Composer : Shri Narayana Panditacharya
ಶ್ರೀಶ-ಪ್ರೀತ್ಯೈ ಪ್ರ-ಜಾತಃ ಸು-ಮಹಿತ-ಮಹಿಮಾ ಶ್ರೀ-ಹನೂಮಾನ್ ನಿದೇಶಾತ್
ರಾಮಸ್ಯೋಲ್ಲಂಘಿತಾಬ್ಧಿಃ ಸ ಹರಿರಥ ಗತಃ ಸೇತುನಾ ಪಿಷ್ಟ-ದುಷ್ಟಃ |
ಭ್ರೂಭೃನ್ನೀ: ರಾವಣಾರಿಂ ಪುರ-ಗಮುರು-ದಯಂ ಪೂಜಯಿತ್ವಾ ಸ-ಸೀತಂ
ಪಶ್ಯನ್ ಕಿಂಪೂರುಷೇ ತಂ ಸತತಮಪಿ ಮಹಾ ಪ್ರಾಣ-ಮುಖ್ಯೋಽ-ವತಾನ್ಮಾಂ |೧|
ಭೀಮೋಽಭೂತ್-ಯೋ-ನಭೇಧ್ಯಶ್ಚಕಿತ -ರಿಪು-ಕೃತಾಪತ್ -ಪ್ರಣೋದೀ ಸಲೀಲಂ
ರಕ್ಷೋ-ಘ್ನಃ ಪ್ರಾಪ್ತ-ಕೃಷ್ಣೋ ಮಖ-ಕೃದುತ ವನೇ ದುಷ್ಟ-ಹಾ ಕೀಚಕ-ಘ್ನಃ |
ಹತ್ವಾ ದುರ್ಯೋಧನಾದೀನ್ ಸ್ವ-ಪದಮಧಿ-ಗತೋ ಯದ್-ವಿಷಃ ಕ್ರೋಧ-ತಂತ್ರಾಃ
ಭೂತ್ವಾ ಭೂಮೌ ಕು-ಶಾಸ್ತ್ರಂ ವ್ಯಧಿಷತ ಮಣಿಮತ್-ಪೂರ್ವಕಾಃ ಪಾತು ಸೋಽಸ್ಮಾನ್ |೨|
ಅಜ್ಞಾನೋತ್ಸಾದನಾರ್ಥ ಸುರ-ವರ-ವಚಸಾ ಸೂಚಿತೋ ರೂಪ್ಯ-ಭರ್ತ್ರಾ
ಜಾತೋ ಮಧ್ಯಾಲಯಾರ್ಯಾದ್-ಗುರು-ಮತಿ -ತಪಸೋ ವಾಸು-ದೇವಾಭಿಧಾನಃ |
ಗೋ-ದಾತ್ರೇ ಮೋಕ್ಷ-ದಾತಾ ರಜತ-ಪತಿ -ಪದಾ-ಸೇವಕೋ ಭೂತ-ಭರ್ತ್ರಾ
ಮಾನ್ಯಃ ಪ್ರಾಣಃ ಕುಲಿತ್ಥೈರಪಿ ನಿಜ-ಸಹಜಾ-ತರ್ಪಿತಃ ಪ್ರೀಯತಾಂ ಮೇ |೩|
ಆನಂದಂ ಮಂದ-ಹಾಸಾಮೃತ-ರಸ-ಕಲಯಾ ಸನ್-ದಧಾನಃ ಪ್ರಾಜಾನಾಮ್
ಆಸ್ಯೇಂದೋಃ ಶೋಭಮಾನೈರಪಿ ಕಲ-ವಚನೈರ್ಬಾಲ-ಲೀಲಾ-ವಿಲಾಸೈಃ |
ಗೋ-ಪುಚ್ಛಾಲಂಬನಾಧ್ಯೈರ್ವೃಷ-ಪತಿ ವಿಹಿತಾಪತ್ ಪ್ರ -ಣೋದೀ ಪ್ರ-ಣುದ್ಯಾದ್
ಅಜ್ಞಾನಾಧ್ಯಾಪದಂ ಮೇ ಸ್ವಯಮಿವ ಭಗವಾನ್ ವಾಸು-ದೇವೋಽಸು-ದೇವಾಃ |೪|
ಏಕಾಕೀ ಯೋಜನಾಭ್ಯಾಂ ವ್ಯವಹಿತ ಮಗಮದ್-ಯಸ್ತ್ರಿ-ವರ್ಷೋ – ಽಮರೌಕೋ
