Composer : Shri Purandara dasaru
ರಾಮ ರಾಮ ರಾಮ ಸೀತ ರಾಮ ಎನ್ನಿರೋ |ಪ|
ನೇಮದಿಂದ ಭಜಿಸುವವರ
ಕಾಮಿತಗಳ ಕೊಡುವ ನಾಮ |ಅ.ಪ|
ಭರದಿ ಯಮನ ಭಟರು ಬಂದು
ಹೊರಡು ಎಂದು ಮೆಟ್ಟಿ ತುಳಿದು
ಕೊರಳಿಗಾತ್ಮ ಸೇರಿದಾಗ
ಹರಿಯ ಧ್ಯಾನ ಬಾರದಯ್ಯ |೧|
ಇಂದ್ರಿಯಂಗಳೆಲ್ಲ ಕೂಡಿ ಬಂದು
ತನುವ ಮುಸುಕಿದಾಗ
ಸಿಂಧು ಸುತೆಯ ಪತಿಯ ನಾಮ
ಅಂದಿಗೊದಗಲರಿಯದಯ್ಯ |೨|
ಶ್ವಾಸೋಛ್ವಾಸವೆರಡು ಕಂಠ
ವಾಸವಾಗಿ ಸಿಲುಕಿದಾಗ
ವಾಸುದೇವ ಕೃಷ್ಣನ ನಾಮ
ಆ ಸಮಯಕೊದಗದಯ್ಯ |೩|
ಶೃಂಗಾರದ ದೇಹವೆಲ್ಲ
ಅಂಗಬಡಿದು ಮುರಿದು ಬಿದ್ದು
ಕಂಗಳಿಗಾತ್ಮ ಸೇರಿದಾಗ
ಶ್ರೀ ರಂಗನ ನಾಮ ಒದಗದಯ್ಯ |೪|
ವಾತ ಪಿತ್ತವೆರಡು ಕೂಡಿ
ಶ್ಲೇಷ್ಮ ಬಂದು ಒದಗಿದಾಗ
ಧಾತುಗುಂದಿದಾಗ ರಘುನಾಥ
ಧ್ಯಾನ ಒದಗದೋ |೫|
ಕಲ್ಲು ಮರನಂತೆ ಜೀವ
ನಿಲ್ಲದಂತೆ ಮರಣ ವ್ಯಾಳೆ
ಫುಲ್ಲನಾಭ ಕೃಷ್ಣನೆಂಬೊ
ಸೊಲ್ಲು ಬಾಯಿಗೊದಗದಯ್ಯ |೬|
ಭ್ರಷ್ಟ ಜನ್ಮದಲ್ಲಿ ಬಂದು
ದುಷ್ಟ ಕರ್ಮಗಳನೆ ಮಾಡಿ
ಬಿಟ್ಟು ಹೋಗ್ವ ಸಮಯ ಪುರಂದರ
ವಿಠ್ಠಲ ನಾಮ ಒದಗದಯ್ಯ |೭|
rAma rAma rAma seeta rAma ennirO |pa|
nEmadiMda Bajisuvavara
kAmitagaLa koDuva nAma |a.pa|
Baradi yamana BaTaru baMdu
horaDu eMdu meTTi tuLidu
koraLigAtma sEridAga
hariya dhyAna bAradayya |1|
iMdriyaMgaLella kUDi baMdu
tanuva musukidAga
siMdhu suteya patiya nAma
aMdigodagalariyadayya |2|
SvAsOCvAsaveraDu kaMTha
vAsavAgi silukidAga
vAsudEva kRuShNana nAma
A samayakodagadayya |3|
SRuMgArada dEhavella
aMgabaDidu muridu biddu
kaMgaLigAtma sEridAga
SrI raMgana nAma odagadayya |4|
vAta pittaveraDu kUDi
SlEShma baMdu odagidAga
dhAtuguMdidAga raGunAtha
dhyAna odagadO |5|
kallu maranaMte jIva
nilladaMte maraNa vyALe
PullanABa kRuShNaneMbo
sollu bAyigodagadayya |6|
BraShTa janmadalli baMdu
duShTa karmagaLane mADi
biTTu hOgva samaya puraMdara
viThThala nAma odagadayya |7|
Leave a Reply