU | 19|

munigaLella taru pakShi mRugagaLAgi janisidaru
animiSharella gOpAlarAdaru |20|

sanakAdi yOgigaLu paSugaLAgi janisidaru
turuva kAyva gollanAda paramAtmanu |21|

dEvara bAlalIle nODabEkeMdenuta
drONaneMba vasu naMdagopanAdanu |22|

kRuShNana bAlalIle nODabEkeMdenuta
Aga dharAdEvi yaSOdeyAdaLu |23|

SUranalli kASyapa vasudEvanAgi janisidanu
dEvakanalli aditidEvi dEvakiyAdaLu |24 |

dEvaki vasudEvarige vivAhadutsavava mADe
dEvaduMduBigaLAvAgaleseduvu | 25 |

nAku bIdiyalli kaMsa anEka saMBramava merasi
AkASavANi avana kuritu nuDiyitu |26|

taMgiyA maduve eMdu saMBramagoLalu bEDa
kolluvanu Akeya kaMda ninnanU |27|

aShTamiya rOhiNiyalli huTTidA maganu ninage
mRutyuvAhaneMdu AvirBUta nuDiyitu |28|

AkASavANi nuDiye AkeyA koluveneMdu
vyAkuladiMda kaMsa naDedu baMdanu | 29 |

Baginiya kolluveneMdu bahaLa kOpadiMda baMda
Ayudhavanne hiDidu kaMsa kaDivenenutali |30|

kUDe huTTidavaLa koMdu duShkarmavanu mADuvare
bEDa kaMsa strI hatya bEga bAhudu |31 |

enna prANake munida taMgi iddu prayOjanavEnu
kaNNu hOda hubbu tanage bEDaveMdanu |32|

AnakaduMduBi kaMsagAnEka vidhavAgi tiLuhi
Ada sutaranella ninage IveneMdanu |33|

eMda mAta kELi tAnu naMbalAreneMda kaMsa
AyudhavaniTTu aDDa dATu eMdanu |34|

hELidA mAtu kELi tAnu tALalAreneMda kaMsa
gAMDIva iTTu aDDa dATu eMdanu | 35 |

Ane iLidu vasudEva rANiyA kaiyA hiDidu
Ayudhava dATi aramanege naDedanu | 36 |

aMdaNavaniLidu vasudEva haMDati kaiya hiDidu
gAMDIvava dATi aramanege naDedanu |37|

Aga aramaneyoLage BAme dEvakidEvi
bEgadiMda RutumatiyAguttiddaLu |38|

kELi ugrasEnarAya bahaLa saMtOShadiMda
SOBanava mADisida aShTu haruShadi |39|

aShTa RuShigaLanne karesi aShTa PalagaLanne tarisi
putriya kaiyalli PaladAnava koDisida |40 |

Aga aramaneyoLage BAme dEvaki dEvige
bEgadiMda prathama garBavAgutidditu |41 |

kELi ugrasEna rAya bahaLa saMtOShadiMda
sImaMtava mADisida aShTu haruShadi |42|

bAlakanu huTTuttiralu bEgadiMda vasudEva
kaMsana muMde iTTu karava mugidu niMtanU |43|

bAlakana nODuta bahaLa saMtOShadiMda
nInu ninna manege bEga hOgu eMdanU |44 |

aMda mAtu kELi tAnu baMdanAga vasudEva –
heMDatiya kaili SiSuva taMdu koTTanU |45|

hELida mAtu kELi tAnu hOda vasudEva
rANiya kaili SiSuva taMdu koTTanU |46|

aMbaradiMdali baMdarIga nAradaru
iMdirApati Ita saMdEhavillavU |47|

dEvaki vasudEvarige sereya saMkOle hAksi
bAgila muMde BaTara taMdu kAvaliTTanu |48|

nAradana mAta kELi bahaLa kOpavanne tALi
Ayudhavannu hiDidu aramanege baMdanu |49|

Aru maMdi putrara dEvakiyu paDediralu
Aga kaMsa SileyoLappaLisi koMdanU | 50 |

ELaneya garBa dEvakige mUru tiMgaLAgutiralu
mAye seLedukoMDu rOhiNiyalliTTitU |51|

seLeyapaTTu SEShanAgi saMkarShaNaneMdenisi
janisidane rOhiNiya gRuhadoLAgalE |52 |

dEvakigELaneya garBa SuruvAdaveMdu
bahaLa vAkyadiMda janaru ADikoMbaru |53|

dEvakiya garBadoLage dEva SrIhariyu janise
bahaLa vAkyadiMda janaru ADikoMbaru |54 |

akaLaMkacarita dEvakiya basuroLage baMdiralu
vikasitavAdudu avaLa muKa kamalavu | 55 |

mUru lOkava tirugi nArada muniyu baralu
buddhi kShameyiMda mAtanADutiddanu |56 |

pUrvakAladalli kAlanEmi viShNu kaili maraNa ninage
I janmadali hariya kaiyali maraNaveMdanu |57|

oMdu divasa dEvakiya maMdirakke baMda kaMsa
taMgiya muKada kAMtiya nODi beragu biddanu |58 |

eMdinaMtalla garBa ceMdavAgi tOrutide
koMdItu enna saMdEhavillavu |59|

dEvakigeMTaneya garBa bahaLa eccarike eMdu
hELidane kaMsa tanna ALu maMdige |60|

dEvaki vasudEvarige sereya saMkOle hAksi
bAgila muMde BaTara taMdu kAvaliTTanu |61|

purada bAgilugaLikki janaru ella nidregaiva
samayadali dEvaki dEviya naDu noMduvu |62 |

aShTamI rOhiNiyalli ardharAtri vELyadalli
acyutana caritavAvirBUtavAyitu |63|

SrAvaNa bahuLa aShTamiyalli caMdra udaya kAladalli
BUmiya mEle kRuShNanavatarisidanu |64|