ಯೋಲಾಲ್ಯೋ ಲೋಕ-ಮಾತ್ರಾ ಸ್ವ-ಲಿಪಿ-ಪರಿಚಯೇ ತಾತ-ವಿಸ್ಮೇರತಾ -ಕೃತ್ |
ಪ್ರಾಜ್ಞಂ-ಮನ್ಯಂ ಶಿವಾಖ್ಯಂ ಪರಿಷದಿ ಜಿತವಾನ್ ಶಾಖಿ -ನಾಮರ್ಥ -ಮೂಚೇ
ದುರ್ಗಂ ಪಿತ್ರೋಪನೀತಃ ಸುರ-ವರ-ಮಹಿತೋ ಮಹ್ಯತಾಂ ಮೇ ವಚೋಭಿಃ |೫|
ಪಯಾನ್ಮಾಂ ಯೋ ಭುಜಂಗಂ ಸದರಿಮದಮಯದ್-ರಾಗುಪಾಧ್ಯಾಯ -ಸೇವೀ
ವಿಶ್ವೇಭ್ಯೋ ವೇಗ-ದೂರ-ಪ್ಲವನ-ಜವ ನಿಯುದ್ಧಾದಿ -ವೀರ್ಯಾತಿಶಾಯೀ |
ಯೇನಾಸ್ತಾ ಮೂಢ-ಶಂಕಾ ಶ್ರುತಿ-ಶುಚಿ-ವಚಸಾಽಲಂ ಗುರೋಃ ಶೀರ್ಷ-ಶೂಲಾ
ಸಖ್ಯುರ್ನಾರಾಯಣ-ಜ್ಞೋಽಥ ಯ ಉಪನಿಷದಂ ವ್ಯಾಖ್ಯತಾಸ್ಮೈ ಸುರಾರ್ಥ್ಯಃ |೬|
ಸಂನ್ಯಾಸೇ ಬದ್ಧ -ಬುದ್ಧಿಃ ಕೃತ-ಹರಿ -ನಮನಃ ಪಾರ್ಥ -ಪೂಜ್ಯಂ ಯತಿಂ ಪ್ರಾಕ್
ಪ್ರಾಜ್ಞಂ ಗುರ್ವಾಜ್ಞಯಾಽಲಂ ಸ-ಗುಣ-ಹರಿ-ವಿದಂ ಸತ್-ತಪಸ್ತೃಪ್ತ-ದೈವಾತ್ |
ಪ್ರಾಪ್ತಂ ಸರ್ವಜ್ಞ-ಶಿಷ್ಯಾಖ್ಯವರಮುಪ -ಗತೋ ದ್ವಿಃ ಸ್ವ-ತಾತಂ ನಿಷೇದ್ಧುಂ
ಪ್ರಾಪ್ತಂ ಚಾನುತ್ತರಂ ಯೋ ವ್ಯಧಿತ ಸಹಜವಾನ್ ಮಾತರಂ ಚಾವತಾನ್ಮಾಮ್ |೭|
ಪೂರ್ಣ -ಪ್ರಜ್ಞಾಖ್ಯ ಆಸೀದ್-ಯತಿ -ಕುಲ-ತಿಲಕೋ ಯಃ ಶುಭಾಚಾರ ಈಶ-
ಪ್ರತ್ತೋಽಸ್ಮಾ ಈಶ್ವರಾಜ್ಞಾ-ಗತ-ಸುರ-ಸರಿತಿ ಸ್ನಾನ-ಕೃಜ್ಜೈತ್ರ -ಪತ್ರಃ |
ದುಷ್ಪಧ್ಯ – ಚ್ಛಿಚ್ಚ ಲೋಕೇ ಪ್ರವಚನ-ಚತುರಃ ಸತ್ ಪುರಾಣೇತಿಹಾಸ –
ಸ್ಯೋಕ್ತೌ – ಮೇಧಾ-ಪ್ರದರ್ಶೀ ದಿಶತು ಶುಭ-ದೃಶಂ ಮಹ್ಯಮೃಜ್ವಗ್ರಣೀಃ ಸಃ |೮|
ಸಾಕ್ಷಾದಾಂದ-ತೀರ್ಥೋಽನು-ಮಿತಿಭಿರುರು-ಜಿದ್- ಯೋಽನುಮಾ-ತೀರ್ಥ -ನಾಮಾ
