Neela Ghana leela jo jo

Composer : Shri Sripadarajaru

ನೀಲ ಘನ ಲೀಲ ಜೋ ಜೋ, ಕರುಣಾಲವಾಲ
ಶ್ರೀ ಕೃಷ್ಣ ಜೋ ಜೋ
ಲೀಲಾವತಾರ ಜೋ ಜೋ, ಪರಮಾತ್ಮ
ಬಾಲ ಗೋಪಾಲ ಜೋ ಜೋ |ಪ|

ಇಂದುಧರ ಮಿತ್ರ ಜೋ ಜೋ, ಪರಮಾತ್ಮ,
ಇಂದುರವಿ ನೇತ್ರ ಜೋ ಜೋ
ಇಂದುಕುಲ ರತ್ನ ಜೋ ಜೋ, ಪರಮಾತ್ಮ,
ಇಂದಿರಾರಮಣ ಜೋ ಜೋ |ಅ.ಪ|

ಆಶ್ಚರ್ಯ ಜನಕವಾಗಿ, ನಿರ್ಮಿಸಿದ,
ಪಚ್ಚೆಯಾ ತೊಟ್ಟಿಲಲ್ಲಿ
ಅಚ್ಯುತಾನಂತನಿರಲು, ತೂಗಿದರು,
ಮತ್ಸ್ಯಾವತಾರ ಹರಿಯ |೧|

ಧರ್ಮ ಸಂಸ್ಥಾಪನೆಂದು, ನಿರವಧಿಕ,
ನಿರ್ಮಲಚರಿತನೆಂದು
ವರ್ಮ ಕರ್ಮಗಳ ತಿಳಿದು, ತೂಗಿದರು,
ಕೂರ್ಮಾವತಾರ ಹರಿಯ |೨|

ಸರಸಿಜಾಕ್ಷಿಯರು ಎಲ್ಲ, ಜನವಶ್ಯಕರ
ದಿವ್ಯ ರೂಪನೆಂದು
ಪರಮ ಹರ್ಷದಿ ಪಾಡುತ, ತೂಗಿದರು
ವರಹಾವತಾರ ಹರಿಯ |೩|

ಕರಕುಂಭಗಳು ಪೋಲುವ ಕುಚದಮೇಲ್
ಹಾರ ಪದಕವು ಹೊಳೆಯಲು
ವರ ವರ್ಣಿನಿಯರು ಕೂಡಿ ತೂಗಿದರು,
ನರಸಿಂಹ ರೂಪ ಹರಿಯ |೪|

ಭಾಮಾ ಮಣಿಯರೆಲ್ಲ, ಜಗದೊಳಗೆ
ಸೋಮನಿವನೆಂದು ಹೊಗಳಿ
ನೇಮದಿಂದಲಿ ಪಾಡುತ ತೂಗಿದರು,
ವಾಮನ ರೂಪ ಹರಿಯ |೫|

ಸಾಮಜವರದನೆಂದು ಅತುಳ
ಭೃಗು ರಾಮಾವತಾರನೆಂದು
ಪ್ರೇಮದಿಂದಲಿ ಪಾಡುತ ತೂಗಿದರು,
ಭಾರ್ಗವ ರೂಪ ಹರಿಯ |೬|

ಕಾಮಿನಿಯ ಕಾಮನೆಂದು, ಸುರಸಾರ್ವಭೌಮ
ಗುಣಧಾಮನೆಂದು
ವಾಮ ನೇತ್ರಿಯರು ಪಾಡಿ ತೂಗಿದರು,
ರಾಮಾವತಾರ ಹರಿಯ |೭|

ಸೃಷ್ಟಿಯಾ ಕರ್ತನೆಂದು ಜಗದೊಳಗೆ
ದುಷ್ಟ ಸಂಹಾರನೆಂದು
ದೃಷ್ಟಾಂತರಹಿತನೆಂದು ತೂಗಿದರು,
ಕೃಷ್ಣಾವತಾರ ಹರಿಯ |೮|

ವೃದ್ಧ ನಾರಿಯರು ಯೆಲ್ಲ ಜಗದೊಳ್
ಪ್ರಸಿದ್ಧನಿವನೆಂದು ಹೊಗಳಿ
ಬದ್ಧಾನುರಾಗದಿಂದ ತೂಗಿದರು,
ಬೌದ್ಧಾವತಾರ ಹರಿಯ |೯|

ಝಣ ಝಣತ್ಕಾರದಿಂದ ರಂಜಿಸುವ
ಮಲಯಜಾಲೇಪದಿಂದು
ಕುಸುಮ ಗಂಧಿಯರು ಕೂಡಿ ತೂಗಿದರು,
ಕಲ್ಕ್ಯಾವತಾರ ಹರಿಯ |೧೦|

ತುಂಗ ಭವ ಭಂಗ ಜೋ ಜೋ, ಶ್ರೀ ಕೃಷ್ಣ,
ಮಂಗಳಾಪಾಂಗ ಜೋ ಜೋ,
ರಂಗ ಶ್ರೀ ಪಾಂಗ ಜೋ ಜೋ, ಪರಮಾತ್ಮ
ರಂಗ-ವಿಠ್ಠಲನೆ ಜೋ ಜೋ |೧೧|

---

nIla Gana lIla jO jO, karuNAlavAla
SrI kRuShNa jO jO
lIlAvatAra jO jO, paramAtma
bAla gOpAla jO jO |pa|

iMdudhara mitra jO jO, paramAtma,
iMduravi nEtra jO jO
iMdukula ratna jO jO, paramAtma,
iMdirAramaNa jO jO |a.pa|

AScarya janakavAgi, nirmisida,
pacceyA toTTilalli
acyutAnaMtaniralu, tUgidaru,
matsyAvatAra hariya |1|

dharma saMsthApaneMdu, niravadhika,
nirmalacaritaneMdu
varma karmagaLa tiLidu, tUgidaru,
kUrmAvatAra hariya |2|

sarasijAkShiyaru ella, janavaSyakara
divya rUpaneMdu
parama harShadi pADuta, tUgidaru
varahAvatAra hariya |3|

karakuMBagaLu pOluva kucadamEl
hAra padakavu hoLeyalu
vara varNiniyaru kUDi tUgidaru,
narasiMha rUpa hariya |4|

BAmA maNiyarella, jagadoLage
sOmanivaneMdu hogaLi
nEmadiMdali pADuta tUgidaru,
vAmana rUpa hariya |5|

sAmajavaradaneMdu atuLa
BRugu rAmAvatAraneMdu
prEmadiMdali pADuta tUgidaru,
BArgava rUpa hariya |6|

kAminiya kAmaneMdu, surasArvaBauma
guNadhAmaneMdu
vAma nEtriyaru pADi tUgidaru,
rAmAvatAra hariya |7|

sRuShTiyA kartaneMdu jagadoLage
duShTa saMhAraneMdu
dRuShTAMtarahitaneMdu tUgidaru,
kRuShNAvatAra hariya |8|

vRuddha nAriyaru yella jagadoL
prasiddhanivaneMdu hogaLi
baddhAnurAgadiMda tUgidaru,
bauddhAvatAra hariya |9|

JaNa JaNatkAradiMda raMjisuva
malayajAlEpadiMdu
kusuma gaMdhiyaru kUDi tUgidaru,
kalkyAvatAra hariya |10|

tuMga Bava BaMga jO jO, SrI kRuShNa,
maMgaLApAMga jO jO,
raMga SrI pAMga jO jO, paramAtma
raMga-viThThalane jO jO |11|