Ramana nodiro

Composer : Shri Gurugopala vittala

ರಾಮನ ನೋಡಿರೊ ರಘುಕುಲ ಲ |
ಲಾಮನ ಪಾಡಿರೋ ಶ್ರೀ |
ಮನೋಹರ ಅಜ ವ್ಯೋಮಾಳಕ ಸುರ |
ಸ್ತೋಮನುತ ಗುಣಭೂಮ [ಪ]

ಧರಣಿ ಸುತೀಶನ ಚರಣ ತಳಾರುಣ ಹೊಳಲೊ |
ಮಾವಿನ ತಳಲೂ |
ಸುರುಚಿರ ಹಲಕುಲಿಶಾಬ್ಜ ಪತಾಕದ ಗ್ಯರಿಯೊ |
ಶುಭ ನಿಧಿ ಥ್ಯರಿಯೊ |
ಸುರತಟನಿಯ ಜನಕನ ನಖ ಸಾಲ್ ಸಾಲ್ಬೆರಳೊ |
ವನರುಹದರಳೊ |
ಪೆರಡು ಯರಡು ಪೊಂಬ್ಯರಡು ಹಿಂಮಡ
ಜಂಘೆ ಜಾನೊ | ದರ್ಪಣವೇನೋ |೧|

ಶ್ರೀರಮಣನ ಶ್ರಿಂಗಾರ ಸುಪೆರೂರುಗಳೊ |
ಕದಳಿಮರಗಳೊ |
ಶೌರಿ ಜಘನ ಸುನಿತಂಬದಿ ಪೊಳವಾಂಬರವೊ |
ಅರುಣಾಂಬರವೋ |
ಚಾರುಮೇಖಳ ಕಂಚಿಗಳೊಪ್ಪುವ ಕಟಿ ಸ್ಥಳವೊ |
ಸಿಂಹದಹೊಳಲೊ |
ಮೂರುವಳಿ ವುದರದ ನಾಭಿ ಸುರೋಮಾವಳಿಯೊ |
ತ್ರಿವೇಣಿ ಸುಳಿಯೊ |೨|

ಕರುಣ ನಿಧಿಯ ವಕ್ಷ ಸ್ಥಳ ವಜ್ರದ ಖಣಿಯೋ |
ರಮೆಯರ ಮನಿಯೋ |
ಪರಿಪರಿಹಾರ ತ್ರಿರೇಖಾಂಕಿತ ಕಂಧರ |
ಸುಂದರ ದರವೊ |
ಅರಿಭಂಜನನುನ್ನತ ಭುಜ ಬಾಹು ದಂಡಗಳೋ |
ಕರಿ ಶುಂಡಗಳೋ |
ಕರತಳಾಂಗುಲಿ ನಖ ವುರದಲಿ ಕೌಸ್ತುಭ ಮಣಿಯೊ |
ವುದಿತ ದ್ಯುಮಣಿಯೊ |೩|

ಚಂದಿರ ಬಿಂಬ ಸುಮುಖ ಚುಬಕಾಧರ ದೀಧಿತಿಯೊ |
ಪವಳದ ಲತೆಯೊ |
ಮಂದಸ್ಮಿತ ಮಾಯಾವಿಯ ವದನ ಪಲ್ಲುಗಳೋ |
ಮಲ್ಲಿಗೆ ಮುಗಳೊ |
ಸೌಂದರ್ಯದರಸ ನಿಮ್ಮ ಸುನಾಸದ ಕೊನಿಯೊ |
ಸಂಪಿಗಿತ್ಯನಿಯೊ |
ಇಂದಿರೇಶನ ಸುಕೃಪಾವಲೋಕನ | ಯನಗಳೊ |
ಪಂಕಜ ಯುಗಳೊ |೪|

ಖಗ ರೂಢನ ಶುಭ ಯುಗ ಕಾಪೋಲ್ಗಳ ಸಿರಿಯೊ |
ಕೂರ್ಮದ ಮರಿಯೊ |
ನಗಧರನನುಪಮ ಕರ್ಣ ಕುಂಡಲ ದಿಧಿತಿಯೊ |
ಇನ ಶಶಿ ತತಿಯೊ |
ಜಗಮೋಹನ ಜನಕ ಭ್ರೂವಿಲಾಸಗಳೊ |
ನಿಂಬದ ಯಸಳೋ |
ಮೃಗಮ ದತಿಗರದಿಂದೊಪ್ಪುವ ಶೋಭನ ಫಣಿಯೊ |
ಅರ ಶಶಿಗ್ಯಣಿಯೋ |೫|

