Author: Daasa

Composer : Shri Vadirajaru ಹೇ ರಾಮ ಜಲದಶ್ಯಾಮ ಸ್ವಾಮಿನ್ನಿರ್ದೋಷ ಪೂರುಷ |ಭೀಮತಾಮಸಯೋನೀನಾಂ ಮಾ ಮಾ ಮುಂಚ ತವಾನುಗಾನ್ |೧| ಉಪಕೃತ್ಯೈ ಸಜ್ಜನಾನಾಮಪಕೃತ್ಯೈ ತಥಾಽಸತಾಂ |ನಮತಾಮಂಹಸೋ ಹತ್ಯೈ ಭೂತ್ಯೈ ಸರ್ವದಿವೌಕಸಾಂ |೨| ಭೀತ್ಯೈ ಖರಾದಿದೈತ್ಯಾನಾಂ ಪ್ರೀತ್ಯೈ ಚ ವನವಾಸಿನಾಂ |ಸ್ವಸ್ಯಾಪಿ ಮಹಿಮೋನ್ನತ್ಯೈ ನೀತ್ಯೈ ಚಾರಣ್ಯಚಾರಿಣೌ |೩| ಬ್ರಹ್ಮರುದ್ರಾದಿಭಿರ್ದೇವೈರರ್ಚಿತೌ ಶೃತಿಚರ್ಚಿತೌ |ಜ್ಞಾನಾನಂದಮಯೌ ಧ್ಯಾತೃಪ್ರಿಯೌ ಸರ್ವಗುಣಾಶ್ರಯೌ |೪| ಧ್ವಜವಜ್ರಾಂಕುಶಾಂಭೋಜರಾಜಿತೌ ರಾಜಪೂಜಿತೌ |ರಕ್ತಪದ್ಮೋಪಮೌ ಧ್ವಸ್ತಶ್ರಮೌ ವಿದ್ರಾವಿತಭ್ರಮೌ |೫| ನಾರೀಕೃತಶಿಲೌ ರಮ್ಯತಳೌ ದಿವ್ಯಾಂಗುಲೀದಲೌ |ವೃತ್ತಮೌಕ್ತಿಕಸಂಕಾಶನಖೌ ತ್ರಿಜಗತೀಸುಖೌ |೬| ವಿಚಿತ್ರಭೂಷಣೋಪೇತೌ ಭೀಷಣೌ ತ್ಯಕ್ತದೂಷಣೌ |ಲಕ್ಷ್ಮೀಧರಾಕರಾಂಭೋಜಸೇವಿತೌ…