ಶ್ರೀ ವಿಜಯದಾಸಾರ್ಯ ವಿರಚಿತ ಗುರು ಮಹಾತ್ಮೆ ಸುಳಾದಿ
ರಾಗ: ಮುಖಾರಿ
ಧ್ರುವತಾಳ
ಗುರುಮಂತ್ರವನ್ನೆ ಮಾಡು ಗುಣವಂತನಾಗಿ ಮನುಜಾ
ಗುರುತು ನಿನಗೆ ಪೇಳುವೆನು ಗುಪ್ತವಿಟ್ಟು
ಗುರು – ಲಘು – ಪಾಪಂಗಳು ದಹಿಸಿ ಪೋಗೋವು ನಿತ್ಯ
ಗುರುವೇ ಮುಖ್ಯನು ಕಾಣೊ ಸದ್ಗತಿಗೆ
ಗುರುಭಕುತಿ ಬೇಕೊ ವೈದಿಕ ಲೌಕಿಕಕ್ಕೆ
ಗುರು ಉಪದೇಶವಿಲ್ಲದೆ ವಿದ್ಯವಿಲ್ಲ
ಗುರುವೆ ಜಗದ್ಗುರು ತಾನಾದ ಕಾಲಕ್ಕೆ
ಭರತವರ್ಷದಲ್ಲಿ ಜನ್ಮ ಧರಿಸಿದಾಗ
ನರ ಯಃಕಶ್ಚಿತನಾಗೆ ಅವನಿಂದ ಉಪದೇಶ
ಗುರುಭಾವದಿಂದ ಕೊಂಡು ನಮಿಸಬೇಕು
ಅರೆಮರೆ ಮಾಡಸಲ್ಲಾ ಸ್ವರೂಪೋತ್ತಮನಲ್ಲ
ಹರಿ ಆಜ್ಞೆ ಅಂಥಾದ್ದೇ ಮೀರಲುಂಟೆ
ಗುರುಮುಖದಿಂದ ವಿದ್ಯಾಪ್ರಾಪ್ತವಾಗುವದೆಂದು
ವರಶ್ರುತಿತತಿಯಲ್ಲಿ ಪೇಳುತಿದಕೊ
ಸುರನರೋರಗ ಲೋಕದಲ್ಲಿದ್ದ ಕಾಲಕ್ಕೂ
ಗುರುವೆ ಕಾರಣಕರ್ತಾ ಶಿಕ್ಷಿಪುದಕೆ
ಹರಿಬ್ರಹ್ಮ ಮರುತಗೆ , ಮರುತ , ಗರುಡಾಹಿ ಶಿವಗೆ
ಹರಿ ಇಂದ್ರ ಪ್ರದ್ಯುಮ್ನಗೆ ಸುರಪ ಚಂದ್ರಾರ್ಕ ಯಮಗೆ
ತರಣಿ ವರುಣಮುನಿಗೆ ಭೃಗುವಾದಿಗೆ ಹೀಗೆ
ಗುರುವೆನಿಸಿಕೊಂಬೋರು ನಿಜಸ್ವರೂಪಾ
ತರತಮ್ಯ ಇದೆ ವ್ಯತ್ಯಾಸಯಿಲ್ಲಾ ಸತ್ಯ
ಧರೆಯೊಳು ಸಂಸಾರ ಪ್ರವೇಶಿಸೆ
ತರತಮ್ಯ ಪ್ರಯೋಜನವಲ್ಲಾ ವಿದ್ಯ ಮಾತ್ರ
ಇರಬೇಕು ಉಪದೇಶ ಕೊಳಬೇಕಲ್ಲಿ
ಹರಿವಾಯುಗಳಿಗೆಲ್ಲ ವಿದ್ಯಾಭ್ಯಾಸವೇಕೆ
ನರಲೀಲೆ ತೋರುವರು ಲೋಕಚರ್ಯಾ
ಉರಗಭೂಷಣ ಮಿಕ್ಕ ಜ್ಞಾನಾಂಶಕೇ
ಅರಿತು ಅರಿಯರು ಕಾಣೊ ಅವತಾರದಲ್ಲಿ ವಿದ್ಯಾ
ಗುರುಪ್ರಸಾದವೆ ಬೇಕು ಮನುಜಾಂಗದೀ
ತರತಮ ಇಲ್ಲ ಇಲ್ಲ ನೀಚ ಉತ್ತಮ ಉತ್ತು –
ಮರು ಪೇಳುವರು ನೀಚಗೆ ಉಪದೇಶ
ಉರುಕಾಲ ಇನಿತು ಇಪ್ಪ ಆಮೇಲೆ ಪಕ್ವಕಾಲ
ಬರಲಾಗ ತನಗಿಂದ ಒಂದೆರಡು ಗುಣದ
ಗುರುವು ಮೊದಲುಮಾಡಿ ಅಧಿಕಾಧಿಕವಾಗಿ
ಗುರು ದೊರಕುವನಯ್ಯಾ ಉಪದೇಶಕ್ಕೆ
ಸರಿಯೆನ್ನಿ ಇಲ್ಲಿಗೆ ಸಂಚಿತ ಆಗಾಮಿನಾಶ
ಪರಿಪರಿ ಪ್ರಾರಬ್ಧ ಭುಂಜಿಸುವ ಸಮಯ
ಬರಲಾಗಿ ನಿಜಗುರು ಪ್ರಾಪ್ತನಾಹಾ
ಕರುಣಾದಿಂದಲಿ ಇವನ ಯೋಗ್ಯತೆ ತಿಳಿದು ಸು –
ಸ್ಥಿರವಾದ ಮಾರ್ಗಭಜನೆ ತೋರಿಕೊಡುವಾ
ತರತಮ್ಯ ಇದ್ದರು ನಿಜಗುರು ಸಚ್ಚಿಷ್ಯ
ಪರಲೋಕದಲಿ ವುಂಟು ದೋಷವಲ್ಲಾ
ಎರಡೊಂದು ಯುಗದಲ್ಲಿ ಮಾತ್ರ ಸ್ವಲ್ಪು
ಕೊರತೆಯಿಲ್ಲದೆ ಕಲಿಯುಗದಂತೆಯಲ್ಲ ಇದೆ
ಪರ ಮೂಢಭಾವ ನರಜೀವಿಗೆ
ಧರಣಿಸುರನು ಮೂರುಜಾತಿಗೆ ಗುರು ಕಾಣೊ
ವರಣೋಚಿತ ಕರ್ಮ ಪೇಳಬೇಕು
ಗುರು ಉಪದೇಶವಿಲ್ಲದ ಮಂತ್ರ ವೃಥಾ –
ಕ್ಷರ ಕಾಣೊ ಫಲವಿಲ್ಲ ಸಿದ್ಧಿಸದು
ವರ ಅವರರಿಗೆ ಗುರುಬೇಕು ಗುರುಬೇಕು
ಸರಿ ಮಿಗಿಲು ಗುರು ದೊರಕಿದರು