Sukla SONita saMbaMdha prasakti tanagillaveMdu
SaMKa cakra caturBujadalavatarisidanu |65|

jagadoDeya dEvakiya gRuhadoLage janisiralu
dharaNidEvi tanna BAraviLuhiteMdaLu |66 |

paTTaNada kEriyoLage suttELu gRuhadoLage
pakShivAhana kRuShNana beLaku tuMbitu |67|

rAja bIdiyoLage nAlkeLu gRuhadoLage
vArijanABana beLaku tuMbitu |68 |

paTTaNada beLaku kaMDu duShTa kaMgeTTu aMji
mRutyu baMditu saMdEhavillavu |69|

dEvakiya gRuhadoLage dEva SrIhariyu janisi
Aga ajanu baMdu tutiya mADi hOdanu | 70 |

dEvAdidEvanE vEdapAlakanE
mAvamardananeMdu brahma tutisida |71 |

asura saMhAra nIne SiSupAla vairi nIne
kaMsa mardananeMdu brahma tutisida |72|

SaMKa cakra gadA padma aMkita pItAMbara uTTa
paMkajAkShana kaMDu avaru SaMkisidaru |73|

pItAMbara uTTukoMDu lakShmIdEviyaru sahita
SaMKa cakra caturBujadalavatarisida |74|

SaMKa cakra gadA paduma mukuTa kaustuBahAra
SrIvatsa kuMDalavu nosala tilakavu |75|

uTTa poMbaTTeyu hodda pItAMbaravu
hoLeye kattalegaLella haridavAgalE |76|

hRudayadi tulasiya sara vaijayaMti mAlegaLu
asura mardananati muddu muKava kaMDaru |77|

esaLu kaMgaLu tudinOTada karuNa rasavu
suriye halavu kuruLu celuva muddu kRuShNa janisida |78|

caturBujadiMda vyaktanAda SaMKa cakra gadA dharisi
prAkRutaBAvanAgi muMde baMdu niMtanu |79|

niMtiruva hariya kaMDu aMji dEvakidEvi
baMdu vasudEvana appikoMDaLu |80 |

aMjabEDa tAye eMdu raMga aBayavannu koTTa
hiMdinA tapake mecci baMdeneMdanu |81 |

hedarabEDa tAye eMdu hariyu aBayavannu koTTa
halavu kAlada tapake mecci baMdeneMdanu |82|

hiMdake varavanittu baMde ninna garBadalli
naMdagOpa gOpiyararti salisa baMdenu | 83 |

adButavAda SiSuva kaMDu AdipuruShaneMdu
mai ubbi vasudEva stutiya mADida |84|

kESava nArAyaNa mAdhava gOviMda
vAsudEva karuNiseMdu stutisutiddanu | 85 |

stutigaLE bahaLa bEDa kaMsana Bayavu nimage
SiSuvAgi nimmanu saluhuveneMda |86|

maguvAgi moradoLage malagi nimma saluhuve
balarAmana kUDe hOgi beLeveneMdanu |87|

pRuSnijanmadalli nimma udaradalli puTTide
aditi kASyaparalli vAmananAgi puTTide |88|

mUru janmadalli nimma udaradalli puTTide
muktige yOgyaLAde dEvaki eMdanu |89 |

mUru janmadalli tapasu mADidella gaLisitu
muktige aidu dEvaki eMdanu |90|

Aga seremaneyoLage BAme dEvakidEvi
sOdarAge aMji mAtanADuttiddaLu |91 |

maMdiya oLage enna kaMdaneMdu tiLisabEDa
oMdu mADiseMdu raMgage bEDikoMDaLu |92 |

mAteya stOtravanne kELi dEva prItanAgi nuDida
sOdarana Bayavu nimage bEDaveMdanu |93|

putra huTTidaneMdu artiyiMda vasudEva
hattu sAvira gOvudAna saMkalpa mADida |94|

bAla huTTidaneMdu haruShadiMdali vasudEva
nUru lakSha gOvudAna saMkalpa mADida |95 |

vasudEvana stutiya kELi asuramardana kRuShNa
SiSurUpava dharisidanAkShaNadalli |96|

kALiMdiya tIradalli naMdagOpana paLLi
maMdiradoLiTTu heNNu magaLa taMdukO |97|

dEvanADida mAta kELi vasudEvanetti naDeyutiralu
bIga mudregaLu saDili dvAra tereduvu |98 |

gastu eccaritu kUge Aga vasudEvanu
kavaLava koTTu bEga bEDikoMDanu |99|

haniya maLege SESha tanna heDeya koDeya mADida
yamune IrBAgavAgi dAri koTTaLu |100|

durge janisi naMdagOkuladi idda janarigella
nidreyannesedaLaj~jAna vaSadi | 101 |

vAsudEvana vasudEva yaSOde hAsigeyaliTTu
SiSurUpu dharisidi heNNu taMdanu | 102|

tirugi baMdu vasudEva sereya saMkOleyalliralu
tAvAgi muccidAve tereda bAgilu | 103|

heNNu taMdu vasudEva heMDatiya kaili koDalu
kaNNu teredu kAvukAveMdattittAgalE |104 |

dEvaki prasavavAdaLeMdu Aga eccaritu janaru
bEgadiMdali kaMsage hOgi hELalu | 105 |

hAsike biTTiddu kaMsa kESa kedari hasana uguLi
A kShaNadi SiSuva seLedukoMDanAgalE | 106 |

ciNNanalla heNNidu aNNa ninna kolluvude
kaNNinoLLODikoMbe karuNiseMdaLu | 107 |

heNNeniMdalavu uMTu heNNiniMdalE layavu uMTu
heNNu sIte huTTi laMke hALu Ayitu | 108 |

sIte huTTida kAraNadiMda laMkege aLitavAytu
ninna kAraNadiMda enna koMditeMdanu | 109 |

rOShadiMda SiSuva seLedu hAsida kallina mEle
bIsi appaLisalaMbaradaliddaLU | 110|

aMtarikShadoLu durge Ayudhava dharisikoMDu
aShTa BujagaLannu tOri niMtaLAgalE | 111|

bILaliddi elavU kaMsa ALigAra ninna vairi
bAlakRuShNa naMdana manEli beLevutiddane | 112|

ninna kolluva vairi anyatra beLeyutAne
unmattanAgi nInu enna kolluviyo |113|

durgeyADida mAta kELi kaDunoMdu manadalli
kaMsanaMdu biDisida dEvakiya baMdhanaMgaLa | 114 |

