Vrundavanadali ninta suyati

Composer : Shri Gurujagannatha dasaru

ವೃಂದಾವನದಲಿ ನಿಂತ ಸುಯತಿವರನ್ಯಾರೇ ಪೇಳಮ್ಮಯ್ಯ (ಪ)

ವಂದಿಪ ಜನರಿಗೆ ನಂದ ಕೊಡುವೊ ರಾಘ-
ವೇಂದ್ರ ಮುನಿವರನೀತ ನೋಡಮ್ಮ (ಅ.ಪ)

ಇಂದಿರೆ ರಮಣನ ಛಂದದಿ ಭಜಿಸ್ಯಾ-
ನಂದದಲಿಹನ್ಯಾರೇ ಪೇಳಮ್ಮಯ್ಯಾ,
ನಂದತೀರ್ಥ ಮತ ಸಿಂಧು ವರಕೆ ಬಾಲ-
ಚಂದಿರನೆನಿಸಿಹನ್ಯಾರೇ ಪೇಳಮ್ಮಯ್ಯ,
ಮಂದ ಜನವ ಹರಿ ಕಂದು ಗೊರಳರ
ವೃಂದದಿ ಶೋಬಿಪನ್ಯಾರೆ ಪೇಳಮ್ಮಯ್ಯ,
ಹಿಂದೆ ವ್ಯಾಸಮುನಿ ಎಂದು ಕರೆಸಿದ ರಾಘ –
ವೇಂದ್ರ ಗುರುವರ-ನೀತ ನೋಡಮ್ಮ (೧)

ನತಿಸುವ ಜನರಿಗೆ ಸತಿ ಸುತರನು ಬಲು
ಹಿತದಲಿ ನೀಡುವನ್ಯಾರೇ ಪೇಳಮ್ಮಯ್ಯ,
ಪ್ರತಿದಿನ ತನ್ನನು ಮತಿ ಪೂರ್ವಕ ಬಲು
ತುತಿಪರ ಪಾಲಿಪನ್ಯಾರೇ ಪೇಳಮ್ಮಯ್ಯ,
ಮತಿಯುತ ಪಂಡಿತ ತತಿಯಭಿಲಾಷವ
ಸತತ ಪೂರ್ತಿಪನ್ಯಾರೇ ಪೇಳಮ್ಮಯ್ಯ,
ಕ್ಷಿತಿ ಸುರರಿಗೆ ಸದ್-ಗತಿ ದಾಯಕ ಮಹ
ಯತಿಕುಲವರ ಗುರುರಾಯ ಕಾಣಮ್ಮ (೨)

ಮಾತೆಯು ಸುತರಲಿ ಪ್ರೀತಿಗೊಳಿಸುವ
ತಾತನ – ತೆರದಿಹನ್ಯಾರೇ ಪೇಳಮ್ಮಯ್ಯ,
ಪ್ರೇತನಾಥ ಮಹ ಭೂತ ಗಣಗಳ
ಭೀತಿಯ ಬಿಡಿಸುವನ್ಯಾರೆ ಪೇಳಮ್ಮಯ್ಯ,
ಭೂತಳ ಜನಕೃತ ಪಾತಕ ಕಾನನ
ವೀತಿಹೋತ್ರ ತೆರನ್ಯಾರೇ ಪೇಳಮ್ಮಯ್ಯ,
ದಾತ ಗುರು ಜಗನ್ನಾಥವಿಠಲ ನಿಜ
ದೂತ ಜನಕ ಮಹದಾತನೀತಮ್ಮ (೩)

---

vRuMdAvanadali niMta suyativaranyArE pELammayya (pa)

vaMdipa janarige naMda koDuvo rAgha-
vEMdra munivaranIta nODamma (a.pa)

iMdire ramaNana CaMdadi BajisyA-
naMdadalihanyArE pELammayyA,
naMdatIrtha mata siMdhu varake bAla-
caMdiranenisihanyArE pELammayya,
maMda janava hari kaMdu goraLara
vRuMdadi SObipanyAre pELammayya,
hiMde vyAsamuni eMdu karesida rAGa –
vEMdra guruvara-nIta nODamma (1)

natisuva janarige sati sutaranu balu
hitadali nIDuvanyArE pELammayya,
pratidina tannanu mati pUrvaka balu
tutipara pAlipanyArE pELammayya,
matiyuta paMDita tatiyaBilAShava
satata pUrtipanyArE pELammayya,
kShiti surarige sad-gati dAyaka maha
yatikulavara gururAya kANamma (2)

mAteyu sutarali prItigoLisuva
tAtana – teradihanyArE pELammayya,
prEtanAtha maha BUta gaNagaLa
BItiya biDisuvanyAre pELammayya,
BUtaLa janakRuta pAtaka kAnana
vItihOtra teranyArE pELammayya,
dAta guru jagannAthaviThala nija
dUta janaka mahadAtanItamma (3)