Composer : Shri Vadirajaru
ಆವ ರೀತಿಯಿಂದ ನೀಯೆನ್ನ ಸಲಹುವಿ |
ಶ್ರೀವಿಭು ಹಯವದನ ||ಪ||
ಈ ವಿಧ ಭವದೊಳು ಇಷ್ಟು ಬವಣೆ ಪಟ್ಟೆ
ತಾವರೆದಳನಯನ ಹಯವದನ ||ಅ||
ಅಂಗನೆಯರಲ್ಲಿ ಅಧಿಕ ಮೋಹದಿಂದ
ಅಂಗಶೃಂಗಾರ ಮಾಡಿ |
ಮಂಗಳಾಂಗನೆ ನಿನ್ನ ಮಹಿಮೆಯ ಪೊಗಳದೆ |
ಭಂಗಕ್ಕೆ ಗುರಿಯಾದೆನೊ, ಹಯವದನ ||೧||
ಕಾಮನ ಬಾಧೆಯ ತಾಳಲಾರದೆ ಕಂಡ |
ಕಾಮಿನಿಯರನು ಕೂಡಿ |
ನೇಮ ನಿಷ್ಠೆಯ ಬಿಟ್ಟು, ನಿನ್ನನೆ ಭಜಿಸದೆ |
ಪಾಮರನಾದೆನೊ, ಹಯವದನ ||೨||
ಹೀನಗುಣಗಳೆಲ್ಲ ಹಯಮುಖ ದೇವನೆ |
ನೀನೆಣಿಸದಲೆ ಕಾಯೊ |
ಜ್ಞಾನಿಗಳರಸನೆ ದಯವಿಟ್ಟು ನಿನ್ನನ್ನೇ |
ಧ್ಯಾನಿಸುವಂತೆ ಮಾಡೋ, ಹಯವದನ ||೩||
Ava rItiyiMda nIyenna salahuvi |
SrIviBu hayavadana ||pa||
I vidha BavadoLu iShTu bavaNe paTTe
tAvaredaLanayana hayavadana ||a||
aMganeyaralli adhika mOhadiMda
aMgaSRuMgAra mADi |
maMgaLAMgane ninna mahimeya pogaLade |
BaMgakke guriyAdeno, hayavadana ||1||
kAmana bAdheya tALalArade kaMDa |
kAminiyaranu kUDi |
nEma niShTheya biTTu, ninnane Bajisade |
pAmaranAdeno, hayavadana ||2||
hInaguNagaLella hayamuKa dEvane |
neeneNisadale kAyo |
j~jAnigaLarasane dayaviTTu ninnannE |
dhyAnisuvaMte mADO, hayavadana ||3||
Leave a Reply