Trivikrama Stotram

Composer : Shri Vadirajaru

ವಿದಾರಿತಾರಿಸಂಘಾತಂ ಪಾದಾಕ್ರಾಂತಜಗತ್ರಯಂ |
ಗದಾಚಕ್ರಧರಂ ಧೀರಂ ಸದಾ ವಂದೇ ತ್ರಿವಿಕ್ರಮಂ |೧|

ಶಙ್ಖಾಂಭೋಜಕರದ್ವಂದ್ವ ಹುಙ್ಕಾರಾರ್ದಿತದಾನವ |
ಶಙ್ಕಾತಙ್ಕಹರಾಹಂ ತೇ ಕಿಂ ಕರೋಽಸ್ಮಿ ತ್ರಿವಿಕ್ರಮ |೨|

ಕ್ಷಪಾಕರೋಲ್ಲಾಸದ್ವಕ್ತ್ರಂ ಕೃಪಾವಿಪುಲಲೋಚನಂ |
ಅಪಾರಸುಗುಣಸ್ತೋಮಮುಪಾಸೇ ತಂ ತ್ರಿವಿಕ್ರಮಂ |೩|

ರಮಾಧರಾಶ್ಲಿಷ್ಟಪಾರ್ಶ್ವಂ ಸಮಸ್ತಸುರಸೇವಿತಂ |
ಭ್ರಮಾದಿದೋಷದೂರಂ ತಂ ನಮಾಮಿ ಶ್ರೀತ್ರಿವಿಕ್ರಮಂ |೪|

ಯೋಽಙ್ಗಾದಂಗಜಮಸ್-ತ್ರಾಕ್ಷೀದ್-ಗಂಗಾಮಂಗುಷ್ಠತೋಽಸೃಜತ್ |
ತುಂಗಾಮರಚಯೋತ್ತುಂಗಂ ತಂ ಗಾಯಾಮಿ ತ್ರಿವಿಕ್ರಮಂ |೫|

ನಾನಾಲಂಕಾರ ಭರಿತಂ ಪೀನಾವಯವಮೋಹನಂ |
ಜ್ಞಾನಾನಂದಮಯಂ ವಂದೇ ಶ್ರೀನಾಥಂ ತಂ ತ್ರಿವಿಕ್ರಮಂ |೬|

ವೃಂದಾರಕೇಂದ್ರವಂದ್ಯಾಘ್ರಿಂ ನಂದಿತೀರ್ಥಮುನೇಃ ಪ್ರಿಯಂ |
ಕಂದರ್ಪಕೋಟಿಲಾವಣ್ಯಂ ತಂ ಧ್ಯಾಯಾಮಿ ತ್ರಿವಿಕ್ರಮಂ |೭|

ಸುಧಾಕುಂದೇಂದುಧವಲಮಧಃ ಕೃತಚರಾಚರಂ |
ಉದಾರಮಾದರಾದ್ವಂದೇ ತ್ರಿಧಾಮಾನಂ ತ್ರಿವಿಕ್ರಮಂ |೮|

ವೇದಾಂತವೇದಿತಗುಣಂ ಬೋಧಪ್ರದಮಹರ್ನಿಶಂ |
ಆಧಾರಂ ನೌಮಿ ಜಗತಾಂ ಶ್ರೀಧಾಮಾನಂ ತ್ರಿವಿಕ್ರಮಂ |೯|

ಅನುಯಾಗೇನ ಬಲಿನಾ ಮನುನಾ ಮನನೇನ ಚ |
ದಿನೇದಿನೇಽರ್ಚಿತಂ ವಂದೇ ಮನಸಾ ತಂ ತ್ರಿವಿಕ್ರಮಂ |೧೦|

ಸರ್ಪಿಃಪಾಯಸನೈವೇದಯೈರ್ಭಕ್ಷಯೈಶ್ಚ ವಿವಿಧೈಃ ಸದಾ |
ನೃತ್ಯವಾದಿತ್ರಗೀತೈಶ್ಚ ತರ್ಪಯಾಮಿ ತ್ರಿವಿಕ್ರಮಂ |೧೧|

ವಾದಿರಾಜೇಂದ್ರವರದಂ ಸೋದಾಪುರನಿವಾಸಿನಂ |
ಮೋದಪ್ರದಂ ಸದಾ ವಂದೇ ಮಾಧವಂ ತಂ ತ್ರಿವಿಕ್ರಮಂ |೧೨|

ಧೂಪೈರ್ಗಂಧಾನುಲೇಪೈಶ್ಚ ದೀಪೈರಪಿ ಮನಃಪ್ರಿಯೈಃ |
ತಾಪಸೈಃ ಪೂಜಿತಂ ವಂದೇ ಶ್ರೀಪತಿಂ ತಂ ತ್ರಿವಿಕ್ರಮಂ |೧೩|

ಯೋಽಸೌ ಧವಲಗಂಗಾಯಾಃ ಪಾರ್ಶ್ವೇ ತಿಷ್ಠತಿ ಸರ್ವದಾ |
ದೇಶೇದೇಶೇ ಚ ವಿಖ್ಯಾತಮಾಸೇವೇ ತಂ ತ್ರಿವಿಕ್ರಮಂ |೧೪|

