Shringaravagide Shrihariya

Composer : Shri Purandara dasaru

ಶೃಂಗಾರವಾಗಿದೆ ಶ್ರೀಹರಿಯ ಮಂಚ ||ಪ||

ಬಡಗಿ ಮುಟ್ಟದ ಮಂಚ | ಮಡುವಿನೋಳಿಹ ಮಂಚ |
ಮೃಡನ ತೋಳಿಲಿ ಅಡಗಿರುವ ಮಂಚ ||
ಸಡಗರ ಉಳ್ಳ ಮಂಚ | ಹೆಡೆಯುಳ್ಳ ಹೊಸ ಮಂಚ |
ಪೊಡವಿಗೊಡೆಯ ಪಾಂಡು-ರಂಗನ ಮಂಚ ||೧||

ಕಾಲಿಲ್ಲದಿಹ ಮಂಚ ಘಾಳಿ ನುಂಗುವ ಮಂಚ |
ತೋಳು ಬಿಳುಪಿನ ಮಂಚ ವಿಶದ ಮಂಚ ||
ಕಾಳಗದೊಳರ್ಜುನನ ಮಕುಟ ಕೆಡಹಿದ ಮಂಚ
ಕೇಳು ಪರೀಕ್ಷಿತನ ಕೊಂದುದೀ ಮಂಚ ||೨||

ಕಣ್ಣು ಕಿವಿಯಾದ ಮಂಚ | ಬಣ್ಣ ಬಿಳುಪಿನ ಮಂಚ |
ಹೊನ್ನ ಪೆಟ್ಟಿಗೆಯೊಳು ಅಡಗುವ ಮಂಚ |
ಹುಣ್ಣಿಮೆ ಚಂದ್ರನ ಬಣ್ಣ ಕೆಡಹಿದ ಮಂಚ |
ಕನ್ಯೆ ಮಹಾಲಕ್ಷ್ಮಿ ಅರಸನ ಮಂಚ ||೩||

ಹಕ್ಕಿಗೆ ಹಗೆ ಮಂಚ | ರೊಕ್ಕ ಮುಕ್ಕದ ಮಂಚ |
ರಕ್ಕಸಾರಿ ಪಾಂಡುರಂಗನ ಮಂಚ |
ಸಿಕ್ಕಿಲದೀ ಮಂಚ | ಶ್ರೀ ಲಕ್ಷ್ಮಿ ಪತಿ ಮಂಚ |
ಪೊಡವಿಗೊಡೆಯ ಪಾಂಡು-ರಂಗನ ಮಂಚ ||೪||

ಅಂಕು ಡೊಂಕಿನ ಮಂಚ | ಅನಂತ ಕಾಲಿನ ಮಂಚ |
ಶಂಕರನ ತೋಳಿಗೆ ಪದಕದಾ ಮಂಚ |
ಶಂಕೆಯಿಲ್ಲದಸುರರ ಸಂಹರಿಸಿದ ಮಂಚ |
ಪಂಕಜಾಕ್ಷ ಮುಕುಂದ ಪವಡಿಸಿದ ಮಂಚ ||೫||

ಹುತ್ತದೊಳಗಿಹ ಮಂಚ | ಧರೆಯ ಪೊತ್ತಿಹ ಮಂಚ |
ಹೆತ್ತ ಮಕ್ಕಳಿಗೆ ಹೆಸ-ರಿಡುವ ಮಂಚ |
ಹತ್ತಬಾರದ ಮಂಚ | ಹತ್ತಲೀಸದ ಮಂಚ |
ಚಿತ್ತಜ ಪಿತ ತಾನು ಪವಡಿಪ ಮಂಚ ||೬||

ಏಳು ಹೆಡೆಯುಳ್ಳ ಮಂಚ | ಬಹಳ ಮೃದುವಿನ ಮಂಚ |
ಧ್ಯಾನ ಮಾತ್ರದಿ ನಾರದಂಗೊಲಿದ ಮಂಚ |
ನಾರಾಯಣನ ಮಂಚ | ಲಕ್ಷ್ಮಿಪತಿ ಮಂಚ |
ಸ್ವಾಮಿ ಶ್ರೀ ಪುರಂದರ ವಿಠ್ಠಲನ ಮಂಚ ||೭||

---

SRuMgAravAgide shrIhariya maMca ||pa||

baDagi muTTada maMca | maDuvinOLiha maMca |
mRuDana tOLili aDagiruva maMca ||
saDagara uLLa maMca | heDeyuLLa hosa maMca |
poDavigoDeya pAMDu-raMgana maMca ||1||

kAlilladiha maMca ghALi nuMguva maMca |
tOLu biLupina maMca vishada maMca ||
kALagadoLarjunana makuTa keDahida maMca
kELu parIkShitana koMdudI maMca ||2||

kaNNu kiviyAda maMca | baNNa biLupina maMca |
honna peTTigeyoLu aDaguva maMca |
huNNime chaMdrana baNNa keDahida maMca |
kanye mahAlakShmi arasana maMca ||3||

hakkige hage maMca | rokka mukkada maMca |
rakkasAri pAMDuraMgana maMca |
sikkiladI maMca | shrI lakShmi pati maMca |
poDavigoDeya pAMDu-raMgana maMca ||4||

aMku DoMkina maMca | anaMta kAlina maMca |
shaMkarana tOLige padakadA maMca |
shaMkeyilladasurara saMharisida maMca |
paMkajAkSha mukuMda pavaDisida maMca ||5||

huttadoLagiha maMca | dhareya pottiha maMca |
hetta makkaLige hesa-riDuva maMca |
hattabArada maMca | hattalIsada maMca |
chittaja pita tAnu pavaDipa maMca ||6||

ELu heDeyuLLa maMca | bahaLa mRuduvina maMca |
dhyAna mAtradi nAradaMgolida maMca |
nArAyaNana maMca | lakShmipati maMca |
svAmi shrI puraMdara viThThalana maMca ||7||