mAyada sIteyalli sAyalikke aMjuvare tAye
nammanyAru muMde rakShisuvaru |115|

itta gOkuladoLage eccaritu janaru ella
putrana paDedaLe yaSOde eMdarU | 116|

gaMDu magana paDedaLeMdu naMdagOpag-hELalu
kALiMdiyalli snAna mADi baMdanu avanu |117|

hELida paricArakarige bahaLa uDugareya koTTu
brAhmaNarige dakShiNe tAMbUlavittanu |118|

putra huTTidaneMba artiyiMdali naMdagOpa
hattu sAvira gOvu dAna koTTanu |119|

bAla huTTidaneMdu bahaLa haruShadiMdali gOpa
hattu sAvira gOvu dAna koTTanu |120|

vatsapairu sahitalAgi coccalu sAdhu maNakavannu
ratna hEma cinnadiMda alaMkarisida |121 |

madhu eMba daityana sadebaDida SrIharige
madhuva taMdu vadanadalli toDedarAgalE | 122 |

bAyige madhuvaniTTu nABiya CEdisidaru
BAgIrathi janakage majjanakeredaru |123 |

toDeya toLedu muDiya kaTTi naDuve suttikkidaru
Baradi gUDAragaLa kaTTutiddaru | 124 |

acyutAnaMtage hattavatArage anaMtage
baccaMbaleya taMdu bisi mADi eredaru | 125 |

matsyage kUrmage varAhage naraharige
vAmana BArgavage nIra eredAru |126 |

rAmage kRuShNage bauddhage kalkige
baccaMbaleya taMdu bisi mADi eredaru | 127 |

SaMbarAri pitanu hariyu janisadanu sakkare
taMdu bIrireMdu naMdagOpa hELanu | 128 |

celuva cIni sakkare BEri BaMDiyali tuMbi
bIridaru yamune gOkulada kErige |129 |

putra huTTidaneMdu artiyiMda naMdagOpage
muttinArati ettidare muttaideyaru |130 |

gOkulada nAriyaru OkuLiyanADidaru
anEka hAlu mosaru beNNe hainagaLiMda | 131|

jAta SrIharige gOpa jAtakarmavane mADi
anEka BUShaNaMgaLa dvijarigittanu |132|

haruShadiMda naMdagOpa karesida jOyisara bEga
tarisi uDugire koTTu jAtaka baresu nIneMda | 133 |

jyOtiSyAstrigaLu baMdu jAtakavanu hELidaru
anEka strIyarige patiyAguvanItanu | 134 |

huTTida vELyadi bahu duShTara saMharisuva
sRuShTi pAlisuvaMtha diTTanItanu | 135 |

daSarAtriyoLagobbaLasureyA saMharisuva
kela SUrarartiyali koluva asurara | 136 |

atteyA makkaLigatyaMta priyanAguva
pArthana rathake sArathiyanAguva |137 |

rOhiNi nakShatradali jananavAda kAraNadi
sOdaramAvage gaMDAMtara saMdEhavillavu |138 |

jAtakava kELida naMgOpa haruShadiMda
paTTAvaLiya uDugireya koTTu kaLuhida | 139 |

raMganudisi koMgoLise hiMgitu pApaMgaLella
tiMgaLudisidaMte namma janma saPalavAyitu | 140 |

rAmage jAtakava hELi hOdaru jOyisaru
kAmitavAytu janma saPalaveMdaru |141 |

mUru dinada koylugaLa nODabEkeMdenuta
bIridaru yamune gOkulada kErili | 142|

kEriya muttedeyaru bAgila tegedukoMDu
dEvara koylu nODabaMdaru aMdu |143 |

SaSimuKiyarellaru SrIkRuShNana koylu eMdu
hosa muttinABaraNaviTTu muMjuDigeyuTTaru |144|

kusuru kaDegOlu bEvu yaSOde rOhiNi kaiya
SaSimuKiyaru koylugaLa pUjisidaru | 145 |

geddu viLyavane koMDu padmanABa hariyu enalu eddu
stutiya mADi karava mugidu niMtaru | 146 |

eMTu dinagaLAduvu ciMtisi avana yaMtradiMda
koluva hadana enage tiLiyadeMdanu | 147 |

bEgadiMdali tanna maMtrigaLa karekaLuhi
AlOcaneya mADi hELireMdanu | 148 |

Atana maMtrigaLu pUtaniya kareya kaLuhi
daSarAtriyoLage SiSuva kollu eMdaru | 149 |

asure pUtaniyu tAnu Atmadali viShava dharasi
SiSugaLArisutta gOkulake baMdaLu | 150 |

sArAvaLiyanuTTu sarada muttugaLa toTTu
putrarasutta gOkulake asure baMdaLu | 151 |

yaSOde kaiyalettutidda SiSuva seLedukoMDu
viShada moleya koTTaLe asuravairige | 152 |

asurAri pUtaniya asu sahitale hIre
vasudheyoLage biddaLe asura rUpili | 153 |

asura rUpavane kaMDu aMji kaMgeTTu janaru
SiSuvu badukiddudu AScaryaveMdaru |154|

pUtaniya viShavanuMDa BUtanAthayyage
BItipaTTaneMdu viBUti iTTaru |155|

aMda mAta kELi bEga baMdanAga naMdagOpa
baMdu kOredADeya asureya kaMDanavanu | 156 |

vasudEvana mAtu husiyAdudillavu
trikAla j~jAniye tiLidu hELida |157 |

gOmaya paMcagavyadiMda bAlakage rakShe kaTTi
gOdhULi aBiShEkavareredaru | 158 |

aMdu kaMsage kappava naMdagOpa salisutiralu
baMdu SUrarAyana sutanu kaMDanu | 159 |

gOkuladoLagutpAtavanEkavAgi tOrutive
I kShaNadiMdillirade pOgu eMdanu | 160 |

pUtaniya suDutiralu jAti parimaLave baMtu
vAsudEvana stutisalu sadgatiyAyitu | 161 |

kavaDe bajjara dAragaLa honna kaMkaNada naDuve
kamalanABana tOLu toDeyaloppu tidditu |162|

haMci kaDubu pAyasa honna harivANada pUje
keMceyaru mADidaru saMtOShagaLiMda |163 |