ಅಗ್ರೇ ನಿಧಾಯ ಶ್ರೀದೇವೀಂ ಪೃಷ್ಠೇ ಪಾರ್ಶ್ವೇ ಚ ಸಜ್ಜನಾನ್ |
ಸ್ವರ್ಗಿಭಿಃ ಪರಿತಃ ಸೇವ್ಯೋ ಮಧ್ಯೇ ಭಾತಿ ತ್ರಿವಿಕ್ರಮಃ |೧೫|

ಶಿಲಾಮಯೈ ರಮ್ಯತಮಶಾಆಲಾವಲಭಿಮಂಡಪೈಃ |
ಕಲಶೈಶ್ಚೋಲ್ಲಸದೇವಾಲಯೇ ಭಾತಿ ತ್ರಿವಿಕ್ರಮಃ |೧೬|

ಯಾವಚ್ಚಂದ್ರಶ್ಚ ಸೂರ್ಯಶ್ಚ ಯಾವತ್ತಿಷ್ಠತಿ ಮೇದಿನೀ |
ತಾವತ್ತ್ರಿವಿಕ್ರಮಃ ಸೋಽಯಂ ಪೃಜ್ಯಸ್ತಿಷ್ಠತು ಸಜ್ಜನೈಃ |೧೭|

ಇದಂ ಸ್ತೋತ್ರಂ ವಾದಿರಾಜೋ ಮುದೇ ಸಜ್ಜನಸಂತತೇಃ |
ವ್ಯಧತ್ತ ತೇನ ಪ್ರೀತೋಽಸ್ತು ಸದಾ ಶ್ರೀದಸ್ತ್ರಿವಿಕ್ರಮಃ |೧೮|

ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಯಿತಂ
ತ್ರಿವಿಕ್ರಮಸ್ತೋತ್ರಂ ಸಮಾಪ್ತಂ
ಭಾರತೀರಮಣಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು |

---

vidAritArisaMGAtaM pAdAkrAMtajagatrayaM |
gadAcakradharaM dhIraM sadA vaMdE trivikramaM |1|

Sa~gKAMBOjakaradvaMdva hu~gkArArditadAnava |
Sa~gkAta~gkaharAhaM tE kiM karO&smi trivikrama |2|

kShapAkarOllaasadvaktraM kRupAvipulalOcanaM |
apArasuguNastOmamupAsE taM trivikramaM |3|

ramAdharAshliShTapArshvaM samastasurasEvitaM |
bhramAdidOShadUraM taM namAmi SrItrivikramaM |4|

yO&~ggAdaMgajamas-trAkShId-gaMgAmaMguShThatO&sRujat |
tuMgAmaracayOttuMgaM taM gAyAmi trivikramaM |5|

nAnAlaMkAra bharitaM pInAvayavamOhanaM |
j~jAnAnaMdamayaM vaMdE SrInAthaM taM trivikramaM |6|

vRuMdArakEMdravaMdyAghriM naMditIrthamunEH priyaM |
kaMdarpakOTilAvaNyaM taM dhyAyAmi trivikramaM |7|

sudhAkuMdEMdudhavalamadhaH kRutacarAcaraM |
udAramAdarAdvaMdE tridhAmAnaM trivikramaM |8|

vEdAMtavEditaguNaM bOdhapradamaharnishaM |
AdhAraM naumi jagatAM SrIdhAmAnaM trivikramaM |9|

anuyAgEna balinA manunA mananEna ca |
dinEdinE&rcitaM vaMdE manasA taM trivikramaM |10|

sarpiHpAyasanaivEdayairbhakShayaishca vividhaiH sadA |
nRutyavAditragItaishca tarpayAmi trivikramaM |11|

vAdirAjEMdravaradaM sOdApuranivAsinaM |
mOdapradaM sadA vaMdE mAdhavaM taM trivikramaM |12|

dhUpairgaMdhAnulEpaishca dIpairapi manaHpriyaiH |
tApasaiH pUjitaM vaMdE SrIpatiM taM trivikramaM |13|

yO&sau dhavalagaMgAyAH pArSvE tiShThati sarvadA |
dESEdESE ca viKyAtamAsEvE taM trivikramaM |14|

agrE nidhAya SrIdEvIM pRuShThE pArSvE ca sajjanAn |
svargiBiH paritaH sEvyO madhyE BAti trivikramaH |15|

SilAmayai ramyatamashAAlAvalabhimaMDapaiH |
kalashaishcOllasadEvAlayE bhAti trivikramaH |16|

yAvaccaMdrashca sUryashca yAvattiShThati mEdinI |
tAvattrivikramaH sO&yaM pRujyastiShThatu sajjanaiH |17|

idaM stOtraM vAdirAjO mudE sajjanasaMtatEH |
vyadhatta tEna prItO&stu sadA SrIdastrivikramaH |18|

iti SrImadvAdirAjapUjyacaraNavirayitaM
trivikramastOtraM samAptaM
BAratIramaNamuKyaprANAMtargata SrIkRuShNArpaNamastu |