ತೆರಳಿ ಪೋಗಲಿಬಹುದು ಕೇಳಿ ಕೇಳದೆ ಲೇಸು
ದರ್ಶನಗ್ರಂಥ ವಿದ್ಯಾಭ್ಯಾಸಕ್ಕೆ
ಗುರುಕುಲವಾಸವಾಗಿ ಶುಶ್ರೂಷ ಚನ್ನಾಗಿ
ಪರಮ ಭಕುತಿಯಿಂದ ಮಾಡಬೇಕು
ತಾರತಮ್ಯ ಜ್ಞಾನತತ್ವ ಓದಲೇಕೆ ನಿಜ
ಗುರು ಕರುಣದಿಂದಲಿ ಸಾಧ್ಯವಹದು
ಸರುವ ಧರ್ಮವೆ ತೊರೆದು ಗುರುಧರ್ಮ ನಡಿಸುತಿಪ್ಪ
ನರಗೆ ಆವಾವ ಭಯವಿಲ್ಲ ಕಾಣೊ
ಪರಮಪುರುಷ ನಮ್ಮ ವಿಜಯವಿಟ್ಠಲರೇಯನ್ನ
ಚರಣಕಾಂಬುವದಕ್ಕೆ ಗುರುದ್ವಾರ ಸಂಪಾದಿಸು ॥ 1 ॥
ಮಟ್ಟತಾಳ
ಭೂಸುರ ಭೂಭುಜಗೆ ಭೂಭುಜ ವೈಶ್ಯನಿಗೆ
ವೈಶ್ಯ ಚತುರಜಾತಿಗೆ ಶೂದ್ರ ತನ್ನವರಿಗೆ
ಲೇಶಬಿಡದೆ ಕರದು ಕರುಣದಿಂದಲಿ ಉಪ –
ದೇಶ ಮಾಡಲುಬಹುದು ಇದಕೆ ಸಂಶಯಸಲ್ಲಾ
ಲೇಸು ಲೇಸು ಅವಗೆ ವರಣೋಚಿತಜ್ಞಾನ
ನಾಶವಾಗದು ಕಾಣೊ ಶುಭಮನದಲಿ ಇಪ್ಪ
ದೇಶದೊಳಗೆ ಮಹಾ ಕೀರ್ತಿವಂತನಹಾ
ಭಾಸುರ ಮೂರುತಿ ವಿಜಯವಿಟ್ಠಲರೇಯ
ವಾಸವಾಗಿಪ್ಪನು ಅವರವರ ಬಳಿಯಾ ॥ 2 ॥
ತ್ರಿಪುಟತಾಳ
ಧರೆಯೊಳು ಭೂಸುರ ಬ್ರಹ್ಮೋಪದೇಶಕ್ಕೆ
ವರಬ್ರಾಹ್ಮಣ ತನಗೆ ದೊರಕಾದಿರಲು
ಸರಿಯಾಗಿದ್ದವನಲ್ಲಿ ವಿದ್ಯಾವಿದ್ಯಾದಿಂದ
ನಿರುತ ಗ್ರಹಿಸಬೇಕು ವಿನಯದಿಂದ
ಹಿರಿಯ ಸಮಾನಿಕ ಇಲ್ಲದಿದ್ದರೆ ಅ –
ವರನಿಗೇ ವಿದ್ಯ ಪೇಳುವಾಗ
ಇರಳು ಹಗಲು ಧಾರಣಶಕ್ತಿಯಿಂದ ನಿಂ –
ದಿರದೆ ಚಿಂತಿಸಬೇಕು ಬ್ರಹ್ಮವಿದ್ಯ
ಮರಳೆ ಭೂಸುರಜಾತಿ ಇಲ್ಲದಿದ್ದರೆ ದೇಶಾಂ –
ತರದಲ್ಲಿ ತಾನೊಬ್ಬನಿದ್ದರಾಗೆ
ಕರದು ತನ್ನಲ್ಲಿಗೆ ಬಾಹುಜನ ವಿದ್ಯವ
ಪರೀಕ್ಷಿಸಿ ಮನದೊಳು ಗುಣಿಸಿ ಅವನ
ಗುರುವಿದ್ದ ಗ್ರಾಮಕ್ಕೇ ಪೋಗಿ ವಿದ್ಯಾರಂಭ
ಕರಣಶುದ್ಧಿಯಿಂದ ಮಾಡಲಿಬೇಕು
ಎರಡನೆ ಜಾತಿಯು ದೊರಿಯದಿದ್ದಡೆ ವೈಶ್ಯ
ವರ ಶೂದ್ರಜಾತಿಯ ಕೇಳುವ ವಿವರ
ಪರಿಪರಿ ವಿಧವುಂಟು ಸಾಧನವಲ್ಲ
ಪರಮ ರಹಸ್ಯಕ್ಕೆ ಸಲ್ಲದು ಕಾಣೊ
ಧರೆಯೊಳು ಭಿಕ್ಷುಕ ಜಡಜೀವರ ನೋಡಿ
ಗುರುವು ಮಾಡಿಕೊಂಡ ಚತುರ್ವಿಂಶತಿ
ಸುರವಿದ್ಯಕ್ಕೆ ಮಾತ್ರ ಸ್ವೋತ್ತಮರಿಂದಲ್ಲದೆ
ಎರಡನೆಯುಪದೇಶ ಕೊಳಲಾಗದು
ಹರಿ ಇಚ್ಛೆಯಿಂದಲಿ ಸಂಸ್ಕಾರ ಬಲದಿಂದ
ಪರಿಪರಿ ಶ್ರುತಿಗೆ ಅವಿರೋಧವಾಗಿ
ಚರಿಯಾ ತೋರಿದರಾಗೆ ಮನಿಯೊಳು ಪಿತಾ ಭ್ರಾತಾ
ಪಿರಿಯರಾಜ್ಞಾದಿಂದ ತಿಳಿಯಬೇಕು
ತರುವಾಯ ತರುವಾಯ ತತ್ವ ವಿಚಾರಿಸಿ
ದುರಿತದಿಂದಲಿ ನರನು ಕಡೆ ಬೀಳುವಾ
ಸುರಪಾಲಕ ನಮ್ಮ ವಿಜಯವಿಟ್ಠಲರೇಯ
ತಾರತಮ್ಯ ಜ್ಞಾನವ ಕೊಟ್ಟು ಪಾಲಿಸುವ ॥ 3 ॥
ಅಟ್ಟತಾಳ
ಶತಕೋಟಿಗಾದರು ಉತ್ತಮ ಗುರು ಬೇಕು
ಸತತ ಗುರುಪತ್ನಿ ಗುರುಪುತ್ರ ಮಿಗಿಲಾದ
ಹಿತದವರ ಸೇವೆ ಪ್ರೀತಿಯಿಂದಲಿ ಮಾಡೆ
ಚ್ಯುತವಾಗದ ವಿದ್ಯಾ ಪರಿಪೂರ್ಣವಾಗೋದು
ಕ್ಷಿತಿಯೊಳು ಉತ್ತಂಕನೆಂಬುವನಾ ನೋಡು