sArisi muttina kAraNegaLanne racisi
tOraNava kaTTidare SiKara makarake | 164 |

j~jAtigaLella daSarAtrigaLAgutiralu
sUtakaMgaLane kaLedu suKadaliddaru |165 |

cinnada kopparigeyeLage kanneyaru nIru berasi
pannaMgaSayanage yaSOdege modale eredaru | 166 |

havaLadA kopparigeyoLage haradiyaru nIru berasi
balarAmagU rOhiNigU munna eredaru | 167 |

haruShadiMda naMdagOpa maMgaLa snAnava mADi
iMdramANikada maNeya mEle baMdu kuLitanu | 168 |

maMgaLa snAnava mADi naMdagOpa kuLLiralu
kaMdaravetti yaSOde rOhiNi baMdu kuLitaru | 169 |

gArgyarE modalAda allidda brAhmaNara karesi
puNyAhava mADidare vidhyuktadi |170|

misuNiya harivANadalli hosa muttu dANi tuMbi
yaSOdeya sutana nAmAMkitava baredanu | 171 |

cinnadA harivANadalli muttu ratna dANi tuMbi
rOhiNiya sutana nAmAMkitava baredanu | 172|

bala j~jAnadiMda AdityanAda kAraNadiMda
halAyudhake balarAmaneMdu karedaru |173|

mRutyu j~jAna AnaMda guNapUrNanAda kAraNadiMda
kRuShNaneMdu karedare saMtuShTa hariya | 174|

gOvugaLu nammanu rakShisuvanItanu
gOviMdaneMdaru avaru sadAnaMdana |175|

vAsudEva jagatinalli oLage horage vyAptanAda
vAsudEvaneMdaru dOSharahitana | 176|

vAsudEvana mAsanAma janmanAma viSvarUpa
naDeva nAmadiMda kRuShNaneMdu karedaru | 177 |

nAmakaraNa mADida naMdagOpa haruShadiMda
brAhmaNarige dakShiNe tAMbUlavanittanu |178|

SAlyAnna sUpa BakShya pAyasa dadhi dhRutavu
BAmeyaru mADidare saMtOShagaLiMda | 179|

mRuShTAnna BOjana neMTarige iShTarige
viprarige mADisi kRutakRutyanAdanu | 180|

naMdagOpa kRuShNa ninna kaMdaneMdu tiLiyabEDa
iMdirApatiye avanu saMdEhavillavu | 181 |

hatteMTu varuSha nInu kaShTapaTTu tapaviralu
matte ninna manege puruShOttamane baMdanu | 182 |

hanneraDu varuSha nInu artiyiMda tapaviralu
ninna bayake salisaleMdu pannaMga baMdanu | 183 |

narane balarAmanAda nArAyaNane kRuShNanAda
BUmiBAra iLuhaleMdu avatarisidaru |184 |

pannaMga balarAma paramAtma SrIkRuShNa
ninna putrareMba buddhi manadalli mUDade |185|

AcAryara mAtu viSvAsadiMda tiLidu gOpa
ItanIga muktige praKyAtaneMdanu |186 |

rAmakRuShNaribbarigU rOhiNi yaSOdeyaru
mANikada muttinABaraNaviTTaru |187|

KaLajanara tuLidu saMharisuva pAdagaLige
kirugejje kAlaheMDa vaniTaru |188 |

sarpana heDeya mEle nATyavADida harige
nUpuravaniTTare jAtiratunada |189|

jAnUru jaMGayalli mEle kaTi madhyadalli
mANikada maNiyanuDudAraviTTaru |190|

uDige gaMTe kirugejje jaDiva kAMcidAma
baDanaDuvigiTTaru mRuDana priyege |191 |

malaku ratna mANikada haraLu keMpu kettisida
haMsa mATadaraLOle SrIharige iTTaru | 192 |

Aru muttina bAvali aNimuttina caukuLi
rAmana kivige jariva kuMDalavaniTTaru |193|

eMTu muttina bAvali eMTu muttina caukuLi
kRuShNana kivige jariva kuMDalavaniTTaru 194|

bAlakiyarellaru mOhisabEkenuta
mUgutiyaniTTaru muddu kRuShNage |195 |

kusumanABage bAlakiyaru hasuraMgiya toDisidaru
balarAmage toDisidaru kariya aMgiya | 196 |

mitreyaru rAmakRuShNarige toTTilikkabEkenuta
eccarisidare bEga aMdu viSvakarmana |197 |

eMdina puNyavO eMdina sukRutavO
gOviMdana sEve tanage baMditeMdanu | 198 |

dEvara sEve eMdu bahaLa saMtOShadiMda
vILyava piDidanu aMdu viSvakarmanu |199|

prEmada pratimeyiMda cIni kelasadiMda
mANikada miLitAda haligegaLiMda |200 |

viSvakarma tAnu kalita hastakelasavanella hAki
vicitradiMda toTTila racisidanAga |201|

taMdu toTTila viSvakarmaniMdu karagaLa mugidu
naMdagOpa yaSOdeya muMde iLuhida |202 |

toTTila nODi gOpa mecci saMtOShadiMda
paTTAvALi uDugireya koTTu kaLuhida |203 |

Aru KaMDugada akki nUru KaMDugada bELe
artiyiMda hAkidAre viSvakarmage |204 |

muttina toTTilige ratnada kIlu bigidu
mitreyaru toTTila kaTTuttiddaru |205|

toTTila manege mElkaTTugaLa kaTTidaru
muttina caMDu taMdu naDuve kaTTalu |206 |

kRuShNara toTTilige paTTe muMjuDige hAsi
muttina lODu talegiMbaniTTaru |207|

rAmara toTTilige SAlu maiduDuge hAsi
nIlada lODu talegiMbaniTTaru |208 |

dIpagaLane hacci dhUpada hogeyan-hAki
nAku kaDe sikkisidare naMdanaMbuva |209 |

maMdarOddhara hariya iMdirESana toTTileMdu
naMdagOpi hELidaLe baMdhugaLige |210|

kEriya muttaideyaru bAgila tegedukoMDu
dEvara toTTileMdu nODabaMdaru |211|

naMdagOpana rANiyaru miMdu arisina pUsi
caMdragAviyanuTTu ravake toTTarU |212|

kESagaLan-hikki kaTTi sUsuva moggegaLiMda
jAti mallige saMpigeya muDidarU |213|

kaMgaLigaMjana hacci kastUriya tiddidAru
muttina boTTu mUgutiyaniTTarU |214|

ciMtAku malaku peMDyaveMba ratnada saravu
keMpina havaLada saravaniTTarU |215|

hAra saragaLane hAki tOLu boTTugaLane kaTTi
dhOravAda muMgaiya murArigiTTaru |216|

