Hannu bandide koLLiri

Composer : Shri Purandara dasaru

ಹಣ್ಣು ಬಂದಿದೆ ಕೊಳ್ಳಿರೋ ನೀವೀಗ
ಚೆನ್ನ ಬಾಲಕೃಷ್ಣನೆಂಬೊ ಕೆನ್ನದ ಬಾಳೆ ||ಪ||

ಹವ್ಯಕವ್ಯದ ಹಣ್ಣು, ಸವಿವ ಸಕ್ಕರೆ ಹಣ್ಣು
ಭವರೋಗಗಳನೆಲ್ಲ ಕಳೆವ ಹಣ್ಣು
ನವನೀತ ಚೋರನೆಂಬೊ ಜವನ ಅಂಜಿಪ ಹಣ್ಣು
ಅವನಿಯೊಳು ಶ್ರೀರಾಮನೆಂಬೊ ಹಣ್ಣು |೧|

ಕೊಳೆತು ಹೋಗುವುದಲ್ಲ, ಹುಳುತು ಹೋಗುವುದಲ್ಲ
ಕಳೆದು ಬಿಸಾಡಿಸಿ ಕೊಳ್ಳುವುದಲ್ಲ
ಅಳತೆ ಕೊಂಬುವುದಲ್ಲ ಗಿಳಿ ಕಚ್ಚಿ ತಿಂಬೋದಲ್ಲ
ಒಳಿತಾದ ಹರಿಯೆಂಬೊ ಮಾವಿನ ಹಣ್ಣು |೨|

ಕೆಟ್ಟು ನಾರುವುದಲ್ಲ ಬಿತ್ತಿ ಬೆಳೆಯೋದಲ್ಲ
ಕಷ್ಟದಿ ಹಣ ಕೊಟ್ಟು ಕೊಂಬುವುದಲ್ಲ
ಸೃಷ್ಟಿಯೊಳಗೆ ನಮ್ಮ ಪುರಂದರವಿಠಲ
ಕೃಷ್ಣರಾಯನೆಂಬೊ ಶ್ರೇಷ್ಠಾದ ಹಣ್ಣು |೩|

---

haNNu baMdide koLLirO nIvIga
cenna bAlakRuShNaneMbo kennada bALe ||pa||

havyakavyada haNNu, saviva sakkare haNNu
BavarOgagaLanella kaLeva haNNu
navanIta cOraneMbo javana aMjipa haNNu
avaniyoLu SrIrAmaneMbo haNNu |1|

koLetu hOguvudalla, huLutu hOguvudalla
kaLedu bisADisi koLLuvudalla
aLate koMbuvudalla giLi kacci tiMbOdalla
oLitAda hariyeMbo mAvina haNNu |2|

keTTu nAruvudalla bitti beLeyOdalla
kaShTadi haNa koTTu koMbuvudalla
sRuShTiyoLage namma puraMdaraviThala
kRuShNarAyaneMbo SrEShThAda haNNu |3|