Garuda Devara Suladi – Abhinava Pranesha vittala

ಶ್ರೀ ಅಭಿನವ ಪ್ರಾಣೇಶ ವಿಠಲ ದಾಸಾರ್ಯ ಕೃತ
ಶ್ರೀ ಗರುಡದೇವರ ಸುಳಾದಿ

ರಾಗ: ಮೋಹನ

ಧ್ರುವತಾಳ
ಕನಕಗರ್ಭನ ಸುತ ಕಾಲನಾಮಕನೀತ |
ಕಾನಕಾಸು ಪಕ್ಷ ಸರ್ವ ಪಕ್ಷೀಶನೆ |
ವಿನುತ ಕಶ್ಯಪ ಋಷಿ ತನುಭವನೆನಿಸಿದ|
ಫಣಿ ಭೂಷಣಿ ಫಣಿ ಸಮಕಕ್ಷದಿ ಸೇರಿದ|
ಅನುಜಹಿ ಮೂರುತಿ ಪೊಂಬಣ್ಣನೆ|
ಮುನಿಗಜಕೂರ್ಮರ ನುಂಗಿ ತೇಗಿದ ಧೀರ|
ಮುನಿವಾಲಖಿಲ್ಯರ ವರವ ಪಡೆದ|
ವನಧಿಯೆಡೆಗೆ ಮಂದರ ಗಿರಿ ತಂದ|
ವಿರೋಚನ ಪುತ್ರ ಬಲಿ ಒಯ್ದ ಮುಕುಟ ತಂದೆ|
ವನದ ಶ್ಯಂದನನೊಡ ಸೆಣಸ್ಯಾಡಿ ಅಮೃತ – |
ವನು ತಂದ ಪಿತೃ ಗಣ ನಾಗಾನಂದ |
ಘನ ನಿಭ ಅಭಿನವ ಪ್ರಾಣೇಶ ವಿಠಲನ |
ಅನುರಾಗವನು ಪಡೆದ ವೀಪ ಗರುಡದೇವ || ೧ ||

ಮಟ್ಟತಾಳ
ಸೌಪರ್ಣಿಪತಿ ರುಗ್ಮವರ್ಣಕಾಯ|
ಕೂಪರಾದ ಮಧ್ಯ ನಾವಿಕರನು ಮೆದ್ದ|
ಶ್ರೀಪತಿಯನು ಪೊತ್ತು ಕರದಿಹ ಪದ ನಖದಿ|
ಭೂಪನ ಪ್ರತಿಬಿಂಬ ನೋಡಿ ನಲಿವ ದೇವ|
ಗೋಪತಿ ಅಭಿನವ ಪ್ರಾಣೇಶ ವಿಠಲನ |
ರೂಪ ರಾಜ್ಯವ ತೋರು ಮಾಪತಿಯ ವಾಹನ || ೨ ||

ತ್ರಿವಿಡಿತಾಳ
ಧುರಲಂಕಾಪುರದಲ್ಲಿ ಮರ್ಕಟವೀರರ |
ಹರಿಜಿತು ಸರ್ವಾಸ್ತ್ರದಿಂದ ಬಂಧಿಸೆ|
ಹರಿ ರಾಮರಾದೇಶವರಿತು ಧಾವಿಸಿ ಬಂದು|
ಉರಗಾಸ್ತ್ರ ಬಂಧನ ಪರಿಹರಿಸಿ|
ತರುಚರ ಗಢಣಕ್ಕೆ ಹರುಷವ ಬೀರಿದೆ|
ಶಿರಿಯರಸನ ಆಜ್ಞೆ ಪೂರೈಸಿದೆ|
ಶರಧರ ಅಭಿನವ ಪ್ರಾಣೇಶವಿಠಲನ
ಕರುಣದಿಂ ಸುರ ಕಾರ್ಯ ಮಾಳ್ಪ ವಿಪದೇವ || ೩ ||