kaDaga kaMkaNagaLu raveya uMgurugaLu
naDavinoDyANa jalakamalaviTTaru |217|

aMduge pAy-boTTu kAluMgura vIramudrike
ceMdavAda miMcu miMTigeyaniTTaru |218|

kRuShNarAmara toTTilige rOhiNi yaSOdeyaru
muttinABaraNaviTTu SRuMgAravAdaru |219|

rAmakRuShNaranettikoMDu rOhiNi yaSOdeyaru
nIra hoLeya meTTi pUje mADuttiddaru |220|

aMgaLava sArisi raMgavilliyanikki
raMBeyaru koDana pUje mADuttiddaru |221 |

hostila sArisi sutta kAleLeya tegedu
mitreyaru koDana pUje mADuttiddaru |222|

nAriyarellaru lAliya pUje mADi
mIradiru mUru varuShakeMdu nuDidaru | 223 |

mitreyarellaru toTTila pUje mADi
tappadiru mUru varuShakeMdu nuDidaru | 224 |

paTTAvaLiya sIre baTTa muttina kupsava
kRuShNana tAyiguDugireya koTTaru |225|

sArAvaLiya sIre sarada muttina kupsava
balarAmana tAyiguDugireya koTTaru |226 |

aMganeyarellaru aMgi TOpiya taMdu
balarAmana tAyiguDila tuMbuttiddaru |227 |

sArAvaLiya aMgi sarada muttina TOpi
kRuShNarAyana tAyiguDila taMbuttiddaru |228 |

mitreyaribbaru muttinArati piDidu
kRuShNarAmarige etti beLaguttiddaru |229 |

nAriyaribbaru nIladAratiya piDidu
kRuShNarAmarige etti beLaguttiddaru |230 |

kaMdana kAla diSeyali kaDale gugguri iTTu
aMganeyaru taMdu toTTiloLage iTTaru |231 |

aDigeya maneyoLage areva guMDappana
haradiyaru taMdu toTTiloLage iTaru | 232 |

kESavayyana koLLi mAdhavayyana tannireMdu
kAMteyaru kaMdana ADisidaru | 233 |

hRuShikESana koLLi padmanABana tannireMdu
padmaniyaru kaMdana ADisidaru |234|

praLaya kAlada jaladhiyali Aladeleyali malagidda
kamalanABana taMdu toTTiloLage iTTaru | 235 |

kShIrasAgaradalli lakShmIlOlanAgidda
SrI hariya taMdu toTTiloLage iTTaru |236 |

muddu rAmakRuShNara vRuddha muttaideyaru
vidhyuktadiMda toTTiloLage iTTaru |237|

SaSimuKiyarellaru musalAyudhana toTTileMdu
kuSala rAgaMgaLiMda pADuttiddaru |238 |

rOhiNi yaSOdeyaru misuNi sarapaNiya piDidu
daSAvatAragaLiMda pADuttiddaru |239|

matsyanAgi munna baMdi kukShicOrana koMdi
putranAda ajage vEdavitta harige jO |240 |

suraru asuraru kUDi Saradhiya mathana mADe
iLibeTTa bennilettida kUrmarUpa jO |241 |

suruLiyAgi suttida BUmi kOredADeyiMda taMdi
hari hiraNyAkShana koMdi varAharUpage jO |242 |

magana muMde hiraNyakana karuLa bagadu uguriniMda
naramRugarUpanAda narahariye jO |243|

baliya pAtALakke meTTi nelana IraDiya mADidi
celuva vAmanana trivikramane jO |244|

eraDu hattoMdu bAri vIra kShatriyara koMdi
dhAruNiya viprarigitta paraSurAma jO | 245 |

vAridhi kaTTi daSagrIvana Sirava taridi
jAnakiyataMdi daSaratha rAmane jO |246 |

naMdagOkuladalli pUrNacaMdranAgi janisidi
kaMdanAgi pUtaniya koMdi kRuShNa jO |247 |

muddu strIyara vratavanu buddharUpadiMda aLidi
vRuddha vEShadiMda tripurara gedda hariye jO |248 |

hayavanEri dALi mADi sujanarige suKavanitti
hiDida kattiyAyudhavanu paDeda kalki jO | 249 |

jagavanella basuroLage aDagisida SrIhariya
maguveMdu tUgidare kamalanABana |250| jo jo

hattavatAradiMda vistarisi hariya guNava
muktaLAdeneMdu gOpi naguttaliddaLu |251 |

muttaideyaru muMde baMdu muttina kadava piDidu
hostiloLage gaMDan-hesara hELu eMdaru |252|

akka kELe namma bANaMti nillalAraLu
hatyAvu SIta aMgAligeMdaru |253|

tAye kELe namma bANaMti nillalAraLu
EryAvu SIta aMgAligeMdaru | 254 |

naMdagOpana rANiyaru niMdu arasinava pUsi
naMdagOpana kuTuMbavidake baMditeMdaru | 255 |

mitreyaribbaru hostila piDidu niMtu
artiyiMda gaMDan-hesara hELuttiddaru |256 |

nAriyaribbaru bAgila hiDidu niMtu
bEgadiMda gaMDan-hesara hELuttiddaru |257|

tuMbida koDana taMdu kaMdana kAla diSeyaliTTu
aMganeyaru kadava naMbi niMtaru | 258 |

kaDale gugguri uppu roTTi oDedaLIke biLiyale
kaDu bEgadiMda bAginava koTTaru |259|

cakkuli karujeyakAyi happaLa seMDigeyu
eppattu bageya bAginava koTTaru |260|

bAlakiyarellaru bAginagaLa tegedukoMDu
bEgadiMda tamma manege pOguttiddaru |261 |

karmabaMdhanilladavage janmanakShatraveMdu
tanna baMdhugaLa kUDi utsAha mADidaru |262 |

