Krishnavatara suladi – Tara tara

Composer : Shri Vijayadasaru

ಶ್ರೀಕೃಷ್ಣಾವತಾರ ಸುಳಾದಿ
ರಾಗ: ಕೇದಾರಗೌಳ

ಝಂಪೆತಾಳ

ತರ ತರ ತರ ತರ ತರ ತರ ತರನೆ ನಿನ್ನ ನಡುಗಿಸಿ
ಕರ ಕರ ಕರ ಕರ ಕರ ಕರ ಕರದು ನಿನ್ನ ನಿಲಿಸಿ
ಸರ ಸರ ಸರ ಸರ ಸರ ಸರ ಸರನೆ ನಿನ್ನ ವಲಿಸಿ
ವರ ವರ ವರ ವರ ವರ ವರ ವರಗಳನು ಪಡಿಯದಲೆ ಬಿಡುವನೆ
ಸಿರಿಯೊಡಿಯ ಸರರೊಡಿಯ ಎನ್ನೊಡಿಯಾ ಜಗದೊಡಿಯ
ಮರಿಯದಲೆ ನೋಡು ತಡಿಯದಿರು ಮುಂದೆ ಎನಗೊಂದೆ ಪೇಳು –
ತ್ತರವ ಇಂದೆ ಇರು ಕೊಡದೆ ಬಿಡುವೆನೆ ಜಗದ ತಂದೆ
ಪರಮುಖ ನೀನಾಗೆ ನಿನ್ನಯ ಚರಣದಡಿಗಳಲಿ
ಶಿರಸಾ ಪವಡವನು ಕೊಡುವ ಜೀಯಾ
ಕರುಣಿ ನೀನೆಂದು ಮೊರೆ ಪೊಕ್ಕು ಬೇಡಿದರೆನ್ನ
ಸರಕು ಮಾಡದಲೆ ತೊರಗುವದು ಏನೋ
ಪರಿಪೂರ್ಣ ಗುಣನಿಧಿ ವಿಜಯವಿಟ್ಠಲ ನಿನ್ನ
ಚರಣದುಂಗುಟದ ಮಂದಿರದ ನೆಳಲೆ ಬೇಕು || ೧ ||

ಮಟ್ಟತಾಳ

ಭಂಡು ದೇವರಿಗೆ ಲೆಂಡಪ್ರತಿ ಎಂಬೋದು
ಮಂಡಲದೊಳಗಿದು ಸಹಜ ನೀತಿ
ಭಂಡು ದೇವನೆ ನೀನು ನಂದಗೋಕುಲದಲ್ಲಿ
ಲೆಂಡ ಗೊಲ್ಲತಿಯರು ಅವರೆ ನಿನಗೆ ಮಟ್ಟು
ತೋಂಡನಾಗಿ ನಿನ್ನ ಕೊಂಡಾಡಲು ಶಿ –
ಖಂಡಿಯಾಗಿ ಇದ್ದಿ ನಿನಗೆ ಅವರೆ ಮಟ್ಟು
ಕುಂಡ ಗೋಳಕರ ಮಂಡೆ ಮೇಲೆ ಇದ್ದು
ಭಂಡುಗಾರ ಗೊಲ್ಲ ವಿಜಯವಿಟ್ಠಲಾ || ೨ ||

ತ್ರಿವಿಡಿತಾಳ

ಕದ್ದಾ ಶುದ್ಧೀಗೆ ದಧಿಪಾಲಾಗೆ ವಶನಾಗೆ
ಬದ್ಧಾದಿಂದಲಿ ಬಂದು ಅವನು ಕೇಳಿದ ಮಾತು
ಸಿದ್ಧಾಂತವೆಲ್ಲಾ ವಳಿಕೆ ಪೇಳಿದವರಾರು
ಈ ಧರೆಯೊಳಗೆ ಧರ್ಮಕೆ ಕಾಲಾ ನಡೆಯದೆಂದೂ
ನಿರ್ಧರವಾಗಿದೆ ಎನಗೆ ನೋಡಲಿ ಇಂದು
ಅಬ್ಧಿಶಯನ ನಿನ್ನ ವರ್ಮ ವರ್ಮಗಳಾ
ಇದ್ದಾವು ಅಲ್ಲಲ್ಲಿ ದೂರಾದಲ್ಲದೆ ನೀನು
ಹೊದ್ದಿ ಇಪ್ಪದು ಸಟಿ ವಿಜಯವಿಟ್ಠಲ ಸಿರಿ
ಮುದ್ದು ಮುಖದ ಚಲುವ ಸಿದ್ಧ ಪ್ರಸಿದ್ಧ || ೩ ||