ಗತಲೋಚನನಾಗಿ ಅಲ್ಲಿಂದ ಗುರುವಿನಿಂದಲಿ ಮಹಾ
ಅತಿಶಯವಾದ ಭೇದವಿದ್ಯ ಕಲಿತನು
ಚತುರಾಮೂರುತಿ ನಮ್ಮ ವಿಜಯವಿಟ್ಠಲರೇಯ
ಪ್ರತಿಪ್ರತಿ ದಿನದಲ್ಲಿ ಜ್ಞಾನವ ಕೊಡುತಲಿಪ್ಪಾ ॥ 4 ॥
ಆದಿತಾಳ
ಸುಲಕ್ಷಣ ಗುರುವಿನ ಸಂಪಾದಿಸಿಕೊಂಡು
ಕಾಲಕಾಲಕ್ಕೆ ಮಹಾಬುದ್ಧಿವಂತನಾಗು
ಹೇಳಿ ಕೇಳುವದೇನು ಅನ್ಯಮತವೆ ಪೊಂದಿ
ಕೀಳು ಗತಿಗೆ ಪೋಗಿ ಬೀಳದಿರೊ ಮನಜಾ
ಮೂರ್ಲೋಕದೊಳಗೆ ತಿಳಿ ನಿರ್ಮಲ ಮರುತಮತ
ಆಲಿಸಿ ಕೇಳಿದರೆ ವೈಕುಂಠ ಮುಟ್ಟುತಿದೆ
ಏಳಲಾ ಮಾಡದಿರು ಎಲ್ಲ ಕಾಲದಿ ನಿನಗೆ
ಮೇಲು ಮೇಲು ವಿದ್ಯ ಪ್ರಾಪ್ತವಾಗುವದು
ಪಾಲಸಾಗರಶಾಯಿ ವಿಜಯವಿಟ್ಠಲ ತನ್ನ
ಊಳಿಗದವರೊಡನೆ ವಾಲಗ ಕೊಡುವನು ॥ 5 ॥
ಜತೆ
ಗುರುದ್ವಾರವಿಲ್ಲದೆ ಸಾಧ್ಯ ಸಿದ್ಧನಾಗುವನೆ
ಗುರು ವಾಯು ವಿಜಯವಿಟ್ಠಲಗೆ ವಂದಿಸಬೇಕು ॥
SrI vijayadAsArya viracita guru mahAtme suLAdi
rAga: muKAri
dhruvatALa
gurumaMtravanne mADu guNavaMtanAgi manujA
gurutu ninage pELuvenu guptaviTTu
guru – laGu – pApaMgaLu dahisi pOgOvu nitya
guruvE muKyanu kANo sadgatige
guruBakuti bEko vaidika laukikakke
guru upadESavillade vidyavilla
guruve jagadguru tAnAda kAlakke
BaratavarShadalli janma dharisidAga
nara yaHkaScitanAge avaniMda upadESa
guruBAvadiMda koMDu namisabEku
aremare mADasallA svarUpOttamanalla
hari Aj~je aMthAddE mIraluMTe
gurumuKadiMda vidyAprAptavAguvadeMdu
varaSrutitatiyalli pELutidako
suranarOraga lOkadallidda kAlakkU
guruve kAraNakartA SikShipudake
haribrahma marutage , maruta , garuDAhi Sivage
hari iMdra pradyumnage surapa caMdrArka yamage
taraNi varuNamunige BRuguvAdige hIge
guruvenisikoMbOru nijasvarUpA
taratamya ide vyatyAsayillA satya
dhareyoLu saMsAra pravESise
taratamya prayOjanavallA vidya mAtra
irabEku upadESa koLabEkalli
harivAyugaLigella vidyAByAsavEke
naralIle tOruvaru lOkacaryA
uragaBUShaNa mikka j~jAnAMSakE
aritu ariyaru kANo avatAradalli vidyA
guruprasAdave bEku manujAMgadI
