Rudra veerabhadra

Composer : Shri Vijayadasaru

ರುದ್ರಾ ವೀರಭದ್ರ ಅದ್ರಿನಂದನೆ ರಮಣಾ [ಪ]
ರೌದ್ರ ಮೂರುತಿ ದಯಾಸಮುದ್ರ ಎನ್ನನು ಕಾಣೊ [ಅ.ಪ.]

ಮುಪ್ಪುರವ ಗೆದ್ದ ಮುಕ್ಕಣ್ಣ ಮನ್ಮಥ ವೈರಿ
ಸರ್ಪಭೂಷಣ ಮೃತ್ಯು ನಿವಾರಣ
ಕಪ್ಪುಗೊರಳ ಕೃತ್ತಿವಾಸ ವ್ಯೋಮಕೇಶ
ಒಪ್ಪಿಕೊಳ್ಳಬೇಕು ಒಲಿದು ಈ ವಾಕು [೧]

ಸದ್ಯೋಜಾತ ಭೂತನಾಥ ಭಕುತರದಾತ
ಖದ್ಯೋತ ಲಾವಣ್ಯ ಸುರಜ್ಯೇಷ್ಠನ
ಮಧ್ಯವಾಸನ ಛೇದ ಶ್ರೀ ವಿಷ್ಣುವಿನ ಪಾದ
ಹೃದ್ಯದೊಳಗಿಟ್ಟ ಜಟಾ ಜೂಟ ಬಲು ಧಿಟ್ಟ [೨]

ಮನೋನಿಯಾಮಕ ಗುರುವೆ ದೈನ್ಯದಿಂದಲಿ ಕರೆವೆ
ಜನಿಸಿ ಕಾಡುವ ರೋಗ ಕಳೆಯೊ ಬೇಗ
ಅನುಪಮ ವಿಜಯವಿಠ್ಠಲನ ನಾಮಾಮೃತವ
ಎನಗುಣಿಸುವುದೋ ಸಾಂಬ ಮರುತ ಪ್ರತಿಬಿಂಬ [೩]

---

rudrA vIraBadra adrinaMdane ramaNA [pa]
raudra mUruti dayAsamudra ennanu kANo [a.pa.]

muppurava gedda mukkaNNa manmatha vairi
sarpaBUShaNa mRutyu nivAraNa
kappugoraLa kRuttivAsa vyOmakESa
oppikoLLabEku olidu I vAku [1]

sadyOjAta BUtanAtha BakutaradAta
KadyOta lAvaNya surajyEShThana
madhyavAsana CEda SrI viShNuvina pAda
hRudyadoLagiTTa jaTA jUTa balu dhiTTa [2]

manOniyAmaka guruve dainyadiMdali kareve
janisi kADuva rOga kaLeyo bEga
anupama vijayaviThThalana nAmAmRutava
enaguNisuvudO sAMba maruta pratibiMba [3]