ವಿದ್ಯಾಬ್ಧಿಂ ವಾದಿ -ಸಿಂಹಂ ಸಪದಿ ವಿಜಿತವಾನ್ ದುಷ್ಟ -ಭಾಷ್ಯಾಪ -ನೋದೀ |
ಅಚ್ಛೇದ್ಯೋಕ್ತಿಃ ಪ್ರ-ಮೋದಂ ಪಿತುರಪಿ ಕೃತವಾನ್ ನರ್ಮ -ಗರ್ಭಂ ಗುರುಕ್ತೋ
ಭಾಷ್ಯಂ ಕರ್ತುಂ ಹ್ಯವೋಚತ್ ಪ್ರಿಯ -ಸಖ-ಯತಯೇ ಸೂತ್ರ -ಭಾವಂ ಸ ಮಾಽವ್ಯಾತ್ |೯|
ಯಾಮ್ಯಾಶಾಂ ಯಾನ್ ಪ್ರ -ಭೋಕ್ತಾ ಬಹು -ಫಲಸಮಿತೇಃ ಕ್ಷೀರಿಣೀಂ ಪ್ರೇಕ್ಷ್ಯ ಯಾಂತೀಂ
ಸ್ಯಾನಂದೂರೇ ಚ ದೈತ್ಯಂ ಸಪದಿ ವಿಜಿತವಾನ್ ಫಾಲ್ಗುನಂ ತೀರಥಮಾಪ್ತಃ |
ಸೇತುಂ ಚಾತ್ರಾಪಹಾಸ್ಯಂ, ಖಲಮಥ ಕೃತವಾನ್ ಸರ್ವ -ಜಿದ್ -ರಂಗ-ನಾಥಂ
ನತ್ವಾ ಯಾನ್ ವಿಶ್ವ -ವಂಧ್ಯೋ -ಹ್ಯುಪ -ನದಿ ವಿಭುಧೌ ಕಸ್ಯವೇನ್ಮಾಂ ಸ ಧನ್ಯಃ |೧೦|
ವಿಶ್ವಾದೀನಾಂ ಶತಾರ್ಥ -ಪ್ರವಚನ-ಚತುರೋ ದಾನ-ಸೂಕ್ತಾರ್ಥ -ವಾದೀ |
ದಿವ್ಯ -ಜ್ಞಾನ-ಪ್ರಕಾಶೀ ಸಕಲಜಿದಖಿಲ -ಜ್ಞಾಬಿಧಃ ಪ್ರಾಪ್ತ-ರೂಪಃ |
ಭೀಮೋ ವಾ ಭೀಮ-ಸಂಧಃ ಖಲ-ಕುಲ-ದಮನೇ ಗೀತಿಕಾ-ಭಾಷ್ಯ-ಕಾರೀ
ಗುರ್ವರ್ಚೋ ಯಾನುದೀಚೀಂ ಮಮ ಮನಸಿ ಲಸೇತ್ ತೀರ್ಥ -ಶೋಧೀ ಸ ಮಧ್ವಃ |೧೧|
ಗಂಗಾ-ತಾರೀ ಸುಕರ್ಮೋಪಗತ -ಬದರಿಕಾಂತೋಽತ್ರ ನಾರಾಯಣಂ ಯೋ
ನತ್ವೈಕಾಂತೇ ಸಮುದ್ಯನ್-ಪ್ರವಚನ-ಕೃದಥೋ ಸತ್-ತಪಾಃ ಕೃಷ್ಣ-ನುನ್ನಃ |
ಆಪ್ತೇಭ್ಯಃ ಕಾರ್ಯ -ಲೇಖೀ ಸ್ವಮನು-ಗತ-ನಿಜ -ಪ್ರೇರಕಃ ಪ್ರಾಣಿ -ಮಾತ್ರಾದ್ –
ಮಾರುತ್ಯಾಭಃ ಪ್ರ-ಪ್ರಶ್ಯನ್ ಹರಿಮಪಿ ಗಿರಿಣಾ ಸಾರ್ಧಮೃದ್ಧ್ಯೈ ಸ ಮೇ ಸ್ಯಾತ್ |೧೨|
ಯೋಽಪಶ್ಯತ್ ಸ್ವಾಶ್ರಮಾಗ್ರ್ಯಂ ಮುನಿ -ಮಹಿತ-ಗುಣೋ ದಿವ್ಯ -ಸಾಲಂ ಚ ಚಿತ್ರಂ
