Narayana ninna

Composer: Shri Purandara dasaru

ನಾರಾಯಣ ನಿನ್ನ ನಾಮದ ಸ್ಮರಣೆಯ
ಸಾರಾಮೃತವು ಎನ್ನ ನಾಲಿಗೆಗೆ ಬರಲಿ ||

ಕಷ್ಟದಲ್ಲಿರಲಿ ಉತ್ಕೃಷ್ಟದಲ್ಲಿರಲಿ
ಎಷ್ಟಾದರೂ ಮತಿಗೆಟ್ಟು ಇರಲಿ
ಕೃಷ್ಣ ಕೃಷ್ಣ ಎಂದು ಶಿಷ್ಟರು ಪೇಳುವ
ಅಷ್ಟಾಕ್ಷರ ಮಹಾ ಮಂತ್ರದ ನಾಮವ ||೧||

ಸಂತತ ಹರಿ ನಿನ್ನ ಸಾಸಿರ ನಾಮವ
ಅಂತರಂಗದ ಒಳಗಿರಿಸಿ
ಎಂತೋ ಪುರಂದರ ವಿಠಲ ರಾಯನ
ಅಂತ್ಯ ಕಾಲದಲ್ಲಿ ಚಿಂತಿಸೋ ಹಾಂಗೆ ||೨||

---

nArAyaNa ninna nAmada smaraNeya
sArAmRutavu enna nAligege barali ||

kaShTadallirali utkRuShTadallirali
eShTAdarU matigeTTu irali
kRuShNa kRuShNa eMdu SiShTaru pELuva
aShTAkShara mahA maMtrada nAmava ||1||

saMtata hari ninna sAsira nAmava
aMtaraMgada oLagirisi
eMtO puraMdara viThala rAyana
aMtya kAladalli ciMtisO hAMge ||2||