Atishobhisutide Shripatiya

Composer : Shri Jagannatha dasaru

ಅತಿ ಶೋಭಿಸುತಿದೆ ಶ್ರೀ ಪತಿಯ ವಾಹನಾ
ಚತುರ್ದಶ ಲೋಕಕ್ಕಪ್ರತಿಮ ವಾಹನಾ |ಪ|

ಕಾಲ ನಾಮಕನಾಗಿ ಕಮಲ ಭವನಲಿ ಜನಿಸಿ
ಕಾಲಾತ್ಮ ಹರಿಯ ಸೇವಿಪ ವಾಹನಾ
ಕಾಳಗದಿ ಕಪಿವರರ ಕಟ್ಟು ಬಿಡಿಸಿದ ವಾಹನಾ
ವಾಲಖಿಲ್ಯರ ವರವ ಪಡೆದಿಹ ವಾಹನಾ [೧]

ವಿನುತ ಕಶ್ಯಪ ಋಷಿಯ ತನಯನೆನಿಸಿದ ವಾಹನ
ಅನುಜರ ಕದ್ದೊಯ್ದ ಆಡ್ಯ ವಾಹನಾ
ವನದ ಮಧ್ಯದಿ ಆವುಕರಿ ಭಕ್ಷಿಸಿದ ವಾಹನಾ
ಜನಕನಾಜ್ಞದಿ ಕೂರ್ಮ ಗಜನುಂಗಿದ ವಾಹನಾ [೨]

ಕೂಪಾರ ದೆಡೆಗೆ ಮಂದಾರ ಒಯ್ದ ವಾಹನ
ನಿಜರೂಪದಿ ಹರಿಯಸೇವೆ ಗೈಯ್ದ ವಾಹನಾ
ಸಾಪತ್ನಿಯರಿಗೆ ಅಮೃತ ಪ್ರಾಪ್ತಮಾಡಿದ ವಾಹನಾ
ಸೌಪರ್ಣಿ ಪತಿಯೆಂಬ ಪೊಂಬಣ್ಣ ವಾಹನ [೩]

ಕುಲಿಶ ಪಾಣಿಯರೊಡನೆ ಕಲಹ ಮಾಡಿದ ವಾಹನ
ಒಳ ಪೊಕ್ಕು ಪೀಯೂಷಾ ತಂದ ವಾಹನ
ಮಲತಾಯಿ ಮಕ್ಕಳನು ಮರುಳುಗೊಳಿಸಿದ ವಾಹನ
ಬಲಿರಾಜನೊಯ್ದ ಮುಕುಟವ ತಂದ ವಾಹನ [೪]

ಪನ್ನಗಾಶನನಾದ ಪತಿತಪಾವನ ವಾಹನ
ಸನ್ನುತಿಪ ಸಜ್ಜನರ ಪೊರೆವ ವಾಹನ
ಪನ್ನಗಾಚಲ ವಾಸ ಜಗನ್ನಾಥ ವಿಠ್ಠಲಗೆ
ಉನ್ನತ ಪ್ರಿಯವಾದ ಗರುಡ ವಾಹನ [೫]

---

ati SOBisutide SrI patiya vAhanA
caturdaSa lOkakkapratima vAhanA |pa|

kAla nAmakanAgi kamala Bavanali janisi
kAlAtma hariya sEvipa vAhanA
kALagadi kapivarara kaTTu biDisida vAhanA
vAlaKilyara varava paDediha vAhanA [1]

vinuta kashyapa RuShiya tanayanenisida vAhana
anujara kaddoyda ADya vAhanA
vanada madhyadi Avukari BakShisida vAhanA
janakanAj~jadi kUrma gajanuMgida vAhanA [2]

kUpAra deDege maMdAra oyda vAhana
nijarUpadi hariyasEve gaiyda vAhanA
sApatniyarige amRuta prAptamADida vAhanA
sauparNi patiyeMba poMbaNNa vAhana [3]

kuliSa pANiyaroDane kalaha mADida vAhana
oLa pokku pIyUShA taMda vAhana
malatAyi makkaLanu maruLugoLisida vAhana
balirAjanoyda mukuTava taMda vAhana [4]

pannagASananAda patitapAvana vAhana
sannutipa sajjanara poreva vAhana
pannagAcala vAsa jagannAtha viThThalage
unnata priyavAda garuDa vAhana [5]