Mangalam – Dayadi Bhaktara

Composer : Shri Jagannatha dasaru

ರಾಗ: ಆನಂದಭೈರವಿ , ರೂಪಕತಾಳ

ಜಯಮಂಗಳಂ ನಿತ್ಯ ಶುಭಮಂಗಳಂ ।
ದಯದಿ ಭಕ್ತರ ಕಾವ ದಾಶರಥಿಗೆ ॥ ಪ ॥

ಅವನಿಜಾ ವಲ್ಲಭಗೆ ಪವನಾತ್ಮಜನ ಸಖಗೆ ।
ಪ್ಲವಗನಾಯಕರಾಳ್ದ ರವಿಜನುತಗೆ ॥
ಶಿವನ ವರ ಪಡದಕ್ಷಕುವರ ಮುಖ ರಕ್ಕಸರ ।
ಬವರ ಮುಖದಲಿ ಸದೆದ ಪ್ರವಿತತನಿಗೆ ॥ 1 ॥

ಪಾವಮಾನಿಯ ಹೆಗಲನೇರಿ ಅತಿ ಹರುಷದಲಿ ।
ರಾವಣಾದ್ಯರ ಸದೆದ ರಘುರಾಮಗೆ ॥
ಭಾವಿಬ್ರಹ್ಮನಿಗೆ ಭಕ್ತಿಯನಿತ್ತು ಮಿಕ್ಕ ಸು – ।
ಗ್ರೀವಾದಿಗಳಿಗೆ ಮುಕ್ತಿಯ ನೀಡ್ದಗೆ ॥ 2 ॥

ತ್ರಿಗುಣ ವರ್ಜಿತ ತ್ರಿವಿಕ್ರಮ ತೀರ್ಥಪಾದನಿಗೆ ।
ಭೃಗು ಕುಲೋದ್ಭವ ಭಕ್ತಜನಪಾಲಗೇ ॥
ಸ್ವಗತ ನಾಮಗಳ ಸರ್ವರಿಗಿತ್ತು ಸಂತೈಪ ।
ಅಗಣಿತ ಜಗನ್ನಾಥವಿಠಲಯ್ಯಗೆ ॥ 3 ॥

---

rAga: AnaMdaBairavi , rUpakatALa

jayamaMgaLaM nitya SuBamaMgaLaM |
dayadi Baktara kAva dASarathige || pa ||

avanijA vallaBage pavanAtmajana saKage |
plavaganAyakarALda ravijanutage ||
Sivana vara paDadakShakuvara muKa rakkasara |
bavara muKadali sadeda pravitatanige || 1 ||

pAvamAniya hegalanEri ati haruShadali |
rAvaNAdyara sadeda raGurAmage ||
BAvibrahmanige Baktiyanittu mikka su – |
grIvAdigaLige muktiya nIDdage || 2 ||

triguNa varjita trivikrama tIrthapAdanige |
BRugu kulOdBava BaktajanapAlagE ||
svagata nAmagaLa sarvarigittu saMtaipa |
agaNita jagannAthaviThalayyage || 3 ||