Dasara nindisabeda

Composer : Shri Purandara dasaru

ದಾಸನಾಗುವುದಕ್ಕೆ ಏಸುಜನ್ಮದ ಸುಕೃತ
ಭಾಸುರ ರವಿಕೋಟಿ ಶ್ರೀಶ ಸುಗುಣವಂತ
ನಾಶರಹಿತ ನಿನ್ನ ದಾಸರ ದಾಸ್ಯವ
ಲೇಸಾಗಿ ಕೊಡು ಕಂಡ್ಯ ಪುರಂದರವಿಠಲ ||

ದಾಸರ ನಿಂದಿಸಬೇಡ ಮನುಜ , ಹರಿ-
ದಾಸರ ನಿಂದಿಸ ಬೇಡ [ಪ]

ರಾಮರ ನಿಂದಿಸಿ ರಾವಣ ಕೆಟ್ಟ
ವಿಭೀಷಣಗಾಯಿತು ಪಟ್ಟ
ಭೂಮಿಯ ಲೋಭದಿ ಕೌರವ ಕೆಟ್ಟ
ಧರ್ಮಗೆ ರಾಜ್ಯವ ಬಿಟ್ಟ [೧]

ಉಡಿಯಲ್ಲಿ ಕೆಂಡವ ಕಟ್ಟಿಕೊಂಡರೆ
ಸುಡದಲೆ ಬಿಡುವುದೇನಣ್ಣ
ಪೊಡವಿಯ ಜನರಿಗೆ ಬಡತನ ಬಂದರೆ
ಬಿರುನುಡಿ ಆಡದಿರಣ್ಣ [೨]

ದೇವಕಿ ಸೆರೆಯನು ಬಿಡಿಸಿದ ದಾಸರು
ನರರೇನೈ ಈ ಜಗದೊಳು
ಭಾವಜನಯ್ಯನ ಭಕುತರ ಸೇವಿಸೆ
ಪಾವನ ಮಾಡುವ ಪುರಂದರ ವಿಠಲ [೩]

---

dAsanAguvudakke Esujanmada sukRuta
BAsura ravikOTi SrISa suguNavaMta
nASarahita ninna dAsara dAsyava
lEsAgi koDu kaMDya puraMdaraviThala ||

dAsara niMdisabEDa manuja , hari-
dAsara niMdisa bEDa [pa]

rAmara niMdisi rAvaNa keTTa
viBIShaNagAyitu paTTa
BUmiya lOBadi kaurava keTTa
dharmage rAjyava biTTa [1]

uDiyalli keMDava kaTTikoMDare
suDadale biDuvudEnaNNa
poDaviya janarige baDatana baMdare
birunuDi ADadiraNNa [2]

dEvaki sereyanu biDisida dAsaru
nararEnai I jagadoLu
BAvajanayyana Bakutara sEvise
pAvana mADuva puraMdara viThala [3]