Karunisu narahari

Composer : Shri Purandara dasaru

ಕರುಣಿಸು ನರಹರಿ ಹರಿಗೋವಿಂದ
ನರಜನರಿಗೆ ಮೆಚ್ಚಿ ಸಲಹೋ ಮುಕುಂದ ||ಪ||

ಮಾತುಗಳಾಡದೆ ಮೌನದಿಂದಿದ್ದರೆ
ಭೂತ ಬಡೆದವನೆಂದು ಕರೆಯುವರೊ
ಚಾತುರ್ಯದಿಂದಲಿ ಮಾತುಗಳಾಡಲು
ಪಿತ್ತೇರಿ ಬಲು ಬಾಯಿಬಡಕನೆಂಬುವರಯ್ಯ |೧|

ಬಲು ಚೆನ್ನಿಗತನವ ತಾನು ಮಾಡಲು
ಬಲು ಹಮ್ಮಿಗನೆಂದು ಬೈಯುವರೊ
ಸುಲಭದಿಂದಲಿ ನಿಗರ್ವಿಯಾಗಿದ್ದರೆ
ಕಲಿಯುಗದಲಿ ಮಂದಮತಿ ಯೆಂಬುವರಯ್ಯ |೨|

ಮಡಿಯೆಂದು ನೇಮವ ಮಾಡುತಲಿದ್ದರೆ
ಮಡಿಯವನೆಂದು ಬೈಯುವರಯ್ಯ
ಮಡಿನೇಮ ಜಪತಪ ಬಿಟ್ಟು ತಿರುಗಲಾಗಿ
ನಡತೆಹೀನನೆಂದು ನಿಂದಿಸುತಿಹರೊ ||

ನಿಷ್ಠೆಲಿ ಒಪ್ಪತ್ತೂಟವನುಂಡರೆ
ನಿಷ್ಠೆಯತನ ಸುಟ್ಟಿತೆಂಬೋರು
ಘಟ್ಟ್ಯಾಗಿ ಎರಡು ಮೂರು ಬಾರಿ ಉಂಡರೆ
ಹೊಟ್ಟೆಹೊರಕನೆಂದು ಬೈಯುವರಯ್ಯ |೩|

ನರಲೋಕದೊಳಗಿನ್ನು ಪುಟ್ಟಿಸದಿರು , ನಿನ್ನ
ಮೊರೆಯ ಹೊಕ್ಕೆನೊ ಮೋಕ್ಷದಾಯಕನೆ
ಅರವಿಂದನಯನ ಶ್ರೀಪುರಂದರವಿಠಲ
ಕರುಣದಿಂದಲಿ ನೀ ರಕ್ಷಿಸೊ ಎನ್ನ |೪|

---

karuNisu narahari harigOviMda
narajanarige mecci salahO mukuMda ||pa||

mAtugaLADade maunadiMdiddare
BUta baDedavaneMdu kareyuvaro
cAturyadiMdali mAtugaLADalu
pittEri balu bAyibaDakaneMbuvarayya |1|

balu cennigatanava tAnu mADalu
balu hammiganeMdu baiyuvaro
sulaBadiMdali nigarviyAgiddare
kaliyugadali maMdamati yeMbuvarayya |2|

maDiyeMdu nEmava mADutaliddare
maDiyavaneMdu baiyuvarayya
maDinEma japatapa biTTu tirugalAgi
naDatehInaneMdu niMdisutiharo ||

niShTheli oppattUTavanuMDare
niShTheyatana suTTiteMbOru
GaTTyAgi eraDu mUru bAri uMDare
hoTTehorakaneMdu baiyuvarayya |3|

naralOkadoLaginnu puTTisadiru , ninna
moreya hokkeno mOkShadAyakane
araviMdanayana SrIpuraMdaraviThala
karuNadiMdali nI rakShiso enna |4|