ಕುಂಡಲಿ ಶಯನನ ಕುಂತಲಾಳಕಗಳ ವಲವೋ |
ಭೃಂಗದ ನಿಲವೊ |
ಪಂಡಿತ ಪ್ರಿಯನ ಮಂಡಿಯಲೊಪ್ಪೊ ಮಕುಟವೋ |
ರತ್ನಾ ಕಟಕವೊ |
ಚಂಡವಿಕ್ರಮ ಶರತೂಣಿ ಸಾರಂಗ ಪಾಣಿ |
ಗುಣಗಣ ಶ್ರೇಣಿ |
ಚಂಡೀಶನ ಕೋದಂಡ ಖಂಡ ಖಂಡ್ರಿಸಿದ |
ಖಳರ ದಂಡಿಸಿದಾ |೬|

ಗುರು ಮುಖ ವಿಘ್ನಾ ಚರಿಸಿದ ಖಳರ ಶೀಕ್ಷಿಸಿದಾ |
ಕ್ರತು ರಕ್ಷಿಸಿದಾ |
ಗುರುವರದೇಂದ್ರರ ಕರಕಮಲಾರ್ಚಿತ ಚರಣಾ |
ಮಾರುತಿ ಶರಣಾ |
ಗುರುಕರುಣದಿ ತನ್ನನು ಭಜಿಸಲು ಜಯ ಕೊಡುವಾ |
ರಿಪುಗಳ ಬಡಿವಾ |
ಗುರುಗೋಪಾಲ ವಿಠಲ ರಾಮ ನಂಮನು ಕಾವ |
ಅತಿಮುದವೀವಾ |೭|

---

rAmana nODiro raGukula la |
lAmana pADirO SrI |
manOhara aja vyOmALaka sura |
stOmanuta guNaBUma [pa]

dharaNi sutISana caraNa taLAruNa hoLalo |
mAvina taLalU |
surucira halakuliSAbja patAkada gyariyo |
SuBa nidhi thyariyo |
surataTaniya janakana naKa sAl sAlberaLo |
vanaruhadaraLo |
peraDu yaraDu poMbyaraDu hiMmaDa
jaMGe jAno | darpaNavEnO |1|

SrIramaNana SriMgAra superUrugaLo |
kadaLimaragaLo |
Sauri jaGana sunitaMbadi poLavAMbaravo |
aruNAMbaravO |
cArumEKaLa kaMcigaLoppuva kaTi sthaLavo |
siMhadahoLalo |
mUruvaLi vudarada nABi surOmAvaLiyo |
trivENi suLiyo |2|

karuNa nidhiya vakSha sthaLa vajrada KaNiyO |
rameyara maniyO |
pariparihAra trirEKAMkita kaMdhara |
suMdara daravo |
ariBaMjananunnata Buja bAhu daMDagaLO |
kari SuMDagaLO |
karataLAMguli naKa vuradali kaustuBa maNiyo |
vudita dyumaNiyo |3|

caMdira biMba sumuKa cubakAdhara dIdhitiyo |
pavaLada lateyo |
maMdasmita mAyAviya vadana pallugaLO |
mallige mugaLo |
sauMdaryadarasa nimma sunAsada koniyo |
saMpigityaniyo |
iMdirESana sukRupAvalOkana | yanagaLo |
paMkaja yugaLo |4|

Kaga rUDhana SuBa yuga kApOlgaLa siriyo |
kUrmada mariyo |
nagadharananupama karNa kuMDala didhitiyo |
ina SaSi tatiyo |
jagamOhana janaka BrUvilAsagaLo |
niMbada yasaLO |
mRugama datigaradiMdoppuva SOBana PaNiyo |
ara SaSigyaNiyO |5|

kuMDali Sayanana kuMtalALakagaLa valavO |
bhRuMgada nilavo |
paMDita priyana maMDiyaloppo makuTavO |
ratnA kaTakavo |
caMDavikrama SaratUNi sAraMga pANi |
guNagaNa SrENi |
caMDISana kOdaMDa KaMDa KaMDrisida |
KaLara daMDisidA |6|

guru muKa viGnA carisida KaLara SIkShisidA |
kratu rakShisidA |
guruvaradEMdrara karakamalArcita caraNA |
mAruti SaraNA |
gurukaruNadi tannanu Bajisalu jaya koDuvA |
ripugaLa baDivA |
gurugOpAla viThala rAma naMmanu kAva |
atimudavIvA |7|