ತತ್ರರ್ಷೀಣಾಂ ಸಮಾಜೇ ಹರಿಮಪಿ ಮುನಿತಃ ಸತ್ಯವತ್ಯಾಂ ಪ್ರಜಾತಂ |
ಕರ್ತಾರಂ ಭಾರತಾದೇರ್ಭರತ -ವರ-ಗುರುಂ ಬ್ರಹ್ಮ-ಸೂತ್ರಸ್ಯ ಚಾಹೋ
ನಿರ್ದೋಷಂ ನಿತ್ಯಪೂರ್ಣಗಣಿತ -ಗುಣಮಸೌ ಪ್ರೀಯತಾಂ ಮೇ ಸ ಚೇಶಃ |೧೩|
ಸರ್ವಾಂಗೈಃ ಸರ್ವ-ವಂಧ್ಯೈ:ವಿಮಲ-ಕುವಲಯ-ಶ್ಯಾಮಲೈಃ ಶೋಭಮಾನಂ
ವಿಜ್ಞಾನಾನಂದ-ತೇಜಃ -ಪ್ರವರ-ಗುಣ-ಮಯೈಃ ಪೂರ್ಣ-ಲಾವಣ್ಯ-ರುಪೈಃ |
ಬಿಂಬೋಷ್ಠಂ ಪದ್ಮ-ಪಾದಂ ಶುಭ-ಕಪಿಶ-ಜಟಂ ಸೈಣ-ಚರ್ಮಾಣಮೀಶಂ
ದೃಷ್ಟ್ವಾ-ನತ್ವೋಪ-ಗೂಢಃ ಸ ಗುರುರವತು ಮಾಂ ಸೂಪವಿಷ್ಟೋ ಮುನೀಷ್ಟಃ |೧೪|
ಶಿಷ್ಯಂ ವ್ಯಾಸಸ್ಯ ನಾರಾಯಣಮಥ ಚ ಗತಂ ಸರ್ವ-ಸೇತುಂ ಸು-ಮಾತ್ಸ್ಯಂ
ಸಾಶ್ವಾಸ್ಯಂ ಕೂರ್ಮ-ಕೋಲೌ ನೃ-ಹರಿಮಥ ಮನುಂ ವಾಮನಂ ಬುದ್ಧ-ರಾಮೌ |
ವ್ಯಾಸಂ ಕಾಕುತ್ಸ್ಥ-ಕೃಷ್ಣಾಉ ಅತಿ-ಚಿರಮಿತರಾ-ನಂದನಂ ಕಲ್ಕಿ-ಯಜ್ಞೌ
ಸಿದ್ಧೇಶಂ ನೌಮಿ ಧನ್ವಂತರಿ -ವರ -ವನಿತಾಖ್ಯಂ – ತಮೇನಂ ಸ್ಮರಂತಮ್ |೧೫|
ದತ್ತಾತ್ರೇಯಂ ಕುಮಾರಂ ಹೃದಿ ದಧದೃಷಭಂ ಹಂಸ-ಕೃಷ್ಣೌ ಹರಿಂ ತಂ
ಧಾರ್ಮಂ ನಾರಾಯಣಾಖ್ಯಂ ಸ-ದಶ-ಶತ-ಸಹಸ್ರಾ-ಧ್ಯಾನಂತಾವತಾರಂ |
ತನ್ನುನ್ನಸ್ತತ್ತ್ವ-ಸೂಕ್ತ್ಯೈ ವರಮುಚಿತ-ನರೈರೇವ ಸೇವ್ಯತ್ವಮಾಪ್ತಃ
ಕೃಚ್ಛ್ರಾಧ್ಯಾತ್ರೋನ್ಮುಖೋ ಮೇ ಸ ಗತಿರಪಿ ಹರಿರ್ವ್ಯಾಸ ನಾರಾಯಣಾಖ್ಯಃ |೧೬|
ಲಬ್ಧ್ವಾಽನುಜ್ಞಾಂ ಮುಕುಂದಾತ್ ಸ್ವಜನ-ಮುಪ -ಗತೋಽ ನೇಕ-ಭಿಕ್ಷಾ-ಪ್ರಭೋಕ್ತಾಽ-
ತುಲ್ಯಂ ಭಾಷ್ಯಂ ಚ ಕುರ್ವನ್ ಸ್ವ-ಗುಣ-ಸಮ ಗುಣಂ ಸಂ-ಪ್ರಯಾತಃ ಪುನರ್ಯನ್ |
ಷಟ್ಛಾಸ್ತ್ರಾಶೇಷ-ಶಾಖಾಸ್ವಖಿಲ-ವಿಜಯವಾನ್ ಶೋಭನಂ ಸೂರಿ -ವರ್ಯಂ
