Gollatiyara kanna

Composer : Shri Vadirajaru

ಗೊಲ್ಲತಿಯರ ಕಣ್ಣದೃಷ್ಟಿ ಮಗಗಾಯಿತಮ್ಮ ಬಹು
ನಲ್ಲೆಯರು ಬಂದು ಮೆಚ್ಚು ಮದ್ದು ಮಾಡಿ ಹೋದರಮ್ಮ ||ಪ||

ಅಂಗಕೆ ಒಳಿತಿಲ್ಲವಮ್ಮ ಕಂಗಳು ಮುಚ್ಚಲೊಲ್ಲನಮ್ಮ
ಹೆಂಗಳ ನೋಡುತಲೆ ಜಟ್ಟಿಕ್ಕಿದನಮ್ಮ
ತಂಗಿ ನೀರು ಎರೆದೆವಮ್ಮ ತುಂಗಗಾತ್ರ ಎದ್ದು ನಮ್ಮ
ಭಂಗಪಡಿಸುತ ಬಾಯ ತೆರೆದನಲ್ಲಮ್ಮ [೧]

ನೀನು ಮೈಯ್ಯ ನೋಡಮ್ಮ ತನುವು ಕಿರಿದಾಯಿತಮ್ಮ
ಮೊಲೆಯಾನ ಕೊಡಲಿ ತಾಯ ನೋಡನಲ್ಲಮ್ಮ
ಅನ್ನವ ಕೊಳಲೊಲ್ಲನಮ್ಮ ಅತಿ ಭೀತನಾದ ದೈತ್ಯ
ಕನ್ನೆ ಮೊಲೆಹಾಲನುಂಡು ಬೆಳೆದನಲ್ಲಮ್ಮ [೨]

ನಮ್ಮ ಮಾತು ಕೇಳನಮ್ಮ ಒಮ್ಮೆಗೆ ಮೈಹೊದಿಯ ನಮ್ಮ
ಸುಮ್ಮನೆ ಘೊರಸುತಾನೆ ಮಲಗನಲ್ಲಮ್ಮ
ಬೊಮ್ಮ ಜೆಟ್ಟಿಗೆ ಮಾಡಿದೆವಮ್ಮ ಒಮ್ಮೆಗಿಷ್ಟೆಲ್ಲ ವಾಯಿತಮ್ಮ
ನಮ್ಮ ಹಯವದನಗಿನ್ನು ಅಂಜಿಕೆ ಇಲ್ಲವಮ್ಮ [೩]

---

gollatiyara kaNNadRuShTi magagAyitamma bahu
nalleyaru baMdu meccu maddu mADi hOdaramma ||pa||

aMgake oLitillavamma kaMgaLu muccalollanamma
heMgaLa nODutale jaTTikkidanamma
taMgi nIru eredevamma tuMgagAtra eddu namma
BaMgapaDisuta bAya teredanallamma [1]

nInu maiyya nODamma tanuvu kiridAyitamma
moleyAna koDali tAya nODanallamma
annava koLalollanamma ati BItanAda daitya
kanne molehAlanuMDu beLedanallamma [2]

namma mAtu kELanamma ommege maihodiya namma
summane GorasutAne malaganallamma
bomma jeTTige mADidevamma ommegiShTella vAyitamma
namma hayavadanaginnu aMjike illavamma [3]