Aga kaMsa SakaTana bEgadiMda kareya gaLuhi
baMDiyarUpavane dharisi bA eMdanu |263|

kELida SakaTa tAnu bahaLa kOpavanne tALi
baMDirUpavanne dharisi baMdu niMtanu |264|

mAva kaLuhisida oMducUrNa kelasada baMDi
rAya rAma kRuShNarige ADa kaLuhida |265|

baMDiya keLage gOpi puMDarIkAkShaniTTu
brAhmaNara saMtarpaNaye mADa hOdaLu |266 |

stanyapAna taDeyiteMdu tanna kOpadali baMDi
cummivaDeye hariyu BaMDi cUrNavAyitu |267 |

SakaTada oLage obba vikaTa asura keLage bidda
akaTa SiSu aMjiteMdu appikoMDaLu | 268 |

brAhmaNara kaiyiMda vEda maMtragaLiMda
bAlakage rakSheyanne mADisidaLu |269|

mUru tiMgaLAguttiralu rOhiNi yaSOdeyaru
nIra hoLeya meTTi pUje mADuttiddaru |270|

kRuShNarAmaraMgigaLa rOhiNi yaSOdeyaru
muttina koDadoLaddi ogeyuttiddaru |271|

rAmakRuShNaraMgigaLa yaSOde rOhiNiyaru
nIra koDadoLage addi ogeyuttiddaru |272|

praLaya kAlada jaladhiyalli Aladeleyali malagidda
kamalanABana toDeyaliTTu moleya koTTaLu |273|

kShIra sAgaradalli lakShmIlOlanAgidda hariya
kAla mEle malagisi hAla eredaLu |274|

maMdAkinI janakage maili dhULAyiteMdu
oMdu kopparige nIra taMdu eredaLu |275|

kaMdarpaTOki lAvaNyavannu jarivavage
ceMdavaDisideMdu gOpi SRuMgarisidaLu | 276|

benna hiMde niMtukoMDu kaNNu mucci tirugi nODi
cinna ninna muddu tAreMdaLeSOde |277 |

hAlu suriva galladalli nIlada sarapaNiya tuMbi
bAla ninna jollu enna mEle suriyitu |278 |

aMgaLadoLagella aMbegAlanikkuta
raMga ninna toMgAla tOriseMdaLu |279|

pakShivAhananAgi munna mattagajana tApavaLidi
acyuta nI Ane ADeMdaLeSOde |280 |

tAraka brahmana paDeda AdimUrti nInu
tArammayyanADeMdaLeSOdO |281 |

oppadiMda surarige sudheya nIDida kaiyoLage
cappaLikko raMganeMdADisidaLU |282|

prEmadiMda SrIdEviyara AliMganeya mALpa kaili
tOLanADO raMganeMdADisidaLU |283|

aShTu hELaleSOde aShTanella ADida
kRuShNana dayavu namage kIrti salahalI |284|

putraneMdu yaSOde etti toDeya mEliDalu
beTTadaMte jariye keLage iTTaLAgale |285 |

adButavAda SiSuva kaMDu AdipuruShaneMdu mai
ubbi stutiya mADe kRuShNa baleya bIsida | 286 |

nityatRupta vAsudEva hasidaneMdannavA
tuttu mADi uNisidaLu mRuShTAnnavA |287|

tuttu doDDa mADe amma aShTanella uMbenenalu
ennappa nI uNuviyA eMdappikoMDaLu ||288 |

hasideneMdu SrIkRuShNa musuka piDidu
eLeyutiralu hasanAda tanu mEvugaLa koTTaLu |289|

tanuva olleneMdu Calava mADi aLutiralu
bAla ramArUpaniginneMtu mADalI |290 |

amma harideneMbanu ammiyA olleneMba
sammane hora aMgaLake taMdaLU |291 |

pUrNacaMdra udisiralu mEle idda caMdranannu
tAre enna kaiyaleMdu tAya kADidA |292 |

Ena hELuviyo raMga mEle idda caMdranannu
hyAge tarali aLavalla eMdaLeSOde | 293 |

SaMbarAripitana gOpi aMbarakke piDidetta
baMdu iLida karataLadi caMdranAgale |294 |

baMdu iLida caMdrana iMdirESa nODi nakku
kannaDiyaMte tAyde tOri mElakkettida |295 |

karadallidda caMdrana kannaDiyaMte nODi
puruShOttama muguLu nageya nagutaliddanu |296 |

hastagatanAda caMdrana hArisidanaMbarakke
kRuShNana nODi gOpi beragu biddaLu |297 |

paTTe maMcada mEle paramAtma pavadaDiseMdu
muttinA lODu talediMbaniTTaLu |298 |

paTTemaMca iLidu kRuShNa hokku Uru manegaLa
aTTuLiya mADuvanu sutta naregaLA |299 |

hetta tuppa hAlu beNNe matte kenemosara giNNa
kRuShNarAma mellireMdu kaili koTTaru | 300 |

kAla aMdugeyaniTTu kamalad-hUva kaili koTTu
bAla enna kADadireMdaLeSOde |301 |

raMga enna mAta kELu heMgaLa kADadiru
iMteMdu buddhi hELi maMdira pokkaLu |302 |

janani pOgutiralu kaMDu muguLu nageya naguta
tirugi bAheneMdu bIdi horage baMdanu | 303 |

rannada taLigeya biDisikoMDu cenna kRuShNa ODi hOda
kanneyara kUDe sarasavADuttiddanu |304|

aMganeyara maneya muMde ceMdavAda drAkShi bILu
muMde seraga piDidu avara BaMgapaDisida |305 |

aMganeyarellaru raMgan-hAvaLigAraneMdu
naMdagOpana rANi muMde baMdu hELalu | 306 |

PullanABana dhALigaMjipaLLi biTTu ODi pOgi
gollanillada vRukShadA vanava sEruvA |307 |