ಶಿಷ್ಯಂ ಲಬ್ಧ್ವಾಽತಿ -ಜೈತ್ರಂ ಪುನರಪಿ ವಿವಿಧಾನ್ ಪ್ರಾಪ್ತ-ರೂಪ್ಯೋ ಗತಿರ್ಮೇ |೧೭|
ಸಖ್ಯೇ ವ್ಯಾಖ್ಯಾಯ ಭಾಷ್ಯಂ ಕಲಿ -ಮಲಮಪ -ನೀಯಾಚ್ಯುತ-ಜ್ಞಾಯ ಚಾಲಂ
ಕಾರ್ಷ್ಣೀಮರ್ಚಾಮಚಾಲ್ಯಾಂ ತ್ರಿ -ದಶಕ-ತರುಣೈ-ರ್ಲೀಲಯಾಽಽನೀಯ ರೂಪ್ಯೇ |
ಆಸ್ಥಾಪ್ಯೋದಸ್ಯ ಯಜ್ಞ-ಪ್ರತಿ-ಹತಿ -ನಿರತಾನ್ ಕಾರಯಿತ್ವಾ ಸ್ಯ-ಯಜ್ಞಂ
ವ್ಯಾಸಂ ನತ್ವಾ ಪುನಶ್ಚ ಪ್ರತಿ -ಗತ-ರಜತಃ ಸಂ-ಪ್ರಸೀದೇತ್ ಸ ಮಧ್ವಃ |೧೮|
ಸಾಗಸ್ತ್ವಾದೀಶ-ದೇವಂ ಪರ-ವಶ-ಖನನಂ ಯೋ ವ್ಯಧಾದ್-ಅಪ್ಲವಃ ಸ್ವೈಃ
ಗಂಗಾ-ತಾರೀ ಸ್ವ-ನೀತ್ಯಾ ವಶಿತ-ಯವನ-ರಾಡ್ ವರ್ತ್ಮನಿ ಕ್ವಾಪಿ ಚೋರಾನ್ |
ಹಂತುಂ ಯಾತಾನ್ ಮಿಥೋಽಹನ್ ಕ್ವಚಿದಪಿ ನಿಜ- ಶಿಷ್ಯೇಣ ಚಾದ್ರಾವಯದ್ ರಾಕ್
ಯೋಗೇನಾಭೂಚ್ಛಿಲಾಭಃ ಕ್ವಚಿದಪಿ ಸಗಣಸ್ತಂ ಮಹೇಕ್ಷಂ ದಿದೃಕ್ಷೇ |೧೯|
ದೈತ್ಯ-ವ್ಯಾಘ್ರೋಪ-ಘಾತೀ ನರ-ಸಖ-ಕರತೋ ಲಬ್ಧ-ಗೌರೋಪಲಾರ್ಚೋ
ವ್ಯಾಸಾಜ್ಞಾ-ಹೃತ್ ಸು-ತರ್ತಾ ಲಘು ಸುರ-ಸರಿತೋ ವಾರಿ-ಸಂಸ್ತಂಭ-ಯೋಗಾತ್ |
ಭಿತ್ವಾ ಭೂಮಿಂ ದ್ಯು -ನದ್ಯಾ ಮಠಮುಪ-ಗತಯಾ ವಂದಿತೋ ಮೂರ್ತಿಮತ್ಯಾ
ಯೂನೋಽನೇಕಾನ್ ವಿಜಿಗ್ಯೇ ಯುಗಪದುಪ ಗತಾನ್ ಯಃ ಸಲೀಲಂತಮೀಡೇ |೨೦|
ಸ್ವರ್ಗಾಹ್ವೋಕ್ತಿ -ಪ್ರಖಂಡೀ ಸಕಲ-ಸಮಯ -ಜಿದ್ ವ್ಯಾಖ್ಯಯಾಽಭಾತ್ ಪುರಾಽಽಜೌ
ಶಿಷ್ಯಾಣಾಮಾಯುಧಾನಿ ಪ್ರಕಟಯತಿ ಪುರಾ ಪೂಜಿತಃ ಶೂಲಿನಾಲಮ್ |
ಪ್ರತ್ಯಕ್ಷೇಣ ಕ್ವಚಿಧ್ಯೋ ದಶ-ಶತ-ಗುರು-ರಂಭಾ-ಪಯೋ -ಭುಕ್ ಕ್ಷಣಾತ್ ಸದ್-
