Srihariya Stotra Suladi – Sheshadasaru

Raga:Atana

ಮೊದಲಕಲ್ಲು ಶ್ರೀಶೇಷದಾಸಾರ್ಯ ವಿರಚಿತ
ಶ್ರೀಹರಿಯ ಸ್ತೋತ್ರ ಸುಳಾದಿ
ರಾಗ: ಅಠಾಣ
ಧ್ರುವತಾಳ
ಅರಹು ಮರುಹುಗಳಿಗೆ ಕಾರಣ ನೀನೆ ದೇವಾ
ನಿರುಪಮ ಮಹಿಮನೆ ನಿತ್ಯ ತೃಪ್ತ
ಪರಮಾಣುಗಳಿಗೆ ಕಾಲ ಕರ್ಮಾನುಸಾರದಿಂದ
ಎರಡು ದ್ವಾರದಿಂದ ಮುಖ್ಯ ನೀನೆ
ಅರಹು ಮರುಹು ಇತ್ತು ಜೀವರ್ಗೆ ಸುಖ ದುಃಖ
ಪರಿವ್ರಾತಗಳುಣಿಪ ನೇಮದಂತೆ
ಪರಮ ಸುಖಹೇತು ಅರುಹು ಎನ್ನಲಿ ಬೇಕು
ಪರಮ ದುಃಖಹೇತು ಮರಹು ಎನ್ನು ಈ
ತೆರವಾದ ಬಗೆಯಿಂದ ನಿನ್ನ ಹೊರತಾಗಿ
ಅರುಹು ಮರಹು ಎನ್ನ ಆಧೀನವೋ ?
ಅರುಹು ಮರಹು ಜೀವರಾಧೀನ ನೆಂದು ನುಡಿಯೆ
ಹರಿ ನಿನ್ನ ಕರ್ತೃತ್ವಕ್ಕೆ ಕೊರತೆ ಬಾಹದೆ
ವರಲುತಿವೆ ನೋಡು ಆ ವೇದ ಶಾಸ್ತ್ರಗಳು
ಸಿರಿಪತಿ ನಿನ್ನ ವ್ಯತಿರಿಕ್ತವಾಗಿ
ಹೊರಗೆ ಬಿಟ್ಟ ಶ್ವಾಸ ಒಳಗೆ ಕೊಂಬುವವರಿಲ್ಲ
ಸರಸಿಜ ಭವ ಹರ ಸುರರ ಮಧ್ಯ
ಸುರರಾದಿಗಳ ಧೊರಿಯೆ ಗುರುವಿಜಯವಿಠ್ಠಲರೇಯ
ಬರಿದೆ ಯಾತಕೆ ಎನ್ನ ದೂರುವದು || ೧ ||

ಮಟ್ಟತಾಳ
ಹಿತಮಾಡಿ ನನಗೆ ಸಥಿಯಲಿ ಬೋಧಿಸಿದ
ಅತಿಶಯಗಳ ಸಕಲ ಮರದಿ ನೀನು ಎಂದು
ಮತಿವಂತನೆ ಎನ್ನ ಮೋಹಿಸಿದ್ಯೋ ನಿನ್ನ
ಚತುರತನಕೆ ನಾನು ನಮೊ ನಮೊ ನಮೊ ಎಂಬೆ ಯು –
ಕುತಿವಂತರ ಮಧ್ಯ ನಿನಗಿಂದಲಿ ಜಗದಿ
ಅತಿಶಯವಿಲ್ಲವೊ ಗುರುವಿಜಯವಿಠ್ಠಲ ನಿನ್ನ
ಯತಾರ್ಥವ ನಾನು ವರ್ಣಿಸಬಲ್ಲೆನೆ || ೨ ||