EneMta tALuvevu nAvu kRuShNana hAvaLiya
naMdagOpana rANi muMde baMdu dUralu | 308 |

bAlakiyarellaru dUru hELa baMdirI
adEnu mADida kRuShNanenage hELireMdaLu |309 |

daTTaDi iDuva bAla baTTala tAlige iDuva
aTTuLiya mADuvanu sutta neregaLa |310 |

aruNa udayadalli eddu sappaLilladdAMge
oLage pokku namma baDidu bavaNebaDisuva |311 |

kariyada munna baMdu karugaLa kaNNi biDisi
turugaLa uNisi kRuShNa hOguttiddanu |312 |

hAlu karivallige nIlavarNa kRuShNa baMdu
hAlu kuDidu gaDige oDedu ODi hOdanu |313|

mosara kaDeyuvallige kusumanABa kRuShNa baMdu
mosara kuDidu gaDige oDedu ODi hOdanu |314|

kaDeyuvallige baMdu kaDagOla piDidu niMtu
kaDagOla muridu gaDige oDedu hOdanu |315|

Esu daivakke nAvu mIsaleMdu mADidevu
vAsudEva baMdu mIsalaLidu pOdanu |316|

gaMDa heMDiru malagiralu BaMDu mADi pOdanu
puMDarIkAkShan-hAvaLiya tALalArevu |317|

kattale maneyu eMdu bacciTTu baralu nAvu
kRuShNa oLage hokku hAlu beNNe kaddanu |318|

maNigaLa praBegaLiMda oLage hokku beLaku mADi
madananayya hAlu mosara kuDiyuttiddanu |319|

kOlu koMDu kolla pOdare bAleyara bigidappi
mElina seragu tegedu oDi hOdanu |320 |

neluvu nilukadiddare varaLa mEle ErikoMDu
varaLa meTTi hAlu haravige bAyanoDDida |321 |

sudAmana hegala mEle ErikoMDu SrIkRuShNa
cOranaMte SikkadaLigeya beNNeya kadda 322 |

aShTu eMjalu mADida oMdiShTu mIsalilladdAMge
aShTaBAgada dEvateye namma kRuShNane |323 |

vatsada bAlakkU makkaLa caMDikegU
hatta kaTTi hariyu kuNidu naguta niMtanu |324|

haddanEri tiruguvavage buddhi hELabArade
muddu mADi keDisi basavana mudre ottidi |325|

nimma kUDe niShThura inna dharmavalla namage
summaniralu nereya raMganinnu tALalArevu | 326 |

gollatiyara hoMtatanava ella nAnu ballenu
PullanABana dUru nimage salladeMdaLu |327 |

bAlakiyara mAtugaLa kELi nAnu ballenu
bAlakRuShNana dUru nimage salladeMdaLu | 328 |

koLikeyali enna maneli hAlu kosaru iTTiralu
kUDe hAkiduLida mosara kuDidaneMbiri |329 |

kaLasige beNNe enna meli kaMDa kaDayaliTTu
kUDe hAkida bUda beNNeya meddaneMbiri |330 |

ikkida hAlu mosaru bekkige ikki hOda
cikkavana dUruviri makkaLallave |331 |

aMganeyarellaru raMgana dUruviri
bAlakana dUruviri kaMdarillave |332|

bAlakiyarellaru baride dUru mADuviri
nIvu kRuShNana hiDidukoMDu bannireMdaLu |333 |

AgalI kEriyoLage bAradiddAno kRuShNa
bEgadiMda tamma manege pOguttiddaru |334 |

avaru baruvudanu kaMDu avara manegaLige hokku
koDada mosaru hAlu beNNe saviyuttiddanu |335|

kaiyali beNNe bAyalli beNNe maneyoLage surida hAlu
nimmammage tOrpeveMdu koMDu baMdaru |336 |

obbarariyad-hAMge mattobbaLu ettikoMDu
mite gOpidEviya manege baMdaru |337 |

mitre gOpidEvi tanna kRuShNana tegedu toDeyalliTTu
moleya koTTu muddADi nagutaliddaLu |338 |

avara kaiyalilla kRuShNa yaSOde dEvi toDeyaliralu
ellarU kaMDu aMdu AScarya paTTaru |339|

bAlakiyarellarU kaili kRuShNanillade
nAci nuDiyalArade summan-hOdaru | 340 |

avara manegaLige kaLuhi dadhimathanava mADutiralu
jagadaMtaryAmi svAmiya pADuttiddaLu | 341 |

hAra kucagaLalli muttina mAle allADuttiralu
nIla mEGaSyAmana pADuttiddaLu |342|

kaDaga kaMkaNagaLige muDida mallige madhure
dhummu dhuDukeMdu mosara kaTeyuttiddaLu |343 |

mosara kaDeyuvallige kusumanABa kRuShNa baMdu
hasideneMdu ammiya bEDutiddanu |344 |

naMbisi kaNNIra orasi navanItava kaili koTTu
moleya koTTaLe gOpi jagadoDeyage | 345 |

hAlu ukki baralu gOpi nIlavarNana keLage iTTu
nIra toDedu baruveneMdu oLage hOdaLu |346 |

hAlu haravi keLage iDalu nIlavarNa kRuShNa kaDa
gOlamuridu gaDige oDedu oDi hOdanu | 347 |

oLage hokku baralu gOpi murida kaDagOlu kaMDu
jagadoDeyana kelasaveMdu tiLidaLAgalE |348 |

gollatiyara mAta nAnu ella husi mADide
PullanABana muddisuvudu salladeMdaLu |349 |

bAlakiyara mAta nAnu bahaLa husi mADide
bAlakRuShNana muddisuvudu salladeMdaLu |350 |

eShTaMta tALve nAnu kRuShNana hAvaLiya
kaShTadiMda hiDidaLe kaTTuveneMdu |351 |

Ura kaNNiya taMdu vArijanABana kaTTi
sAladiralu raTe noMdu saridaL-hiMdake |352 |

AkaLa kaNNiya taMdu gOpAlakRuShNana kaTTi
nAku beraLige sAladenuta naguta ODida |353 |