ಗಾನೈ: ಪುಷ್ಪಾದಿ -ಕಾರೀತ್ಯಭಿಹಿತ -ಚರಿತೋ ಯಃ ಶುಭೈಸ್ತಂ ಪ್ರ-ಪಧ್ಯೇ |೨೧|
ವ್ಯಾಖ್ಯಾಂ ಶ್ರುತ್ವಾ ಮುನಿಭ್ಯೋಽಭ್ಯಧಿತ ಸಮಯತೋ ಯಸ್ಯ ಲಭ್ಯಂ ಫಣೀಂದ್ರೋ
ವೈಕುಂಠಂ ಹೇಮ -ನಾನಾ-ಮಣಿ -ಮಯ -ಸದನಂ ಶ್ರೀಶ-ಧಾಮಾಸ್ತ-ದೋಷಂ |
ಸಾಯುಜ್ಯಾಧ್ಯಾಪ್ತ-ಸೌಖ್ಯೈರ್ವಿವಿಧ ವಿಷಯಿಭಿಃ ಸುಂದರೀ-ಭೋಗ-ಭಾಗ್ಭಿಃ
ಬ್ರಹ್ಮಾಧ್ಯೈರ್ನಾಥ -ದೃಗ್ಭಿ: ವಿಲಸಿತಮತುಲಂ ಸೋಽನು-ಗೃಹ್ಣಾತು ನೋಽಲಂ |೨೨|
ನಾನಾ-ದುರ್ನೀತಿ -ವಾದೈರ್-ವಿಹಿತಮುರುಮದಂ ಮಾಯಿ -ಭೂತಾಸುರೇಂದ್ರೈಃ
ಯೋಽಯಂ ವೇದಾಂತಿ -ಸಿಂಹೋ ವ್ಯಜಯತ ಕು-ರವಂ ಪುಂಡರೀಕಂ ಪ್ರಕಾಂಡಂ |
ವಿಶ್ವಾಶ್ಚರ್ಯ -ಪ್ರಕಾರ ಪ್ರವಚನಮಕರೋದ್-ಛಂದಸಾಂ ಯತ್ ಸ್ವೃಧಾಽನ್ಯಃ
ತತ್ ಕುರ್ವನ್ ಹಾಸ್ಯ ಆಸೀದ್ ದ್ವಿಜ-ವರ-ನಿಕರೇ ಸ್ಯಾಮ ತದ್-ದಾಸ-ದಾಸಾಃ |೨೩|
ಪದ್ಮಾಖ್ಯಂ ಸಿಂಧು -ರಾಜಂ ಪ್ರಿಯ -ಜನ- ಪರಮಾಗಸ್ಕೃತಂ ಪ್ರಾಪ್ಯ ಭೀತೇಃ
ಅನ್ಯಾನ್ ಕುರ್ವಾಣಮಗ್ರೇ ಸಪದಿ ನಿ -ಜಗೃಹೇ ಗೋ-ಗಣೈರ್ಮಧ್ವ-ಪಾರ್ಥಃ |
ಯೋ ಯದ್-ದಾಸೋಕ್ತಿ -ಬಾಣೈ -ರ್ವಿದಲಿತ -ಹೃದಯಾ ದುದ್ರುವು-ರ್ಮಾಯಿ -ದೈತ್ಯಾಃ
ಸರ್ವಜ್ಞಾಹ್ವೋ ಹರಿರ್ಯೋ ಜಗತಿ ವಿಜಯತೇ ಸ ಪ್ರ-ದಧ್ಯಾಜ್ಜಯಂ ನಃ |೨೪|
ಶ್ರೀ-ಕಾಂತಾಂಘ್ರಿ -ಪ್ರಸಂಗಾದಧಿಕ -ಶುಚಿ -ತಮೋ ಯಾನ್-ಯಥಾ ಗಾಂಗ ಓಘೋ
ರಾಜ್ಞಾ ಸಂ-ವಂದಿತಾಂಘ್ರಿಃ ಸಕಲ-ಗುಣ-ಗಣೋಪೇತ-ಪಾದಾದಿ -ಕಾಂತಃ |
ಸರ್ವೇಷಾಂ ದರ್ಶನೀಯೋ ಲಿಕುಚ-ಕುಲ-ಭವೋ ವೇದ-ಶಾಸ್ತ್ರಾದಿ ವೇದೀ |