ತ್ರಿವಿಡಿತಾಳ

ಒಳಗೊಂದು ಹೊರಗೊಂದು ನುಡಿವ ಜನರುಗಳ
ನೆಲಿಯಾದ ಪ್ರಿಯನೆಂದು ನುಡಿವರಯ್ಯಾ
ಇಳೆಯೊಳಗೀ ಮಾತು ಸಾಕ್ಷಿಯಾಗಿದೆ ನೋಡು
ಮಲಿನ ರಹಿತವಾದ ಕರುಣಿ ನೀನು
ಒಳಗೊಂದು ಹೊರಗೊಂದು ನುಡಿದು ಬರಿದೆ ಎನ್ನ
ಬಳಲಿಸಿ ನೋಡುವದು ಘನತೆ ಏನೋ
ಒಳಗೆ ವ್ಯಾಪಕನಾಗಿ ಸುರರಿಂದ ಪ್ರೇರಿಸದೆ
ಕಲಿಮುಖ ದನುಜರ ದ್ವಾರದಿಂದ
ಬಲವತ್ತರವಾದ ಅಜ್ಞಾನ ಪ್ರಕಟಿಸಿ ನೀ
ಮಲಿನ ಸಹಿತ ಕಾಮ ಕ್ರೋಧವಿತ್ತು ನಿ –
ರ್ಮಲವಾದ ಜ್ಞಾನವನ್ನು ತಿರೋಧಾನವ ಮಾಡಿ
ಜಲಜನಾಭನೆ ನೀನು ಸುಳಿಯದಲೇ
ನೆಲೆಯಾಗಿ ನಿಂದು ಕರ್ಮ ಕಾಲಾನುಸಾರವಾಗಿ
ನಳಿನನಾಭನೆ ಇನಿತು ನೀನೇ ಮಾಡಿ
ತಿಳಿಯದಾ ನರನಂತೆ ಮರದಿ ನೀನೆಂದು ಎನ್ನ
ಹಲವು ಪರಿಲಿ ನುಡಿದು ಹಂಗಿಸುವರೇ
ಶಿಲೆಯ ಪ್ರತಿಮೆಯಲ್ಲಿ ವರಶಾಪದ ಕೃತ್ಯ
ಶಿಲೆಯಾಧಿಷ್ಠಿತನಾದ ದೇವಗಲ್ಲದೆ
ಶಿಲೆಗೆ ಸಹಜವನ್ನು ಎಂದಿಗಾದರೂ ನೋಡ
ತಿಳಿವದು ಇದರಂತೆ ಎನ್ನ ಜ್ಞಾನ
ಚಲನ ಕೃತ್ಯವ ತೋರ್ಪ ಸೂತ್ರಧಾರನ ಕೈಯ್ಯ
ಚಲಿಸುವ ದಾರುಮಯ ಬೊಂಬೆಯನ್ನು
ತಿಳಿಯದ ನರನೊಬ್ಬ ಬರಿದೆ ದೂಷಿಸಲದಕೆ
ವಳಿತು ನಡತಿ ನಡಿಯಲೊಶವೆ ಹರಿಯೆ
ಚಲನಾದಿಗಳ ತೋರ್ಪ ಪುರುಷನಿಂದಲಿ ಅದಕ
ವಳಿತಾದ ಕೀರ್ತ್ಯಾಕೀರ್ತಿ ಬರುವದಯ್ಯಾ
ಒಳಗೆ ವ್ಯಾಪಕನಾಗಿ ದೈತ್ಯರಿಂದಲಿ ಎನಗೆ
ಮಲತ ಮರುಹು ಇತ್ತು ಯುಕುತಿಯಿಂದ
ಲೀಲೆ ಮಾಳ್ಪನಾಗಿ ನೀನೆ ಮರತೆ ಎಂದು
ಜಲಜ ನಯನ ಎನ್ನ ದೂರುವರೇ
ನಳಿನಸಂಭವಜನಕ ಗುರುವಿಜಯವಿಠ್ಠಲರೇಯ
ಮೂಲ ಕಾರಣ ನೀನೆ ಅರುಹು ಮರುಹುಗಳಿಗೆ || ೩ ||

ಅಟ್ಟತಾಳ
ಲೋಕವತು ನೀನು ಲೌಕಿಕ ಮಾಳ್ಪದು ಥರವಲ್ಲ ಥರವಲ್ಲ
ಏಕಮೇವ ನಿನ್ನ ಮೋಹದ ಶಕುತಿಯು
ಲೋಕೇಶ ಮೊದಲಾದ ಸುರರು ಮೋಹಿಸುವರು
ಕಾಕು ನರನು ನಾನೆಂತು ದಾಟುವೆನು
ಗೋಕುಲಾಂಬುಧಿ ಚಂದ್ರ ಗುರುವಿಜಯವಿಠ್ಠಲರೇಯ
ಸಾಕಾರ ರೂಪನೇ ಸತತ ಮಂಗಳಕಾಯಾ || ೪ ||

ಆದಿತಾಳ

ಪಾಹಿ ಪಾಹಿ ತವ ರೂಪಕ್ಕೆ ನಮೊ ನಮೊ
ಪಾಹಿ ಪಾಹಿ ತವ ಸುಗುಣಕ್ಕೆ ನಮೊ ನಮೊ
ಪಾಹಿ ಪಾಹಿ ತವ ಕ್ರೀಯಕ್ಕೆ ನಮೊ ನಮೊ
ಪಾಹಿ ಪಾಹಿ ತವ ಮೋಹಕ್ಕೆ ನಮೊ ನಮೊ
ಪಾಹಿ ಪಾಹಿ ಗುರುವಿಜಯವಿಠ್ಠಲರೇಯ
ಪಾಹಿ ಪಾಹಿ ಸದಾ ಅಪರಾಧವೆಣಿಸದೆ || ೫ ||