ODi ODi hOgutiralu sAre sAre nillutiralu
vAre vAre nOTadiMda nODutiruvanu | 354 |

muMde gOviMdana pAda hiMde yaSOdeya pAda
muMgai murAri nEtragaLo rasutiddaLu |355|

nEtradalli jalava tuMbi prIti vacana kuritu hariya
I mAtanADidaLe muktiKyAtaLadiMda |356|

janani arasidaLeMdu karuvu kaNNe ALavAgi
kRuShNa Baktavatsala tAnAda |357 |

yOgigaLa manasina j~jAnake sikkadavana
SrIhariya kaTTidaLe gENu haggadi |358 |

oraLige kRuShNana kaTTi oLage baMdaLu gOpi
suLidu bAheneMdu bIdi horage baMdanu | 359 |

naLakUbra maNigrIvaru nAradara SApadiMda
vRukSha rUpadi janisidaru dharaNiya mEle | 360 |

yamaLArjunara SApava iMdu biDisuveneMdu
baMda kRuShNa mattiyA maragaLallige |361 |

mattiyA maragaLalli sikki bidditu uLupu
kittu dharege keDahe kRuShNa attasAridA |362 |

bidda marana naDuve mattibbarpuruShareddu baralu
kaMDu janagaLella bahu cOdyapaTTaru |353 |

madyapAnavannu mADi unmattarAgirutiralu
nAradaru baMdu namma kaDega hAkalu | 354 |

arkapatiya sEve mADi vyarthavAgi keDalu bEDi
lakShmIpatiya pUjegaLa mADireMdanu | 365 |

namOstu kalyANarUpa namO viSvaBAvana
namO BArgava vEdavyAsa yAdava naMdanA | 366 |

lakShumISa nammaparAdhava kShamipudeMdu
karava mugidu sutiya mADi bEDikoMDaru | 367 |

karava mugidu stutiya mADi namaskarisakoMDu
niMtu beLaguva vimAnavEri teraLi hOdaru | 368 |

iMdina vyApAravannu baMda janarella nODi
saMdEhavillanIta koMdaneMdarU |369 |

pUtani SakaTa tRuNAvarta kESiyanne kolluva
acaritre pADidaru amara vaMdyana |370|

iMdirAramaNana mEle iMdrAdi dEvategaLu
maMdAra puShpada maLeya karedaru |371 |

kRuShNa cariteyannu kELidA kaMsanu
koMdu nidregaivudu eMdigeMdanu |372|

naMdagOkulada oLage baMditu utpAtaveMdu
vRuMdAvanake teraLi pOda iMdirESanu |373|

vRuMdAvanada oLage gOviMdanADutiralu maNNa
tiMdaneMdu hELidare naMdagOpige | 374 |

kOlu tegedukoMDu gOpi bAlakana baDivenenalu
bAya tereyadiddare baDiveneMdaLu |375|

maNNa tinnalilla nammaNNa rAmarane kELu
saNNavara mAtidella saTe eMdanu |376|

cikkavara mAta kELi SikShe mADi kolla baMdi
mRuttikeya tinnalilla bAya nODeMda |377|

SrIkRuShNana bAyoLage hadinAlku lOkava kaMDu
prAdurBUtanAda paramAtmaneMdaLu |378|

saptadvIpagaLa suttELu samudraviruva pRuthvi|
AkASa mEru parvatavanu kaMDaLu |379|

dhanyavAda vaikuMThava cennavAgi kaMDaLu
tanna kaMDu yaSOde tavakisidaLu |380 |

muddu kRuShNana bAyoLage biddenu tAnenuta
idda sthaLava kANade Sramava paTTaLu |381|

dEvAdidEvaneMdu dEvi yaSOde stutise
dEvakisutanu tanna baleya bIsida |382

balarAma SrIkRuShNa saha turugaLannu kAyuttiralu
karuvinaMte baMda obba kaLLa asuranu |383|

AkaLa kAyutidda SrIkRuShNana kolluveneMdu
pApi asura gOrUpavannu dharisida |384 |

dhEnukAsuranu baMdu dEvakiya sutana hiDidu
BUmiya mEle appaLisuttiddanu |385|

aMbujAkSha asuranaMgaiyiMdalappaLisi
muMdina ratnava paharisikoMDanasurana |386|

pakShirUpavannu dharisi kukShiyoLasura obba
BakShisuveneMdu mUtiyiMda kaDidanu |387 |

kamalanABanu bakAsurana eraDu tuTigaLanne hiDidu
kaDidu tuMDu cUrNa mADi kaDege hAgida | 388 |

SaMkarana kuritu pAvitracUDaneMba daitya
paMkajAkShana koluveneMdu pariyataMdanu |389 |

gOvaLanella kAvaDigaLane kaTTi
gOpAlara hegalaliTTu manege kaLuhida | 390 |

hasideneMdu SrIkRuShNa yaSOdege hELalu mosaru
annavannu koTTu kaLuhisidaLu | 391 |

asuLiyoLage maMDisi vasudheyoLage kelakelaru
vRuShaBadaMte hOri hOri uNNuttiddaru | 392 |

aLLa mAgAyi bEru guLLa suMDiya kAyi
koLala kaMkuLalirisi kRuShNa uNutaliddanu |393|

oMdu kaiyali uppinakAyi mattoMdu kaili mosaru butti
koLala kaMkuLaliTTu kRuShNa uNutaliddanu |394|

kaLLi annavanne uMDu gollara kUDikoMDu
PullanABa BOjana mADuttiddanu |395|

balarAma SrIkRuShNa karugaLanne kAyutiralu
raviyu madhyAhnake baMdanAgalE |396|

karugaLige nIru kuDisi kAlu muKagaLanne toLedu
karugaLannu neraLinalli nilisuttiddaru |397|

nakShatradaMte sutta gOpAlaroDane oppidane
caMdranaMte naDuve kRuShNanu |398|

caMdra guDi kaTTidaMte hiMDu gOpAlaroDane
iMdirESa harismaraNeyiMda kUtanu |399|

tuttu koTTu tudiyadeMdu BaktiyiMda tegedukoMba
kRuShNana kUDe uMDu suKadaliddaru |400 |

anaMta vEdagaLa biTTu acyutana kUDe uMDu
BOjanada sukRuta saviyavella paDedaru |401 |

bAlakara kUDikoMDu rAmakRuShNarADutiralu
Aga ajanu baMdu karuva mareya mADida 402 |

karuvu dUra hOyiteMdu hariya kUDe kELalu
arasi tAheneMdu nIvu uNNireMdanu |403 |

itta gOpAlarilla atta karu kANalilla
vatsa oMdu uLiyiteMba teradalliddaru |404 |