Bandaddella barali Govindana

Composer : Shri Purandara dasaru

ಬಂದದ್ದೆಲ್ಲ ಬರಲಿ ಗೋವಿಂದನ ದಯ ಒಂದಿರಲಿ ||ಪ||

ಇಂದಿರೆ ರಮಣನ ಧ್ಯಾನವ ಮಾಡಲು
ಬಂದ ದುರಿತ ಭಯ ಹಾದು ಬಿಡಲಿ ||ಅ.ಪ||

ಅರಗಿನ ಮನೆಯೊಳಗಂದು
ಪಾಂಡವರನು ಕೊಲಬೇಕೆಂದು
ದುರುಳ ಕೌರವ ಬಂದು ಅತಿ
ಹರುಷದಲಿರುತಿರಲಂದು ||
ಹರಿಕೃಪೆ ಅವರಲ್ಲಿದ್ದ ಕಾರಣ
ಘೋರ ದುರಿತ ಭಯ ಹಾದುದಲ್ಲವೆ [೧]

ಆರು ಒಲಿಯದಿರಲೆನ್ನ
ಮುರಾರಿ ಎನಗೆ ಪ್ರಸನ್ನ
ಓರುವ ದುರಿತವೆಲ್ಲ ನಿವಾರಿಪ
ಕರುಣ ಸಂಪನ್ನ ||
ಶ್ರೀರಮಣನ ಸಿರಿ ಚರಣ ಶರಣರಿಗೆ
ಕ್ರೂರ ಯಮನು ಶರಣಾಗತನಲ್ಲವೆ [೨]

ಸಿಂಗನ ಪೆಗಲೇರಿದವಗೆ –
ಕರಿಭಂಗವೇಕೆ ಮತ್ತವಗೆ |
ರಂಗನ ಕೃಪೆಯುಳ್ಳವಗೆ –
ಭವ ಭಂಗಳೇತ್ತಕವಗೆ ||
ಮಂಗಳ ಮಹಿಮ ಪುರಂದರ ವಿಠಲ
ಶುಭಾಗನ ದಯವೊಂದಿದ್ದರೆ ಸಾಲದೆ [೩]

---

baMdaddella barali gOviMdana daya oMdirali ||pa||

iMdire ramaNana dhyAnava mADalu
baMda durita bhaya hAdu biDali ||a.pa||

aragina maneyoLagaMdu
pAMDavaranu kolabEkeMdu
duruLa kaurava baMdu ati
haruShadalirutiralaMdu ||
harikRupe avarallidda kAraNa
ghOra durita bhaya hAdudallave [1]

Aru oliyadiralenna
murAri enage prasanna
Oruva duritavella nivAripa
karuNa saMpanna ||
SrIramaNana siri caraNa sharaNarige
krUra yamanu SaraNAgatanallave [2]

siMgana pegalEridavage –
kariBaMgavEke mattavage |
raMgana kRupeyuLLavage –
Bava BaMgaLEttakavage ||
maMgaLa mahima puraMdara viThala
shubhAgana dayavoMdiddare sAlade [3]