ಅಟ್ಟತಾಳ
ಮುರಹರ ಶಿರಿ ಸತ್ಯಭಾಮ ದೇವಿಯ ಪೊತ್ತು|
ಸುರತರು ಪಾರಿಜಾತವ ತರಲೋಸುಗ|
ಹರಿ ಹಯಪುರ ಹೊಕ್ಕು ಕಿತ್ತಿ ಪೊತ್ತುತಂದ |
ಪರಮ ಸಮರ್ಥನೆ ಚರಣಕೆ ವಂದನೆ|
ಅರಿಧರ ಅಭಿನವ ಪ್ರಾಣೇಶವಿಠಲನ |
ಚರಣ ದೂಳಿಗಕಾರ ಉರಗಾರಿ ವೀರ || ೪ ||

ಅದಿತಾಳ
ಕಾಲನಿಯಾಮಕ ಹರಿಪದ ಸೇವಕ|
ಕಾಲೋತ್ಪಾದಕ ಹರಿಗುಣ ಗಾಯಕ|
ಕಾಲಾಂತರ್ಗತ ಹರಿಗುಣೋಪಾಸಕ|
ಕಾಲಮೂರ್ತಿ ಹರಿ ಚರಣಾರಾಧಕ|
ಕಾಲ ಕಾಲ ಹರಿಪದ ಸಂಚಾರಕ|
ಪಾಲಕ ಅಭಿನವ ಪ್ರಾಣೇಶವಿಠಲನ |
ಕಾಲ ಕಾಲಕೆ ಭಜಿಪ ಬುದ್ಧಿ ಕೊಡು ವೀಂದ್ರ || ೫ ||

ಜತೆ
ಕಾಲ ಮೂರ್ತ್ಯ ಅಭಿನವ ಪ್ರಾಣೇಶ ವಿಠಲನ |
ಮೇಲು ಮೂರುತಿ ತೋರು ಕಾಲನಾಮಕನೆ || ೬ ||

---

SrI aBinava prANESa viThala dAsArya kRuta
SrI garuDadEvara suLAdi

rAga: mOhana

dhruvatALa
kanakagarBana suta kAlanAmakanIta |
kAnakAsu pakSha sarva pakShISane |
vinuta kaSyapa RuShi tanuBavanenisida|
PaNi BUShaNi PaNi samakakShadi sErida|
anujahi mUruti poMbaNNane|
munigajakUrmara nuMgi tEgida dhIra|
munivAlaKilyara varava paDeda|
vanadhiyeDege maMdara giri taMda|
virOcana putra bali oyda mukuTa taMde|
vanada SyaMdananoDa seNasyADi amRuta – |
vanu taMda pitRu gaNa nAgAnaMda |
Gana niBa aBinava prANESa viThalana |
anurAgavanu paDeda vIpa garuDadEva || 1 ||

maTTatALa
sauparNipati rugmavarNakAya|
kUparAda madhya nAvikaranu medda|
SrIpatiyanu pottu karadiha pada naKadi|
BUpana pratibiMba nODi naliva dEva|
gOpati aBinava prANESa viThalana |
rUpa rAjyava tOru mApatiya vAhana || 2 ||

triviDitALa
dhuralaMkApuradalli markaTavIrara |
harijitu sarvAstradiMda baMdhise|
hari rAmarAdESavaritu dhAvisi baMdu|
uragAstra baMdhana pariharisi|
tarucara gaDhaNakke haruShava bIride|
Siriyarasana Aj~je pUraiside|
Saradhara aBinava prANESaviThalana
karuNadiM sura kArya mALpa vipadEva || 3 ||

aTTatALa
murahara Siri satyaBAma dEviya pottu|
surataru pArijAtava taralOsuga|
hari hayapura hokku kitti pottutaMda |
parama samarthane caraNake vaMdane|
aridhara aBinava prANESaviThalana |
caraNa dULigakAra uragAri vIra || 4 ||

aditALa
kAlaniyAmaka haripada sEvaka|
kAlOtpAdaka hariguNa gAyaka|
kAlAMtargata hariguNOpAsaka|
kAlamUrti hari caraNArAdhaka|
kAla kAla haripada saMcAraka|
pAlaka aBinava prANESaviThalana |
kAla kAlake Bajipa buddhi koDu vIMdra || 5 ||

jate
kAla mUrtya aBinava prANESa viThalana |
mElu mUruti tOru kAlanAmakane || 6 ||