Banda duritagala pariharisalu

Composer : Shri Pranesha dasaru

ಬಂದ ದುರಿತಗಳ ಪರಿಹರಿಸಲು ನಮ್ಮ
ಇಂದಿರೇಶ ಸ್ವಾಮಿ ಶ್ರೀ ವೆಂಕಟೇಶನು |ಪ|

ಬಂದನು ಬರದಿಂದ ಗರುಡವಾಹನನಾಗಿ |
ಬಂದ ಬಂದ ಭಕ್ತವ್ರುಂದವ ನೋಡುತ
ಬಂದ ಗೋವಿಂದ ,ಮುಕುಂದ ,ನಿತ್ಯಾನಂದ ಬಂದಾ |ಅ.ಪ|

ಅರಗಿನಮನೆಯೊಳು ಪಾಂಡುಕುಮಾರರು
ಇರುತಿರೆ ಅವರಿಗೆ ಬಂದ ವಿಪತ್ತನ್ನು |
ಪರಿಹಾರವ ಮಾಡಿ ದ್ರುಪದನ ಪೊರೆಯಲು |
ಪರಮ ಹರುಷದಿಂದ ಮದುವೆಯ ಮಾಡಿದವ
ಬಂದ ಗೋವಿಂದ, ಮುಕುಂದ, ನಿತ್ಯಾನಂದ ಬಂದಾ [೧]

ದುರುಳನಾದ ದುರ್ಯೋಧನ ಸಭೆಯೊಳು
ತರುಣಿ ದ್ರೌಪದಿಯ ಸೀರೆಯ ಸೆಳೆಯಲು |
ಪರಮ ಕರುಣದಿಂದ ತರುಣಿಗೆ ಅಕ್ಷಯವಿತ್ತು |
ದ್ವಾರಕಾದಿಪತಿ ಶ್ರೀಪತಿ ಒಲಿಯುತ
ಬಂದ ಗೋವಿಂದ, ಮುಕುಂದ, ನಿತ್ಯಾನಂದ ಬಂದಾ [೨]

ಗುಣನಿಧಿ ಪ್ರಾಣೇಶವಿಠ್ಠಲನು ಬಂದ ,
ಘನತರವಾದ್ಯ ವಿಷೇಶಗಳಿಂದ |
ಝಣಝಣರೆನ್ನುವ ಗೆಜ್ಜೆನಾದಗಳಿಂದ |
ಥಧಿಮಿ ಥಧಿಮಿ ಧಿಮಿಕ್ಕೆಂದು ಕುಣಿಯುತ |
ಬಂದ ಗೋವಿಂದ, ಮುಕುಂದ, ನಿತ್ಯಾನಂದ ಬಂದಾ [೩]

---

baMda duritagaLa pariharisalu namma
iMdirESa svAmi SrI veMkaTESanu |pa|

baMdanu baradiMda garuDavAhananAgi |
baMda baMda BaktavruMdava nODuta
baMda gOviMda ,mukuMda ,nityAnaMda baMdA |a.pa|

araginamaneyoLu pAMDukumAraru
irutire avarige baMda vipattannu |
parihArava mADi drupadana poreyalu |
parama haruShadiMda maduveya mADidava
baMda gOviMda, mukuMda, nityAnaMda baMdA [1]

duruLanAda duryOdhana saBeyoLu
taruNi draupadiya sIreya seLeyalu |
parama karuNadiMda taruNige akShayavittu |
dvArakAdipati SrIpati oliyuta
baMda gOviMda, mukuMda, nityAnaMda baMdA [2]

guNanidhi prANESaviThThalanu baMda ,
GanataravAdya viShESagaLiMda |
JaNaJaNarennuva gejjenAdagaLiMda |
thadhimi thadhimi dhimikkeMdu kuNiyuta |
baMda gOviMda, mukuMda, nityAnaMda baMdA [3]