ಪ್ರಾಪಾಯುಗ್-ವಿಕ್ರಮಾರ್ಯೋ ಯಮಾಖಿಲ -ಗುರುಮಾನಂದ-ತೀರ್ಥಂ ಪ್ರ-ಪದ್ಯೇ [ತೀರ್ಥಾರ್ಯಮೀಡೇ] |೨೫|
ಲಬ್ಧ -ಗ್ರಂಥಃ ಸ್ತುತೋಽಲಂ ಲಿಕುಚ-ಕವಿ -ವರೇಣೇಹ ನಿನ್ಯೇ ದಿನಾನಿ
ಶ್ರೀ-ಭರ್ತುಃ ಪ್ರೀತಿ -ವೃದ್ಧ್ಯೈ ವಿವಿಧ -ಶುಭ-ಕೃತೀಃ ಕೇವಲಂ ಯಸ್ತು ಕುರ್ವನ್ |
ನಿರ್ಲೇಪೋ ದಗ್ಧ-ಕರ್ಮಾ ಮತಿ-ಕೃತಿ -ಕರಣೈರ್ಲೋಕ -ಶಿಕ್ಷಾಂ ಚ ಕರ್ತುಂ
ದೇವೈರ್ವೃಷ್ಟಾಮೃತಾರ್ಚಃ ಪ್ರವಚನ-ಚತುರೋ ಮೇ ಪ್ರ-ವಕ್ತೃತ್ವ-ದಃ ಸ್ಯಾತ್ |೨೬|
ಸ್ನಾತೋ ದೇವಾಭಿ-ಷೇಕ್ತಾ ಸದರಿ-ದರ-ಧರಸ್ತಂತ್ರ -ಶಾಸ್ತ್ರಾನು-ಸಾರೀ |
ಸಮ್ಯಕ್ ಸಂ-ಪೂಜ್ಯ ವಿಷ್ಣುಂ ವರ-ತುಳಸಿಕಯಾ ದರ್ಶನೀಯೋಽಥ ಭುಕ್ತ್ವಾ |
ನಾನಾ-ಲೋಕಾಭಿ-ನಂದೀ ಗುರುರಥ ವಿಲಸದ್ -ವ್ಯಾಖ್ಯಯಾ ಸಾಂಧ್ಯ-ಕೃತ್ಯಂ
ಕೃತ್ವಾ ಗೋವಿಂದ -ಲೀಲಾ-ಕಥಕ ಉರು-ಕಥಾಂ ವೈಷ್ಣವೀಂ ವಾಚಯೇನ್ನಃ |೨೭|
ಮಾನ್ಯೋಪ -ನ್ಯಾಸ -ಧನ್ಯೋ ಹರಿ-ರಮಿತ-ಗುಣೋ ಬ್ರಹ್ಮವೇದೈಕ-ವೇಧ್ಯಃ
ಕರ್ತಾ ವಿಶ್ವಸ್ಯ ಮೋಕ್ಷಂ ಶುಭ-ಸುಖ-ವಿಷಯಂ ರಾತಿ ಭಕ್ತೇಭ್ಯ ಇತ್ಥಂ |
ಸತ್-ತರ್ಕೈಃ ಸಾಧಯಿತ್ವಾ ಶ್ರುತಿ -ಶತ-ಸಹಿತೈಃ ಸೂರಿ -ಸೂನುಂ ವಿಜಿತ್ಯ
ವ್ಯಾಖ್ಯಾತಾ ತಸ್ಯ ಪೂರ್ಣ -ಪ್ರಮತಿರನು -ದಿನಂ ವ್ಯಾಖ್ಯಯಾಽಪ್ಯಾಯಯೇನ್ಮಾಮ್ |೨೮|
ಸಾಮ್ನಸ್ತ್ರೈವಿಕ್ರಮಾರ್ಯಾದ್ ವ್ಯರಚಯದನು-ಭಾಷ್ಯಂ ಶತ-ಗ್ರಂಥ-ಕರ್ತಾ
ಸೋದರ್ಯಂ ಸ್ವಂ ವಿ-ರಕ್ತಂ ಯತಿಮಕೃತ ಮಹಾ -ಸದ್-ಗುಣಂ ವಿಷ್ಣು-ತೀರ್ಥಂ |
ವಾದೀಂದ್ರಂ ಪದ್ಮನಾಭಂ ಪ್ರಿಯಮಥ ಚ ಪರಾನ್ ಸದ್-ಗುಣಾನ್ ಶ್ಲಾಘ್ಯ -ಶಿಷ್ಯಾನ್
