Higguve yetako

Composer: Shri Purandara dasaru

ಹಿಗ್ಗುವೆ ಏತಕೋ, ಈ ದೇಹಕ್ಕೆ
ಹಿಗ್ಗುವೆ ಯಾಕೋ ||ಪ||
ಹಿಗ್ಗುವ ತಗ್ಗುವ ಮುಗ್ಗುವ ಕುಗ್ಗುವ
ಅಗ್ನಿಯೊಳಗೆ ಬಿದ್ದು ದಗ್ಧವಾಗುವ ದೇಹಕ್ಕೆ ||ಅ.ಪ||

ಸತಿ ಪುರುಷರು ಕೂಡಿ ರತಿ ಕ್ರೀಡೆಗಳ ಮಾಡಿ
ಪತನವಾದಿಂದ್ರಿಯ ಪ್ರತಿಮೆಯ ದೇಹಕ್ಕೆ ||೧||

ಆಗಭೋಗಗಳನ್ನು ಆಗುಮಾಡುತಲಿದ್ದು
ರೋಗ ಬಂದರೆ ಬಿದ್ದು ಹೋಗುವ ದೇಹಕ್ಕೆ ||೨||

ಪರರ ಸೇವೆಯ ಮಾಡಿ ನರಕ ಭಾಜನನಾಗಿ
ಮರಳಿ ಮರಳಿ ಬಿದ್ದು ಉರುಳುವ ದೇಹಕ್ಕೆ ||೩||

ಸೋರುವುದೊಂಭತ್ತು ದ್ವಾರದಿಂದಲಿ ಮಲ
ನೀರಿಲ್ಲದಿದ್ದರೆ ನಾರುವ ದೇಹಕ್ಕೆ ||೪||

ಪುರಂದರ ವಿಠಲನ ಚರಣ ಕಮಲಕ್ಕೆ
ಎರಗದೆ ಇರುತಿಹ ಗರುವದ ದೇಹಕ್ಕೆ ||೫||

---

higguve EtakO, I dEhakke
higguve yAkO ||pa||
higguva tagguva mugguva kugguva
agniyoLage biddu dagdhavAguva dEhakke ||a.pa||

sati puruSharu kUDi rati krIDegaLa mADi
patanavAdiMdriya pratimeya dEhakke ||1||

AgaBOgagaLannu AgumADutaliddu
rOga baMdare biddu hOguva dEhakke ||2||

parara sEveya mADi naraka BAjananAgi
maraLi maraLi biddu uruLuva dEhakke ||3||

sOruvudoMBattu dvAradiMdali mala
nIrilladiddare nAruva dEhakke ||4||

puraMdara viThalana caraNa kamalakke
eragade irutiha garuvada dEhakke ||5||