ಜತೆ
ಭಕ್ತರ ವಿಷಯದಿ ಯುಕುತಿ ಮಾಡದಲಿರೊ
ಭಕ್ತವತ್ಸಲ ಗುರುವಿಜಯವಿಠ್ಠಲರೇಯ ||

---

modalakallu SrISEShadAsArya viracita
SrIhariya stOtra suLAdi
rAga: aThANa
dhruvatALa
arahu maruhugaLige kAraNa nIne dEvA
nirupama mahimane nitya tRupta
paramANugaLige kAla karmAnusAradiMda
eraDu dvAradiMda muKya nIne
arahu maruhu ittu jIvarge suKa duHKa
parivrAtagaLuNipa nEmadaMte
parama suKahEtu aruhu ennali bEku
parama duHKahEtu marahu ennu I
teravAda bageyiMda ninna horatAgi
aruhu marahu enna AdhInavO ?
aruhu marahu jIvarAdhIna neMdu nuDiye
hari ninna kartRutvakke korate bAhade
varalutive nODu A vEda SAstragaLu
siripati ninna vyatiriktavAgi
horage biTTa SvAsa oLage koMbuvavarilla
sarasija Bava hara surara madhya
surarAdigaLa dhoriye guruvijayaviThThalarEya
baride yAtake enna dUruvadu || 1 ||

maTTatALa
hitamADi nanage sathiyali bOdhisida
atiSayagaLa sakala maradi nInu eMdu
mativaMtane enna mOhisidyO ninna
caturatanake nAnu namo namo namo eMbe yu –
kutivaMtara madhya ninagiMdali jagadi
atiSayavillavo guruvijayaviThThala ninna
yatArthava nAnu varNisaballene || 2 ||

triviDitALa

oLagoMdu horagoMdu nuDiva janarugaLa
neliyAda priyaneMdu nuDivarayyA
iLeyoLagI mAtu sAkShiyAgide nODu
malina rahitavAda karuNi nInu
oLagoMdu horagoMdu nuDidu baride enna
baLalisi nODuvadu Ganate EnO
oLage vyApakanAgi surariMda prErisade
kalimuKa danujara dvAradiMda
balavattaravAda aj~jAna prakaTisi nI
malina sahita kAma krOdhavittu ni –
rmalavAda j~jAnavannu tirOdhAnava mADi
jalajanABane nInu suLiyadalE
neleyAgi niMdu karma kAlAnusAravAgi
naLinanABane initu nInE mADi
tiLiyadA naranaMte maradi nIneMdu enna
halavu parili nuDidu haMgisuvarE
Sileya pratimeyalli varaSApada kRutya
SileyAdhiShThitanAda dEvagallade
Silege sahajavannu eMdigAdarU nODa
tiLivadu idaraMte enna j~jAna
calana kRutyava tOrpa sUtradhArana kaiyya
calisuva dArumaya boMbeyannu
tiLiyada naranobba baride dUShisaladake
vaLitu naDati naDiyaloSave hariye
calanAdigaLa tOrpa puruShaniMdali adaka
vaLitAda kIrtyAkIrti baruvadayyA
oLage vyApakanAgi daityariMdali enage
malata maruhu ittu yukutiyiMda
lIle mALpanAgi nIne marate eMdu
jalaja nayana enna dUruvarE
naLinasaMBavajanaka guruvijayaviThThalarEya
mUla kAraNa nIne aruhu maruhugaLige || 3 ||

aTTatALa
lOkavatu nInu laukika mALpadu tharavalla tharavalla
EkamEva ninna mOhada Sakutiyu
lOkESa modalAda suraru mOhisuvaru
kAku naranu nAneMtu dATuvenu
gOkulAMbudhi caMdra guruvijayaviThThalarEya
sAkAra rUpanE satata maMgaLakAyA || 4 ||

AditALa

pAhi pAhi tava rUpakke namo namo
pAhi pAhi tava suguNakke namo namo
pAhi pAhi tava krIyakke namo namo
pAhi pAhi tava mOhakke namo namo
pAhi pAhi guruvijayaviThThalarEya
pAhi pAhi sadA aparAdhaveNisade || 5 ||

jate
Baktara viShayadi yukuti mADadaliro
Baktavatsala guruvijayaviThThalarEya ||