taratama illa illa nIca uttama uttu –
maru pELuvaru nIcage upadESa
urukAla initu ippa AmEle pakvakAla
baralAga tanagiMda oMderaDu guNada
guruvu modalumADi adhikAdhikavAgi
guru dorakuvanayyA upadESakke
sariyenni illige saMcita AgAminASa
paripari prArabdha BuMjisuva samaya
baralAgi nijaguru prAptanAhA
karuNAdiMdali ivana yOgyate tiLidu su –
sthiravAda mArgaBajane tOrikoDuvA
taratamya iddaru nijaguru sacciShya
paralOkadali vuMTu dOShavallA
eraDoMdu yugadalli mAtra svalpu
korateyillade kaliyugadaMteyalla ide
para mUDhaBAva narajIvige
dharaNisuranu mUrujAtige guru kANo
varaNOcita karma pELabEku
guru upadESavillada maMtra vRuthA –
kShara kANo Palavilla siddhisadu
vara avararige gurubEku gurubEku
sari migilu guru dorakidaru
teraLi pOgalibahudu kELi kELade lEsu
darSanagraMtha vidyAByAsakke
gurukulavAsavAgi SuSrUSha cannAgi
parama BakutiyiMda mADabEku
tAratamya j~jAnatatva OdalEke nija
guru karuNadiMdali sAdhyavahadu
saruva dharmave toredu gurudharma naDisutippa
narage AvAva Bayavilla kANo
paramapuruSha namma vijayaviTThalarEyanna
caraNakAMbuvadakke gurudvAra saMpAdisu || 1 ||
maTTatALa
BUsura BUBujage BUBuja vaiSyanige
vaiSya caturajAtige SUdra tannavarige
lESabiDade karadu karuNadiMdali upa –
dESa mADalubahudu idake saMSayasallA
lEsu lEsu avage varaNOcitaj~jAna
nASavAgadu kANo SuBamanadali ippa
dESadoLage mahA kIrtivaMtanahA
BAsura mUruti vijayaviTThalarEya
vAsavAgippanu avaravara baLiyA || 2 ||
tripuTatALa
dhareyoLu BUsura brahmOpadESakke
varabrAhmaNa tanage dorakAdiralu
sariyAgiddavanalli vidyAvidyAdiMda
niruta grahisabEku vinayadiMda
hiriya samAnika illadiddare a –
varanigE vidya pELuvAga
