Palisennanu deva – Varaha

Composer : Shri Vijayadasaru

ಪಾಲಿಸೆನ್ನನು ದೇವಾ ಪರಮ ಪುರುಷಾ
ಭೂಲೋಲ ಶ್ರೀಮುಷ್ಣ ನಿಲಯ ಶ್ವೇತ ವರಹಾ [ಪ]

ಸ್ವಾಯಿಚ್ಛೆಯಲಿ ಬಂದು ಮೆರೆದು ಮಹಾಕೀರ್ತಿಯನು
ಪಯೋನಿಧಿ ಸುತೆಯಿಂದ ತುತಿಸಿಕೊಳ್ಳುತಾ
ಜಯಜಯ ದೇವನಾಶ್ರಯ ಕಾಮಧೇನು ನೀ
ದಯಮಾಡಿ ನೋಡುವದು ದಾಸ ನೆನೆಸುವದು [೧]

ಚಿತ್ತಾವಧಾರು ಪರಾಕು ಬೊಮ್ಮಾಂಡವನು
ಹೊತ್ತು ನಸುನಗು ನಾಗಾರಿಗಮನಾ
ಮುತ್ತು ಮಣಿ ಮಯದಾಭರಣದಿಂದೆಸೆವ ದೇ
ವೋತ್ತಮನೆ ದಾನವರ ಬಲವಳಿದಾ ಧೈರ್ಯ [೨]

ನಿತ್ಯ ಪುಷ್ಕರಣಿಯಲಿ ನಿರುತ ಪೂಜೆಯಗೊಂಡು
ಪ್ರತ್ಯಕ್ಷವಾಗಿ ವರಗಳನೀವುತ
ಸತ್ಯ ಸಂಕಲ್ಪ ಸಿರಿ ವಿಜಯವಿಠ್ಠಲ ವರಹ
ಭೃತ್ಯನೆನಿಸಿ ನಿನ್ನ ಸ್ತೋತ್ಯದೊಳಗಿಡು ದೇವಾ [೩]

---

pAlisennanu dEvA parama puruShA
bhUlOla SrImuShNa nilaya SvEta varahA [pa]

svAyicCeyali baMdu meredu mahAkIrtiyanu
payOnidhi suteyiMda tutisikoLLutA
jayajaya dEvanASraya kAmadhEnu nI
dayamADi nODuvadu dAsa nenesuvadu [1]

chittAvadhAru parAku bommAMDavanu
hottu nasunagu nAgArigamanA
muttu maNi mayadABaraNadiMdeseva dE
vOttamane dAnavara balavaLidA dhairya [2]

nitya puShkaraNiyali niruta pUjeyagoMDu
pratyakShavAgi varagaLanIvuta
satya saMkalpa siri vijayaviThThala varaha
BRutyanenisi ninna stOtyadoLagiDu dEvA [3]