ಯೋಽನೇಕಾನ್ ಸದ್-ಗೃಹಸ್ಥಾನಪಿ ಸ ವಿ -ಜಯತೇ ಕಣ್ವ-ತೀರ್ಥಾಂತಿಕ-ಸ್ಥಃ |೨೯|
ಸಂ-ಸ್ತವ್ಯೋ ವೇದ-ಮಾನಂ ಸಮವಿತುಮತನೋದೋಷಧೀರ್ಯಃ ಕ್ಷಣಾಂತೇ
ದೀಪ್ತಾಂಗುಷ್ಠಃ ಶಿಲಾ-ನೀಃ ಶ್ರುತಿ -ವಿವರಣ-ಕೃದ್ ವರ್ಧಿತಃ ಸ್ತಂಭಿತಾಬ್ಧಿಃ |
ಅಂಗುಲ್ಯಾ ಗಂಡ-ವಾಟಾವತುಲ-ಬಲ -ಚಣೌ ಚಾಲನೇ ಯಸ್ಯ ನಾಲಂ
ಪ್ರಾಗ್ ವಾಟೋ ವಾವಟೂಢೋ ಮಮ ಮನಸಿ ಲಸೇದಪ್ಯ-ಲಾವ್ಯೈಕ-ಲೋಮಾ |೩೦|
ಪಾರಂತೀಶಾಭಿ -ನಂದೀ ಸಪದಿ ಚ ಸರಿತಾಮಂತರೇ, ವವರ್ಷಯದ್ಯೋ
ಗ್ರೀಷ್ಮೇ ಮಿತ್ರೀಚಕಾರಾಪ್ಯಹಿತಮಥ ಗತೋ ವೈದ್ಯ-ನಾಥಂ ಸ್ವ-ಭೂತ್ಯೈ |
ಛಂದಃ ಖಂಡಾರ್ಥ -ವಾದೀ ಜಿತ -ಕುಮತಿ -ಕುಲೋ ದುರ್ಜನೇರ್-ಷ್ಯಾಭ್ಯುಪೇಕ್ಷೀ
ಲಘ್ವನ್ನಂ ಬೃಂಹಯೇದತ್ತ್ಯತಿ ಬಹು ಧನಿನಾಮಲ್ಪ -ಕಲ್ಪೇನ ತುಷ್ಯೇತ್ |೩೧|
ವೃಷ್ಟ್ಯಾದೀನಾಂ ನಿಯಂತೇತ್ಯಭಿ -ಹಿತ -ಚರಿತಃ ಸರ್ವ -ಗೀರ್ವಾಣ-ರತ್ನೈಃ
ಗಂಧರ್ವೈರ್ಗೀಯಮಾನೋ ದ್ಯುಸದಸಿ ಸಕಲೈಃ ಕೌತುಕಾದ್-ಗಮ್ಯಮಾನಃ |
ದೃಷ್ಟ್ವಾ ಸಂ-ಸ್ತೂಯಮಾನಃ ಸುರ-ತರು-ಕುಸುಮೈರಾರ್ಯ ಆ-ಕೀರ್ಯಮಾಣೋ
ಮಧ್ವೋ- ಜಾಜ್ವಲ್ಯತೇಽಸೌ ಜಗತಿ ವಿಜಯತೇ ಸತ್-ಸಭಾ-ಮಂಗಲಾಯ |೩೨|
ದಶ-ಪ್ರಮತಿ -ವಿಕ್ರಮಂ ಬಹು -ವಿಧಾತ್ಮನಾ ಹೇಮವತ್
ಸುಮಧ್ವ-ವಿಜಯಾಭಿಧಂ ವ್ಯಧಿತ ಭಾವ-ದೀಪಾಹ್ವಯಂ |
ಪ್ರಮೇಯ -ನವ-ಮಾಲಿಕಾಂ ಪುನರಿಮಾಂ ಚ ದಕ್ಷಾಂ ಚ ತಾಂ
ಸತಾಂ ಶ್ರವಣ-ಭೂಷಣಂ ವ್ಯತನುತೈಷ ನಾರಾಯಣಃ |೩೩|
ಇತಿ ಶ್ರೀಮತ್- ಕವಿಕುಲ ತಿಲಕ ತ್ರಿವಿಕ್ರಮ ಪಂಡಿತಾಚಾರ್ಯ
ಸುತ ನಾರಾರಯಣ-ಪಂಡಿತಾಚಾರ್ಯ -ವಿರಚಿತ ಪ್ರಮೇಯ -ನವ-ಮಾಲಿಕಾ |