ಅಟ್ಟತಾಳ

ಪಾವಮಾನಿಯಂತೆ ಹರಿವಾಣಾ ವೈ ಬೇಕು
ಗೋವಳರಂತೆ ಎಂಜಲು ಕಲಸಲಿಬೇಕು
ರಾವಣಾನುಜನಂತೆ ನಿನ್ನ ಹೊತ್ತು ತಂದಿಡಬೇಕು
ದೇವನದಿಜನಂತೆ ಕದನ ಮಾಡಲಿ ಬೇಕು
ದೇವತಾ ಗಣದಂತೆ ಭಾರ ಹೊರಿಸಬೇಕು
ಈ ವಿಚಾರವಿರಲು ಆವಲ್ಲಿ ಪೋಗದೆ
ಕಾವುತ್ತಲಿತ್ತ ವರಾವಾದರು ಬೇಡೆ
ದೇವೇಶ ವಿಜಯವಿಟ್ಠಲ ನಿನ್ನ ಮಹಿಮೆಯ
ಆವಾವ ಬಲ್ಲನು ನಮೊ ನಮೊ ನಮೋ ಎಂಬೆ
ಹಾವಿಗೆ ತಡೆ ಬೇರು ಇದ್ದಂತೆ ಇರಬೇಕು || ೪ ||

ಆದಿತಾಳ

ದೂರಿದ ಭಕ್ತರ ದೂರ ಮಾಡುವಿ ಪಾಪ
ದೂರ ಬೇಕು ನಿನ್ನ ದೂರ ಬೇಕು ನಿನ್ನ
ದೂರದಲೆ ಎನ್ನ ದೂರು ಮುಟ್ಟುವದಿಲ್ಲ
ದೂರಿದೆನೆ ಸಿರಿ ವಿಜಯವಿಟ್ಠಲ ವಿ –
ದುರ ವಂದಿತ ಪಾದ ದೂರ ದೋಷ ಬಲು
ದೂರ ನೋಡದೆ ಎನ್ನ ದುರಿತ ಬಿಡಿಸೋ || ೫ ||

ಜತೆ

ಹರನ ಶಿರ ಮುಕುಟ ನಿನ್ನ ಪಾದ ಪೀಠವೊ ರನ್ನ
ಪೊರೆವದು ದಯದಿಂದ ವಿಜಯವಿಟ್ಠಲ ಎನ್ನ ||

---

SrIkRuShNAvatAra suLAdi
rAga: kEdAragauLa

JaMpetALa

tara tara tara tara tara tara tarane ninna naDugisi
kara kara kara kara kara kara karadu ninna nilisi
sara sara sara sara sara sara sarane ninna valisi
vara vara vara vara vara vara varagaLanu
paDiyadale biDuvane
siriyoDiya sararoDiya ennoDiyA jagadoDiya
mariyadale nODu taDiyadiru muMde enagoMde pELu –
ttarava iMde iru koDade biDuvene jagada taMde
paramuKa nInAge ninnaya caraNadaDigaLali
SirasA pavaDavanu koDuva jIyA
karuNi nIneMdu more pokku bEDidarenna
saraku mADadale toraguvadu EnO
paripUrNa guNanidhi vijayaviTThala ninna
caraNaduMguTada maMdirada neLale bEku || 1 ||

maTTatALa

BaMDu dEvarige leMDaprati eMbOdu
maMDaladoLagidu sahaja nIti
BaMDu dEvane nInu naMdagOkuladalli
leMDa gollatiyaru avare ninage maTTu
tOMDanAgi ninna koMDADalu Si –
KaMDiyAgi iddi ninage avare maTTu
kuMDa gOLakara maMDe mEle iddu
BaMDugAra golla vijayaviTThalA || 2 ||

triviDitALa

kaddA SuddhIge dadhipAlAge vaSanAge
baddhAdiMdali baMdu avanu kELida mAtu
siddhAMtavellA vaLike pELidavarAru
I dhareyoLage dharmake kAlA naDeyadeMdU
nirdharavAgide enage nODali iMdu
abdhiSayana ninna varma varmagaLA
iddAvu allalli dUrAdallade nInu
hoddi ippadu saTi vijayaviTThala siri
muddu muKada caluva siddha prasiddha || 3 ||

aTTatALa

pAvamAniyaMte harivANA vai bEku
gOvaLaraMte eMjalu kalasalibEku
rAvaNAnujanaMte ninna hottu taMdiDabEku
dEvanadijanaMte kadana mADali bEku
dEvatA gaNadaMte BAra horisabEku
I vicAraviralu Avalli pOgade
kAvuttalitta varAvAdaru bEDe
dEvESa vijayaviTThala ninna mahimeya
AvAva ballanu namo namo namO eMbe
hAvige taDe bEru iddaMte irabEku || 4 ||

AditALa

dUrida Baktara dUra mADuvi pApa
dUra bEku ninna dUra bEku ninna
dUradale enna dUru muTTuvadilla
dUridene siri vijayaviTThala vi –
dura vaMdita pAda dUra dOSha balu
dUra nODade enna durita biDisO || 5 ||

jate

harana Sira mukuTa ninna pAda pIThavo ranna
porevadu dayadiMda vijayaviTThala enna ||