iraLu hagalu dhAraNaSaktiyiMda niM –
dirade ciMtisabEku brahmavidya
maraLe BUsurajAti illadiddare dESAM –
taradalli tAnobbaniddarAge
karadu tannallige bAhujana vidyava
parIkShisi manadoLu guNisi avana
guruvidda grAmakkE pOgi vidyAraMBa
karaNaSuddhiyiMda mADalibEku
eraDane jAtiyu doriyadiddaDe vaiSya
vara SUdrajAtiya kELuva vivara
paripari vidhavuMTu sAdhanavalla
parama rahasyakke salladu kANo
dhareyoLu BikShuka jaDajIvara nODi
guruvu mADikoMDa caturviMSati
suravidyakke mAtra svOttamariMdallade
eraDaneyupadESa koLalAgadu
hari icCeyiMdali saMskAra baladiMda
paripari Srutige avirOdhavAgi
cariyA tOridarAge maniyoLu pitA BrAtA
piriyarAj~jAdiMda tiLiyabEku
taruvAya taruvAya tatva vicArisi
duritadiMdali naranu kaDe bILuvA
surapAlaka namma vijayaviTThalarEya
tAratamya j~jAnava koTTu pAlisuva || 3 ||
aTTatALa
SatakOTigAdaru uttama guru bEku
satata gurupatni guruputra migilAda
hitadavara sEve prItiyiMdali mADe
cyutavAgada vidyA paripUrNavAgOdu
kShitiyoLu uttaMkaneMbuvanA nODu
gatalOcananAgi alliMda guruviniMdali mahA
atiSayavAda BEdavidya kalitanu
caturAmUruti namma vijayaviTThalarEya
pratiprati dinadalli j~jAnava koDutalippA || 4 ||
AditALa
sulakShaNa guruvina saMpAdisikoMDu
kAlakAlakke mahAbuddhivaMtanAgu
hELi kELuvadEnu anyamatave poMdi
kILu gatige pOgi bILadiro manajA
mUrlOkadoLage tiLi nirmala marutamata
Alisi kELidare vaikuMTha muTTutide
ELalA mADadiru ella kAladi ninage
mElu mElu vidya prAptavAguvadu
pAlasAgaraSAyi vijayaviTThala tanna
ULigadavaroDane vAlaga koDuvanu || 5 ||
jate
gurudvAravillade sAdhya siddhanAguvane
guru vAyu vijayaviTThalage vaMdisabEku ||
Leave a Reply