Srinivasa/Venkatesha Stotram – Vysarajaru

ಪ್ರಾತಃ ಸ್ಮರಾಮಿ ರಮಯಾ ಸಹ ವೇಂಕಟೇಶಂ
ಮಂದಸ್ಮಿತಂ ಮುಖಸರೋರುಹಕಾಂತಿರಮ್ಯಮ್ |
ಮಾಣಿಕ್ಯಕಾಂತಿವಿಲಸನ್ಮುಕುಟೋರ್ಧ್ವಪುಂಡ್ರಂ
ಪದ್ಮಾಕ್ಷಲಕ್ಷಮಣಿಕುಂಡಲಮಂಡಿತಾಂಗಮ್ || ೧ ||

ಪ್ರಾತರ್ಭಜಾಮಿ ಕರರಮ್ಯಸುಶಂಖಚಕ್ರಂ
ಭಕ್ತಾಭಯಪ್ರದಕಟಿಸ್ಥಲದತ್ತಪಾಣಿಮ್ |
ಶ್ರೀವತ್ಸಕೌಸ್ತುಭಲಸನ್ಮಣಿಕಾಂಚನಾಢ್ಯಂ
ಪೀತಾಂಬರಂ ಮದನಕೋಟಿಸುಮೋಹನಾಂಗಮ್ || ೨ ||

ಪ್ರಾತರ್ನಮಾಮಿ ಪರಮಾತ್ಮಪದಾರವಿಂದ-
ಮಾನಂದಸಾಂದ್ರನಿಲಯಂ ಮಣಿನೂಪುರಾಢ್ಯಮ್ |
ಏತತ್ ಸಮಸ್ತಜಗತಾಮಿತಿ ದರ್ಶಯಂತಂ
ವೈಕುಂಠಮತ್ರ ಭಜತಾಂ ಕರಪಲ್ಲವೇನ || ೩ ||

ವ್ಯಾಸರಾಜಯತಿಪ್ರೋಕ್ತಂ ಶ್ಲೋಕತ್ರಯಮಿದಂ ಶುಭಮ್ |
ಪ್ರಾತಃಕಾಲೇ ಪಠೇದ್ಯಸ್ತು ಪಾಪೇಭ್ಯೋ ಮುಚ್ಯತೇ ನರಃ ||

|| ಇತಿ ಶ್ರೀವ್ಯಾಸರಾಜಶ್ರೀಚರಣವಿರಚಿತಂ ಶ್ರೀನಿವಾಸಸ್ತೋತ್ರಮ್ ||

---

prAtaH smarAmi ramayA saha vEMkaTESaM
maMdasmitaM muKasarOruhakAMtiramyam |
mANikyakAMtivilasanmukuTOrdhvapuMDraM
padmAkShalakShamaNikuMDalamaMDitAMgam || 1 ||

prAtarBajAmi kararamyasuSaMKacakraM
BaktABayapradakaTisthaladattapANim |
SrIvatsakaustuBalasanmaNikAMcanADhyaM
pItAMbaraM madanakOTisumOhanAMgam || 2 ||

prAtarnamAmi paramAtmapadAraviMda-
mAnaMdasAMdranilayaM maNinUpurADhyam |
Etat samastajagatAmiti darSayaMtaM
vaikuMThamatra BajatAM karapallavEna || 3 ||

vyAsarAjayatiprOktaM SlOkatrayamidaM SuBam |
prAtaHkAlE paThEdyastu pApEByO mucyatE naraH ||

|| iti SrIvyAsarAjaSrIcaraNaviracitaM SrInivAsastOtram ||